Προεόρτια , μεθέορτα Εἰσοδίων τῆς ΘΕΟΤΟΚΟΥ

 

                                  ☦

               ΜΡ                                            ΘΥ                                            ☦

 

 ΠΡΟΕΟΡΤΙΑ ΚΑΙ ΜΕΘΕΟΡΤΑ ΤΗς ΕΟΡΤΗΣ ΤΩΝ ΕΙΣΟΔΙΩΝ ΤΗς ΠΑΝΑΓΙΑΣ 

 

   Συνεχίζοντας τήν ἐργασίαν μας δια τάς ἑορτάς καί ἀκολουθίας τῆς ΠΑΝΑΓΙΑΣ καί τῆς συγγραφῆς, καταγραφῆς τῶν ΘΕΟΤΟΚίΩΝ , εἰς τήν παροῦσαν διακονίαν , καταγράφεται ἡ ἴδια τάξις     καί συστοιχία, μέ τήν ἑορτήν τῆς Γεννήσεως τῆς ΘΕΟΤΟΚΟΥ.

   Εἰς τήν παροῦσα δευτέραν ΘΕΟΜΗΤΟΡΙΚΗΝ  μεγάλην  ἑορτήν τῶν εἰσοδίων καταγράφομεν καί  , ἀπολαμβάνωμεν πνευματικῶς, τήν ἀκολουθίαν τῶν προεορτίων καί μεθεόρτων πρότερων , καί τῆς κυρίας ἑορτῆς τῶν Εἰσοδίων ὕστερον  .

  Ἀκολουθοῦμεν τήν ἴδιαν τάξιν μέ τή προτέραν τῆς τῶν Γενεθλίων , ἤτοι προεόρτια καί μεθέορτα ,προπορευόμενα , ὡς λαμπάδες πρός τῆς εἰσόδου , πρό τῆς κυρίας Ἑορτῆς .

εὐλόγησον ΔΕΣΠΟΙΝΑ...

 

                                             ☦

                                     ΘΕΟΤΟΚΙΑ 

...Ἑσπερίων , ἀποστίχων , ἀποστίχων , μεσωδίων καθισμάτων ...

 

....................................... ἦχος α ΄ ........................................... 

 

                            Τοῦ λίθου σφραγισθέντος 

 

Αἰνέσατε παρθένοι καί μητέρες ὑμνήσατε , λαοί δοξολογεῖτε , ίερεῖς εὐλογήσατε , τήν Ἄχραντον Μητέρα τοῦ Θεοῦ , σαρκί γάρ νηπιάζουσα ναῷ τῷ τοῦ Νόμου προσηνεχθη , ὥσπερ Ναός Κυρίου ἁγιώτατος ` διό ἑορτήν πνευματικήν , τιμῶντες ἀνακράξωμεν · χαῖρε ΠΑΡΘΕΝΕ ,  δόξα τοῦ γένους τῶν ἀνθρώπων .

   

                            Τῶν οὐρανίων ταγμάτων 

 

   Ἀπενεχθήσονται φάσκει ὁ θεοπάτωρ Δαυίδ , τῷ Βασιλεῖ παρθένοι , ἐν ναῷ τοῦ Κυρίου , ὁπίσω Σου ΠΑΡΘΕΝΕ μετά φαιδρῶν , τῶν λαμπάδων χορεύουσαι , καί εἰς τά Ἅγια φέρουσί Σε ΑΓΝΗ , ὡς Ἁγίαν Κιβωτόν τοῦ Θεοῦ .

   Δεῦτε πιστοί συνελθόντες ᾠδαῖς τιμήσωμεν , τήν ἐκ μητρός ἀγόνου , παραδόξως τεχθεῖσαν , ΘΕΟΝΥΜΦΟΝ Μητέρα , τοῦ Ποιητοῦ , καί σύν παρθένοις λαμπάσι τε , προσυπαντήσωμεν Ταύτῃ ἐν τῷ ναῷ , εἰσιούσῃ εἰς τά Ἅγια .

   Δεῦτε φιλέορτοι πάντες , ὕμνοις τιμήσωμεν , τήν Μόνην ΘΕΟΤΟΚΟΝ , τήν ΑΓΝΗΝ καί ΠΑΡΘΕΝΟΝ , παρθενοι γηθοσύνως λαμπάσι φαιδραῖς , τήν ΠΑΡΘΕΝΙΝ καί Ἄχραντον , ἐν τῷ ναῷ εἰσαχθεῖσα τοῦ ποιητοῦ , γηθοσύνως λιτανεύσατε .

 Διανοιγέσθωσαν πύλαι πιστῶς εἰσδέξασθαι , παρθένοι λαμπαδοῦχοι , εἰς ναόν ἀφιχθεῖσαν , τήν Ἄχραντον Μητέρα καί πάντων χαράν , τοῦ Θεοῦ ἡμῶν κράζουσαι · Εὐλογημένη ὑπάρχεις ἐν γυναιξί  ΘΕΟΤΟΚΕ ΑΕΙΠΑΡΘΕΝΕ .

   Ἐξανοιγέσθω ἡ πύλη τοῦ θειοτάτου ναοῦ , καί εἰσδεχέσθω ἔνδον , τήν οὐράνιον Πύλην , καί πανηγυριζέτω φύσις βροτῶν , καί σκιρτάτωσαν Ἄγγελοι , συνεορτάζοντες ἅμα φαιδρῶς ἡμῖν , τῆς ΘΕΟΜΗΤΟΡΟΣ τήν Εἴσοδον .

   Ἐπαγγελίας ἁγίας καί ὁ καρπός εὐκλεής , ἡ ΘΕΟΤΟΚΟς ὄντως , ἀνεδείχθη τῷ κόσμῳ , ὡς πάντων ὑπερτέρα · ᾗ εὐσεβῶς , προσαγομένην ἐν οἴκῳ Θεοῦ , τήν προσευχήν τῶν τεκόντων ἀποπληροῖ , συντηρουμένη Θείῳ Πνεύματι .

   Ἐπουρανίῳ τραφεῖσα , ΠΑΡΘΕΝΕ , ἄρτῳ πιστῶς , ἐν τῷ Ναῷ Κυρίου , ἀπεκύησας κόσμῳ , ζωῆς ἄρτον τόν Λόγον · ᾧ ὡς Ναός , ἐκλεκτός καί ΠΑΝΑΜΩΜΟΣ , προεμνηστεύθης τῷ Πνεύματι μυστικῶς , νυμφευθεῖσα τῷ Θεῷ καί Πατρί .

   Εὐπρεπιζέσθωσαν Πύλαι καί ἀνοιγέσθωσαν , αἱ τοῦ ναοῦ Κυρίου , καί τόν οἶκον τῆς δόξης , καί Μόνην ὑπερτέραν τῶν οὐρανῶν , ὑπέρ νοῦν χρηματίσασαν , ὑποδεχέσθωσαν χαίρουσαι καί Χριστόν , τόν Σωτῆρα ἀνυμνείτωσαν .

   Καθάπερ ἄνθη ποικίλα , περιδρεψάμενοι , ἐκ νοητῶν λειμόνων , τῶν τοῦ Πνεύματος λόγων , ἐπαίνων τούς στεφάνους χαρμονικῶς , τῇ ΠΑΡΘΕΝῼ συμπλέξωμεν , καί προεόρτιον τούτους δῶρον Αὐτῇ , ἐπαξίως προσκομίσωμεν .

   Λαμπαδηφόρι παρθένοι , τήν ἈΕΙΠΑΡΘΕΝΟΝ , φαιδρῶς ὁδοποιοῦσαι , προφητεύουσιν ὄντως , ἐν πνεύματι τό μέλλον · Ναός γάρ Θεοῦ , ἡ ΘΕΟΤΟΚΟΣ ὑπάρχουσα πρός τόν Ναόν , μετά δόξης Παρθενικῆς νηπιόθεν ἐμβιβάζεται .

 

                             Τόν Τάφον σου Σωτήρ

 

   Δικαίων ὁ καρπός , Ἰωακείμ καί τῆς Ἄννης , προσφέρεται Θεῷ , ἱερῷ ἐν Ἁγίῳ , σαρκί νηπιάζουσα ὁ τροφός τῆς ζωῆς ἡμῶν · ἥν εὐλόγησεν , ὁ ἱερός Ζαχαρίας , ταύτην ἅπαντες ,  οἱ γηγενεῖς μετάπόθου , πιστῶς μακαρίσωμεν .

 

 

..........................................ἦχος β '...........................................

 

                                 Οἶκος τοῦ Ἐφρθᾶ 

 

   Ἔνδον τοῦ ἱεροῦ  Ἀγίαν τῶν Ἁγίων , τήν ΘΕΟΤΟΚΟΝ οὖσαν , ὦ Ζαχαρία δέχου , Ἁγίων εἰς τά Ἅγια .

   Εὖγε τῆς ἱερᾶς , καί θείας ξυνωρίδος , Ἰωακείμ καί Ἄννης  · ὑφ ᾿ ὧν ΑΓΝΗ τεχθεῖσα , προσήχθης νῦν τῷ Κτίστῃ Σου .

   Ἦδον παρθενικαί χορεῖαι θεῖον ὕμνον , προπέμπουσιν ἐν οἴκῳ , Θεοῦ λαμπαδηφόρον , τήν Μόνην ΠΑΝΑΜΩΜΗΤΟΝ . 

   Ἦρθη τό τοῦ φραγμοῦ , μεσότοιχον τῇ θείᾳ , τῆς ὄντως ΘΕΟΤΟΚΟΥ , Εἰσόδῳ καί οἱ κάτω τοῖς ἄνω νῦν συνήφθημεν .

   Ὄρος τό νοητόν , τήν Τράπεζαν τήν θείαν , τήν Γέφυραν τήν Στάμνον , Προφῆτα ὑποδέχου , τήν Μόνην ΠΑΝΑΜΩΜΗΤΟΝ .

   Πύλαι τῶν οὐρανῶν εἰσδέξασθαι ΠΑΡΘΕΝΟΝ , ΜΑΡΙΑΝ  Ἀπειράνδρως · ΑΓΝΗΝ τήν ΘΕΟΤΟΚΟΝ , ἐξ ᾿ ἧς βροτῶν ἡ λύτρωσις . 

   Πύλας τοῦ οὐρανοῦ , διάρας Ζαχαρία , προφῆτα ὑποδέχου , Θεοῦ τήν θείαν Πύλην , τήν μόνην ἈΕΙΠΑΡΘΕΝΟΝ .

   Ῥίζης τοῦ Ἱεσσαί , ἐβλάστησας ΠΑΡΘΕΝΕ · Γαβριήλ δέ τό χαῖρε , κομίζων Σοι ἐβόα , Θεόν δή τέξῃ ΠΑΝΑΓΝΕ .

   Σήμερον ψαλμικῶς , τά στίφη τῶν παρθένων , ἀνάψαντα δαμπάδας , φαιδρῶς ὁδοποιοῦσι,τήν  Μόνην ΠΑΝΑΜΩΜΗΤΟΝ.

    Φῶς Σε τό τριλαμπές αὐγάσαν ΘΕΟΤΟΚΕ , ἐν τῷ ναῷ τῆς δόξης , οὐράνον τροφήν Σοι , ἐκπέμπων μεγαλῦνον Σε .

                            

..............................................ἦχος δ ΄.......................................

              

                                  Ἐπεφάνης σήμερον 

 

   Εὐφροσύνη σήμερον ἡ οἰκουμένη , ἐπληρώθη ἅπασα , ἐν τῇ εὐσχήμῳ ἑορτῇ τῆς ΘΕΟΤΟΚΟΥ κραυγάζουσα · Αὕτη ὑπάρχει , σκηνή ἐπουράνιος .

 

                                   Κατεπλάγη Ἰωσήφ 

 

   Ἡ Ἀμίαντος Ἀμνάς , καί ἀκηλίδωτος παστάς , ἐν τῷ οἴκῳ τοῦ Θεοῦ , ἡ ΘΕΟΤΟΚΟΣ  ΜΑΡΙΑΜ , μετ ᾿ εὐφροσύνης εἰσάγεται παραδόξως · ἥν Ἄγγελοι Θεοῦ , δορυφοροῦσι λαμπρῶς καί πάντες οἱ πιστοί , μακαριοῦσιν ἀεί , καί εὐχαρίστως ψάλλουσιν Ταύτῃ , ἀκαταπαύστως μεγάλῃ φωνῇ · ἡμῶν ἡ δόξα , καί σωτηρία , Σύ ὑπάρχεις ΠΑΝΑΜΩΜΕ .

   Πρό συλλήψεως ΑΓΝΗ , καθηγιάσθης τῷ Θεῷ , καί τεχθεῖσα ἐπί γῆς , δῶρον προσήχθης νῦν αὐτῷ  , ἀποπληροῦσα πατρῴαν ἐπαγγελίαν · τῷ θείῳ δέ ναῷ , ὡς θεῖος ὄντως Ναός , ἐκ βρέφους καθαρῶς , μετά λαμπάδων φαιδρῶν , ἀποδοθεῖσα ὤφθης δοχεῖον τοῦ ἀπροσίτου καί θείου  φωτός · μεγάλη ὄντως ἡ πρόοδος Σου , Μόνη ΘΕΟΝΥΜΦΕ καί ΑΕΙΠΑΡΘΕΝΕ 

                            

                                   Ταχύ προκατάλαβε 

 

   Δαυίδ προοδοποίησον , ἐν τῷ Ναῷ τοῦ Θεοῦ , καί χαίρων ὑπόδεξαι , τήν Βασιλίδα ἡμῶν , καί ταύτῃ ἐκβόησον · εἴσελθε ἡ ΚΥΡΙΑ , εἰς ναόν βασιλέως · εἴσελθε , ἧς ἡ δόξα , κεκρυμμένως νοεῖται , ἐξ ᾿ ἧς μέλι καί γάλα , μέλλει πηγάσειν , πᾶσι τό φῶς ὁ Χριστός .

............................................ἦχος πλ. δ ΄....................................

 

                                      Τό προσταχθέν 

 

   Ἀγαλλιάσθω ο Δαυίδ ὁ ὑμνογράφος , καί χορευέτῳἸωακείμ σύν τῇ Ἄννῃ , ὅτι γόνος ἅγιος ἐξ ᾿ αὐτῶν προῆλθεν · ΜΑΡΙΑ ἡ φωτοφόρος θεία λαμπάς ,καί χαίρει εἰσερχομένη ἐν τῷ ναῷ , ἥν καί βλέπων εὐλόγησεν , ὁ Βραχίου υἱός , καί χαίρων ἀνεκραύγαζεν , χαῖρε θαῦμα παγκόσμιον .

 

                                Ὤ !!! τοῦ παραδόξου θαύματος 

 

   Δεῦτε μυστικῶς συνδράμωμεν , καί προεξάρξωμεν νῦν , ταῖς λαμπάσι τῆς πίστεως , καταλαμπρυνόμενοι , τῆς ΠΑΡΘΕΝΟΥ τήν πρόοδον · ναόν Θεοῦ γάρ , δόξῃ εἰσέρχεται , προμνηστευθεῖσα σαφῶς τῷ Πνεύματι , ἧς ἑορτάσωμεν τήν σεπτήν πανήγυριν , θεοπρεπῶς , πάντες εὐωχούμενοι , ἐν τῇ Εἰσόδῳ αὐτῆς .

   Ὄντως ἁπαρχήν εὐπρόσδεκτον , Ἰωακείμ ὁ σοφός , σύν τῇ Ἄννῃ προσήνεγκαν , τῷ καταξιώσαντι θεῖον δοῦναι καρπόν αὐτοῖς , καί ΘΕΟΠΑΙΔΑ , ΚΟΡΗΝ ΜΑΡΙΑΝ σαφῶς , δι ᾿ ἧς τῆς λύπης ἐλύθη ὄφλημα · ἥν ἀνυμνήσωμεν , εὐσεβῶς γηθόμενοι · τῆς γάρ χαρᾶς , πρόξενος γεγένηται , παντί τῷ κόσμῳ Αὐτή .

   Σήμερον Ναός ὁ ἔμψυχος , τῆς ἁγίας δόξης , Χριστοῦ τοῦ Θεοῦ ἡμῶν , ἡ μόνη ἐν γυναιξίν , Εὐλογημένη ΑΓΝΗ , προσφέρεταιτῷ ναῶ , τῷ νομικῷ κατοικεῖν εἰς τά ἅγια , καί χαίρουσι σύν Αὐτῇ , Ἰωακείμ καίἡ Ἄννα τ«πνεύματι · καί αρθενικαί χορεῖαι , τῷ Κυρίῳ ἅδουσιν ,ψαλμικῶς μελῳδοῦσαι ,καί τιμῶσαι ,τήν Μητέραν Αὐτοῦ.      Σήμερον πιστοί χορεύσωμεν , ἐν ψαλμοῖς καί ὕμνοις τῷ Κυρίῳ ᾄδοντες , τιμῶντες καί τήν αὐτοῦ , ἡγιασμένην Σκηνήν · τήν ἔμψυχον Κιβωτόν  , τήν τόν ἀχώρητον Λόγον χωρήσασαν  · προσφέρεται γάρ Θεῷ  , ὑπερφυῶς τῇ σαρκί νηπιάζουσα · καί Ἀρχιερεύς ὁ μέγας , Ζαχαρίας δέχεται , εὐφραινόμενος ταύτην , ὡς Θεοῦ κατοικητήριον .   

   Σύ τῶν προφητῶν τό κήρυγμα , Ἀποστόλων δόξα , καί Μαρτύρων καύχημα , καί πάντων τῶν γηγενῶν ἡ ἀνακαίνησις , ΠΑΡΘΕΝΕ Μήτηρ Θεοῦ , διά Σοῦ γάρ τῷ θεῷ κατηλλάγημεν · διό τιμῶμεν τήν Σήν , ἐν τῷ ναῷ τοῦ Κυρίου προέλευσιν · καί σύν τῷ Ἀγγέλῳ πάντες , ψαλμικῶς τό χαῖρε Σοι , τῇ ΠΑΝΣΕΜΝῼ βοῶμεν , τῇ πρεσβείᾳ Σου σῳζόμενοι .   

   Ὤ!!! τοῦ παραδόξου θαύματος !!! προϋπογράφεται νῦν , τό ἐσόμενον ἄῤῥητον ἐν συμβόλοις σήμερον , ὁρατοῖς τά νοούμενα · ἡ φῶς γάρ κόσμῳ θεῖον ἐκλάμπουσα νυμφαγωγεῖαι πρός ναόν ἔνθεον · ἥν εὐφημήσωμεν , ὡς Ναόν θεότητος ὑπερφυῆ ἅγιον ἀείφωτον , τοῦ φωτοδότου Χριστοῦ .

               

                                            ☦

 

                                  Κανών ἦχος δ ΄ , 

ποίημα Ἰωσήφ τοῦ Ὑμνογράφου , μέ ἀκροστιχίδα , κατά ἀλφάβητον , ἄνευ τῶν εἰρμῶν , μέχρι τήν ζ ΄ᾠδήν .
ἡ ἀκροστιχίς εἰς τήν η΄καί θ ΄ᾠδήν , γραφήσεται  , εἰς τήν ἰδίαν αὐτῶν θέσιν .

                              ᾠδή α΄.  ὁ εἱρμός  

   Ἀνοίξω τό στόμα μου καί πληρωθήσεται πνεύματος , καί λόγον ἐρεύξομαι , τῇ Βασιλίδι Μητρί , καί ὀφθήσομαι φαιδρῶς πανηγυρίζων , καί ἄσω γηθόμενος , ταύτης τήν Εἴσοδον .

                                   Τροπάρια 

   Ἁγίων εἰς Ἅγια , ἡ ΠΑΝΑΓΙΑ καί Ἄμωμος , οἰκῆσαι προέρχεται , ὙΠΕΡΑΓΙΑ Θεοῦ , ὅπως γένηται , Ναός ἡγισμένος , καί ταύτης προτρέχουσι , κόραι νεάνιδες . 

   Βουλή προαιώνιος , τοῦ πρό αἰώνων Θεοῦ ἡμῶν , εἰς πέρας προέρχεται , προερχομένης Σου , ἀνατραφῆναι εἰς Ἅγια Ἁγίων , εἰς Λόγου κατοίκησιν , ΚΟΡΗ ΠΑΝΑΜΩΜΕ .

   Γεννήτορες ἔνθεοι , Σέ τοῦ Θεοῦ τήν γεννήτριαν , γεννήσεσθαι μέλλουσαν , ἀνατιθέασιν , εἰς τά Ἅγια τραφῆναι τῶν Ἁγίων , εὐχήν ἥνπερ ηὔξαντο , πληροῦντες ΠΑΝΑΓΝΕ .

   Δυνάμωσον ΔΕΣΠΟΙΝΑ τό ἀσθενές τῆς καρδίας μου , καί στήριξον πάθεσιν  περιτρεπόμενον · ὅπως πίστει Σε καί πόθῳ μακαρίζω , τήν ἈΕΙΜΑΚΑΡΙΣΤΟΝ καί ΠΑΝΑΜΩΜΗΤΟΝ .

                                ᾠδή γ ΄. ὁ εἱρμός .

   Τούς Σούς ὑμνολόγους ΘΕΟΤΟΚΕ , ὡς ζῶσα καί ἄφθονος Πηγή , θίασον συγκροτήαντας , πνευματικόν στερέῳσον , κἄν τῇ Σεπτῇ Εἰσόδῳ Σου , στεφάνων δόξης ἀξίωσον .

                                       Τροπάρια 

   Ἐξάρχουσαι κόραι τῆς ΠΑΡΘΕΝΟΥ , λαμπάδας κατέχουσαι φαιδρῶς , τό μέλλον ὑπογράφουσιν · ἐκ Ταύτης γάρ τεχθήσεται , ὁ φωτισμός τῆς γνώσεως , λύων τῆς πλάνης τήν ζόφωσιν . 

   Ζηλοῦσα τήν πάλαι θεοφρόνως , ἡ Ἄννα εὐχήν ἀποπληροῖ , καί Σέ προσανατίθεται , τῷ Ἱερῷ ΠΑΝΑΜΩΜΕ , ἱερωτάτην σύλληψιν , μέλλουσαν ἕξειν καί γέννησιν .

   Ἥλιος ἐφήπλωσεν ἀκτῖνας , ὁρῶν τήν Νεφέλην τοῦ φωτός , ἐφαπλουμένην νεύματι , Θεοῦ ἔνδον εἰς Ἅγια , ἐξ ᾿ ἧς ὀμβρήσει ἄφεσις , τοῖς χεσωθεῖσιν ἐγκλήμασιν .

   Θεοῖ με Θεός ἐν Σοί σκηνώσας , δι ᾿ οἶκτον ΠΑΝΑΧΡΑΝΤΕ ΑΓΝΗ , κλαπέντα βρώσει πρότερον , ἁπάτῃ τοῦ ὄφεως , καί τῆς φθορᾶς τήν ἄφθαρτον , πάλιν τρυφήν ἀντιδίδωσιν .

                                   ᾠδή δ΄. ὁ εἱρμός .

   Τήν ἀνεξιγχνίαστον θείαν βουλήν , τήν ἐκ τῆς ΠΑΡΘΕΝΟΥ σαρκώσεως , σοῦ τῦ Ὑψίστου , ὁ Προφήτης Ἀββακούμ , κατανοῶν ἐκράυγαζεν , δόξα τῇ δυνάμει σου Κύριε .

                                       Τροπάρια 

   Ἱεραί προήγγειλαν γλῶσσαι Σεμνή , ἔσεσθαι χωρίον Σε φύσεως , τῆς ἀχωρήτου , διά τοῦτο Σε χοροί , παρθενικοί προπέμπουσιν , λαμπαδηφοροῦντες εἰς τά Ἅγια .

   Κλέος ἀπηνέγκατο Ἰωακείμ , Ἄννῃ συμβαδίζων καί φέρων Σε , μετ ᾿ εὐφροσύνης , εἰς τόν ἅγιον ναόν , Ναέ Θεοῦ ΠΑΝΑΓΝΕ , ἌΧΡΑΝΤΕ ΠΑΝΑΜΩΜΕ ΔΕΣΠΟΙΝΑ .

   Λέλυται ἀπόφασις προγονική · ἤνθησεν ἰδού γάρ ἡ ἄμπελος , ἥτις τόν βότρυν τόν ἀκήρατον ἡμῖν , καρποφορήσει φέροντα , οἶνον εὐφροσύνης  τοῖς πέρασιν . 

   Μόνην Σε ΠΑΝΑΜΩΜΕ ὁ πλαστουργός , Λόγος εὑρηκώς κατεσκήνωσεν , Σοῦ ἐν νηδύϊ  ἐργαζόμενος ἡμῶν , τήν σωτηρίαν ἌΧΡΑΝΤΕ , χάριτι δι ᾿ ἄφατον ἔλεος .

                            ᾠδή ε΄. ὁ εἱρμός .

   Ἐξέστη τά σύμπαντα , ἐν τῇ Σεπτῇ Εἰσόδῷ Σου · Σύ γάρ ἈΠΕΙΡΟΓΑΜΕ ΠΑΡΘΕΝΕ , ἔνδον εἰσῆλθες , ἐν τῶ ναῶ τοῦ Θεοῦ , ὤσπερ καθαρώτατος Ναός , πᾶσι τοῖς ὑμνοῦσι Σε , τήν εἰρήννην βραβεύουσαν .

                                         Τροπάρια 

   Νεφέλαι ῥανάτωσαν δικαιοσύνην σήμερον , ὡς ἐν οὐρανῷ γάρ ἐφαπλοῦται , θείᾳ Νεφέλῃ , ἐν τῷ ναῷ τοῦ Θεοῦ , ἥτις ἀποστάξει γλυκασμόν , πᾶσαν τῶν ψυχῶν ἡμῶν τήν πικρίαν ἐξαίροντα .

   Ξένη Σου ἡ σύλληψις , ξένη Σου καί ἡ γέννησις , ξένη Σου ἡ πρόοδος ΠΑΡΘΕΝΕ , ξένη ἡ ἔνδον τοῦ ἱεροῦ ἀγωγή · ξένα καί παράδοξα τά Σά , λόγον ὑπερβαίνοντα , καί διάνιαν ἌΧΡΑΝΤΕ . 

   Ὅλην Σε ἡγίασεν , τό Πνεῦμα τό Πανάγιον , ἔνδον τοῦ ναοῦ διαιτωμένην , καί τρεφομένην τροφήν οὐράνιον , Νύμφη τοῦ Πατρός περικλῆς , ὅθεν ἐχρημάτισας , καίτοῦ Λόγου γεννήτρια .

   Πρός Σέ μου τήν ἅπασαν , ἐλπίδα ΚΟΡΗ τίθημι , πρός τούς οἰκτιρμούς Σου καταφεύγω , βλάβης δαιμόνων δεῖξον ἀμέτοχον , τήν καταπεσοῦσαν μου ψυχήν , καί ἐξασθενήσασαν , ἡδονῶν ἐπικλύσεσιν .

                              ᾠδή Ϛ ΄. ὁ εἱρμός .

   Τήν θείαν ταύτην καί πάντιμον , τελοῦντες ἑορτήν οἱ θεόφρονες τῆς ΘΕΟΜΗΤΟΡΟΣ , δεῦτε τάς χεῖρας κροτήσωμεν , τόν ἐξ ᾿ ΑΥΤΗΣ τεχθέντα , Θεόν δοξάζοντες .

                                    Τροπάρια 

  Ῥωσθέντες τῇ θείᾳ χάριτι , οἱ θεῖοι τῆς ΠΑΡΘΕΝΟΥ γεννήτορες ταύτην ὡς ἄμωμον , περιστεράν εἰς τά ἅγια , ἀνατραφῆναι πόθῳ ἀνατιθέασιν .

   Σοῦ τῆς μελλούσης εἰδέχεσθαι , τό φῶς ἐκ φωτός προερχόμενον , φῶτα ὑφάπτουσαι κόραι σεμναί προπορεύονται , φωτοειδῆ πρός θεῖον , ναόν χορεύουσαι .

   Τό πλήρες δόξης Παλάτιον , τό μέγα Προφητῶν περιήχημα , Θρόνος ὁ Ἅγιος , ἔνδον εἰς Ἅγια τίθεται , τῷ Βασιλεῖ τῶν ὅλων ἑτοιμαζόμενος .

   Ὑμνῶ Σου ΚΟΡΗ τήν σύλληψιν , ὑμνῶ Σου τήν ἀπόῤῥητον γέννησιν , ὑμνῶ τήν Σκέπην Σου , βλάβης δι ᾿ ἧς πάσης ῥύομαι , ὁ πρός τήν Σήν γαλήνην κατεπειγόμενος .

 

                                                 ☦

                              Προεόρτιον κοντάκιον 

                             ἦχος δ ΄.Ἐπεφάνης σήμερον 

   Εὐφροσύνη σήμερον ἡ οἰκουμένη , ἐπληρώθη ἅπασα , ἐν τῇ εὐσχήμῳ ἑορτῇ τῆς ΘΕΟΤΟΚΟΥ κραυγάζουσα · Αὕτη ὑπάρχει , σκηνή ἐπουράνιος .

                                      Ὁ οἶκος 

   Ὁ τῶν ἁπάντων Ποιητής , ὁ Πλάστης καί Δεσπότης , ἀῤῥήτῳ εὐσπλαγχνίᾳ καμπτόμενος , καί μόνῃ φιλανθρωπίᾳ  τῇ αὐτοῦ , ὅνπερ ταῖς οἰκείαις κατεσκεύασε χερσίν , ἰδών πεσόντα , ᾤκτειρε καί ἀναστῆναι τοῦτον εὐδόκησεν , πλάσει θειοτέρᾳ , καί κενῴσει τῇ ἰδίᾳ , ὡς ἀγαθός καί φύσει ἐλεήμων · διό τήν ΜΑΡΙΑΜ μεσῖτιν λαμβάνει , ὡς ΠΑΡΘΕΝΟΝ καί ΑΓΝΗΝ τοῦ μυστηρίου , ἐκ ταύτης τό ἡμῶν φύραμα φορέσαι ὡς ἠβουλήθη · Αὕτη ὑπάρχει σκηνή  ἐπουράνιος  

                                    ᾠδή ζ΄. ὁ εἱρμός .

   Οὐκ ἐλάτρεευσαν τῇ κτίσει οἱ θεόφρονες , παρά τόν κτίσααντα , ἀλλά πυρός ἀπειλήν , ἀνδρείως πατήσαντες χαίροντες ἔψαλλον . Ὑπερύμνητε , ὁ τῶν Πατέρων Κύριος , καί Θεός εὐλογητός εἶ .

                                      Τροπάρια 

   Φωτοφόρον Σε  , ὡς ἥλιον εἰσδέχεται , ναός ὁ Ἅγιος , ἔνδον ἀστράπτουσαν , ἀκτῖνας τοῖς πέρασι, σωτηριώδεις ΑΓΝΗ , Ὑπεράγιον ναόν , γενέσθαι μέλλουσαν , τοῦ Υἱόῦ Θεοῦ ΑΓΝΗ .

   Χεῖρας ἄπαντες , κροτήσατε λυτρώσεως , σύμβολα φέρουσαν τήν Ἀπειρόγαμον , ὁρῶντες · Ἀγγέλου γάρ χειρί , ἐκτρέφεται , τόν οὐράνιον ,  ἄρτον ἡμῖν ὡς  μέλλουσα , ἀποῤῥήτως ἀποτίκτειν .

   Ψυχαί ἅπασαι , Δικαίων ὑποχθόνιοι εὐαγγελίζεσθαι · περιστερά ἡ χρυσῇ , κατάπαυσιν φέρουσα . κατακλυσμοῦ νοητοῦ , πεφανέρωται , καί εἰς Ἁγίων Ἅγια , εὐσεβῶς περιχορεύει .  

   Ὡς ὡραία τόν ὡραῖον ἐπεκύησας , τήν ἀμορφίαν ἡμῶν , προσεπανάγοντα νῦν , εἰς πρώτην ἐμφέρειαν , ΚΟΡΗ  ΑΓΝΗ ΠΑΝΑΜΩΜΕ · διό βοῶμεν Σοι · Εὐλογημένη ΔΕΣΠΟΙΝΑ , ἡ σαρκί Θεόν κυήσασα .

                                    ᾠδη η ΄

μέ ἀκροστιχίδα κατά ἀλφάβητον , μέ ἕνα ξεχωριστόν τρόπον , σέ κάθε τροπάριον περιέχονται τέσσαρα γραμματα μέ τήν σειρά, ὅπως ἐμφαίνονται μέ τά ἔντονα γράμματα εἰς τά τροπάρια .

ἤτοι ἔχει ἡ ᾠδή , 6 τροπάρια , και ἕκαστον τροπάριον περιέχει ἀπό τέσσαρα στοιχεῖα τῆς ἀκροστιχίδος.

ἐκτός ἀπό τόν εἱρμόν .

ἀλλά τά ἀπολαύσωμεν πνευματικῶς .

                                  Ὁ εἱρμός 

   Ἄκουε ΚΟΡΗ ΠΑΡΘΕΝΕ ΑΓΝΗ , εἰπάτω δή ὁ Γαβριήλ , Βουλή Ὑψίστου , ῤχαίαν ἀληθινήν , γενοῦ πρός ὑποδοχήν ἑτοίμη Θεοῦ , διά Σοῦ γάρ ὁ ἀχώρητος , βροτοῖς συναναστρέφεται · διό καί χαίρων βοῶ ·εὐλογεῖτε , πάντα τά ἔργα Κυρίου τόν Κύριον .

                                   Τροπάρια 

Ἄκουε σύνες πρεσβῦτα σοφέ , τῷ Ζαχαρίᾳ Ἄννα φησί · Βολυλήσει θείᾳ ἥν ἔσχονπαῖδα Σεμνή , γενναίᾳ ψυχῇ ὑπόδεξαι · Δι ᾿ Αὐτῆς γάρ ἔσται λύτρωσις , καί εἰς ναόν τόν Ἅγιον , ἀνάθου Ταύτην βοῶν · εὐλογεῖτε τά ἔργα Κυρίου τήν ΚΥΡΙΑΝ .

   Εὐλογητός μόνος Κύριος , ἐβόησεν ὁ ἱερεύς · ζωῆς εἰσόδους νῦν ὑποφαίνεις σαφῶς , ἡμῖν φανερώσας , ὅπερ μέλλει οἰκεῖν , Θεοχώρητον Παλάτιον , Χριστός ὁ Βασιλεύς , τοῦ παντός · διό βοῶμεν Σοι · εὐλογοῦμεν ΠΑΡΘΕΝΕ τήν δόξαν Σου .

   Ἰδού πρεσβῦτα σοφώτατε , ἡ Ἄννα ἔφησεν εὐλαβῶς , Καλλίστην Παῖδα , ἤν δέδωκε μοι Θεός , λαμπρῶς ὑποδέχου , καί προφήτευε , Μόνην μέλλουσαν εἰς πράγματα , προφέρειν τά κηρύγματα , μέθ ᾿ ὧν βοᾷς προφητῶν · χαῖρε Εὐλογημένη , ἡ Θεόν σαρκί κυήσασα .

   Νῦν ἔγνων γῦναι σαφέστατα , ἔφη ὁ γηραιός , Ξύλον ἐν μέσῳ ὡς ἐκβλαστάνειν ναοῦ · ὅπερ ἐξανθήσει , θεῖον ὄντως καρπόν , Παραδείσῳ εἰσῳκίζοντα , τούς βρώσει ἐξωσθέντας φθορᾶς , ἀναβοῶντας χαρᾷ · Εὐλογοῦμεν ΑΓΝΗ τόν τόκον Σου .

   Ῥητόν ἀῤῥήτων μυήσεων , ἡ Σή ψυχή ΚΟΡΗ ΣΕΜΝΗ , Σαφῶς ὑπάρξει · ὁ πρεσβύτης ἔφη τρανῶς · τόν θεῖον ἰδού ΠΑΡΘΕΝΕ οἴκει ναόν · ὑπ ᾿ Ἀγγέλου τρεφομένη γάρ , βουλῆς μεγάλης Ἄγγελον κυήσεις , διό μελῳδῷ · χαῖρε ΑΓΝΗ ΠΑΡΘΕΝΕ .

   Φωνήν Σοι ᾄδομεν ΚΟΡΗ ΑΓΝΗ , περιχαρῶς τοῦ Γαβριήλ , χαῖρε τῆς πΆντων αἰτία μόνη χαρᾶς · ψυχῶν χαῖρε καθαρτήριον , ὡς κυήσασα , τήν κάθαρσιν  , ἡμῶν καί ἀπολύτρωσιν , τῶν μελῳδούντων Σοι · εὐλογημένη Σύ εἶ ἡ τόν Θεόν σαρκί κυήσασα.

 

                                          ☦

                     ἡ τάξις τῆς...Τήν Τιμιωτέραν 

 

                                           ☦

                                             

                   ᾠδή θ ΄  μέ ακροστιχίδα : Ἰωσήφ 

                                      Ὁ εἱρμός 

   Ἅπας γηγενής , σκιρτάτω τῷ Πνεύματι λαμπαδουχούμενος · πανηγυριζέτω δέ Ἀΰλων Νόων φύσις γεραίρουσα , τά ἱερά Εἰσόδια τῆς ΘΕΟΜΗΤΟΡΟΣ , καί βοάτω · χαίροις ΠΑΜΜΑΚΑΡΙΣΤΕ , ΘΕΟΤΟΚΕ ΑΓΝΗ ΑΕΙΠΑΡΘΕΝΕ .

                                         Τροπάρια 

   Ἴδε τοῦ Θεοῦ , τό ὄρος τό ἅγιον , μετά λαμπάδων φαιδρῶν , ἔνδον εἰς τά Ἅγια ,βαδίζει , λίθος ἐξ ᾿ οὗ τμηθήσεται , καί τούς βωμούς καί τά ξόανα , δαιμονικά λεπτυνεῖ , τούς βροτούς δέ , ἑαυτοῦ ἐργάσεται , καί ναούς καί σεπτά καταγώγια .

Ὤμοσε Θεός , καί νῦν ἐκπεπλήρωκεν , φυλῆς Ἰούδα ἡμῖν , δούς τήν ΑΕΙΠΑΡΘΕΝΟΝ · ἧς ἡ κοιλία ξύλον βλαστήσει ζωῆς , βρώσεως   θανατηφόρου , ἀπολυτρούμενον , τούς τῇ πτώσει , ταύτης ὑποκύψαντας , καί κλαπέντας ἁπάτῃ τοῦ ὄφεως .

   Στόματι λαμπρῷ , ἡ Ἄννα ἐβόησεν ἐν τῷ ναῷ τοῦ Θεοῦ , σοί προσανατίθημι , , ἥν μοι παρέσχου Παῖδα , ὦ Δέσποτα · ἐξ ᾿ ἧς δι ᾿ οἶκτον ἄφατον , σωματοφόρος ὠφθείς , διάσῴσεις κόσμον ὅνπερ ἔπλασας , μεγαλύνων Αὐτήν ὡς Μητέρα σου .

   Ηὔγασεν ἰδού , ἡμέρα σωτήριος , τοῖς ἐν νυκτί τῶν δεινῶν , Πύλη ἐπουράνιος , ναοῦ τάς πύλας ἀναπετάσασα , μετά λαμπάδων πρόεισιν , ἔνδον εἰς Ἅγια , ὑφ ᾿ ἁγίας τρέφεσθαι δυνάμεως , εἰς ἁγίαν Θεοῦ κατασκήνωσιν .

   Φώτισον ΑΓΝΗ , ψυχῆς μου τά ὄμματα , φῶς ἡ κυήσασα , ὅπως μή ἐπέλθη μοι , τῆς ἁμαρτίας σκότος βαθύτατον , μηδέ βυθός κλύψῃ με τῆς ἀπογνώσεως , ἀλλ ᾿ Αὐτή με , σῶσον καί κυβέρνησον , πρός λιμένα τοῦ θείου θελήματος .

 

 

                                            ☦

 

                                      Δοξαστικά 

 

        Δόξα Πατρί ....καί νῦν , καί ἀεί ..ΘΕΟΤΟΚίΟΝ 

 

                                        ἦχος α ΄

   Ἀγαλλιάσθω σήμερον ὁ οὐρανός ἄνωθεν , καί αἱ νεφέλαι εὐφροσύνην ῥανάτωσαν , ἐπί τά λεῖα παράδοξα , μεγαλεῖα τοῦ Θεοῦ ἡμῶν · ἰδού γάρ ἡ Πύλη , ἡ κατά ἀνατολάς βλέπουσα , ἀποκυηθεῖσα , ἐκ στείρας ἀκάρπου , ἐξ ἐπαγγελίας , καί τῶ Θεῷ ἀφιερωθεῖσα , εἰς κατοίκησιν , σήμερον ἐν τῷ ναῷ , ὡς ἄμωμος προσφορά , προσάγεται · ἀγαλλιάσθω ὁ Δαυίδ κρούων τή κινύραν · ἀπενεχθήσοντι φησί τῷ Βασιλεῖ , παρθένοι ὁπίσω Αὐτῆς αἱ πλησίον Αὐτῆς ἀπενεχθήσονται · ἔσω ἐν τῇ σκηνῇ τοῦ Θεοῦ , ἔνδον τοῦ ἱλαστηρίου  αὐτοῦ , ἀνατραφῆναι εἰς κατοίκησιν , τοῦ πρό αἰώνων ἐκ Πατρός , ἀῤῥεύστς γεννηθέντος , εἰς σωτηρίαν τῶν ψυχῶν ἡμῶν. 

                                              ἦχος β΄

  Σήμερον τῷ ναῷ προσάγεται , ἡ ΠΑΝΑΜΩΜΟΣ ΠΑΡΘΕΝΟΣ , εἰς κατοικητήριον τοῦ παντάνακτος Θεοῦ , καί πάσης τῆς ζωῆς ἡμῶν τροφοῦ · σήμερον τό καθαρώτατον ἁγίασμα , ὡςμτριετίζουσα δάμαλις , εἰς τά ἅγια τῶν Ἀγίων εἰσάγεται · Ταύτῃ ἐκβοήσωμεν ὡς ὁ Ἄγγελος · χαῖρε Μόνη , ἐν γυναιξίν Εὐλογημένη . 

 

                                               ἦχος δ΄

 

   Δεὺτε πάντες οἱ πιστοί , τήν Μόνην ἈΜΩΜΗΤΟΝ ΑΓΝΗΝ ἐγκωμιάσωμεν , τήν ἐκ τῶν προφητῶν προκηρυχθεῖσαν , καί ἐν τῷ ναῷ προσενεχθεῖσαν , τήν πρό τῶν αἰώνων προορισθεῖσαν Μητέρα , καί ἐπ ᾿ ἐσχάτων τῶν χρόνων , ἀναδειχθεῖσαν ΘΕΟΤΟΚΟΝ · Κύριε πρεσβείαις ΑΥΤΗΣ τήν εἰρήνην σου παράσχου ἡμῖν , καί τό μέγα ἔλεος .

   Σήμερον ὁ θεοχώρητος Ναός ἡ ΘΕΟΤΟΚΟΣ , ἐν Ναῷ Κυρίου προσάγεται , και Ζαχαρίας Ταύτην ὑποδέχεται · σήμερον τά τῶν Ἁγίων Ἅγια ἀγάλλονται , καί ὁ χορός τῶν Ἀγγέλων , μυστικῶς πανηγυρίζει · μεθ ᾿ὧν καί ἡμεῖς ἑορτάζοντες σήμερον , σύν τῷ Γαβριήλ ἐκβοήσωμεν · χαῖρε ΚΕΧΑΡΙΤΩΜΕΝΗ , ὁ Κύριος μετά Σοῦ ὁ ἔχων τό μέγα ἔλεος .

 

                                              πλ.α ΄

 

   Ἐπέλαμψεν ἡμέρα χαρμόσυνος , καί ἑορτή πανσεβάσμιος · σήμερον γάρ , ἡ πρό τόκου ΠΑΡΘΕΝΟΣ , καί μετά τόκον ΠΑΡΘΕΝΟΣ μείνασα , ἐν ναῷ ἁγίω προσάγεται · καί χαίρει Ζαχαρίας ὁ πρέσβυς , ὁ γεννέτης τοῦ Προδρόμου , καί βοᾷ γηθοσύνως · ἤγγικεν ὁ προστασία τῶν θλιβομένων , ἐν ναῷ ἁγίῳ ὡς Ἁγία , ἀφιερωθῆναι εἰς κατοίκησιν τοῦ παντάνακτος · εὐφραινέσθω Ἰωακείμ ὁ προπάτωρ καί ἡ Ἄννα ἀγαλλιάσθω , ὅτι προσήνεγκαν Θεῷ , ὡς τριετίζουσαν δ΄μαλιν , τήν Ἄμωμον ΔΕΣΠΟΙΝΑΝ . μητέρες συγχάρητε , παρθένοι σκιρτήσατε , καί στεῖραι συγχορεύσατε · ὄτι ἠνέῳξεν ἡμῖν , τήν οὐρανῶν βασιλείαν , ἡ προορισθεῖσα ΠΑΝΤΑΝΑΣΣΑ · χαίρετε λαοί καί ἀγαλλιᾶσθε . 

 

                                              πλ. β ΄

 

   Σήμερον τά στίφη τῶν πιστῶν , συνελθόντα πνευματικῶς πανηγυρίσωμεν , καί τήν ΘΕΟΠΑΙΔΑ ΠΑΡΘΕΝΟΝ , καί ΘΕΟΤΟΚΟΝ , ἐν ναῷ Κυρίου προσαγομένην , εὐσεβῶς ἀνευφημήσωμεν · τήν προκλεχθεῖσαν ἐκ πασῶν τῶν γενεῶν , εἰς κατοικητήριον τοῦ Παντάνακτος Χριστοῦ καί  Θεοῦ , τῶν ὅλων · παρθένοι λαμπαδοφοροῦσαι προπορεύεσθε, τῆς ἈΕΙΠΑΡΘΕΝΟΥ τιμῶσαι , τήν σεβάσμιον πρόοδον · μητέρες λύπην πᾶσαν ἀποθέμεναι , χαρμονικῶς συνακολουθήσατε , ὑμνοῦσαι , τήν Μητέρα τοῦ Θεοῦ ἡμῶν γενομένην , καί τῆς χαρᾶς τοῦ κόσμου τήν πρόξενον · ἅπαντες οὖν χαρμονικῶς , τό χαῖρε , σύν τῷ Ἀγγέλῳ ἐκβοήσωμεν τῇ ΚΕΧΑΡΙΤΩΜΕΝΗ , τῇ ἀεί πρεσβευούσῃ ὑπέρ τῶν βυχῶν ἡμῶν .

 

                                      ἦχος πλ. δ ΄

 

   

   Ὁ Δαυίδ προανεφώνει Σοι ἌΧΡΑΝΤΕ , προορῶν τήν ἀφιέρωσιν  τῆς Εἰσόδου Σου ἐν τῷ ναῷ · ἐν ᾧ τά πέρατα τῆς γῆς σήμερον ἀγάλλονται , δοξολογοῦσί Σε ΠΑΝΥΜΝΗΤΕ · ἡ γάρ πρό τόκου ΠΑΡΘΕΝΟΣ , καί μετά τόκον μείνασα Ἄφθορος , Μήτηρ τοῦ Λόγου τῆς ζωῆς , σήμερον εἰσέρχῃ ἐν τῷ ναῷ · ὁ Ζαχαρίας εὐφραίνεται ἀπολαβών Σε ΔΕΣΠΟΙΝΑ · καί τά ἅγια τῶν ἁγίων ἀγάλλονται , ὑποδεξάμενά Σε τήν τροφόν τῆς ζωῆς ἡμῶν · διό καί ἡμεῖς ἐν ᾠδαῖς ἐκβοῶμεν Σοι · ὑπέρ ἡμῶν δυσώπησον , τόν Υἱόν Σου καί Θεόν ἡμῶν , δωρηθῆναι ἡμῖν τό μέγα ἔλεος . 

   Μετά τό τεχθῆναί Σε ΘΕΟΝΥΜΦΕ ΔΕΣΠΟΙΝΑ , παρεγένου ἐν ναῷ Κυρίου , τοῦ ἀνατραφῆναι εἰς τά ἄγια τῶν Ἁγίων , ὡς Ἡγιασμένη · τότε καί Γαβριήλ ἀπεστάλη πρός Σέ τήν ΠΑΝΑΜΩΜΟΝ , τροφήν κομίζων Σοι · τά οὐράνια πάντα ἐξέστησαν , ὁρῶντα τό Πνεῦμα τό Ἅγιον ἐν Σοί σκηνῶσαν · διό Ἄσπιλε Ἄμόλυντε , ἡ ἐν οὐρανοῖς Εὐλογημένη , καί ἐπί γῆς δοξαζομένη  Μήτηρ Θεοῦ , σῷζε τό γένος ἡμῶν .

 

                                                  ☦

 

                                         Ἀπολυτίκιο 

 

                                              ἦχος δ ΄

 

   Χαράν προμνηστεύεται , σἠμερον Ἄννα ἡμῖν  , τῆς λύπης ἀντίθετον , καρπόν βλαστήσασα , τήν μόνην ἈΕΙΠΑΡΘΕΝΟΝ · ἥν περ δή καί προσάγει , τάς εὐχάς ἐκπληροῦσα , σήμερον γηθομένη τῷ Ναῷ τοῦ Κυρίου · ὡς ὄντως Ναόν τοῦ Θεοῦ Λόγου , καί Μητέραν  ΑΓΝΗΝ 

                                

,,,,,,,,,,,,,,,,,,,,,,,,,,,,,,,,,,,,Ἐξαποστειλάρια ,,,,,,,,,,,,,,,,,,,,,,,,,,,,,,,,,,,

 

   Ἡ Δάμαλις ἡ ἄμωμος , ἡ ΠΑΝΑΓΑΘΟΣ ΚΟΡΗ , ἐν τῷ Ναῷ εἰσάγεται , σήμερον παραδόξως · καί ταύτης προπορεύονται , Ἀσωμάτων τάγματα , καί τῶν Ἀγγέλων οἱ δῆμοι , μετά πλήθους παρθένων · ἥν ὁ θεῖος ἱερεύς , ἐνηγκαλίσατο χαίρων .

   Ἥν πάλαι προκατήγγειλαν  τῶν Προφητῶν ὁ σύλλογος , Στάμνον καί Ῥάβδον καί Πλάκα , καί ἀλατόμητον Ὄρος , ΜΑΡΙΑΝ τήν ΘΕΟΠΑΙΔΑ , πιστῶς ἀνευφημήσωμεν · σήμερον γάρ εἰσάγεται , εἰς τά Ἅγια τῶν Ἁγίων , ἀνατραφῆναι Κυρίῳ .

   Θεοῦ Σοφίας τέμενος , καί ὑπέρτερον Θρόνον , τῶν Χερουβίμ ὑπάρχουσαν , τήν Ἁγίαν ΘΕΟΤΟΚΟΝ , εὐπρέπισον Ζαχαρία , τοῦ Ναοῦ τάς εἰσόδους , τά τῶν Ἁγίων Ἅγια , ὑποδέξασθαι Ταύτην , καί σύν ἡμῖν , ᾆδε προεόρτιον , τῇ ΠΑΡΘΕΝῼ , ἐξ ᾿ ἧς Χριστός ὁ Κύριος , σαρκωθείς κόσμον σῴζει .

   Τοῦ ἱεροῦ Σε σήμερον , ΘΕΟΤΟΚΕ ΠΑΡΘΕΝΕ , δέχεται τά ἐνδότερα , χερσίν Ἀρχιερέως · ἐν οἷς τριῶν ἀπό χρόνων , ἕως δύο καί δέκα , διέμεινας τρεφομένη , χειρί θείου Ἀγγέλου , ὡς ἁγία Κιβωτός , τοῦ πάντα τεκτηναμένου . 

 

                                           ☦

 

   Δόξα Σοι Μῆτερ τοῦ Θεοῦ ...

δόξα Σοι ΠΑΝΑΓΙΑ..

εὐχαριστοῦντες , 

προσκυνοῦμεν Σε Μητέρα τοῦ Ὑψίστου .......

 

ἄς προσπαθήσουμε διά τοῦ ἐνθέου βίου , νά γίνομεν λαμπάδες ἀπτόμεναι τοῦ θείου φωτός διά τῆς ὁρθοδοξίας καί ὀρθοπραξίας, καί εἰς τίποτα δεν θα ὑστερούμεθα τῶν φρονίμων παρθένων , προπορευομένων τῆς Μητέρας τοῦ Φωτός , εἰσειούσης εἰς τά ἄγια. ἀμήν 

 

Ἐν Ἱεραποστολῇ    ,βκ ΄Δεκ.η΄    8/12/2020 . 

Ἐπιστροφή στά θεομητορικά