ΘΕΟΜΗΤΟΡΙΚΟΙ ΑΙΝΟΙ ΠΑΣΩΝ ΤΩΝ ΕΟΡΤΩΝ ΤΗΣ ΘΕΟΜΗΤΟΡΟΣ

ΜΡ                                                         ΘΥ

                           ΘΕΟΜΗΤΟΡΙΚΟΙ ΑΙΝΟΙ

        ΠΑΣΩΝ ΤΩΝ ΕΟΡΤΩΝ ΤΗΣ ΘΕΟΜΗΤΟΡΟΣ

Ἕνα τροπάριον εἰς τήν ὑμνολογίαν τῆς ἐκκλησίας μας, ἀναφερόμενον εἰς τήν ΠΑΝΑΓΙΑΝ , καί ψαλλόμενον ἐν Κυριακῇ  εἰς τήν ἀκολουθίαν τοῦ ὄρθρου , ἤχου γ ΄  εἰς τήν θ ΄ὠδήν λέγει :  

...Κόρος τῶν Σῶν εὐφημίων ΠΑΡΘΕΝΕ , τοῖς εὐαγέσι πιστοῖς , ὅλως οὐ προσγίνεται , πόθῳ γάρ θεῖον , ἀεί καί πνευματικόν  προσλαμβάνοντες , ὡς Μητέρα Θεοῦ Μεγαλύνωμεν  

   Οὕτως  ποιοῦντες πνευματικήν ἀνθοδέσμην , λαμβάνοντες τά δράγματα  τῆς σποράς καί θερισμοῦ τῶν Πατέρων τῆς Ἐκκλησίας μας, καταγράφωμεν τά ὡραιότατα τροπάρια τῶν αἴνων τῶν ΘΕΟΜΗΤΟΡΙΚΩΝ ἑορτῶν , ἵνα ἔχωμε εὐκαίρως , καί ἐν πᾶσι ὥρᾳ , προστρέχομεν πρός ὑμνωδίαν τῆς ΘΕΟΜΗΤΟΡΟΣ.

Εἰσερχόμενοι  εἰς τήν ...πνευματικήν των ...ἱστοσελίδα, δέν μᾶς κανουν μήνυση , ἀλλά μηνύουν εἰς τήν ΠΑΝΑΓΙΑΝ , τήν ..ἐπίσκεψη μας , καί εὐλογεῖ ἄνωθεν ...

Δέν μᾶς ...καταγγέλλουν , ἀλλά ἀναγγέλλουν εἰς τήν Μητέρα τοῦ Θεοῦ , τήν ἀναζήτηση μας, καί ἐξέρχεται εἰς συνάντησην , ὑπαπαντήν .

Δέν πληρώνουμε, ἀλλά πληροῦται ἡ ψυχή μας ΘΕΟΜΗΤΟΡΙΚΗΣ εὐλογίας καί ἀγάπης , καί θείς παρουσίας.

Δέν κατεβάζωμε τήν ἀκολουθίαν , ἀλλά , ἀνεβάζωμεν τήν ὑμνολογίαν εἰς 

Τήν Βασίλισσαν τῶν Ἀγγέλων , 

Τό Παλάτιον τό ἔμψυχον τῆς θείας δόξης · 

Τήν φωτοφόρον Νεφέλην . 

Τήν ἔμψυχον Κιβωτόν · 

Τήν χορηγίαν πάσης θεϊκῆς ἀγαθότητος ·

Τήν Γέφυραν τήν ἑνώσασαν τόν οὐρανόν μέ τήν γῆν · 

Τήν πηγήν τῆς ζωῆς · 

Τήν Μητέρα τοῦ Θεοῦ · 

Τήν Μητέρα τῆς Ἀγάπης · 

Τήν Μητέρα τῆς Ζωῆς. 

Τήν ΘΕΟΤΟΚΟΝ , ἥν ἐν ὕμνοις μεγαλύνωμεν . 

Ἄς ἀρχίσωμεν ἀπό τό Γενέσιον τῆς ΠΑΝΑΓΙΑΣ.

α.    Τροπάρια αἴνων είς τήν ἑορτήν Τοῦ Γενεσίου τῆς ΘΕΟΤΟΚΟΥ ἐν Σεπτ. η ΄ (8/9)

                 ἦχος α ΄Ὤ !!! τοῦ παραδόξου θαύματος 

Ὤ !!! τοῦ παραδόξου θαύματος , !!! ἡ πηγή τῆς ζωῆς , ἐκ τῆς στείρας τίκτεται , ἡ χάρις καρπογονεῖν , λαμπρῶς ἀπάρχεται · εὐφραίνου Ἰωακείμ , τῆς ΘΕΟΤΟΚΟΥ γεννήτωρ γενόμενος , οὐκ ἔστιν ἄλλος ὡς σύ , τῶν γηγενῶν γεννητόρων θεόληπτε · Ἡ γάρ ΘΕΟΔΟΧΟΣ ΚΟΡΗ , τοῦ Θεοῦ τό σκήνωμα , τό Πανάγιον ὄρος , διά σοῦ ἡμῖν γεγώρηται .

Ὤ !!! τοῦ παραδόξου θαύματος !!! ὁ ἐκ στείρας καρπός ἀναλάμψας νεύματι , τοῦ πάντων Δημιουργοῦ  , καί παντοκράτορος , εὐτόνως τήν κοσμικήν , τῶν ἀγαθῶν διαλέλυκε στείρωσιν · μητέρες σύν τῇ Μητρί , τῆς ΘΕΟΤΟΚΟΥ χορεύσατε κράζουσαι · ΚΕΧΑΡΙΤΩΜΕΝΗ Χαῖρε , μετά Σοῦ ὁ Κύριος , ὁ παρέχων τῷ κόσμῳ , διά Σοῦ τό μέγα ἔλεος .

Στήλη σωφροσύνης ἔμψυχος , καί λαμπρόν δοχεῖον , ἀποστίλβον χάριτι ἡ Ἄννα ἡ εὐκλεής , φανεῖσα τέτοκεν , Τήν πρόβολον ἀληθῶς  , τῆς Παρθενίας τό θεῖον ἀπάνθισμα , τήν πάσαις παρθενικαῖς , καί παρθενίας ποθούσαις τό χάρισμα, τό τῆς παρθενίας κάλλος , ἐμφανῶς βραβεύουσαν , καί παρέχουσαν πᾶσι , τοῖς πιστοῖς τό μέγα ἔλεος .

Δόξα Πατρί ... Καί νῦν καί ἀεί ....   ἦχος πλ. β ΄ 

Αὕτη ἡ ἡμέρα Κυρίου ἀγαλλιᾶσθε λαοί · ἰδού γάρ τοῦ φωτός ὁ Νυμφών , καί ἡ Βίβλος τοῦ Λόγου τῆς ζωῆς , ἐκ γαστρός προελήλυθεν · καί ἡ κατά ἀνατολάς Πύλη ἀποκυηθεῖσα , προσμένει τήν εἴσοδον , τοῦ Ἱερέως τοῦ μεγάλου · Μόνη καί μόνον εἰσάγουσα Χριστόν εἰς τήν οἰκουμένην , πρός σωτηρίαν τῶν ψυχῶν ἡμῶν . 

.....................................

    β.   Τροπάρια αἴνων , εἰς τήν ἑορτήν τῶν Είσοδίων τῆς  

ΥΠΕΡΑΓΙΑΣ ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ

                                 Νοεμβ. κα΄(21/11).

                ἦχος α ΄ Τῶν οὐρανίων ταγμάτων 

Λαμπαδηφόροι Παρθένοι  , τήν ΑΕΙΠΑΡΘΕΝΟΝ , φαιδρῶς ὁδοποιοῦσαι , προφητεύουσιν  ὄντως  , ἐν Πνεύματι τό μέλλον · Ναός γάρ Θεοῦ , ἡ ΘΕΟΤΟΚΟΣ ὑπάρχουσα , πρός τόν ναόν μετά δόξης Παρθενικῆς , νηπιόθεν ἐμβιβάζεται .

Ἐπαγγελίας ἁγίας , καί ὁ καρπός εὐκλεής , ἡ ΘΕΟΤΟΚΟΣ ὄντως , ἀνεδείχθη τῷ κόσμῳ ὡς πάντων ὑπερτέρα · Ἥ εὐσεβῶς προσαγομένη ἐν οἴκῳ Θεοῦ , τήν προσευχήν τῶν τεκόντων ἀποπληροῖ , συντηρουμένη θείῳ Πνεύματι .

Ἐπουρανίῳ τραφεῖσα , ΠΑΡΘΕΝΕ ἄρτῳ πιστῶς , ἐν τῷ ναῷ Κυρίου , ἀπεκύησας κόσμῳ , ζωῆς ἄρτον τόν Λόγον · οὗ ὡς ναός ἐκλεκτός καί πανάμωμος , προεμνηστεύθης τῷ Πνεύματι μυστικῶς , νυμφεφθεῖσα τῷ Θεῷ καί Πατρί .

Ἐξανειγέσθῳ ἡ πύλη , τοῦ Θεοδόχου ναοῦ · τόν γάρ Ναόν τῶν πάντων , Βασιλέως καί Θρόνον , σήμερον ἐν δόξῃ , ἔνδον λαβών , Ἰωακείμ ἀνατίθεται , ἀφιερώσας Κυρίῳ τήν ἐξ ᾿ αὐτοῦ , ἐκλεχθεῖσαν ὡς Μητέρα Θεοῦ .

                  Δόξα Πατρί ... Καί νῦν καί ἀεί ....    ἦχος β ΄ 

Σήμερον ἐν  ναῷ προσάγεται , ἡ ΠΑΝΑΜΩΜΟΣ ΠΑΡΘΕΝΟΣ , εἰς κατοικητήριον τοῦ παντάνακτος Θεοῦ , καί πάσης τῆς ζωῆς ἡμῶν τροφοῦ · σήμερον τό καθαρώτατον ἁγίασμα, ὡς τριετίζουσα Δάμαλις , εἰς τά ἅγια τῶν ἁγίων εἰσάγεται · Ταύτῃ ἐκβοήσωμεν ὡς ὁ Ἄγγελος · χαῖρε Μόνη , ἐν γυναιξίν Εὐλογημένη .

γ .  Τροπάρια αἴνων εἰς τήν ΣΥΝΑΞΙΝ τῆς ΥΠΕΡΑΓΙΑς ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ, Δεκεμβ.κστ΄

                                    ἦχος δ΄

Εὐφραίνεσθε δίκαιοι , οὐρανοί ἀγαλλιᾶσθε , σκιρτήσατε τά ὄρη Χριστοῦ γεννηθέντος · ΠΑΡΘΕΝΟΣ , καθέζεται , τά Χερουβίμ μιμουμένη , βαστάζουσα ἐν κόλποις , Θεόν Λόγον σαρκωθέντα · ποιμένες τόν τεχθέντα δοξάζοισιν , μάγοι τῷ Δεσπότῃ δώρα προσφέρουσιν ·Ἄγγελοι ἀνυμνοῦντες λέγουσιν · ἀκατάληπτε Κύριε , δόξα σοι .

Ὁ Πατήρ ηὐδόκησεμ , ὁ Λόγος σάρξ ἐγένετο , καί ἡ ΠΑΡΘΕΝΟΣ ,  ἔτεκεν Θεόν ἐνανθρωπήσαντα · ἀστήρ μηνύει , Μάγοι προσκυνοῦσιν · ποιμένες  θαυμάζουσιν · καί ἡ κτίσις ἀγάλλεται .

ΘΕΟΤΟΚΕ ΠΑΡΘΕΝΕ, ἡ Τεκοῦσα τόν Σωτῆρα , ἀνέτρεψας τήν πρώτην κατάραν τῆς Εὔας · ὅτι Μήτηρ γέγονας τῆς εὐδοκίας τοῦ Πατρός , βαστάζουσα ἐν κόλποις, Θεόν Λόγον σαρκωθέντα ·οὐ φέρει τό μυστήριον ἔρευναν , πίστει δέ μόνῃ τοῦτο πάντες δοξάζομεν , κράζοντες μετά Σοῦ καί λέγοντες · ἀνερμήνευτε , Κύριε , δόξα σοι .

Δεῦτε ἀνυμνήσωμεν τήν Μητέρα τοῦ Σωτῆρος , τήν μετά τόκον , πάλιν ὀφθεῖσαν ΠΑΡΘΕΝΟΝ · Χαίροις Πόλις ἔμψυχε  τοῦ Βασιλέως καί Θεοῦ , ἐν ἧ Χριστός οἰκήσας , σωτηρίαν εἰργάσατο · μετά τοῦ Γαβριήλ ἀνυμνοῦμεν Σε , μετά τῶν Ποιμένωνδοξάζομεν κράζοντες · ΘΕΟΤΟΚΕ πρέσβευε , τῷ ἐκ Σοῦ σαρκωθέντι , σωθῆναι ἡμᾶς .

                    Δόξα Πατρί ..... ἦχος πλ. β ΄

Σήμερον ἡ ἀόρατος φύσις , τοῖς βροτοῖς ἐκ ΠΑΡΘΕΝΟΥ συνάπτεται · σήμερον ἡ ἄπειρος οὐσία , ἐν Βηθλεέμ σπαργάνοις ἐνειλίσσεται · σήμερον ὁ Θεός , δι ᾿ ἀστέρος Μάγους εἰς προσκύνησιν ἄγει , προμηνύοντας αὐτοῦ τήν τριήμερον ταφήν , ὡς ἐν χρυσῷ καί σμύρνῃ καί λιβάνῳ , διό ψάλλομεν · ὁ σαρκωθείς ἐκ ΠΑΡΘΕΝΟΥ , Χριστέ ὁ Θεός , σῶσον τάς ψυχάς ἡμῶν .  

                      Καί νῦν , καί ἀεί .... ἦχος β ΄

Σήμερον ὁ Χριστός , ἐν Βηθλεέμ γεννᾶται ἐκ ΠΑΡΘΕΝΟΥ · σήμερον ὁ ἄναρχος ἄρχεται , καί ὁ Λόγος σαρκοῦται · αἱ Δυνάμεις τῶν οὐρανῶν ἀγάλλονται , καί ἡ γῆ σύν τοῖς ἀνθρώποις εὐφραίνεται · οἱ Μάγοι τά δῶρα προσφέρουσιν · οἱ Ποιμένες τό θαῦμα θαυμάζουσιν , ἡμεῖς δέ ἀκαταπαύστως βοῶμεν · Δόξα ἐν Ὑψίστοις Θεῷ , καί ἐπί γῆς εἰρήνη , ἐν ἀνθρώποις εὐδοκία. 

καί αὖθις ἄρχεται ἡ μεγάλη δοξολογία  :

Δόξα σοι τῷ δείξαντι τό φῶς , 

δόξα ἐν ὑψίστοις θεῷ , 

καί ἐπί γῆς εἰρήνη , ἐν ἀνθρώποις εὐδοκία. 

Ὑμνοῦμεν σε... 

δ.   Τροπάρια αἴνων είς τήν Ὑπαπαντήν τοῦ Κυρίου . Φεβρ, β ΄

                       ἦχος  δ΄ Ἔδωκας σημείωσιν 

Νόμον τόν ἐν γρἀμματι , ἀποπληρῶν ὁ φιλάνθρωπος  , τῷ ναῷ νῦν προσάγεται , καί τοῦτον εἰσδέχεται γηραιαῖς ἀγκάλαις ,  Συμεών ὁ πρέσβυς · νῦν ἀπολύεις μέ βοῶν , πρός τήν ἐκεῖθεν μακαριότητα · κατεῖδον γάρ σε σήμερον , σάρκα θνητήν περικείμενον , τόν ζωῆς κυριεύοντα , καί θανάτου δεσπόζοντα .

Φῶς εἰς ἀποκάλυψιν , ἐθνῶν ἐπέφανας Κύριε , ἐπί κούφης καθήμενος , νεφέλης ὁ Ἥλιος τῆς δικαιοσύνης · νόμου τό σκιῶδες , ἀποπληρῶν καί τήν ἀρχήν , καθυποφαίνων τῆς νέας χάριτος , διό σε θεασάμενος , ὁ Συμεών ἀνεκραύγαζεν · ἐκ φθορᾶς μέ ἀπόλυσον , ὅτι εἶδον σε σἠμερον . 

Κόλπων τοῦ Γεννήτορος , μή χωρισθείς τῇ θεότητι , σαρκωθείς ὡς ηὐδόκησας , ἀγκάλαις κρατούμενος τῆς ἈΕΙΠΑΡΘΕΝΟΥ , χερσίν ἐπεδόθης τοῦ θεοδόχου Συμεών , ὁ τῇ χειρί σου κρατῶν τά σύμπαντα · διό , Νῦν ἀπολύεις μς , περιχαρῶς ἀνεκραύγαζεν , ἐν εἰρήνῃ τόν δοῦλον σου , ὅτι εἶδον σε Δέσποτα .

               Δόξα Πατρί ... Καί νῦν καί ἀεί ...   ἦχος πλ. β ΄ 

Ὁ ἐν χερσί πρεσβυτικαῖς , τήν σήμερον ἡμέραν , ὡς ἐφ ᾿ ἅρματος Χερουβίμ  , ἀνακλιθῆναι εὐδοκήσας , Χριστέ ὁ Θεός , καί ἡμᾶς τούς ὑμνοῦντας σε , τῆς τῶν παθῶν τυραννίδος , ἀνακαλούμενος ρῦσαι , καί σῶσον τάς ψυχάς ἡμῶν .

    ε. Τροπάρια αἴνων είς τόν ΕΥΑΓΓΕΛΙΣΜΟΝ Τῆς ΥΠΕΡΑΓΙΑΣ  ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ.   Μαρτ. κε ΄

                    ἦχος α ΄Τῶν οὐρανίων ταγμάτων 

Τῶν οὐρανίων ἀψίδων ὁ Γαβριήλ καταπτάς , εἰς Ναζαρέτ ἐπέστη , πρός ΠΑΡΘΕΝΟΝ ΜΑΡΙΑΝ , βοῶν ΕΚΕΙΝΗ τό Χαῖρε · συλλήψη Υἱόν , τοῦ Ἀδάμ ἀρχαιότερον , τόν ποιητήν τῶν ἁπάντων καί λυτρωτήν , τῶν βοώντων Σοι τό Χαῖρε , ΑΓΝΗ .

Ὁ Γαβριήλ τῇ ΠΑΡΘΕΝῼ  τό Εὐαγγέλιον , ἐξ 'οὐρανοῦ κομίσας , ἀνεβόα τό Χαῖρε , συλλήψη ἐν γαστρί τόν Σοι χωρητόν , καί τῷ κόσμῳ ἀχώρητον , καί κυοφόρος ὀφθήσῃ τοῦ ἐκ Πατρός , πρό ἑωσφόρου ἀνατείλαντος .

Ὁ συναΐδιος Λόγος τοῦ προανάρχου Πατρός , μή χωρισθείς τῶν ἄνω  , νῦν ἐπέστη τοῖς κάτω , δι ᾿ ἄκραν εὐσπλαγχνίαν οἶκτον λαβών , τοῦ καθ ᾿ ἡμᾶς ὁλισθήματος , καί τοῦ Ἀδάμ τήν πτωχείαν ἀναλαβών , ἐμορφώθη τό ἀλλότριον .

                 Δόξα Πατρί ... Καί νῦν καί ἀεί... ἦχος  β ΄ 

Τό ἀπ ᾿ αἰῶνος μυστήριον , ἀνακαλύπτεται σήμερον , καί ὁ Υἱός τοῦ Θεοῦ , Υἱός ἀνθρώπου γίνεται · ἵνα τοῦ χείρονος μεταλαβών , μεταδῷ μοι τοῦ βελτίονος · ἐψεὐσθη πάλαι Ἀδάμ , καί θεός ἐπιθυμήσας οὐ γέγονεν · ἄνθρωπος γίνεται Θεός , ἴνα θεόν τόν Ἀδάμ ἀπεργάσηται · εὐφραινέσθῳ ἡ κτίσις · χορευέτω ἡ φύσις , ὅτι Ἀρχάγγελος ΠΑΡΘΕΝῼ , μετά δέους παρίσταται · καί τό χαῖρε κομίζει , τῆς λύπης ἀντίθετον ·ὁ διά σπλάγχνα ἐλέους ἐνανθρωπήσας Θεός ἡμῶν δόξα σοι .

στ ΄Τροπάρια αἴνων  εἰς τήν ἑορτήν ΚΑΤΑΘΕΣΕΩΣ ΤΙΜΙΑΣ ΕΣΘΗΤΟΣ ΤΗΣ ΥΠΕΡΑΓΙΑΣ ΘΕΟΤΟΚΟΥ .ἘΝ Ἰουλ. β 

                ἦχος δ ΄. Ὡς γενναῖον ἐν Μάρτυσιν 

Ἡ Σορός ἡ κατέχουσα , τήν Ἐσθῆταν Σου ΑΧΡΑΝΤΕ , κιβωτός τοῖς δούλοις Σου ἁγιάσματος , καί ἱερόν περιτείχισμα , καί δόξα καί καύχημα, καί ἰάσεων πηγή , καθ 'ἑκάστην γνωρίζεται · ἔνθα σήμερον , ἱερῶς ἀθροισθέντες , ἀνυμνοῦμεν τά πολλά Σου μεγαλεῖα , καί τῶν θαυμάτων τό πέλαγος .

Ἴδε τόπος περίδοξος  , ἴδε οἶκος ἀείφωτος , ἐν ὧ τεθησαύρισται τῆς ΘΕΟΠΑΙΔΟΣ , Ἐσθής Τιμία τῇ χάριτι , προσέλθετε ἄνθρωποι · φωτισμόν καί ἱλασμόν , ἐξ ᾿ ΕΚΕΙΝΗΣ ἀπαρύσασθαι , καί βοήσατε , εὐχαρίστῳ καρδίᾳ , ΠΑΝΑΓΙΑ , εὐλογοῦμεν Σε ΠΑΡΘΕΝΕ , οἱ σεσωσμένοι τῷ τόκῳ Σου .

Τήν ἁγίαν κατάθεσιν , τῆς Ἐσθῆτος Σου ΔΕΣΠΟΙΝΑ , ἑορτήν κεκτήμεθα εὐφραινόμενοι  · ὅτι τῇ πόλει Σου σήμερον , δοθῆναι ηὐδόκησας ἱεράν περιβολήν , φυλακτήριον ἄσυλον , δῶρον τίμιον , ἀναφαίρετον πλοῦτον ἰαμάτων , ποταμόν πεπληρωμένον , τῶν χαρισμάτων τοῦ Πνεὐματος .

                   Δόξα Πατρί ... Καί νῦν , καί ἀεί ...  ἦχος β ΄  

Φρένα καθάραντες καί νοῦν , σύν τοῖς Ἀγγέλοις καί ἡμεῖς πανηγυρίσωμεν , φαιδρῶς ἐξάρχοντες , δαυιτικήν μελωδίαν ,τῇ Νεάνιδι Νύμφη , τοῦ Βασιλέως Χριστοῦ τοῦ Θεοῦ ἡμῶν · ἀνάστηθι , Κύριε , λέγοντες , εἰς τήν ἀνάπαυσιν σου , σύ καί ἡ Κιβωτός , τοῦ ἁγιάσματός σου · ὡς γάρ παλάτιον τερπνόν , ταύτην κατεκόσμησας , καί κατεκλήρωσας ΕΚΕΙΝΗΝ , τῇ πόλει σου Δέσποτα · περιποιεῖσθαι καί σκέπειν , ἐκ πολεμίων βαρβάρων , τῇ κραται«δυνάμει σου , ταῖς ἱκεσίαις ΑΥΤΗΣ  .

  

 ζ ΄Τροπάρια αἴνων εἰς τήν ΠΑΝΣΕΠΤΟΝ ΚΟΙΜΗΣΗΝ ΚΑΊ ΜΕΤΑΣΤΑΣΗΝ ΤΗς ΥΠΕΡΑΓΙΑΣ ΘΕΟΤΟΚΟΥ ΚΑΙ ΑΕΙΠΑΡΘΕΝΟΥ ΜΑΡΙΑΣ. Αὐγούστου ιε ΄

                   ἦχος α ΄Ὤ !!!τοῦ παραδόξου θαύματος !!!

Ὤ !!!! τοῦ παραδόξου θαύματος !!! , ἡ Πηγή τῆς ζωῆς  , ἐν μνημείῳ τίθεται , καί κλῖμαξ πρός οὐρανόν , ὁ Τάφος γίνεται · εὐφραίνου Γεθσημανῆ , τῆς ΘΕΟΤΟΚΟΥ τό Ἅγιον Τέμενος · βοήσωμεν οἱ πιστοί , τόν Γαβριήλ κεκτημένοι ταξίαρχον · ΚΕΧΑΡΙΤΩΜΕΝΗ Χαῖρε , μετά Σοῦ ὁ Κύριος , ὁ παρέχων τῷ κόσμῳ , διά Σοῦ τό μέγα ἔλεος .

Βαβαί !!! τῶν Σῶν μυστηρίων ΑΓΝΗ , !!! τοῦ Ὑψίστου Θρόνος , ἀνεδείχθης ΔΕΣΠΟΙΝΑ , καί γῆθεν πρός οὐρανόν ,  μετέστης σήμερον · ἡ δόξα Σου εὐπρεπής , θεοφεγγέσιν ἐκλάμπουσα χάριτι , Πάρθενοι σύν τῆ Μητρί , τοῦ Βασιλέως πρός ὕψος ἐπάρθητε · ΚΕΧΑΡΙΤΩΜΕΝΗ Χαῖρε , μετά Σοῦ ὁ Κύριος , ὁ παρέχων τῶ κόσμῳ , διά Σοῦ τό μέγα ἔλεος .

Τήν Σή δοξάζουσιν Κοίμησιν , Ἐξουσίαι , Θρόνοι , Ἀρχαί Κυριότητες , Δυνάμεις καί Χερουβίμ , καί τά φρικτά Σεραφίμ · ἀγάλλονται γηγενεῖς , ἐπί τῇ θείᾳ Σου δόξῃ κοσμούμενοι · προσπίπτουσιν βασιλεῖς , σύν Ἀρχαγγέλοις , Ἀγγέλοις καί μἐλπουσιν · ΚΕΧΑΡΙΤΩΜΕΝΗ Χαῖρε , μετά Σοῦ ὁ Κύριος , ὁ παρέχων τῷ κόσμῳ , διά Σοῦ τό μέγα ἔλεος. .  

        ἕτερα τροπάρια , ἦχος δ ΄ .Ὡς γενναῖον ἐν Μάρτυσιν.

Τῇ ἐνδόξῳ Κοιμήσει Σου  , οὐρανοί ἐπαγάλλονται , καί Ἀγγέλων γέγηθεν τά στρατεύματα , πᾶσα ἡ γῆ δέ εὐφραίνεται , ὠδήν Σοι ἐξόδιον προσφωνοῦσα τῇ Μητρί , τοῦ τῶν ὅλων δεσπόζοντος , ἈΠΕΙΡΟΓΑΜΕ · ΠΑΝΑΓΙΑ ΠΑΡΘΕΝΕ , ἡ τό γένος τῶν ἀνθρώπων ρυσαμένη , προγονικῆς ἀποφάσεως .

Ἐκ περάτων συνέδραμων , Ἀποστόλων οἰ πρόκριτου , θεαρχίῳ νεύματι τοῦ κηδεῦσαι Σε , καί ἀπό γῆς αἰρομένην Σε , πρός ὕψος θεώμενοι , τήν φωνήν τοῦ Γαβριήλ , ἐν χαρᾷ ἀνεβόων Σοι · χαῖρε ὄχημα τῆς θεότητος ὅλης · χαῖρε Μόνη τά ἐπίγεια τοῖς ἄνω , τῷ Τοκετῷ Σου συνάψασα .

Τήν ζωήν ἡ κυήσασα , πρός ζωήν μεταβέβηκας , τῇ Σεπτῇ Κοιμήσει Σου , τήν ἀθάνατον , δορυφορούντων Ἀγγέλων Σοι  , Ἀρχῶν καί Δυνάμεων , Ἀποστόλων Προφητῶν , καί ἁπάσης τῆς κτίσεως , δεχουμένου τε , ἀκηράτοις παλάμαις τοῦ Υἱοῦ Σου , τήν ἀμώμητον ψυχήν Σου , ΠΑΡΘΕΝΟΜΗΤΟΡ ΘΕΟΝΥΜΦΕ .

                  Δόξα Πατρί ... Καί νῦν καί ἀεί ...  ἦχος πλ. β ΄

Τῇ ἀθανάτῳ Σου Κοιμήσει , ΘΕΟΤΟΚΕ Μήτηρ τῆς ζωῆς , νεφέλαι τούς Ἀποστόλους , αἰθερίους διήρπαζον · καί κοσμικῶς διεσπαρμένους , ὁμοχώρους παρέστησαν τῷ Ἀχράντῳ Σου Σώματι · οἵ καί κηδεύσαντες σεπτῶς , τήν φωνήν τοῦ Γαβριήλ , μελωδοῦντες ἀνεβόων · Χαῖρε ΚΕΧΑΡΙΤΩΜΕΝΗ , ΠΑΡΘΕΝΕ Μήτηρ Ἀνύμφευτε , ὁ Κύριος μετά Σοῦ · μεθ ᾿ ὧν ὡς Υἱόν Σου καί Θεόν ἡμῶν , ἱκέτευε σωθῆναι τάς ψυχάς ἡμῶν .

η ΄Τροπάρια αἴνων , εἰς τήν ἑορτήν τῆς ΚΑΤΑΘΕΣΕΩΣ ΤΗΣ ΤΙΜΙΑΣ ΖΩΝΗΣ , ΤΗΣ ΥΠΕΡΑΓΙΑΣ ΔΕΣΠΟΙΝΗΣ ΗΜΩΝ ΘΕΟΤΟΚΟΥ ΚΑΙ ΑΕΙΠΑΡΘΕΝΟΥ ΜΑΡΙΑΣ,

                                  Ἀὐγούστου λα ΄

               ἦχος  δ ΄Ὡς γενναῖον ἐν Μάρτυσιν 

Ὡς ὑπέρλαμπρον στέφανον , ΘΕΟΤΟΚΕ ΠΑΝΑΧΡΑΝΤΕ , τήν Ἁγίαν Ζώνην Σου περιέθετο , ἡ Ἐκκλησία καί χαίρουσα , φαιδρύνεται σήμερον , καί χορεύει μυστικῶς , ἐκβοῶσα Σοι ΔΕΣΠΟΙΝΑ · χαῖρε στέφανε ,  καί διάδημα θεῖον · χαῖρε μόνη , τοῦ πληρώματος μου δόξα , καί εὐφροσύνη αἰώνιος . 

Σύ ΠΑΝΑΧΡΑΝΤΕ ΔΕΣΠΟΙΝΑ , κραταιόν περιτείχισμα , ἀρραγές τε στήριγμα καί διάσωσμα, τῷ Σῶ λαῷ καί τῇ πόλει Σου , ὑπάρχουσα δέδωκας , ὡς φαιδράν περιβολήν , τήν ὑπέρτιμον Ζώνην Σου , περισώζουσαν , συμφορῶν ἐκ παντοίων , τούς ἐν πίστει , καί ζεούσῃ προθυμίᾳ , ταύτην τιμῶντας ΘΕΟΝΥΜΦΕ .

Ὁ Ναός Σου ΠΑΝΑΧΡΑΝΤΕ , ὡς Πηγή ἀνεξάντλητος , τῶν θαυμάτων σήμερον ἀναδέδεικται · οἱ ποταμοί γάρ τῆς χάριτος , ἀφθόνως προχέονται , τῆς ἁγίας Σου Σοροῦ , καί πιστῶν τήν διάνοιαν , κατευφραίνουσιν , τῶν ἐν πίστει καί πόθῳ Σοι βοώντων · ἡ χαρά καί εὐφροσύνη , καί ἡ ζωή Σύ ὑπάρχεις ἡμῶν . 

                   Δόξα Πατρί ...Καί νῦν καί ἀεί ... ἦχος β ΄

Ὡς στέφανον ὑπέρλαμπρον , ΠΑΝΑΧΡΑΝΤΕ ΘΕΟΤΟΚΕ , τήν Ζώνην Σου τή Ἁγίαν , ἡ Ἐκκλησία τοῦ Θεοῦ περιέθετο , καί φαιδρύνεται χαίρουσα σήμερον , καί μυστικῶς χορεύει  ΔΕΣΠΟΙΝΑ ἐκβοῶσα Σοι · χαῖρε διάδημα τίμιον , καί στέφανε θείας δόξης · χαῖρε ἡ μόνη δόξα  τοῦ πληρώματος , καί αἰώνιος εὐφροσύνη · χαῖρε τῶν εἰς Σέ προστρεχόντων , λιμήν καί προστασία , καί σωτηρία ἡμῶν . 

.......................................

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

.......................................

θ . Τροπάρια αἴνων  ΠΑΝΑΓΙΑΣ   ΠΟΡΤΑΪΤΙΣΣΗΣ  ,  τήν Τρίτην τῆς Διακαινησίμου 

                     ἦχος α΄. Πανεύφημοι Μάρτυρες. 

Ὡς ξένη καὶ ὄντως θαυμαστή , ΔΕΣΠΟΙΝΑ  ἡ ἔλευσις, τῆς Παναγίας Εἰκόνος Σου , ἡμῖν γεγένηται ! ἣν ἐπὶ θαλάσσης , πεζεύσας τῷ λόγῳ Σου , ὁ θεῖος Γαβριὴλ ἠγκαλίσατο · ἣν ὡς θησαύρισμα , τῆς Σῆς δόξης θησαυρίσαντες , τὴν Σὴν χάριν , εὐσήμως κηρύττομεν . 

Τοῖς πᾶσι παρέχεις δαψιλῶς , ΚΟΡΗ ΠΟΡΤΑΪΤΙΣΣΑ , χάριν καὶ ἔλεος πάντοτε , καὶ κινδυνεύουσι , βοηθεῖς ταχέως , θλίψεων τὸν καύσωνα , σβεννύουσα τῇ δρόσῳ ΠΑΝΥΜΝΗΤΕ ,  τῆς εὐσπλαγχνίας Σου · διὰ τοῦτο μεγαλύνομεν,  ΘΕΟΤΟΚΕ τὴν μεγαλωσύνην Σου . 

Εἰς πᾶσαν τὴν γῆν ὡς ἀληθῶς , ΚΟΡΗ ΠΟΡΤΑΪΤΙΣΣΑ ,  τῶν Σῶν θαυμάτων διέδραμεν , χάρις ἡ ἔνθεος · πάντας γὰρ προφθάνεις , τοὺς πιστῶς καλοῦντάς Σε , καὶ δίδως συμπαθῶς τὰ αἰτήματα , πᾶσι ΠΑΝΑΧΡΑΝΤΕ · διὰ τοῦτο τὸ Σὸν ὄνομα , τρυφὴ πέλει , ἡμῶν καὶ παράκλησις . 

            Δόξα  Πατρί  ..... Ἦχος πλ. α΄.  

ΘΕΟΤΟΚΕ ΑΕΙΠΑΡΘΕΝΕ , θαυμαστὰ τὰ Σὰ πάντα πέλει , ἀληθῶς καὶ ἀκατάληπτα · ὁ γὰρ τῶν θαυμασίων Θεός , μεγαλεῖα ἐν Σοὶ ἐποίησε , σαρκωθῆναι ἐκ Σοῦ , εὐδοκήσας ὑπὲρ λόγον · ὅθεν θαυμαστῶς ἡμῶν προνοουμένη , μεγάλα τε καὶ ἔνδοξα , ποικίλοις τρόποις κατεργάζῃ , εἰς περιποίησιν ἡμῶν καὶ σωτηρίαν . Ἀλλ’ ὦ ΠΟΡΤΑΪΤΙΣΣΑ ΥΠΕΡΕΝΔΟΞΕ ,  δίδου ἡμῖν ἀεί , τὴν Σὴν βοήθειαν , καὶ σκέπε ἡμᾶς , ἐκ τῶν βελῶν τοῦ ἀλάστορος .  

 Καί νῦν καί ἀεί .... 

Ἀναστάσεως ἡμέρα, καί λαμπρυνθῶμεν τῇ πανηγύρει....

ι ΄Τριπάρια αἴνων  ΠΑΝΑΓΙΑΣ ΓΟΡΓΟΫΠΗΚΟΟΥ . Ὀκτ. α

                 Ἦχος α´. Τῶν οὐρανίων ταγμάτων. 

ᾈσματικῶς συνδραμόντες πανηγυρίσωμεν , οἱ τῆς Μητρὸς τοῦ Λόγου , ἀγαπῶντες τὴν δόξαν · Ἰδοὺ γὰρ πλήρης δόξης πλήρης φωτός , πλήρης χάριτος ἔλαμψεν , ἡ τῶν ἀῤῥήτων θαυμάτων μνήμη αὐτῆς , τοὺς πιστοὺς καθαγιάζουσα . 

Ἀγαλλιάσθω εὐθύμως ἡ Σή Ἁγία Μονή ,  ὡς Ἀμαλθείας κέρας , καὶ θεόῤῥυτον φρέαρ , Εἰκόνα κεκτημένη τὴν εὐκλεῆ , τῆς ΑΓΝΗΣ ΘΕΟΜΗΤΟΡΟΣ ,  ἐξ ἧς τρυφὴν καρπουμένη πνευματικήν , τὴν ΘΕΟΤΟΚΟΝ  δοξαζέτω ἀεί. 

Πεποικιλμένη ΠΑΡΘΕΝΕ  ὑπερφυέσιν αὐγαῖς , γοργῶς ἀεὶ προφθάνεις , πανταχοῦ καλουμένη , καὶ ῥύῃ συμπτωμάτων ἐκ δυσχερῶν , πειρασμῶν τε καὶ θλίψεων , ΓΟΡΓΟΫΠΗΚΟΕ ΚΟΡΗ  τοὺς εὐσεβῶς , προσιόντας τῇ πρεσβείᾳ Σου . 

Τὴν μεγαλόδωρον χάριν καὶ πολυχεύμονα , τῆς Σῆς προμηθεστάτης , πρὸς ἡμᾶς προστασίας , ᾠδαῖς ΓΟΡΓΟΫΠΗΚΟΕ μυστικαῖς , μεγαλύνομεν πάντοτε , ἀλλὰ μὴ παύσῃ ΠΑΡΘΕΝΕ ἀποπληροῦν , τὴν πρὸς ἡμᾶς ἐπαγγελίαν Σου .

        Δόξα Πατρί .... Καί νῦν καί ἀεί ... Ἦχος πλ. α’. 

Τῶν δωρεῶν Σου οἱ κρουνοί, ΘΕΟΤΟΚΕ  πελαγίζοντες , τῆς Ἐκκλησίας τὰς αὔλακας μεθύσκουσι · Σὺ γὰρ ὡς ποταμὸς τοῦ Θεοῦ , οὐ μόνον τὴν τῶν πρωτοτόκων  εὐφραίνεις πάλιν , ἀλλὰ καὶ τὴν περίγειον λῆξιν , πολλαχῶς εὐεργετεῖς . Ὢ τῆς θερμῆς ἐπισκοπῆς Σου ! πᾶσι γὰρ ὀξέως βοηθεῖς , ἐπικουφίζουσα τῶν καρδιῶν τὸν πόνο ν. Διὸ ΥΠΕΡΥΜΝΗΤΕ , τὴν φωνὴν ἡμῶν ἐνωτίσθητ ι, καὶ σῶσον τὴν ποίμνην Σου , πάσης περιστάσεως .  

ια ΄Τροπάρια αἴνων ΠΑΝΑΓΙΑΣ ΠΑΝΤΑΝΑΣΣΗΣ .

                      Ἦχος δ΄. Ἔδωκας σημείωσιν.

​Ἔ​δωκας τῇ ποίμνῃ σου​ ​, ​ΘΕΟΚΥΗΤΟΡ ΠΑΝΤΑΝΑΣΣΑ , ​ τὴν ἁγίαν Εἰκόνα ​Σ​ου​ ​, κειμήλιον ἔνθεον​ ​, τῆς χρηστότητός ​Σ​ο​​υ​ ​, καὶ τίμιον σκεῦος​ ​, τῶν μητρικῶν ​Σ​ου ἀγαθῶν​ ​, ᾗ μετὰ δέους​ ΑΓΝΗ​προσπίπτοντες​ ​, δοξάζομεν οἱ δοῦλοί ​Σ​ου​ ​, τὸν ἀκατάληπτον τόκον ​Σ​ου​ ​, δι᾿ οὗ πάντες ἐῤῥύσθημεν​ ​, τῆς πικρᾶς παραβάσεως​ ​.

Μάνδρα ἡ φερώνυμος​ ​, ἡ τὴν ἁγίαν Εἰκόνα ​Σ​ου​ ​, ὥσπερ πλοῦτον κατέχουσα​ ​, ἀγάλλεται σήμερον​ ​, καὶ πανηγυρίζει​ ​, ​ΠΑΝΤΑΝΑΣΣΑ ΜΗΤΕΡ , ΘΕΟΚΥΗΤΟΡ ΜΑΡΙΑΜ ​, καὶ εὐχαρίστως ἀνακραυγάζει ​Σ​οι​ ​· Τῇ ῥάβδῳ τῆς προνοίας ​Σ​ου​ ​, τὴν ἐκλογάδα ​Σου ΔΕΣΠΟΙΝΑ ​, πρὸς νομὴν τὴν οὐράνιον​ ​, ἀσφαλῶς καθοδήγησον​ ​.

Ρ῾εῖθρα τῶν ἰάσεων​ ​, ἀναπηγάζει ἑκάστοτε​ ​, ἡ Εἰκών ​Σ​ου ​ΠΑΝΤΑΝΑΣΣΑ , ​ ψυχῶν θεραπεύουσα​ ​, καὶ σωμάτων νόσους​ ​· διὸ προσελθόντες​ ​, ἐν τῷ πανσέπτῳ ​Σ​ου Ναῷ​ ​, τὰ μεγαλεῖά ​Σ​ου διηγούμεθα​ ​, καὶ δόξαν ​Σ​ου κηρύττομεν​ ​, τὴν ἀτελεύτητον ​ἌΧΡΑΝΤΕ ​, εὐλαβῶς ἐξαιτούμενοι​ ​, τὴν θερμήν σου ἀντίληψιν​ ​.

Ποίμνην τὴν τιμῶσάν ​Σ​ε​ ​, καὶ καυχωμένην τῇ δόξῃ σου​ ​, ​ΘΕΟΤΟΚΕ ΠΑΝΤΑΝΑΣΣΑ ​, Εἰκόνος ἁγίας ​Σ​ου​ ​, χάριτι ​ΠΑΡΘΕΝΕ ​, σκέπεις καὶ φυλάττεις​ ​, καὶ διασῴζεις ἀληθῶς​ ​, ἀπὸ κινδύνων καὶ περιστάσεων​ ​· διό ​Σ​ε μακαρίζουσα​ ​, ἀξιοχρέως ἐν ᾄσμασι​ ​, χαῖρε πάντοτε κράζει ​Σ​οι​ ​, τοῦ Θεοῦ τὸ παλάτιον​ ​.

​       ​Δόξα​ Πατρί ...​ Καὶ νῦν​ καί ἀεί    ​. Ἦχος πλ. δ΄.

Δεῦτε πάντες πιστοί​ ​, τὴν ​ΠΑΝΤΑΝΑΣΣΑΝ ΠΑΡΘΕΝΟΝ ​, εὐσεβῶς μακαρίσωμεν​ ​, καὶ τὴν ἁγίαν Εἰκόνα ​Α​ὐτῆς​ ​, ἐν κατανύξει τιμήσωμεν​ ​˙ ἰδοὺ γὰρ πρόκειται ἡμῖν​ ​, τῆς δεδομένης αὐτῇ ἀξίας​ ​, τὴν χάριν μυστικῶς ἐκφαίνουσα​ ​, καὶ ἀπελαύνουσα τὰς νόσους ἐξ ἀνθρώπων​ ​, τῶν προστρεχόντων ​Α​ὐτῇ​ ​, καὶ ἐκ πίστεως ἀναβοῶσ​​ ι˙ Χαῖρε Κεχαριτωμένη​ , ΘΕΟΤΟΚΕ ΠΑΡΘΕΝΕ ΑΓΝΗ ,​ μετὰ ​Σοῦ ὁ Κύριος​ ​˙ Εὐλογημένη ​Σ​ὺ ἐν γυναιξί​ ​, καὶ εὐλογημένος ὁ καρπὸς τῆς κοιλίας ​Σ​ου​ ​, Χριστὸς ὁ φιλάνθρωπος Κύριος​ ​˙ ᾧ πρέσβευε ἐκτενῶς​ ​, ἐν ​Μ​ητρικῇ παῤῥησίᾳ​ ​, τοῦ σωθῆναι τὰς ψυχὰς ἡμῶν​ ​.

​ιβ ΄Τροπάρια αἴνων  ΠΑΝΑΓΙΑΣ ΖΩΟΔΟΧΟΥ ΠΗΓΗΣ

Τῇ Παρασκευῆ Διακαινησίμου .​

                   ἦχος  β ΄Οἶκος τοῦ Ἐφραθᾶ 

Ὕδωρ τό τῆς Πηγῆς , σωτήριο ὑπάρχει , πᾶσι τοῖς ἀσθενοῦσι ·προσέλθωμεν οὖν πίστει , καί χάριν ἀρυσώμεθα .

Φρέαρ τό ζωηρόν , Πηγῆς τῆς ἀθανάτου , τοὶς προσιοῦσι πόθῳ , ἰάσεων παρέχει , πλημμύραν ἀνεξάντλητον .

Ρώννυσι τάς ψυχάς , τό Ὕδωρ τῆς ΠΑΡΘΕΝΟΥ · οἱ τῶν παθῶν ἐν ρύποις , προσδράμωμεν τῇ ΚΟΡΗ , καί τούτους ἀποπλύνωμεν . 

Στάμνος ἡ ἱερά , τό μάννα νῦν ἀφθόνως , Πηγῆς εξ ἀενάου , προχέει τοῖς αἰτοῦσι · τήν χάριν πᾶς ἀντλήσωμεν .

                        Δόξα Πατρί .... ἦχος πλ. α ΄ 

Σαλπίσωμεν φιλέορτοι ἐν ὕμνοις , σκιρτήσωμεν ἐν ὕδατι , καί χορεύσωμεν εὐφραινόμενοι , τῆς ἀενάου πλημμυροῦσιν , τῆς Ζωοδόχου Πηγῆς · Βασιλεῖς καί ἄρχοντες συντρεχέτωσαν , καί Πηγῆς τήν χάριν προχείτωσαν ἀφθόνως · βασιλεῖς γάρ ἔσωσεν · τούς ἐν κλίνῃ συσχεθέντας δέ , τῇ προσψαὐσει ἐξανέστησε · Ποιμένες τε καί σύμπαντες , τήν ὀμβροφόρον Νεφέλην , τό σωτήριον Ὕδωρ , συνελθόντες ἀρυσώμεθα · οἱ ἐν νόσοις ἀπαλλαγήν · οἱ ἐν κινδύνοις τήν ρῶσιν · τήν ἀναψυχήν οἱ ἐν δίψει · τά ὄμματα τε οἱ τυφλοί · οἱ κωφεύοντες τήν εὐηκοΐαν · τήν ἰατρείαν οἱ καχεκτοῦντες · οἱ ἐν θανάτοις τήν ζωηφόρον · οἱ πάντες τήν πανταχοῦ πιστοῖς προρρέουσαν , ὕδατα σωτηρίας , ἀνακροτήσαντες οὕτως κράξωμεν · Ἀείζωα παρέχουσα νάματα , ἐκ Πηγῆς ΑΓΝΗ , μή διαλίπεις ΠΑΡΘΕΝΕ · πρεσβεύουσα πάντοτε ὑπέρ τῶν δούλων Σου .

​    ιγ ΄Τροπάρια αἴνων  ΠΑΝΑΓΙΑΣ ΟΔΗΓΗΤΡΙΑΣ ​

 ​ἦ​χος πλ. δ΄. Ὢ τοῦ παραδόξου θαύματος.

Ὢ τοῦ παραδόξου θαύματος​ ​! Ἡ τῆς ​ΠΑΡΘΕΝΟΥ ​ Εἰκών, παραδόξως τὴν σήμερον, ἐπιῤῥέει νάματα​ ​, τὰς ψυχὰς καταρδεύοντα​ ​, καὶ τῶν σωμάτων​ ​, ῥώσιν χαρίζονται​ ​, τοῖς προσιοῦσι πόθῳ καὶ πίστει τε​ ​, καὶ ἀναμέλπουσ​​ι​ ​, τὰ αὐτῆς τεράστια​ ​, πνευματικῶς​ ​, τοίνυν ἑορτάσωμεν​ ​, ὦ φιλοπάρθενοι​ ​. (Δίς).

Σήμερον​ ​, πιστοὶ ἐμπλήσθητε​ ​, πνευματικῆς ἐδωδῆς​ ​, καὶ τροφῆς ἀθανάτου τε​ ​, πόας τῆς τοῦ Πνεύματος​ ​, ἣν ἡ Ἄνασσα προὔθηκε​ ​· ψυχὰς ῥωννύε​​ι​ ·​ Αὔτη καὶ κάθαρσιν​ ​, παθῶν χαρίζεται​ ​, καὶ ἐπανόρθωσιν​ ​, βίου καὶ ἄφεσιν​ ​, τῶν πταισμάτων ἅπασι​ ​, τοῖς ἐκ ψυχῆς​ ​, αἴνεσιν προσάγουσι​ ​, τῇ ​ΘΕΟΜΗΤΟΡΙ .

​

Φύλαττε​ ​, ᾀεὶ ​ΠΑΝΑΧΡΑΝΥΕ ​ τὴν ἱεράν Σου Μονήν​ ​, ἣν ἐτίμησας Πάναγνε​ ​, διὰ τῆς Εἰκόνος Σου​ ​, ​Ἁίων Πατέρων ​ θείαις δεήσεσι​ ​, καὶ τοὺς ἐν ταύτῃ​ ​, πάντας ἱκάνωσον​ ​, φέρειν τοῦ Πνεύματος​ ​, τοὺς καρποὺς καὶ μέλπειν Σοι διὰ παντό​ ​ς, πόλιν εἰς οὐράνιον​ ​, ​ΘΕΟΧΑΡΙΤΩΤΕ .

​

Δόξα​ Πατρί ...​. Καὶ νῦν.​... ἦχος ​ Ἦχος πλ. α΄.

Δεῦτε​ ​, οἱ τοῦ Ὄρους μονασταί​ ​, ὅσοι τῶν χαρίτων ἀπολαύετε, ​ΜΑΡΙΑΣ τῆς ΠΑΡΘΕΝΟΥ ​· δεῦτε​ ​, ἀνυμνήσωμεν προθύμως​ ​, τῆς ​ΘΕΟΤΟΚΟΥ ΚΟΡΗΣ ​ τὰ θαυμάσια​ ​. ᾌσωμεν Αὐτῇ ἐγκώμια​ ​, γηθοσύνως κραυγάζοντες​ ​· χαῖρε Κεχαριτωμένη​ ​, ἡ ἀπ’ αἰῶνος προορισθεῖσα γενέσθαι Μήτηρ τοῦ Θεοῦ​ ​· χαῖρε​ ​, τοῦ Ἰησοῦ μου εὐρύχωρον ἀνάκτορον​ ​, καὶ τῆς Τριάδος ὅλης τὸ θεῖον ἤδυσμα​ ​· χαῖρε​ ​, ἡμῶν ἡ προστασία καὶ ἔφορος​ ​, ἡ κηδεμὼν καὶ μεσιτεία​ ​. Ἀλλ’ ὦ Θεόπαις ​ΔΕΣΠΟΙΝΑ , ​ὥσπερ συνήγαγες ἡμᾶς διὰ τῆς παραδόξου θαυματουργίας​ ​, τῆς ​Σ​επτῆς Σου Εἰκόνος​ ​, οὕτω καὶ ἐν τῷ μέλλοντι ἀξίωσον​ ​, ὁμοφώνως δοξάζειν Σε​ ​.

​ιδ ΄Τροπάρια αἴνων ΠΑΝΑΓΙΑΣ ΦΑΝΕΡΩΜΕΝΗΣ 

  ​ἦ​χος α´. Τῶν οὐρανίων ταγμάτων. 

Φανερωμένη ​ΠΑΡΘΕΝΕ ​ τὸ σὸν ἐκτύπωμα​ , ​ περιχαρῶς κυκλοῦσαι​ ,​ τοῦ σεπτοῦ σου σεμνείου​ ,​ μονάζουσαι βοῶσι​ ​· τήρει ἀεὶ​ ,​ ἀσινεῖς​ ​,​ΜΗΤΡΟΠΑΡΘΕΝΕ , ​ ἐκ τῶν βελῶν τοῦ Βελίαρ πάσας ἡμᾶς​ ,​ προστρεχούσας τῇ ​Σ​ὴ χάριτι. 

Φανερωμένη​ΠΑΡΘΕΝΕ ​, χαρὰ καὶ σέμνωμα​ ,​ καὶ προσφυγὴ ἁπάντων​ ,​ εὐσεβῶν, ποδηγέτει​ · ​ ἡμᾶς πρὸς τὰς σκηνώσεις τῶν οὐρανῶν​ ,​ τοὺς τρανῶς μεγαλύνοντας​ ,​ τῶν θαυμασίων ​Σ​ου πλῆθος καὶ τὴν θερμὴν​ ,​ ἀρωγὴν ἐπιζητοῦντας ​Σο​υ​

 Φανερωμένη ​ΠΑΡΘΕΝΕ , ​ καμνόντων στήριγμα​ ,​ ψυχῆς παρηγορία​ ,​ τεθλιμμένων καὶ σκέπη​ ,​ ταχεῖα ​Σ​ῶν προσφύγων​ ​, ἐκ συμφορῶν​ ,​ καὶ δεινῶν περιστάσεων​ ,​ ἡμᾶς διάσῳζε πάντας τοὺς ἀκλινῶς​ ,​​ καταφεύγοντας ​Σ ​ῇ χάριτι. 

Φανερωμένη ​ΠΑΡΘΕΝΕ , ​ δὸς χάριν ἄφθονον​ ,​ ὁμόνοιαν​ ​, εἰρήνην​ ,​προκοπήν​ ​, εὐτεκνίαν​ ​, καὶ νίκας ἐν ταῖς μάχαις δούλοις τοῖς ​Σ​οῖς* κατ᾿ ἐχθρῶν, ἵνα πάντοτε* σὲ καταστέφοντες ᾄσμασι μελιχροῖς​ , ​Σὴν εἰκόνα ἀσπαζώμεθα​ ​. 

Δόξα​ Πατρί ... Καί νῦν καί ἀεί ...​ἦχος πλ. α´. 

Ἀγαλλιᾶσθε​ ​, ​ὀρθοδόξων ​ οἱ δῆμοι​ ​, ὡς ἀκεσώδυνον φρέαρ κατέχοντες τὴν θαυμαστὴν τῆς ​ΦΑΝΕΡΩΜΕΝΗΣ ​Εἰκόνα​ ​, τὴν βλυστάνουσαν πᾶσι δαψιλῶς​ ,​ ἀντιλήψεως νάματα​ ,​ καὶ περιτράνως βοήσατε​ ​· ​Ὀρθοδόξων Χριστιανῶν ​ ἔφορε​ ,​ καὶ πάντων χειμαζόμενων ἀκέστορ​ , τὴν μεγαλόδωρον χάριν​ , ​τῆς προμηθεστάτης ​Σ​ου προστασίας​ ​, ὠδαῖς μυστικαῖς μεγαλύνοντες​ ​, τὴν ​Σ​ὴν ἀρωγὴν αἰτούμεθα​ , ​ πρὸς τελείωσιν ἐν Κυρίῳ καὶ θέωσιν​ ​.

Ἐπιστροφή στά θεομητορικά