Πρόφθασον πάντων ἌΝΑΣΣΑ …….
...Πρός τίνα καταφύγω ἄλλην ΑΓΝΗ,
πού προσδράμω λοιπόν καί σωθήσομαι;
ποῦ πορευθῶ;
ποίαν δε ἐφεύρω καταφυγήν ;
ποίαν θερμήν ἀντίληψιν ;
ποίαν ἐν ταῖς θλίψεσιν βοηθόν ;
είς Σε μόνην ἐλπίζω,
και θαῤῥῶ καί καυχῶμαι ,
και προστρέχω τῆ Σκέπῃ Σου , σῶσον με.....
...εν ταῖς ζάλαις ἐφεῦρον Σε λιμένα ,
έν ταῖς λύπαις, χαράν καί εὐφροσύνην ,
ἐν τοῖς νόσοις ταχινήν βοήθειαν ,
καί ἐν τοῖς κινδύνοις ῥύστην ,
καί προστάτην ἐν τοῖς πειρατηρείοις ....
…Σκέπη γενοῦ καί προστασία,
καί ἀντίληψις , καί καύχημα ΠΑΡΘΕΝΕ,
γυμνωθέντι μοι νῦν , ἁπάσης βοηθείας ,
ἀβοηθήτων δύναμις,
καί ἐλπίς ἀπηλπισμένων ......
....Βλέψον ἱλέῳ ὄμματί Σου ,
καί ἐπίσκεψαι , τήν κάκωσιν ἥν ἔχω ,
καί δεινῶν συμφορῶν , καί βλάβης καί κινδύνων ....
καί πειρασμῶν με λύτρωσαι ,
ἀμετρήτῳ σου ἐλέει ...
....Διά σπλάγχνα ἐλέους Σου ΠΑΡΘΕΝΕ ,
μή παρίδης ΣΕΜΝΗ , ποντούμενον με σάλῳ , βιοτικῶν κυμάτων
, ἀλλά, δίδου μοι χεῖρα βοηθείας , καταποντουμένῳ ,
κακώσεσι τοῦ βίου ....
.... Περιστάσεις , καί θλίψεις καί ἀνάγκαι,
εὕροσάν με ΑΓΝΗ , καί συμφοραί τοῦ βίου ,
καί πειρασμοί με πάντοθεν ἐκύκλωσαν , ἀλλά πρόστηθί μοι,
καί ἀντιλαβοῦ μου , τῇ κραταιᾶ Σου Σκέπῃ ....
....Καταιγίς μέ χειμάζει τῶν συμφορῶν ΔΕΣΠΟΙΝΑ ,
καί τῶν λυπηρῶν τρικυμίαι καταποντίζουσιν ,
ἀλλά προφθάσασα , χεῖρα μοι δός βοηθείας,
ἡ ἑτοίμη ἀντίληψις καί προστασία μου ....
.... Σέ τήν ΑΓΝΗΝ , Σέ την ΠΑΡΘΕΝΟΝ , καί ἄσπιλον ,
μόνην φέρω , τεῖχος ἀπροσμάχητον , καταφυγήν , Σκέπην κραταιάν ,
ὄπλον σωτηρίας , μή με παρίδης τόν ἄσωτον ,
ἐλπίς ἀπηλπισμένων , ἀσθενῶν συμμαχία , θλιβομένων χαρά καί ἀντίληψις ....
......Παράκλησιν , ἐν ταῖς θλίψεσιν οἶδα , καί τῶν νόσων ἰατρόν Σε γινώσκω ,
καί παντελῆ συντριμμόν τοῦ θανάτου , καί ποταμόν τῆς ζωῆς ἀνεξάντλητον ,
καί πάντων τῶν ἐν συμφοραῖς , ταχινήν καί ὀξεῖαν ἀντίληψιν .....
.... Οὐδείς προστρέχων ἐπί Σοι , κατησχυμένος ἀπό Σοῦ ἐκπορεύεται ,
ΑΓΝΗ ΠΑΡΘΕΝΕ ΘΕΟΤΟΚΕ,
ἀλλ᾿ αἰτεῖται τήν χάριν , καί λαμβάνει τό δώρημα,
πρός τό συμφέρον τῆς αἰτήσεως.....
... Ὅλη ψυχῇ καί διανοίᾳ , καί καρδίᾳ Σε καί χείλεσι δοξάζω ,
ἀπολαύσας τῶν Σῶν μεγάλων χαρισμάτων ,
ἀλλ ᾿ ὤ !! τῆς Σῆς χρηστότητος , καί ἀπείρων Σου θαυμάτων ...
.... Πρός τίνα καταφύγω ἄλλην ΑΓΝΗ ;ποῦ προσδράμω λοιπόν καί σωθήσομαι, ποῦ πορευθῶ ;
ποίαν δέ ἐφεύρω καταφυγήν ; ποίαν θερμήν ἀντίληψιν ;ποίαν ἐν ταῖς θλίψεσιν βοηθόν ;
εἰς Σέ μόνην ἐλπίζω , καί θαῤῥῶ καί καυχῶμαι , καί ἐπί Σέ θαρρῶν κατέφυγον ...
...Μεταβολή τῶν θλιβομένων , ἀπαλλαγή τῶν ἀσθενούντων ὑπάρχουσα , ΘΕΟΤΟΚΕ ΠΑΡΘΕΝΕ ,
σῶζε πόλιν καί λαόν , τῶν πολεμουμένων ἡ εἰρήνη , τῶν χειμαζομένων ἡ γαλήνη ,
ἡ μόνη προστασία τῶν πιστῶν ....
.... ἡ τῶν ἀπηλπισμένων μόνη ἐλπίς , καί τῶν πολεμουμένων βοήθεια ,
ἡ ἑτοίμη άντίληψις, τῶν εἰς Σέ προστρεχόντων , καί πάντων τῶν Χριστιανῶν τό καταφύγιον ....
.....Χεῖρας ἐπανατείνω πρός Σέ , ἀνοίγω χείλη ρυπαρά τε πρός δέησιν ,
καί κάμπτω καρδίας γόνυ , καί νοητῶν τῶν ποδῶν , Σοῦ τῶν ΠΑΝΑΧΡΑΝΤΩΝ , νῦν ἐφάπτομαι ·
ΑΓΝΗ καί προσπίπτω Σοι , τάς ὀδύνας μου ἴασαι , τά χρόνιά μου τά πολλά καί ἀνίατα ,
ἀγαθότητί Σου θεράπευσον τραύματα , ῥῦσαι ἐξ ᾿ ὀρομένων με , ἐχθρῶν ἀοράτων τε ,
κούφισον ΚΟΡΗ τό βάρος , τῆς ῥαθυμίας μου ὅπως Σε ,
ὑμνῶ καί δοξάζω , δι ᾿ ἧς εὕρατο ὁ κόσμος τό μέγα ἔλεος ...
ΔΕΣΠΟΙΝΑ πάντων Ἄνασσα,
ΔΕΣΠΟΙΝΑ ΠΑΝΑΓΙΑ,
πρόφθασον ῥῦσαι πόλιν καί λαόν ,
τῆς νῦν δοκιμασίας ...
...ἐπίβλεψον ἐξ ᾿ οὐρανοῦ ,
ἅπλωσον ΣήνἉγίαν Σκέπην ,
ἱλέωσον τόν ἐπιβλέποντα Κύριον ,
ἐπί τήν γῆν και ποιῶν αὐτήν τρέμειν ...
...συνέσεισας τήν γῆν
καί ἔστησας αὐτήν πάλιν ,
τῆς ὀργῆς σου σημεῖον τό φρικτόν ,
ἀλλα᾿ οἶκτος ἐστίν τό πλέον ...
ἄς προστρεξωμεν τῆ Μητρί τοῦ Λυτρωτοῦ , ὡς ἔχουσαν Μητρικήν παρρησίαν ..
ΕΚΕΙΝΗ…τάς αἰτήσεις πληρεῖ , τῶν μετά πίστεως και ἀγάπης προς ΕΚΕΙΝΗΝ
προστρεχόντων ….
Ἐν τῇ γεννήσει την ΠΑΡΘΕΝΙΑΝ ἐφύλαξας,
ἐν τῇ Κοιμήσει τον κόσμον οὐ
κατέλιπες ΘΕΟΤΟΚΕ , …..
΄βκα΄Σεπτεμ.κζ΄…27 -9-2021..
Ἐν τῇ Ἱεραποστολῇ ,…..
Προς τούς ἐν ἱερᾷ ἀποστολῇ ,
ἤτοι προς ἅπαντας …
Δεν υπάρχουν σχόλια:
Δημοσίευση σχολίου