ΘΕΟΤΟΚΙΑ ΚΑΤΑΒΑΣΙΩΝ καί ΕΙΡΜΩΝ ΟΛΩΝ ΤΩΝ ΗΧΩΝ ἮΧΟΣ Α ΄

                                 ΘΕΟΤΟΚΙΑ

      ΚΑΤΑΒΑΣΙΩΝ καί ΕΙΡΜΩΝ  ΟΛΩΝ ΤΩΝ ΗΧΩΝ 

                                    ἮΧΟΣ   Α ΄

    Πεποικιλμέη τῇ θείᾳ δόξῃ , ἡ ἱερά καί εὐκλεής ΠΑΡΘΕΝΕ μνήμη Σου , πάντας συνηγάγετο πρός εὐφροσύνην τούς πιστούς , ἐξαρχούσης Μαριάμ , μετά χορῶν καί τυμπάνων , τῷ Σῷ ἄδοντας Μονογενεῖ · ἐνδόξως ὄτι δεδόξασται .

   Ρήσεις Προφητῶν καί αἰνίγματα , τήν σάρκωσιν ὑπέφηναν , τήν ἐκ ΠΑΡΘΕΝΟΥ σε Χριστέ , φέγγος ἀστραπῆς σου , εἰς φῶς ἐθνῶν ἐξελεύσεσθαι , καί φωνεῖ σοι ἄβυσσος ἐν ἀγαλλιάσει · τῇ δυνάμει σου δόξα φιλάνθρωπε .

   Τό θεῖον καί ἄρρητον κάλλος , τῶν ἀρετῶν σου Χριστέ διηγήσομαι · ἐξ ᾿ ἀϊδίου γάρ δόξης συναΐδιον , καί ἐνυπόστατον λάμψας ἀπαύγασμα , Παρθενικῆς ἀπό γαστρός ,τούς ἐν σκότει καί σκιᾷ , σωματωθείς ἀνέτειλας ἥλιος .

   Σέ νοητήν ΘΕΟΤΟΚΕ κάμινον , κατανοοῦμεν οἱ πιστοί , ὡς γάρ Παῖδας ἔσωσε τρεῖς , ὁ ὑπερυψούμενος , ἐν τῇ γαστρί Σου ἀνέπλασεν , ὁ αἰνετός τῶν Πατέρων , Θεός  καί ὑπερένδοξος .

   Θαύματος ὑπερφυοῦς ἡ δροσοβόλος , ἐξεικόνισε κάμινος τῦπον · οὐ γάρ οὕς ἐδέξατο φλέγειν νέους , ὡς οὐδέ πῦρ τῆς θεότητος , ΠΑΡΘΕΝΟΥ ἥν ὑπέδυ νηδύν · διό ἀνυμνοῦντες ἀναμέμψωμεν , εὐλογείτῳ ἡ κτίσις πᾶσα τόν Κύριον , καί ὑπερυψούτω , εἰς πάντας τούς αἰῶνας .

   Μήτραν ἀφλέκτως εἰκονίζουσι ΚΟΡΗΣ , 

οἱ τῆς παλαιᾶς πυρπολούμενοι νέοι , 

ὑπερφυῶς κύουσαν ἐσφραγισμένην , 

ἄμφω δέ δρῶσα , θαυματουργία μιᾷ , 

λαούς πρός ὕμνον ἐξανίστησι χάρις .

   Φλόγα δροσίζουσαν ὁσίους , δυσσεβεῖς δέ καταφλέγουσαν , Ἄγγελος Θεοῦ ὁ πανσθενής  ἔδειξε Παισί · ζωαρχικήν δέ Πηγήν εἰργάσατο τήν ΘΕΟΤΟΚΟΝ , φθοράν θανάτου , καί ζωήν βλυστάνουσαν τοῖς μέλπουσιν · τόν Δημιουργόν μόνον ὑμνοῦμεν οἱ λελυτρωμένοι , καί ὑπερυψοῦμεν , εἰς πάντας τούς αἰῶνας .

   Τέρατος ὑπερφυοῦς , ἔδειξε τύπον , ἡ πυρένδροσος κάμινος πάλαι · τό γάρ πῦρ οὐκ ἔφλεξε νέους Παῖδας , Χριστοῦ προδηλοῦν , τήν ἀσπόρως ἐκ ΠΑΡΘΕΝΟΥ θείαν γέννησιν · διό ἀνυμνοῦντες ἀναμέλψωμεν · εὐλογείτω ἡ κτῖσις πᾶσα τόν Κύριον , καί ὑπερυψούτω , εἰς πάντας τούς αἰῶνας .  

   Μυστήριον ξένον ὁρῶ καί παράδοξον · οὐρανόν τό σπήλαιον , θρόνον Χερουβικόν τήν ΠΑΡΘΕΝΟΝ , τήν Φάτνην χωρίον · ἐν ὧ ἀνεκλίθη ὁ ἀχώρητος , Χριστός ὁ Θεός , ὅν ἀνυμνοῦντες μεγαλύνωμεν .

   Στέργειν μέν ἡμᾶς  ὡς ἀκίνδυνον φόβῳ , 

ῥᾶον σιωπήν · τῷ πόθῳ δέ ΠΑΡΘΕΝΕ , 

ὕμνους ὑφαίνειν , συντόνως τεθειμένους , 

ἐργῶδες ἐστίν , ἀλλά καί Μήτηρ σθένος , 

ὅση πέφυκεν ἡ προαίρεσις δίδου .

   Ὦ !!! Μῆτερ ΠΑΡΘΕΝΕ  , καί ΘΕΟΤΟΚΕ ἀψευδής !!! ἡ τεκοῦσα ἀσπόρως Χριστόν τόν Θεόν ἡμῶν , τόν ἐν Σταυρῷ ὑψωθέντα σαρκί , Σέ οἱ πιστοί , ἅπαντες ἀξίως , σύν τοῦτῳ νῦν μεγαλύνομεν . 

   Φωτίζου , φωτίζου , ἡ νέα Ἱερουσαλήμ , ἡ γάρ δόξα Κυρίου ἐπί Σέ ἀνέτειλε , χόρευε νῦν καί ἀγάλλου Σιών · Σύ δέ ΑΓΝΗ , τέρπου ΘΕΟΤΟΚΕ , ἐν τῇ ἐγέρσειι τοῦ τόκου Σου .

   Σέ τήν φαεινήν λαμπάδα , καί Μητέρα τοῦ Θεοῦ , τήν ἀρίζηλον δόξαν , καί ἀνωτέραν πάντων τῶν ποιημάτων  , ἐν ὕμνοις μεγαλύνομεν .

   Νενίκηνται τῆς φύσεως οἱ ὄροι , ἐν Σοί ΠΑΡΘΕΝΕ ΑΧΡΑΝΤΕ · Παρθενεύει γάρ τόκος , καί ζωήν προμνηστεύται θάνατος · ἡ μετά Τόκον ΠΑΡΘΕΝΟΣ, καί μετά θάνατον ζῶσα , σώζοις ἀεί , ΘΕΟΤΟΚΕ , τήν κληρονομίαν Σου .

   Ἀπόρρητον τό τῆς ΠΑΡΘΕΝΟΥ μυστήριον , οὐρανός γάρ Αὔτη , καί θρόνος Χερουβικός , καί φωσφόρος παστάς , ἀνεδείχθη Χριστοῦ  τοῦ παντοκράτορος , Αὐτήν εὐσεβῶς , ὡς ΘΕΟΤΟΚΟΝ μεγαλύνωμεν .

   Ἐποίησε κράτος ἐν βραχίοινι αὐτοῦ · καθεῖλεν γλαρ δυνάστας ἀπό θρόνων , καί ὕψωσεν ταπεινούς ὁ Θεός τοῦ Ἰσραήλ · ἐν οἷς ἐπεσκέψατο ἡμᾶς Ἀνατολή ἐξ ὕψους , καί κατεύθηνεν ἡμᾶς εἰς ὁδόν εἰρήνης .

   Σέ ἥνπερ εἶδεν Μωϋσῆς ἀκατάφλεκτον βάτον , καί κλίμακα ἔμψυχον , Ἥν Ἰακώβ τεθέαται , καί πύλην οὐράνιον , δι ᾿ Ἧς διῆλθεν Χριστός ὁ Θεός ἡμῶν , ὕμνοις Μῆτερ ΑΓΝΗ νεγαλύνομεν . 

   Σέ τήν ὁραθεῖσαν Πύλην , ὑπό Ἰεζεκιήλ τοῦ προφήτου , ἐν Ἧ οὐδείς διῆλθεν , εἰ μή Θεός μόνος , ΘΕΟΤΟΚΕ ΠΑΡΘΕΝΕ , ἐν ὕμνοις μεγαλύνομεν .

   Τήν Ζωοδόχον Πηγήν τήν ἀένναον , τήν Φωτοφόρον Λυχνίαν τήν πάγχρυσον , τόν Ναόν τόν ἔμψυχον , τήν Σκηνήν τήν Ἄχραντον , τοῦ οὐρανοῦ καί τῆς γῆς τήν Πλατυτέραν , τήν ΘΕΟΤΟΚΟΝ , ἐν ὕμνοις μεγαλύνομεν .

   Τήν φωτοφόρον Νεφέλην , ἐν ἧ ὁ πάντων Δεσπότης , ὡς ὑετός ἐξ οὐρανοῦ , ἐπί πόκον κατῆλθεν , καί ἐσαρκώθη δι ' ἡμᾶς γενόμενος ἄνθρωπος , ὁ ἄναρχος , μεγαλύνωμεν πάντες , ὡς Μητέρα τοῦ Θεοῦ ἡμῶν ΑΓΝΗΝ .

   Τύπον τῆς ἉΓΝΗΣ Λοχείας Σου , πυρπολουμένη Βάτος ἔδειξεν ἄφλεκτος · καί νῦν καθ ᾿ ἡμῶν , τῶν πειρασμῶν ἀγριεύουσαν , κατασβέσαι αἰτοῦμεν τήν ἄβυσσον , ἵνα Σε ΘΕΟΤΟΚΕ , ἀκαταπαύστως μεγαλύνωμεν .

   Χαῖρε , Παρθενίας καύχημα , χαῖρε Μῆτερ ἌΧΡΑΝΤΕ , Ἥν ἡ σύμπασα κτίσις , θείαις ἐν ὠδαῖς μεγαλύνομεν .

   Λειτουργός Ἀσώματος , ἐπέστη λέγων τῇ ΚΕΧΑΡΙΤΩΜΕΝῌ · ὁ Κύριος μετά Σοῦ , Ἥν μεγαλύνομεν .

   Σέ Τήν ἐν κροσσωτοῖς χρυσοῖς , περιβεβλημένην πεποικιλμένην  ΘΕΟΤΟΚΕ , τήν Περιστεράν περιηργυρωμένην , καί κεγχρυσωμένην , ἐν χλωρότητι χρυσίου μεγαλύνομεν .

   Σέ Τήν οὐρανῶν Ὑψηλοτέραν , καί ἐπί γῆς οὐρανόν , καί Θρόνον γινομένην , Μητέρα Θεοῦ , πᾶσαι αἱ γεννεαί μεγαλύνομεν .

   Σέ τόν ἀμήτορα τό πρῶτον , καί ἀπάτορα τό δεύτερον , ὡς Θεόν καί ἄνθρωπον , ἐν ὕμνοις μεγαλύνομεν .

   Σέ τό Ὄρος τοῦ Θεοῦ  τό τετυρωμένον , ἐν ὧ ηὐδόκησεν σαρκί ὁ Θεός κατοικῆσαι , ΘΕΟΤΟΚΕ ΜΑΡΙΑ , μεγαλύνομεν .

   Σεραφικῶς προσφωνοῦντες βοῶμεν Σοι , ΘΕΟΤΟΚΕ οἱ πιστοί , διά Σοῦ ἐμεγάλυνε Κύριος , τοῦ ποιῆσαι μεθ ᾿ ἡμῶν · διό Σε ΑΓΝΗ ,  καί τόν ἐκ Σοῦ Ἀπειράνδρως σαρκωθέντα , ὡς Θεόν τῶν ἁπάντων , ἐν ὕμνοις μεγαλύνομεν .

   Σύ χωρίον ΑΓΝΗ τῆς θείας ἀπεριληψίας , ὑπέρ φύσιν ἐχρημάτισας , ὡς Θεῷ τήν σάρκα δενεισαμένη , καί Σοῦ Παρθενικήν , μή διαῤῥήξασα Μήτραν , ἐν τῷ τίκτειν ἀσπόρως , Σέ μεγαλύνομεν .

   Χαῖρε  ΘΕΟΤΟΚΕ ΠΑΡΘΕΝΕ , Μήτηρ Εὐλογημένη , ἐκ Σοῦ γάρ προῆλθεν Θεός σεσαρκωνένος , τοῦτον δοξάζοντες , Σέ ἀνυμνοῦντες μεγαλύνομεν .

   Χαίροις ΠΑΝΑΓΝΕ Θεοδέγμον ΜΑΡΙΑ · χαίροις ἌΧΡΑΝΤΕ , τῶν πεπτωκότων βάσις , ἐν Σοί γάρ ὤφθη σήμερον ὁ Δεσπότης · Ὤ !!! θαῦμα , καινουργόν τούς φθαρέντας , καί πρός φῶς ἐπανάγον τό ἀνέσπερον ΚΟΡΗ .

                                   Β ΄ἮΧΟΣ

   Ἐλήλυθας ἐκ ΠΑΡΘΕΝΟΥ , οὐ πρέσβυς οὐκ Ἄγγελος , ἀλλ ᾿ αὐτός ὁ Κύριος , σεσαρκωμένος καί ἔσωσας , ὅλον με τόν ἄνθρωπον · διό κραυγάζω Σοι · δόξα τῇ δυνάμει σου Κύριε .

Τήν ἐκ ΠΑΡΘΕΝΟΥ σου γέννησιν , ὁ Προφήτης προβλέπων , ἀνεκήρυττε βοῶν · τήν ἀκοήν σου ἀκήκοα , καί ἐφοβήθην · ὅτι ἀπό Θαιμάν , καί ἐξ ᾿ ὅρους ἁγίου κατασκίου , ἐπεδήμησας Χριστέ .

   Ἐκ ΠΑΡΘΕΝΟΥ ἀλοχεύτως , ἐπέφανας τῷ κόσμῳ ὡς ἥλιος , τῆς ἀφθαρσίας τήν δόξαν καταυγάσας ἡμῖν , τοῖς ἐξ ᾿ Ἀδάμ ἐν παραβάσει κατακριθεῖσι , Κύριε · διό τῇ ἐπιπνοίᾳ τοῦ Πνεύματος , ὁ προφήτης Ἀββακούμ ἀνεβόα ·δόξα Χριστέ τῇ δυνάμει σου . 

   Εἰσακήκοα τήν ἀκοήν τῆς θείας δυναστείας σου Χριστέ , ὅτι ἀσπόρως ἐν γαστρί ΠΑΡΘΕΝΟΥ συνελείφθης , καί  ἐβόησα , δόξα τῇ δυνάμει σου , δόξᾳ τῇ δυναστείᾳ τῆς Τεκούσης σε .

   Ἐξ ᾿ ὅρους λίθος ἄνευ χειρῶν ἐτμήθης , Χριστέ ἐκ τῆς ΠΑΡΘΕΝΟΥ ΜΗΤΡΟΣ · ὅθεν ὁ προφήτης προϊδών ἀνεβόα · εἰς σωτηρίαν λαοῦ σου ἐλήλυθας · δόξα τῇ δυνάμει σου Κύριε .

   Βάτος ἐν ὄρει πυράφλεκτος , καί δροσοβόλος κάμινος Χαλδαϊκή , σαφῶς προεγράφει Σε ΘΕΟΝΥΜΦΕ · τό γάρ θεῖον ἄϋλον , ἐν ὑλική γαστρί , πῦρ ἀφλέκτως έδέξω · διό τῷ ἐκ Σοῦ τεχθέντι , ψάλλομεν · εὐλογητός , ὁ Θεός ὁ τῶν Πατέρων ἡμῶν .

   Ἵνα τόν παράδοξον  σου τόκον Χριστέ , τόν ἐκ τῆς ΠΑΡΘΕΝΟΥ προτυπώσης ἐμφανῶς , ἀκαταφλέκτους έν τῇ καμίνῳ , Παῖδας διεφύλαξας , ἐν ὕμνοις μελωδοῦντας σοι · ὁ τῶν Πατέρων Θεός , εὐλογητός σοι .

    Ἐν τῇ καμίνῳ τῇ τῶν Παίδων , προαπεικόνισας ποτε , τήν Σήν Μητέρα Κύριε · ὁ γάρ τῦπος τούτους πυρός ἐξείλετο , ἀφλέκτως ἐμβατεύοντας ·Ἥν ὑμνοῦμεν ἐμφανισθεῖσαν διά σοῦ τοῖς πέρασι σήμερον , καί ὑπερυψοῦμεν , εἰς πάντας τούς αἰῶνας .

   Τόν ἐν τῇ βάτῳ Μωσῇ , τῆς ΠΑΡΘΕΝΟΥ τό θαῦμα , ἐν Σιναίῳ τῷ ὄρει , προτυπώσαντα ποτε , ὑμνεῖτε , εὐλογεῖτε , καί ὐπερυψοῦτε , εἰς πάντας τούς αἰῶνας .

   Τόν διά Ἀγγέλου τεχθέντα , ἐκ τῆς ΘΕΟΤΟΚΟΥ , παῖδες ὑπερυψοῦτε Χριστόν ,  τόν Θεόν ἡμῶς εἰς αἰῶνας .

   Ἀπορεῖ πᾶσα γλῶσσα, εὐφημεῖν πρός ἀξίαν , ἰλιγγιᾷ δέ νοῦς καί ὑπερκόσμιος , ὑμνεῖν Σε ΘΕΟΤΟΚΕ · ὅμως Ἀγαθή ὑπάρχουσα , 

τήν πίστιν δέχου , καί γάρ τόν πόθον οἶδας τόν ἔνθεον ἡμῶν ·Σύ γάρ εἶ προστάτις τῶν Χριστιανῶν ,  Σέ μεγαλύνομεν .

   Ὤ !!! τῶν ὑπέρ νοῦν τοῦ τόκου Σου θαυμάτων !!!! , 

Νύμφη ΠΑΝΑΓΝΕ, Μῆτερ Εὐλογημένη , 

δι ᾿ ἧς τυχόντες παντελοῦς σωτηρίας , 

ἐπάξιον κροτοῦμεν ὡς εὐεργέτῃ, 

δῶρον φέροντες , ὕμνον εὐχαριστίας .

   Ἀνάρχου Γεννήτορος , Υἱός Θεός και Κύριος , σαρκωθείς ἐκ ΠΑΡΘΕΝΟΥ ἡμῖν ἐπέφανε , τά ἐσκοτισμένα φωτίσαι , συναγαγεῖν τά ἐσκορπισμένα , διό τήν ΠΑΝΥΜΝΗΤΟΝ , ΘΕΟΤΟΚΟΝ  μεγαλύνομεν .

   Ἐμεγάλυνας Χριστέ τήν Τεκοῦσαν σ ΘΕΟΤΟΚΟΝ , ἀφ ᾿ ἧς ὁ Πλάστης ἡμῶν , ὁμοιοπαθές περιέθου σῶμα , τό τῶν ἡμετέρων λυτήριον ἀμπλακημάτων · Ταύτην μακαρίζοντες , πᾶσαι αἱ γενεαί μεγαλύνομεν .

   Ἡ ἐν οὐρανοῖς Εὐλογημένη , καί ἐπί γῆς Δοξολογουμένη , χαῖρε , Νύμφη Ἀνύμφευτε .

   Ἡ τό ἀχώρητον Θεόν , ἐν γαστρί χωρήσασα , καί χαράν τῷ κόσμῳ κυήσασα, Σέ ὑμνοῦμεν , ΠΑΝΑΓΙΑ ΠΑΡΘΕΝΕ .

   Ἡ τόν πρό ἡλίου φωστῆρα , τόν Θεόν ἐξανατείλαντα , σωματικῶς ἡμῖν ἐπιδημήσαντα , ἐκ λαγόνων Παρθενικῶν , ἀφράστως σωματώσασα, Εὐλογημένη ΠΑΝΑΓΝΕ , Σέ ΘΕΟΤΟΚΕ , μεγαλύνομεν .

   Ὅλος ὑπάρχεις ἔφεσις , ὅλος γλυκασμός , Λόγε Θεοῦ , ΠΑΡΘΕΝΟΥ Υἱέ , Θεέ θεῶν , Κύριε , Ἁγίων Ὑπεράγιε · διό σε πάντες, σύν τῇ Τεκούσῃ μεγαλύνομεν .

   Σέ τήν νοητήν καί ἔμψυχον κλίμακα , ἐν ἧ ὁ Θεός ἡμῶν ἐπεστήρικτο , δι ᾿ ἧς τῆς πρός οὐρανόν , εὑρήκαμεν ἄνοδον , ὕμνοις ΘΕΟΤΟΚΕ μεγαλύνομεν .

   Τήν ΑΓΝΗ καί Ἄχραντον , Μητέρα καί ΠΑΡΘΕΝΟΝ , ὠδαῖς ἀσμάτων ἅπαντες οἱ πιστοί , εὐσεβῶς  ὡς  ΘΕΟΤΟΚΟΝ μεγαλύνομεν .

   Τήν ΠΑΡΘΕΝΙΑΝ Σου ΘΕΟΤΟΚΕ Ἀμίαντε , ἥν οὐ κατέφλεξε τό πῦρ τῆς Θεότητος , μεγαλύνομεν .

   Τήν ὑπερφῶς σαρκί , συλλαβοῦσαν ἐν γαστρί , τόν ἐκ Πατρός ἀχρόνως , προεκλάμψαντα Λόγον , ἐν ὕμνοις ἀσιγήτοις , μεγαλύνωμεν πιστοί .

   Τόν ἐκ Θεοῦ Θεόν Λόγον , τόν ἀρρήτῳ σοφία , ἥκοντα καινουργῆσαι τόν Ἀδάμ  βρώσει φθορᾷ πεπτωκότα δεινῶς , ἐξ ᾿ Ἁγίας ΠΑΡΘΕΝΟΥ , ἀφράστως σαρκωθέντα δι ᾿ ἡμᾶς , οἱ πιστοί ὁμοφρόνως , ἐν ὕμνοις μεγαλύνομεν . 

   Τῶν γηγενῶν , τίς ἤκουσεν τοιοῦτον  ; ἤ τἰς ἑώρακέ ποτε , ὅτι ΠΑΡΘΕΝΟΣ , εὑρέθη ἐν γαστρί ἔχουσα , καί ἀνωδίνως τό βρέφος ἀποτεκοῦσα ; τοιοῦτον Σου τό θαῦμα · καί Σέ ΑΓΝΗ ΘΕΟΚΥΗΤΟΡ, ΜΑΡΙΑ μεγαλύνομεν .

   Ψυχαῖς καθαραῖς , καί ἀῤῥυπώτοις χείλεσιν , δεῦτε μεγαλύνωμεν , τήν ἀκηλίδωτον , καί ὙΠΕΡΑΓΝΟΝ Μητέρα τοῦ Ἐμμανουήλ , δι ᾿ Αὐτῆς τῇ ἐξ ᾿ Αὐτῆς προσφέροντες  πρεσβείαν τεχθέντι · φεῖσαι τῶν ψυχῶν ἡμῶν , Χριστέ ὁ Θεός, καί σῶσον ημᾶς .

   Ἀγλαόμορφε ΚΟΡΗ , Ἡγλαϊσμένη , Παντευλόγητε Βασίλισσα , χρυσῷ καθαρῷ κεκοσμημένη , ἡ Τεκοῦσα τόν παντάνακτα Θεόν ἡμῶν , ἡ γέφυρα τῶν πιστῶν , καί προστάτις , Σέ μεγαλύνομεν .

   Ἐποίησε μετά Σοῦ μεγαλεῖα Ἄχραντε , ὁ τῶν ἁπάντων ποιητής , τεχθείς ἐκ Σοῦ , καί πάλιν σώαν ἀνέδειξας , τήν Σήν γαστέρα ΠΑΝΥΜΝΗΤΕ , διό ἀπαύστως Σε ΘΕΟΤΟΚΕ , βροτῶν τό γένος , μεγαλύνομεν .

   Ἡ Ἀμνάς ἡ Ἄσπιλος , ἡ Μήτηρ καί ΠΑΡΘΕΝΟΣ παρισταμένη τῶ Σταυρῷ , τοῦ Ἀμνοῦ καί λυτρωτοῦ , σύν δάκρυσι θρηνωδοῦσα ἐβόα · οἴμοι !!! γλυκύτατε Υἱέ Μου  !!!! τοιαῦτά Μοι τῆς χαρᾶς τά εὐαγγέλια , ὁ τόκος ὁ ἀπόρρητος , τῶν Μάγων ἡ προσκύνησις , τῶν Ποιμένων τό θαῦμα ; οἴμοι Τέκνον , !!! ἀναρτώμενον ἐπί Σταυροῦ , ἀνάστηθι καθώς εἶπας τριήμερος , ἵνα δοξασθήσωμαι ἐν τῇ ἀναστάσει σου .

   Ἡ Μήτρα Σου ΑΓΝΗ ΘΕΟΤΟΚς ΠΑΡΘΕΝΕ , οὐράνιον ὄμβρον τῷ κόσμῳ ἔσταξεν ζωήν ἐπανατέλλοντα αἰώνιον · καί τόν Ἀδάμ σύν τῇ Εὔᾳ  εἰς νομήν Παραδείσου εἰσώκισεν δίο Σε Μόνην ἐν γυναιξί , Μητέρα χρηματίσασαν τοῦ Ἐμμανουήλ , πᾶσαι αἱ γενεαί μεγαλύνομεν .

   Θαῦμα παράδοξον , καί μυστήριον ξένον !!! ἡ σύλληψις ὑπερφυής , ὁ τόκος ἀνερμήνευτος · Ἀγγέλων τά στρατεύματα καί τῶν βροτῶν τά πλήθη , ἐν ὠδαῖς ἀκαταπαύστοις μεγαλύνομεν .

   Μεγαλύνομεν Σε τήν Φωτοφόρον Νεφέλην , καί νοεράν Κιβωτόν , Σύ γάρ ὑπέρ λόγον ἐκύησας Χριστόν , τόν Σωτῆρα τῶν ψυχῶν ἡμῶν .

   Μεγαλύνομεν τόν τόκον Σου ΚΟΡΗ Ἄμίαντε , οἱ διά Σοῦ τῷ Θεῷ ἑνωθέντες , καί βοῶμεν Σοι ΜΑΡΙΑ ΘΕΟΝΥΜΦΕ , χαῖρε πάντων ἡ ἀνάκλησις , τῶν ἐξ ἀρχαίας κατάρας θανατωθέντων , διά τῆς Σῆς ἀγεωργήτου κυοφορίας .

   Παράδοξον ἄκουσμα καί μυστήριον ξένον , ἐν Σοί ἐπιτελέσθη , ΠΑΝΑΧΡΑΝΤΕ ΔΕΣΠΟΙΝΑ ΘΕΟΤΟΚΕ , σύλληψις ἄνευ σπορᾶς ,καί ΠΑΡΘΕΝΙΑ μετά γέννησιν ·Ἀλλά , ὦ !! ΔΕΣΠΟΙΝΑ ΠΑΝΤΑΝΑΣΣΑ  !!! σῶζε ὡς ἀγαθή ἡμᾶς τούς πίστει ἀδιστάκτῳ , προσκυνοῦντας τόν Τόκον Σου , καί μεγαλύνοντας .

   Τί τό περί Σέ μέγα καί σεβάσμιον μυστήριον , ἡ τοῦ Ἀδάμ θυγάτηρ , καί τοῦ Ὑψίστου Μήτηρ , ἡ Μόνη πρός Θεόν ἁπλανής τῶν πιστῶν γέφυρα  ; Σέ ἀσιγήτοις ὕμνοις , οἱ πιστοί , ὡς ΘΕΟΤΟΚΟΝ μεγαλύνομεν .

   Ὑπέρ πᾶσαν ἔννοιαν , λόγῳ τόν Λόγον τοῦ Πατρός ΠΑΡΘΕΝΟΜΗΤΟΡ ἌΧΡΑΝΤΕ συλλαβοῦσα  , ἀφράστῳ τρόπῳ , διπλοῦν αὐτόν τέτοκας · Θεός καί ἄνθρωπος γάρ ὑπάρχει ὁ σαρκωθείς · διό Σε πάντες μεγαλύνομεν .

                                        ἮΧΟΣ   Γ ΄

Ἆσμα καινόν ἄσωμεν λαοί , τῷ ἐκ ΠΑΡΘΕΝΟΥ τεχθέντι , εἰς σωτηρίαν ἡμῶν καί ἑνωποιήσαντι , τοὶς ἐπουρανἰοις  τά ἐπίγεια , ὅτι δεδόξασται .

   Ἐκάλυψεν οὐρανούς ἡ ἀρετή σου Χριστέ, τῆς Κιβωτοῦ γάρ προελθών τοῦ ἁγιάσματός σου , τῆς Ἀφθόρου Μητρός  ἐν τῷ ναῶ τῆς δόξης σου , ὤφθης ὡς βρέφος ἀγκαλοφορούμενος , καί ἐπληρώθη τά πάντα τῆς σῆς αἰνέσεως .

   Τό κατάσκιον ὄρος , ὁ Ἀββακούμ προεώρα , τήν Ἄχραντον Σου Μήτραν ΑΓΝΗ , διό καί ἀνεκραύγαζεν · ἀπό Θαιμάν ἤξει ὁ Θεός , καί ὁ Ἅγιος , ἐξ ' ὄρους κατασκίου δασέος .

   Ὄρος κατάσκιον ἐδείχθη , ἡ Μήτρα τῆς ΠΑΡΘΕΝΟΥ , στάμνος καί τραπεζα ὑπάρχει , ἡ Μήτηρ τοῦ Κυρίου · ἐξ ᾿ Αὐτῆς γάρ προῆλθεν ἐμφανῶς , καί Συμεών ἀγκάλαις ὑπεδέξατο , δόξα τῇ δυνάμει σου , Κύριε .

   Κάμινος καιομένη οὐχ εὑρέθη δροσίζουσα , ει μή ἡ Βαβυλώνιος · ἄνανδρος ἄλλη Μήτηρ , καί ΠΑΡΘΕΝΟΣ, οὐκ ἀφάνη · ἡ μέν Παῖδας διεφύλαξεν ἀφλέκτους , Αὕτη δέ διέφερεν ἀγκάλαις  , ὅν ἀνυμνοῦντες λέγομεν · Εὐλογημένη εἶ ἡ Θεόν σαρκί κυήσασα. 

   Βαβυλωνία κάμινος  , τούς Παῖδας οὐκ ἔφλεξεν  , οὐδέ τῆς θεότητος τό πῦρ , τήν ΠΑΡΘΕΝΟΝ διέφθειρεν · διό , μετά τῶν Παίδων , πιστοί βοήσωμεν · Εὐλογημένη εἶ Σύ ΠΑΝΑΓΝΕ .

   Ἐν νόμῳ σκιᾷ καί γράμματι , τύπον κατίδωμεν οἱ πιστοί , πᾶν ἄρσεν τό τήν μήτραν διανοῖγον ἅγιον Θεῷ · διό πρωτότοκον Λόγον  Πατρός ἀνάρχου Υἱόν , πρωτοτοκούμενον Μητρί , απειράστως μεγαλύνωμε .

  Ἐν Σιναίῳ τῷ ὄρει κατῖδεν Σε , ἐν τῇ βάτῳ Μωϋσῆς , τήν ἀφλέκτως τό πῦρ τῆς θεότητος, συλλαβοῦσαν ἐν γαστρί · Δανιήλ δέ Σέ εἶδεν , ὄρος ἀλατόμητος , Ράβδον βλαστήσασαν , Ἡσαΐας κέκραγεν , τή ἐκ ρίζης Δαυίδ .

   Καινόν τό θαῦμα καί καινοπρεπές · τῆς ΠΑΡΘΕΝΟΥ  τήν κεκλεισμένην Πύλην  σαφῶς διοδεύει Κύριος , γυμνός τῇ εἰσόδῳ , καί σαρκοφόρος ὤφθη ἐν ἐξόδῳ Θεός ·καί μένει ἡ Πύλη κεκλεισμένη · ταύτην ἀφράστως , ὡς ΘΕΟΜΗΤΟΡΑ μεγαλύνωμεν 

   Οἱ τῷ γλυκεῖ τοῦ ἀχράντου Σου τόκου , βέλει τρωθέντες  ΑΓΝΗ , Σοῦ τό ἀξιέραστον κάλλος θαυμάζοντες , ἄσμασιν ἀγγελικοῖς ἐπαξίως Σε, ὡς Μητέρα τοῦ Θεοῦ μεγαλύνομεν .

   Σέ τήν ἀθάνατον Πηγήν , τήν δι ᾿ Ἁγίων ἰάματα , τῶν ἀνθρώπων τῷ γένει παρέχουσα , ΑΓΝΗ μεγαλύνομεν , ὅτι σώζεις τάς ψυχάς ἡμῶν .

   Σέ τήν άκατάφλεκτον Βάτον , καί Ἁγίαν ΠΑΡΘΕΝΟΝ , τήν Μητέρα τοῦ φωτός , καί ΘΕΟΤΟΚΟΝ , τήν ἐλπίδα πάντων ἡμῶν μεγαλύνομεν .

   Τήν ἐν βάτῳ καί πυρί , προγραφεῖσαν ἐν Σινᾷ , τῷ νομοθέτῃ Μωϋσῆ , καί τό θεῖον εν γαστρί , ἀφλέκτως συλλαβοῦσαν πῦρ , τήν ὁλόφωτον , καί ἄσβεστον λαμπάδα , τήν Μόνην ΘΕΟΤΟΚΟΝ , ἐν ὕμνοις τιμῶντες μεγαλύνομεν . 

   ἌΧΡΑΝΤΕ ΘΕΟΤΟΚΕ  Μήτηρ Ἀνύμφευτε , δικαίως Σέ αἰνοῦσι τά τάγμτα τῶν Ἀγγέλων · καί ὁ πρεσβύτης Συμεών , τόν τόκον Σου θεώμενος ἐκραύγαζεν ·Νῦν ἀπολύεις τόν δοῦλον σου Δέσποτα , κατά τό ρῆμα τό σόν · ὅπως σώσεις Χριστέ , τούς σέ σύν Τῇ Τεκούσῃ μεγαλύνοντας .

   ΚΕΧΑΡΙΤΩΜΕΝΗ Χαῖρε , ὁ Κύριος μετά Σοῦ , Εὐλογημένη Σύ ἐν γυναιξί , καί Σέ μεγαλύνομεν .

   Σέ ζωγραφοῦσα ἦν ἡ Ἀσσύριος φλόξ , ΠΑΡΘΕΝΟΜΗΤΟΡ ΜΑΡΙΑ · τό πῦρ γάρ τῆς θεότητος ἐν Μήτρᾳ Σου οἰκῆσαν ΑΓΝΗ , ἄφλεκτον ἐτήρησε τήν Πανάχραντον νηδύν Σου · ὅθεν καί Χριστός ὑπό Σοῦ ἐν ναῷ ἁγίῳ προσαχθείς , ἡμᾶς ἀνακαίνισε , μεγαλύνοντας τόν τόκον Σου .

   Σέ τήν ἈΠΕΙΡΟΓΑΜΟΝ ΘΕΟΤΟΚΟΝ , ἐν τῇ μνήμῃ τῶν Ἁγίων μεγαλύνομεν  , ὡς Τεκοῦσαν τήν σωτηρίαν τῶν ψυχῶν ἡμῶν.

   Τήν Μητέραν τοῦ Φωτός , καί μετά τόν τόκον ΠΑΡΘΕΝΟΝ , καί τῶν ψυχῶν ἡμῶν σωτηρίας λιμένα , οἱ πιστοί ὁμοφρόνως μεγαλύνομεν .

   Τό ἀλατόμητον ὄρος , τήν ἀκρότομον πέτραν , Ἥν ἐθεάσατο ὁ Προφήτης Δανιήλ , τήν ΘΕΟΤΟΚΟΝ ΜΑΡΙΑΝ , ὕμνοις μεγαλύνομεν .

                                     Ἦ χος   Δ ΄

   Ἀνοίξω τό στόμα μου καί πληρωθήσεται πνεύματος , καί λόγον ἐρεύξομαι τῇ Βασιλίδι Μητρί , καί ὀφθήσομαι , φαιδρῶς παναηγυρίζων , καί ἄσω γηθόμενος, ταύτης τά θαύματα .

   Τριστάτας κραταιούς ὁ τεχθείς ἐκ ΠΑΡΘΕΝΟΥ , ἀπαθείας ἐν βυθῷ , ψυχῆς τό τριμερές , καταπόντισον δέομαι , ὅπως Σοι ὡς ἐν τυμπάνῳ , τῇ νεκρώσει τοῦ σώματος , ἐπινίκιον ἄσω μελώδημα .

   Ἴδετε , ἴδετε , ὄτι ἐγώ εἰμἰ ὁ Λόγος , ἐν τοῖς σπλάγχνοις τῆς Μητρός , ἀπεριγράπτως εἰσδύς , μή χωρισθείς τοῦ Πατρός , ὡς Θεός δέ συμπληρῶν , σύν τοῖς ἄνω τά κάτω , καί παρέχων τῷ κόσμῳ, τό μέγα ἔλεος .

   Τούς Σούς ὑμνολόγους ΘΕΟΤΟΚΕ , ὡς ζῶσα καί ἄφθονος Πηγή , θίασον συγκροτήσαντας , πνευματικόν στερέωσον , καί ἐν τῇ θεἰᾳ δόξῃ Σου , στεφάνων δόξης ἀξίωσον .

   Ὁ καθήμενος ἐν δόξῃ ἐπί θρόνου θεότητος , ἐν Νεφέλῃ κούφῃ , ἦλθεν Ἰησοῦς ὁ Ὑπέρθεος , τῇ ἀκηράτῳ παλάμῃ , καί διέσωσεν , τούς κραυγάζοντας , δόξα Χριστέ τῇ δυνάμει σου .

   Τήν ἀνεξιχνίαστον θείαν Βουλήν , τῆς ἐκ τῆς ΠΑΡΘΕΝΟΥ σαρκώσεως , σοῦ τοῦ Ὑψίστου , ὁ Προφήτης Ἀββακούμ , κατανοῶν ἐκραύγαεν · δόξα τῇ δυνάμει σου , Κύριε .

   Οὗτος ὁ Θεός ἡμῶν , ὁ ἐκ ΠΑΡΘΕΝΟΥ σαρκωθείς , καί τήν φύσιν θεώσας , ὅν ὑμνοῦντες δοξάζομεν καί βοῶμεν · χαῖρε , ἡ ΚΕΧΑΡΙΤΩΜΕΝΗ .

   Σέ τόν ἀνατείλαντα ἐξ ᾿ Ἀπειρογάμου Μητρός , ὁ Προφήτης Ἀββακούμ προϊδών ἀνεβόα , ἐπ ἐσχάτων τῶν χρόνων ·τοῦ σῶσαι τούς χριστούς σου ἐλήλυθας , δόξα τῆ δυνάμει σου Κύριε . 

   Ἐξέστη τά σύμπαντα , ἐπί τῆ θείᾳ δόξῃ Σου , Σύ γάρ Ἀπειρόγαμε ΠΑΡΘΕΝΕ , ἔσχες ἐν Μήτρᾳ , τόν ἐπί πάντων Θεόν , καί τετοκας ἄχρονον Υἱόν , πᾶσι τοῖς ὑμνοῦσι Σε , σωτηρίαν βραβεύουσα .

   Τήν θείαν ταύτην καί πάντιμον , τελοῦντες ἑορτήν οἱ θεόφρονες, τῆς ΘΕΟΜΗΤΟΡΟΣ, δεῦτε τάς χεῖρς κροτήσωμεν , τόν ἐξ ᾿ Αὐτῆς τεχθέντα , Θεόν δοξάζοντες .

   Ὁ ἐν τῷ ὄρει τῷ Μωϋσεῖ συλλαλήσας  , καί τόν τύπον τῆς ΠΑΡΘΕΝΟΥ τήν βάτον δείξας , εὐλογητός εἶ , Κύριε , ὁ Θεός τῶν Πατέρων ἡμῶν .

   Παῖδας εὐαγεῖς ἐν τῇ καμίνῳ , ὁ τόκος τῆς ΘΕΟΤΟΚΟΥ διεσώσατο , τότε μέν τυπούμενος, νῦν δέ ἐνεργούμενος, τήν οἰκουμένην ἅπασα ἀγεἰρει ψάλλουσαν , τόν Κύριον ὑμνεῖτε τά ἔργα , καί ὑπερυψουτε ἐις πάντας τούς αἰῶνας .

   Ἄκουε ΚΟΡΗ ΠΑΡΘΕΝΕ ΑΓΝΗ , εἰπάτω δή ὁ Γαβριήλ , Βουλήν Ὑψίστου ἀρχαίαν ἀληθινήν , Γενοῦ πρός ὑποδοχήν ἑτοίμη Θεοῦ , Διά Σοῦ γάρ ὁ ἀχχώρητος , βροτοῖς ἀναστραφήσεται ,διό καί χαίρω βοῶ · εὐλογεῖτε πάντα τά ἔργα Κυρίου τόν Κύριον .

   Ἅπας γηγενής σκιρτάτῳ τῷ πνεύματι λαμπαδοχούμενος , πανηγυριζέτω δέ  , Ἀΰλων Νόων φύσις γεραίρουσα , τά ἱερά θαυμάσια τῆς ΘΕΟΜΗΤΟΡΟΣ , και βοάτω , χαίροις Παμμακάριστε , ΘΕΟΤΟΚΕ , ΑΓΝΗ  ἈΕΙΠΑΡΘΕΝΕ .

   Ὡε ἐμύχῳ Θεοῦ Κιβωτῷ , ψαυέτῳ μηδαμῶς χείρ ἀμυήτων , χείλη δέ πιστῶν τῇ ΘΕΟΤΟΚῼ ἀσιγήτως φωνήν τοῦ Ἀγγέλου ἀναμέλποντα , ἐν ἀγαλλιάσει βοάτω · χαῖρε , ΚΕΧΑΡΙΤΩΜΕΝΗ , ὁ Κύριος μετά Σοῦ .

   Χαίροις Ἄνασσα , ΜΗΤΡΟΠΑΡΘΕΝΟΝ κλέος , 

ἅπαν γάρ εὐδίνητον εὔλαλον στόμα , 

ῥητρεῦον οὐ σθένει Σε μέλπειν ἀξίως , 

ἱλιγγιᾷ δέ νοῦς ἅπας Σου τόν Τόκον νοεῖν , 

ὅθεν Σέ συμφώνως δοξάζομεν . 

   Εὔα μέν τό τῆς παρακοῆς νοσήματι , τήν κατάραν εἰσωκίσατο , Σύ δέ ΠΑΡΘΕΝΕ ΘΕΟΤΟΚΕ , τό τῆς κυοφορίας βλστήματι ,τῷ κόσμῳ τήν εὐλογίαν ἐξήνθησας , ὅθεν Σέ συμφόνως δοξάζομεν .

   Λίθος ἀχειρότμητος ὄρους , ἐξ ἀλαξεύτου Σου ΠΑΡΘΕΝΕ , ἀκρογωνιαῖος ἐτμήθη , Χριστός συνάψας τάς διεστῶσας φύσεις , διό ἐπαγαλλόμενοι , Σέ ΘΕΟΤΟΚΕ , μεγαλύνομεν .

   Λόγου Θεοῦ ἄφραστον ἐν Σοί τελεῖται , ἐμφανές μυστήριον ΠΑΡΘΕΝΕ ἌΧΡΑΝΤΕ · καί γάρ Θεός ἐκ Σοῦ σεσωμάτωται δι ᾿ εὐσπλαγχνίαν · διό Σε ὡς ΘΕΟΤΟΚΟΝ μεγαλύνομεν .

   Μεγαλύνομεν πάντες , τήν φιλανθρωπίαν σου , Κύριε Σωτήρ ἡμῶν , ἡ δόξα τῶν δούλων σου , ὁ στέφανος τῶν πιστῶν , ὁ μεγαλύνας τήν Μνήμην Τῆς Τεούσης Σε .

   Μετά τόκον Σε ΑΓΝΗ , καί πρό τοῦ τόκου  , καί ἐν τόκῳ ἌΧΡΑΝΤΕ , Σέ πᾶσα κτίσις καταγγέλουσσα , ὡς ΘΕΟΤΟΚΟΝ , ἀεί μεγαλύνομεν .

   Ὅτι ἐποίησε Μοι μεγαλεῖα ὁ Δυνατός , καί ἅγιον τό ὄνομα αὐτοῦ , καί τό ἔλεος αὐτοῦ εἰς γενεάν καί γενεάν , τοὶς φοβουμένοις αὐτόν.

  Ὁ τόκος Σου ἄφθορος ἐδείχθη , Θεός ἐκ λαγόνων Σου προῆλθε , σαρκοφόρος ὡς ὤφθη ἐπί γῆς , καί τοῖς ἀνθρώποις συνανεστράφη , Σέ ΘΕΟΤΟΚΕ , διό πάντες Σέ μεγαλύνομεν .

   Παρθενομάρτυς πολύαθλος ΠΑΡΘΕΝΟΝ Μητέρα πολυΰμνητον , σήμερον ἐν τῷ αὐτῆς νυμφῶνι , ἐπιδημοῦσαν ξεναγεῖ · νυμφοστόλοι πάντες , χορεύσωμεν πάτρια , εὐσεβῶς τήν Βασιλίδα μεγαλύνομεν .

   Σέ τήν Ὑπερένδοξον Νύμφην , καί ΠΑΝΑΓΙΑΝ ΘΕΟΤΟΚΟΝ , τήν τόν κτίστην Τεκοῦσαν , τῶν ὀρατῶν τε πάντων καί ἀοράτων , ἐν ὕμνοις μεγαλύνομεν .   

   Τόν ἄσπορον τόκον Σου ΘΕΟΤΟΚΕ ἌΧΡΑΝΤΕ , Χριστόν τόν Θεόν ἡμῶν , ἐν ὕμνοις ἀσιγήτοις μεγαλύνομέν .

   Ἀκατάληπτος ὁ τρόπος τῆς Λοχείας Σου , ἀνερμήνευτος ὁ πλοῦτος τῆς Ἁγνείας Σου, μετά τόκον Παρθενεύεις γάρ , μόνη γυναικῶν , ὡς τεκοῦσα τόν Ἑαυτῆς ποιητήν , κέρας σωτήριον τῶν πιστῶν ἀνυψώσαντα τόν Τίμιον Σταυρόν , ἐν ὧ σωθέντες διά Σοῦ , ὡς ΘΕΟΤΟΚΟΝ Σε μεγαλύνομεν .

   Ἀνωτέρα τῶν ὑπερκοσμίων Νόων , καί τῶν πολυομμάτων Χερουβίμ ὑπερτέρα · ἌΧΡΑΝΤΕ ΜΗΤΗΡ Θεοῦ , τόν κτίστην συνέλαβες · αὐτῶν γάρ τῶν ἐν τῇ κτίσει δεσπόζεις ἁπάντων , ὅθεν ἐν ὕμνοις ΘΕΟΤΟΚΕ , οἱ πιστοί Σέ μεγαλύνομεν .

   Γηγενῶν ἐκφυεῖσα , καί τόν Δεσπότην Τεκοῦσα , τό ἡμέτερον καύχημα ΘΕΟΤΟΚΕ ΑΓΝΗ , Σέ ὡς Δεσπόζουσαν τῶν ποιημάτων μεγαλύνομεν .

   Ἐν Σοί ΘΕΟΤΟΚΕ , τό ἡμέτερον ἤττημα πέπαυται ·τόν γάρ ἀόρατον Λόγον , ἐν σπλάγχνοις Σου δεξαμένη , διπλοῦν αὐτόν Τέτοκας  , Θεόν ὁμοῦ καί ἄνθρωπον , ὧ τά Χερουβίμ ἀτενίσαι οὐ τολμᾷ · μεγαλύνομεν ὄθεν Σε ΠΑΝΑΓΝΕ .

   Σέ τήν Ἀπειρόγαμον ΘΕΟΤΟΚΟΝ , τήν οὐράνιον παστάδα , τήν Τεκοῦσαν τόν ἀρχηγόν τῆς σωτηρίας ἡμῶν , ἐν ὕμνοις μεγαλύνομεν .

   Σέ τήν τόν Ἀχώρητον Λόγον ἐν γαστρί χωρήσασαν , καί τήν τῶν οὐρανῶν πλατυτέραν , καίτῶν Χερουβίμ ἐνδοξοτέραν ,  ΘΕΟΤΟΚΕ ἌΧΡΑΝΤΕ , ὕμνοις μεγαλύνομεν .

   Σέ Τήν ὑπέρ πᾶσαν ἔννοιαν  , ΜΗΤΡΟΠΑΡΘΕΝΟΝ ΚΟΡΗΝ 'Ἀνύμφευτον , τόν Σωτῆρα καί Θεόν , ἀφράστῳ λόγῳ κυήσασαν , κατ΄χρέος οἱ πιστοί πάντες , εὐσεβῶς μεγαλύνομεν .

   Σέ ὡς χωρίον ἀχράντου λόγου , καί δοχεῖον τοῦ Πνεύματος , καί τῆς εὐδοκίας ἐργαστήριον μεγαλύνομεν · ἐν Σοί γάρ τό συνάλλαγμα τῆς σωτηρίας ἡμῶν ἐξειργάσαρτο. .

   Σοῦ τήν ΠΑΝΑΓΝΟΝ , καί Ἄφθορον Μήτραν ΠΑΡΘΕΝΕ ΘΕΟΤΟΚΕ , ὁ Θεοῦ Θός Λόγος ἁγιάσας , σώαν έφύλαξεν , ἐξ ᾿ Αὐτῆς προελθών , τεσσαρακονθήμερον βρέφος ὠράθη · ὧ προσάγεται , ὡς νόμου ποιητής , καί τοῦ νόμου δοτήρ, ἥν μεγαλύνομεν .

   Τήν πυρένδροσον πάλαι , κάμινον τῶν Χαλδαίων , καί πυρί ἄφλεκτον τήν βάτον ἐν Σινᾷ , ΘΕΟΤΟΚΟΝ πάντες , ἐν ὕμνοις μεγαλύνομεν .

   Ὑμνοῦμεν Σε ἌΧΡΑΝΤΕ ΠΑΡΘΕΝΟΜΗΤΟΡ Ἔνδοξε , ὅτι ἀνεβλάστησας τόν οὐράνιον στάχυν , Χριστόν τόν Θεόν , ὑπέρ πᾶσαν ἔννοιαν ·  ἐκ Σοῦ ἄρτος γέγονεν ζωηφόρος τοῖς πιστοῖς · διό κραυγάζομεν · χαῖρε , Ἄμωμος ἡ μείνασα .

                                       ἮΧΟΣ   ΠΛ.Α ΄

   Τόν ἐκ Πατρός πρό αἰώνων , γεννηθέντα Υἱόν καί Θεόν , καί ἐπ ᾿ ἐσχάτων τῶν χρόνων , σαρκωθέντα ἐκ ΠΑΡΘΕΝΟΥ ΜΑΡΙΑΣ , ἱερεῖς ὑμνεῖτε , λαός ὑπερυψοῦτε , εἰς πάντας τούς αἰῶνας .

   Σέ τήν ὑπέρ νοῦν καί λόγον ΜΗΤΕΡΑ Θεοῦ , τήν ἐν χρόνῳ τόν ἄχρονον , ἀφράστως κυήσασα , οἱ πιστοί ὁμοφρόνως μεγαλύνομεν .

   Ἡσαΐα χόρευε , ἡ ΠΑΡΘΕΝΟΣ ἔσχεν ἐν γατρί , καί ἔτεκεν Υἱόν τόν Ἐμμανουήλ , Θεόν τε καί ἄνθρωπον , ἀνατολή ὄνομα αὐτῶ , ὅν μεγαλύνοντες τήν ΠΑΡΘΕΝΟΝ μακαρίζομεν .

   Μεγαλύνομεν Χριστέ , τήν Σήν ΠΑΝΑΜΩΜΟΝ ΜΗΤΕΡΑ ΑΓΝΗΝ , ὅτι ἔτεκέ σε ὑπερφυῶς κατά σάρκα  πάσης πλάνης καί καταφθορᾶς ἡμᾶς έκλυτρούμενον .

   Ὅτι ἐποίησέ Σοι μεγαλεῖα ὁ Δυνατός , ΠΑΡΘΕΝΟΝ ἀναδείξας Σε , ΑΓΝΗΝ  μετά τήν κύησιν , ὡς τεκοῦσαν ἀσπόρως , τό ἑαυτῆς ποιητήν, διό Σε ΘΕΟΤΟΚΕ μεγαλύνομεν .

   Σέ τήν μακαρίαν ἐν γυναιξί , καί Εὐλογημένην ὑπό Θεοῦ , τῶν ἀνθρώπων τό γένος ἐν ὕμνοις μεγαλύνομεν .

   Ἡ γαστήρ Σου ὤφθη Πλατυτέρα τῶν οὐρανῶν καί Ἐνδοξοτέρα · θαυμάτων γάρ Ὑπερτέρα μόνη ἐδείχθης , ΘΕΟΤΟΚΕ , τεκοῦσα τόν ἀχώρητον καί ἀΐδιον Θεόν · κατά χρέος Σε βροτῶν τό γένος , ἀπαύστως μεγαλύνομεν .

   Ράβδος βλαστήσασα Δαυιτικῆς ἐκ ρίζης , ΘΕΟΤΟΚΕ ΠΑΝΥΜΝΗΤΕ , ἄνθος ὡραιότατον ἡμῖν ἀνέτειλας , τῆς ἀρχαίας πρόξενον μακαριότητος · διό Σε πάντες ἐν ὕμνοις μεγαλύνομεν .

   Σέ τήν Ἀπείρανδρον Νύμφην , καί Μητέραν τοῦ Λόγου , τήν Ἁγίαν ΠΑΡΘΕΝΟΝ μεγαλύνομεν .

   Σέ τήν δούλην καί Μητέρα Χριστοῦ τοῦ Θεοῦ ἡμῶν , ΘΕΟΤΟΚΕ , ἐπαξίως μεγαλύνομεν .

   Σέ Τήν τοῦ Θεοῦ Μητέρα , καί ΠΑΡΘΕΝΟΝ ΑΓΝΗΝ , καί τῶν Χερουβίμ Ἐνδοξοτέραν , ἐν φωναῖς ἀσμάτων μεγαλύνωμεν .

   Σέ τῷ ἀφάστῳ τρόπῳ καί λόγῳ , τόν Κτίστην συλλαβοῦσαν ἐν γαστρί μεγαλύνομεν · χαράν γάρ τεκοῦσα , ζωήν πιστοῖς πᾶσι , ἐδωρήσω ΠΑΜΜΑΚΑΡΙΣΤΕ .

   Ὤ !!! θαῦμα !!!καί γάρ θαῦμα τό τελούμενον ἐν Σοί ΘΕΟΤΟΚΕ , καινοτομεῖται φύσις , καί Θεός ἄνθρωπος γίνεται , ὅν ἐν δυσί ταῖς φύσεσιν , θεολογοῦντες μεγαλύνομεν .

                                    ἮΧΟΣ   ΠΛ. Β ΄

   Πρόσεχε οὐρανέ καί λαλήσω , καί ἀνυμνήσω Χριστόν , τόν ἐκ ΠΑΡΘΕΝΟΥ σαρκί  ἐπιδημήσαντα .

   Ἀκήκοεν ὁ Προφήτης , τήν ἔλευσιν , Κύριε, καί ἐφοβήθη , ὅτι μέλλεις ἐκ ΠΑΡΘΕΝΟΥ τίκτεσθαι , καί ἀνθρώποις δείκνυσθαι  , καί ἔλεγεν · ἀκήκοα τήν ἀκοήν σου , καί ἐφοβήθην · δόξα τῆ Τεκούσῃ σε , Κύριε .

   Μή ἐκθαμβῇ νῦν , ὦ !!! Μῆτερ !!! , καθορῶσα ὡς βρέφος , ὅν ἐκ γαστρός πρό ἑωσφόρου , τέτοκεν Πατήρ , ἀναστῆσαι γάρ καί  συνδοξάσαι βροτῶν , πεπτωκυῖαν τήν φύσιν , ἐλήλυθα σαφῶς , τήν ἐν πίστει καί πόθῳ , Σέ μεγαλύνουσαν .

   Ξςνίας Δεσποτικῆς καί ἀθανάτου τραπέζης , ἐν πενιχρῷ σπηλαίῳ , ταῖς ὑψηλαῖς φρεσίν , πιστοί δεῦτε ἀπολαύσωμεν , σεσαρκωμένον Λόγον , ἀπορρήτως μαθόντες , ὅν μεγαλύνομεν .

   Τήν Τιμιωτέραν τῶν Χερουβίμ , καί Ἐνδοξοτέραν , ἀσυγκρίτως τῶν Σεραφίμ , Τήν ἀδιαφθόρως, Θεόν Λόγον Τεκοῦσαν , τήν ὄντως ΘΕΟΤΟΚΟΝ , Σέ μεγαλύνομεν .

   Μή ἐποδύρου μου Μ[ΗΤΕΡ , καθορῶσα ἐν τάφῳ , ὅν ἐν γαστρί , ἄνευ σπορᾶς, Συνέλαβες Υἱόν , ἀναστήσομαι γάρ καί δοξασθήσομαι, καί ὑψώσω ἐν δόξῃ , ἀπαύστως ὡς Θεός ,τούς ἐν πίστει καί πόθῳ Σέ μεγαλύνοντας . 

   Ἀπόρου συλλήψεως , ὁ Τόκος ἀνερμήνευτος , Μητρός ἀνάνδρου , ἄφθορος ἡ κύησις , Θεοῦ γάρ ἡ γέννησις , καινοποιεῖ τάς φύσεις , διό Σε πᾶσαι αἱ γενεαί , ὡς ΘΕΟΝΥΜΦΟΝ Μητέρα , ὀρθοδόξως μεγαλύνωμεν .  

   Ἡ τό Χαῖρε , δι ᾿ Ἀγγέλου δεξαμένη , καί τεκοῦσα τόν Κτίστην τόν ἴδιον , ΠΑΡΘΕΝΕ , σῶζε , τούς Σέ μεγαλύνοντας .

   Θεόν ἀνθρώποις ἰδεῖν ἀδύνατον , ὅν οὐ τολμᾶ Ἀγγέλων ἀτενίσαι τά Τάγματα · διά Σοῦ δέ ΠΑΝΑΓΝΕ , ὡρΆθη βροτοῖς , Λόγος σεσαρκωμένος , ὅν μεγαλύνοντες , σύν τοῖς οὐρανίοις στρατιαῖς  , Σέ μακαρίζομεν . 

   Ἄκουσον Θύγατερ καί ἴδε , καί κλῖνον τό οὖς Σου , καί ἐπιθυμήσει ὁ Βασιλεύς τοῦ κάλλους Σου · καί γάρ πᾶσα ἡ δόξα Σου ΠΑΡΘΕΝΕ , ἔσωθεν , ὡς συλλαβοῦσαν τόν Κτίστην Σου · διό οἱ πλούσιοι τοῦ λαοῦ , τό πρόσωπόν Σου λιτανεύοντες , Σέ μεγαλύνομεν .

   Ἡ διά λόγου τόν Λόγον , μόνη κυήσασα , αἱρετικῶν τά στόματα , ἔμφραξον δυσφήμων , ἄλλος νέος οὐρανός , ἄσυλος παράδεισος · ἌΧΡΑΝΤΕ Σέ μεγαλύνομεν .

   Ἴδε Πύλη , ἴδε ὄρος ἅγιον , ἴδε ἡ Παρθενεύουσα Μήτηρ , Ἥν μεγαλύνομεν .

   Μεγαλύνομεν Σε πᾶσαι αἱ γενεαί , ΘΕΟΤΟΚΕ ΠΑΡΘΕΝΕ , Τήν Πηγήν τῆς ζωῆς ἡμῶν .

    Μητρικαῖς ἀγκάλαις ΑΓΝΗ ἐβάστασας , τόν καθήμενον ἐπί τῶν Χερουβίμ , καί τοῦτον μαζοτροφεῖς , δι ᾿ ἄκρον πάσης ἀγαθότητος , τοῦ Ἀδάμ τήν εἰκόνα μορφούμενον · διό συνελθόντες βροτῶν τό σύστημα , καί Σέ τήν κυήσασαν τό φῶς , τοῦ κόσμου μεγαλύνομεν .

   Τήν αἰωνίαν εὑράμενοι λύτρωσιν , τῆς ἐκ προπάτορος Ἀδάμ , ἄνωθεν ἐκφυείσης , τῷ γένει φρικτῆς ἀποφάσεως , τόν Σόν τόκον σύν ἀσωμάτοις , τόν ἀκατάληπτον δοξολογοῦμεν , ΘΕΟΤΟΚΕ Σε ὕμνοις μεγαλύνοντες .

   Τήν ἀλοχεύτως Τεκοῦσαν , τόν ἔνα τῆς Τριάδος , τό ἡμέτερον ὅλον , δίχα φθορᾶς ἀναλαβόμενον , ὅν αἱ πατριαί τῶν ἐθῶν προσκυνοῦσι , ΠΑΡΘΕΝΕ , Σέ μεγαλύνομεν .

    Τήν Βάτον τήν νοητήν , τήν πάλαι ἐν τῷ ὄρει θεαθεῖσαν , Μωϋσῇ , ἀφλέκτως καιομένην , Σέ τήν Ἄχραντον καί Ἁγίαν ΠΑΡΘΕΝΟΝ , συμφώνως , ἐν ὔμνοις Σέμεγαλύνομεν .

   Χαῖρε ΣΕΜΝΗ ΠΑΝΑΓΙΑ , ΠΑΡΘΕΝΕ , Μόνη ΠΑΝΥΜΝΗΤΕ  · Σέ δοξάζει πᾶσα κτίσις , τήν Μητέραν τοῦ φωτός . 

                                   ἮΧΟΣ ΒΑΡΥΣ  

Μή τῆς φθορᾶς διαπείρᾳ κυοφορήσασαν , καί παντεχνήμονι Λόγῳ σάρκα δανείσασαν , Μῆτερ Ἀπείρανδρε , ΠΑΡΘΕΝΕ ΘΕΟΤΟΚΕ · δοχεῖον τοῦ ἀστέκτου , χωρίον τοῦ ἀπείρου πλαστουργοῦ Σου , Σέ μεγαλύνομεν .

   Ἀπόρου τόκου σύλληψιν , τίς ἑρμηνεύσει βροτῶν ; Ἀφθόρου τόκου γέννησιν , τίς μή θαυμάσει γηγενῶν ; διό Σε αἰ φυλαί τῆς γῆς ΘΕΟΤΟΚΕ μεγαλύνομεν .

   Μήτηρ Θεοῦ , καί ΠΑΡΘΕΝΟΣ τίκτουσα , καί Παρθενεύουσα πάλιν , οὐχί φύσεως ἔργον , ἀλλά Θεοῦ συγκαταβάσεως , ὅθεν ὡς μόνην τῶν τῶν θείων θαυμάτων  , καταξιωθεῖσαν , Σέ μεγαλύνομεν .

   ΠΑΝΥΜΝΗΤΕ , τῶν οὐρανῶν εἶ Πλατυτέρα , ὡς τόν ἄναρχον Λόγον  , ἀσπόρως συλλαβοῦσα , καί σεσαρκωμένον Θεόν , τεκοῦσα τοῖς ἀνθρώποις · διό πάντες Σέ ἀεί μεγαλύνομεν . 

   Σέ τήν ἌΧΡΑΝΤΟΝ Μητέρα , καί ΠΑΡΘΕΝΟΝ , Τήν ἀχώρητον Λόγον , ἐν γαστρί χωρήησασαν, καί τεκοῦσαν σαρκί , ὕμνοις μεγαλύνομεν .

   Τήν ὑπέρ φύσιν Μητέρα, καί κατά φύσιν ΠΑΡΘΕΝΟΝ , Τήν Μόνην ἐν γυναιξίν Εὐλογημένην , ἄσμασιν οἱ πιστοί , κατά χρέος μεγαλύνομεν .

   Σεσαρκωμένον τόν Λόγον ἀσπόρως , ἐκ Σοῦ θεοπρεπῶς τέτοκας , ΠΑΡΘΕΝΕ ΘΕΟΤΟΚΕ , καί Σέ μεγαλύνομεν .

   Σέ τήν Σκηνήν τήν Ἁγίαν , καί ἔμψυχον Κιβωτόν , ἥν ἡ σοφία τοῦ Θεοῦ ὠκοδόμησεν , ἀληθῆ ΘΕΟΤΟΚΟΝ , ὕμνοις μεγαλύνομεν .

   Χαῖρε Νύμφη φαεινή , Μήτηρ τοῦ φωτοδότου · Χαῖρε , ἡ χωρήσασα , τόν ἀχώρητον ἐν μήτρᾳ Σου · Χαῖρε , ἡ τῶν Χερουβίμ αὐτῶν Τιμιωτέρα , ἡ κυήσασα τόν Σωτῆρα τῶν ψυχῶν ἡμῶν.

                                      ἮΧΟΣ    ΠΛ. Δ ΄

Ἴδετε , ἴδετε , ὅτι ἐγώ εἰμί ὁ Θεός ὑμῶν , ὁ πρό τῶν αἰώνων γεννηθείς  ἐκ τοῦ Πατρός , καί ἐκ τὴς ΠΑΡΘΕΝΟΥ ἐπ ᾿ ἐσχάτων , δίχα ἀνδρός κυηθείς , καί λύσας τήν ἁμαρτίαν , τοῦ προπάτορος Ἀδάμ , ὡς φιλάνθρωπος, καί τιμῶμεν τήν ΑΓΝΗΝ ΠΑΡΘΕΝΟΝ.

   Ἐξ ᾿ ὄρους κατασκίου , Λόγε ὁ Προφήτης , τῆς Μόνης ΘΕΟΤΟΚΟΥ , μέλλοντος σαρκοῦσθαι , θεοπτικῶς κατενόησεν , καί ἐν φόβῳ , ἐδοξολόγει σου τήν δύναμιν .

   Τόν ἐν ὄρει ἁγίῳ δοξασθέντα , καί ἐν βάτῳ πυρί τό τῆς ἈΕΙΠΑΡΘΕΝΟΥ , τῷ Μωϋσῇ  μυστήριον γνωρίσαντα , Κύριον ὑμνεῖτε , και ὑπερυψοῦτε εἰς πάντας τούς αἰῶνας . 

   Μυστικῶς εἶ ΘΕΟΤΟΚΕ  Παράδεισος , ἀγεωργήτως βλαστήσασα Χριστόν , ὑφ 'οὗ τό τοῦ Σταυροῦ , ζωηφόρον ἐν γῆ , πεφυτούργηται δένδρον · δι ᾿ οὗ νῦν ὑψουμένου , προσκυνοῦντες αὐτόν , Σέ μεγαλύνομεν .

  Ὁ διά βρώσεως τοῦ ξύλου , τῷ γένει προσγενόμενος θάνατος , διά Σταυροῦ κατήργηται σήμερον · τῆς γάρ προμήτορος, ἡ παγγενής κατάρα διαλέλυται, τῷ βλαστῶ τῆς  ΑΓΝΗς ΘΕΟΜΗΤΟΡΟΣ , Ἥν πᾶσαι αἱ Δυνάμεις , τῶν οὐρανῶν μεγαλύνουσιν .

   Ἀλλότριον τῶν μητέρων ἡ Παρθενία , καί ξένον ταῖς Παρθένοις ἡ παιδοποιία , ἐπί Σοί ΘΕΟΤΟΚΕ , ἀμφότερα ὠκονομήθη · διό Σε πᾶσαι αἱ φυλαί τῆς γῆς , ἀπαύστως μεγαλύνομεν .

   Ἐξέστη ἐπί τούτῳ ὁ οὐρανός, καί τῆς γῆς κατεπλάγη τά πέρατα ὅτι Θεός , ὤφθη τοῖς ἀνθρώποις σωματικῶς , καί ἡ γαστήρ Σου γέγονεν , εὑρυχορωτέρα τῶν οὐρανῶν , διό Σε ΘΕΟΤΟΚΕ , Ἀγγέλων καί ἀνθρώπων , ταξιαρχίαι μεγαλύνουσι .

   Ἔφριξε πᾶσα ἀκοή τήν ἀπόρρητον Θεοῦ συγκατάβασην , ὅπως ὁ Ὕψιστος , ἑκών κατῆλθεν μέχρι καί σώματος , Παρθενικῆς ἀπό γαστρός , γενόμενος ἄνθρωπος , διό τήν Ἄχραντον , ΘΕΟΤΟΚΟΝ οἱ πιστοί μεγαλύνομεν .

   Κυρίως ΘΕΟΤΟΚΟΝ Σέ ὁμολογοῦμεν , οἱ διά Σοῦ σεσωσμένοι ΠΑΡΘΕΝΕ ΑΓΝΗ , σύν Ἀσωμάτοις χορείαις , Σέ μεγαλύνομεν .

   Μεγαλύνομέν Σε τήν Μητέραν τοῦ Θεοῦ , καί δοξάομέν Σε , ΘΕΟΤΟΚΕ ΠΑΡΘΕΝΕ , ὡς σωτῆρα Τεκοῦσαν , τῶν ψυχῶν ἡμῶν .

   Μεγαλύνομεν Σε Τήν ΠΑΝΑΜΩΜΟΝ , Μητέρα Χριστοῦ τοῦ Θεοῦ , ἐν Ἧ ἐπεσκίασε , τό Πανάγιον Πνεῦμα .

   Ὅρους παρῆλθες τῆς φύσεως , τόν Δημιουργόν συλλαβοῦσαν  καί Κύριον , καί Πύλη σωτηρίας τῷ κόσμῳ γέγονας · διό Σε ΘΕΟΤΟΚΕ , ἀκαταπαύστως μεγαλύνομεν .

   Σέ τήν Ἀπειρόγαμον , Θεοῦ Μητέρα τοῦ Ὑψίστου , Σέ τήν ὑπέρ νοῦ κυήσασα , διά λόγου , τόν ὄντως Θεόν  , Τήν Ὑψηλοτέραν τῶν Ἀχράντων Δυνάμεων , ἀσιγήτοις δοξολογίαις μεγαλύνομεν .

   Σέ τήν οὐρανοῦ καί γῆς μεσῖτιν , πᾶσαι αἱ γενεαί μακαρίζομεν , σωματικῶς γάρ ἐνώκησεν ἐν Σοί , τό πλήρωμα τῆς Θεότητος , ΠΑΡΘΕΝΕ ΘΕΟΤΟΚΕ .

   Τήν ΑΓΝΗΝ ἐνδόξως τιμήσωμεν λαοί , ΘΕΟΤΟΚΟΝ , Τήν τό πῦρ τῆς Θεότητος , δεξαμένην ἐν τῇ γαστρί ἀφλέκτως · ἐν ὔμνοις μεγαλύνομεν .

   Τόν προδηλωθέντα , ἐν ὄρει τῷ Νομοθέτῃ ἐν πυρί καί βάτῳ , τόκον τόν τῆς ἈΕΙΠΑΡΘΕΝΟΥ , εἰς ἡμῶν τῶν πιστῶν σωτηρίαν , ὕμνοις ἀσιγήτοις μεγαλύνομεν .

   Ἐν εὐφροσύνῃ πάντες τῇ ΠΑΡΘΕΝῼ , τό χαῖρε βοήσωμεν , ἡ ΚΕΧΑΡΙΤΩΜΕΝΗ ΜΑΡΙΑ ΘΕΟΝΥΜΦΕ , Σέ ὡς Μητέρα Θεοῦ , οἱ πιστοί ἅπαντες , ὁμοφρόνως μεγαλύνομεν .

   Ἡ ἀνατραφεῖσα εἰς τά Ἅγια τῶν Ἁγίων , καί Τεκοῦσα τό φῶς τῆς οἰκουμένης , ΚΕΧΑΡΙΤΩΜΕΝΗ , Χαῖρε · ὕμνοις Σέ ἀεί μεγαλύνομεν .

   Σέ τήν ἄφλεκτον Βάτον , Ἥν προεώρα Μωϋσῆς , ἀκαταφλέκτως καιομένην ποτέ , τῷ τῆς Θεότητος πυρί , ὡς ἀφλέκτως κυήσασαν τόν Κύριον , σεσαρκωμένον Θεόν , ἐν ὕμνοις ἀσιγήτοις μεγαλύνομεν .

   Σέ τήν Πλατυτέραν τῶν οὐρανῶν ΘΕΟΤΟΚΕ , καί φωτεινοτέραν τοῦ ἡλίου , ὕμνοις μεγαλύνομεν .

   Σιγάτω αἱρετικῶν τά στίφη , τῶν μή κυρίως ΘΕΟΤΟΚΟΝ ὁμολογούντων Σε , Σέ γάρ ἄνωθεν οἱ προφῆται προεκήρυξαν , Μητέρα γενέσθαι Θεοῦ , καί μεσίτιν τοῦ γένους ἡμῶν , διό Σε ΠΑΡΘΕΝΕ , μεγαλύνομεν .

   Σωματώσεως θείας , ὄργανον ΠΑΡΘΕΝΕ γέγονας , καί τῆς τοῦ Λόγου πρός τήν ἐκ Σοῦ σάρκα μίξεως Νυμφών · ἡνωμέναις γάρ οὐσίαις , διπλαῖς ἐνεργείαις , καί θελήσεσιν δεικνύμενον τέτοκας · διό ὑμνοῦντες Σε ΘΕΟΤΟΚΕ μεγαλύνομεν .

   Τόν ἀόρατον μορφῇ θεϊκῆ δεξαμένη , Ἀπειρόγαμε ΠΑΡΘΕΝΕ , καί Μήτηρ , ὕμνοις Σε καί τόν τόκον Σου μεγαλύνομεν .

   Τόν ληστήν μιμούμενος ὁ τάλας ἐγώ , ὁμολογῶν σε κραυγάζω σοι , ἕνα τόν ἐκ Πατρός , καί ἐκ ΠΑΡΘΕΝΟΥ , ἀφράστως σαρκωθέντα , καί δι ᾿ ἐμέ γεγονότα κατ ᾿ ἐμέ , ἀλλ ᾿ ὡς φῶς νοερόν Ἥλιε , ἀμνημονήσας τῶν κακῶν , ἐν τῆ βασιλείᾳ σου μνησθητί μου , ὅταν κριτής , Κύριε , καθίσης ἐπί θρόνου .

   Ὤ !!! Παρθενίας ἀκρότης !!!! ΘΕΟΤΟΚΕ !!! ψαλμοῖς δέ εὐκλεέσιν , ἑορτάς ὑψοῦσα χαρίτων Σου , καί νῦν πλέον , τῆ ΠΑΡΘΕΝΙΚῌ τοῦ λόγου Σου μνήμῃ φωτίσει μυστικῇ κοσμοῦσα , τούς ἐν εὐτῇ μεγαλύνοντας, τούς βοῶντας Σου , χαῖρε ΘΕΟΤΟΚΕ ΠΑΡΘΕΝΕ ΑΓΝΗ ΘΕΟΔΟΞΑΣΤΕ ΔΕΣΠΟΙΝΑ .

Ἀλλ ᾿ ὤ !!! ΘΕΟΔΟΞΑΣΤΕ ΚΟΡΗ , Μήτηρ τοῦ Ὑψίστου , Σῶν ἱκετῶν τάς δεήσεις, Σῷ τεμένει προσφερομένας , πρόσδεξαι ὡς δῶρον χηριακόν , ὡς τό δίλεπτον τῆς χήρας , οὐχ ὡς ἀξίως ὑμνολογοῦντες Σε , ἀλλά , οὐχ ἔλαττον τῆς ἡμετέρας ταπεινώσεως καί εὐτελείας , ἐπισφραγίζοντες τῶν ὑμνων διά τοῦ ποθητοῦ :::

Χαῖρε , χαῖρε , χαῖρε , Νύμφη Ἀνύμφευτε ...

...Δόξα Σοι Μῆτερ τοῦ Θεοῦ , 

δόξα Σοι ΠΑΝΑΓΙΑ , 

εὐχαριστοῦντες , προσκυνοῦμεν Σε  ,

Μητέρα τοῦ Ὑψίστου ·

Χαῖρε , Νύμφη Ἀνύμφευτε ....... 

Ἐπιστροφή στά θεομητορικά