ΘΕΟΜΗΤΟΡΑ ΥΜΝΟΛΟΓΩ ΥΜΝΟΙΣ.

 

 

            ΘΕΟΜΗΤΟΡΑ ΥΜΝΟΛΟΓΩ ΥΜΝΟΙΣ

 ΠΑΝΤΩΝ ΚΑΙ ΠΑΣΩΝ ΤΩΝ ΘΕΟΜΗΤΟΡΙΚΩΝ ΕΟΡΤΩΝ ΤΑ ΑΠΟΛΥΤΙΚΙΑ-ΚΟΝΤΑΚΙΑ-ΟΙΚΟΙ-ΜΕΓΑΛΥΝΑΡΙΑ

 

  Ἡ ποσότητα τροφῶν πάντα δημιουργεῖ ἕναν κορεσμόν εἰς τόν ὀργανισμόν μας  , καί ἐκ φύσεως , καί μία ἀποστροφή εἰς τάς τροφάς , μέχρι ὀ ὁργανισμός, νά ἰσορροπήση  , καί νά ζητάει πάλιν τήν λήψην τροφῆς διά τήν ἀνάγκην τῆς φύσεως .

  Ἀλλά , δέν συμβαίνει τό ἴδιο , ὅταν ἐνασχολούμεθα , μέ τήν Μητέρα τοῦ Θεοῦ , τήν καλήν ἐν γυναιξίν , τήν Μητέρα τοῦ Φωτός, τήν Μητέρα τῆς ζωῆς , τήν Μητρόπολην τῶν ἑορτῶν , ἀλλά, κόρος οὐχ εἰσέρχεται τοῖς πιστοῖς , ἀλλά ἀεί πόθον , εἰς τόν πόθον προσθέτομεν καί δροσιζόμεθα χάριτι , ἐκ τῆς ΘΕΟΜΗΤΟΡΙΚΗΣ εὐλογίας. 

   Διό καί καιομένην ἔχοντες τήν καρδίαν , τήν ἀγαπῶσαν καρδίαν πρός τήν  ἈΓΑΠΗΜΈΝΗΝ  ΜΗΤΕΡΑ τοῦ ‘Υψίστου , πρός τήν ΘΕΟΤΟΚΟΝ , τήν Π Α Ν Α Γ Ι Α  !!! ποιήσαντες ἀνθοδέσμη ἐκ τῶν πνευματικῶν λειμώνων, συλλέγομεν τά τῶν ΘΕΟΜΗΤΟΡΙΚΩΝ ἑορτῶν  ἀπολυτίκια , κοντάκια οἴκους, καί ἀπό ἕν μεγαλυνάριον ἑκάστῃ ἑορτῇ , ἵνα ἔχωμεν εἰς εὔκαιρον βοήθειαν , καλύπτοντες πως τήν ἀνάγκην τῆς ψυχῆς μας , καί αἰτούμεθα τήν ΘΕΟΜΗΤΟΡΙΚΗΝ εὐλογίαν ΕΚΕΙΝΗΣ, εἰ καί ἀνάξιοι ὄντες, ἀλλά θαρροῦμεν τῆ ἀγάπῃ ΕΚΕΙΝΗΣ.

 

 

     α.    ΓΕΝΕΣΙΟΝ  ΤΗΣ  ΘΕΟΤΟΚΟΥ  Σεπτεμβ. η ΄

 

                              Ἀπολυτίκιον , ἦχος δ ΄

 

Ἡ Γέννησις Σου ΘΕΟΤΟΚΕ , χαράν ἐμήνυσε πάσῃ τῇ οἰκουμένῃ , ἐκ Σοῦ γάρ ἀνέτειλεν , ὁ Ἥλιος τῆς δικαιοσύνης, Χριστός ὁ Θεός ἡμῶν  καί λύσας τήν κατάραν  ἔδωκεν τήν εὐλογίαν , καί καταργήσας τόν θάνατον , ἐδωρήσατο ἡμῖν , ζωήν τήν αἰώνιον .

  

                              Κοντάκιον  ἦχος δ ΄

 

Ἰωακείμ καί Ἄννα ὀνειδισμοῦ ἀτεκνίας  καί Ἀδάμ καί Εὔα , ἐκ τῆς φθορᾶς τοῦ θανάτου , ἠλευθερώθησαν Ἄχραντε , ἐν τῇ Ἁγίᾳ Γεννήσει Σου · αὐτήν ἑορτάζει καί ὁ λαός Σου , ἐνοχῆς τῶν πταισμάτων  , λυτρωθείς ἐν τῷ κράζειν Σοι · ἡ στεῖρα τίκτει τήν ΘΕΟΤΟΚΟΝ , καί τροφόν τῆς ζωῆς ἡμῶν. 

 

                                  Ὁ Οἶκος 

 

Ἡ προσευχή ὁμοῦ καί στεναγμός , τῆς στειρώσεως καί ἀτεκνώσεως  , Ἰωακείμ τε καί Ἄννης , εὐπρόσδεκτος , εἰς τά ὦτα Κυρίου εἰσελήλυθε , καί ἐβλάστησεν καρπόν ζωηφόρον τῷ κόσμῳ · ὁ μέν γάρ προσευχήν ἐν τῷ ὄρει ἐτέλει , ἡ δέ ἐν παραδείσῳ ὄνειδος φέρει , ἀλλά μετά χαρᾶς , ἡ στεῖρα τίκτει τήν ΘΕΟΤΟΚΟΝ , καί τροφόν τῆς ζωῆς ἡμῶν .

 

                                  Συναξάριον

 

Τῇ ὀγδόῃ τοῦ αὐτοῦ μηνός Σεπτεμβρίου , τό Γενέθλιον τῆς ΥΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ , ἑορτάζομεν .

 

                                    Στίχοι

Πάσας ἀληθῶς Ἄννα , νικᾶς μητέρας , 

Μήτηρ ἕως ἄν Σή γένηται Θυγάτηρ · 

Ἐξάγαγε πρός φῶς ΘΕΟΜΗΤΟΡΑ , ὀγδόῃ Ἄννα.

 

Ταῖς τῆς ΠΑΝΑΧΡΑΝΤΟΥ  Μητρός Θεοῦ πρεσβείαις ,Χ ριστέ , σῶσον πάντας ἡμᾶς.

 

                                     Μεγαλυνάριον 

   Σήμερον γεννᾶται περιφανῶς , ἐξ ᾿ἐπαγγελείας , ἡ ΘΕΟΝΥΜΦΟΣ  ΜΑΡΙΑΜ , ἡ προορισθεῖσα τῷ Λόγῳ πρό αἰώνων , ὑμνήσωμεν οὖν πάντες , Ταύτης τήν γέννησιν .

 

.....................................

 

     β.    Ἡ  ἘΝ  Τῼ  ΝΑῼ  ΕΙΣΟΔΟΣ  ΤΗΣ            ΥΠΕΡΑΓΙΑΣ  ΘΕΟΤΟΚΟΥ     Νοεμβρίου κα ΄

 

                           Ἀπολυτίκιον  ἦχος δ΄

 

Σήμερον τῆς εὐδοκίας Θεοῦ τό προοίμιον , καί τῆς τῶν ἀνθρώπων σωτηρίας ἡ προκήρυξις · ἐν Ναῷ τοῦ Θεοῦ , τρανῶς ἡ ΠΑΡΘΕΝΟΣ δείκνυται , καί τόν Χριστόν τοῖς πᾶσι προκαταγγέλεται · Αὐτῇ καί ἡμεῖς , μεγαλοφώνως βοήσωμεν · Χαῖρε τῆς οἰκονομίας τοῦ Κτίστου ἡ ἐκπλήρωσις .

 

                               Κοντάκιον  ἦχος  δ΄

                     Ὁ ὑψωθείς ἐν τῷ Σταυρῷ ἑκουσίως.     

 

Ὁ καθαρώτατος Ναός τοῦ Σωτῆρος , ἡ πολυτίμητος παστάς καί ΠΑΡΘΕΝΟΣ , τό ἱερόν θησαύρισμα τῆς δόξης τοῦ Θεοῦ , σήμερον εἰσάγεται ἐν τῷ οἴκῳ Κυρίου , τήν χάριν συνεισάγουσα , τήν ἐν Πνεύματι θείῳ , Ἥν ἀνυμνοῦσιν Ἄγγελοι Θεοῦ · Αὕτη ὑπάρχει , Σκηνή ἐπουράνιος .

 

                                 Ὁ Οἶκος 

 

Τῶν ἀπορρήτων τοῦ Θεοῦ καί θείων μυστηρίων , ὁρῶν ἐν τῇ ΠΑΡΘΕΝῼ , τήν χάριν δηλουμένην , καί πληρουμένην ἐμφανῶς , χαίρω , καί τόν τρόπον ἐννοεῖν ἀμηχανῶ , τόν ξένον καί ἀπόρρητον ·πῶς ἐκλελεγμένη ἡ Ἄχραντος , Μόνη ἐδείχθη ὑπέρ πᾶσαν τήν κτίσιν , τήν ὀρατήν καί νοουμένην · Διό , ἀνευφημεῖν βουλόμενος Ταύτην  , καί καταπλήττομαι σφοδρῶς  νοῦν τε καί λόγον · ὅμως δέ τολμῶ , κηρύττω καί μεγαλύνω · Αὕτη ὑπάρχει , Σκηνή ἐπουράνιος .      

 

                                      Συναξάριον

 

Τῇ κα ΄τοῦ αὐτοῦ μηνός Νοεμβρίου , Μνήμη , τῆς ἐν τῷ Ναῷ Εἰσόδῳ τῆς ΘΕΟΜΗΤΟΡΟΣ .

                                       Στίχοι 

 

Ἔνδον  τρέφει Σε Γαβριήλ ναοῦ ΚΟΡΗ , 

ἤξει δέ μικρόν , καί τό Χαῖρε Σοι λέξων .

Βῇ ἱερόν ΜΑΡΙῌ τέμενος , παρά εἰκάδι πρώτη.

 

Ταῖς τῆς ΘΕΟΤΟΚΟΥ πρεσβείαις ὁ Θεός , ἐλέησον ἡμᾶς .ἀμήν ..

 

                                  Μεγαλυνάριον 

 

Ἔνδον τῶν ἀδύτων ἀν τῷ ναῷ , Ἡ τῷ Θεῷ Λόγῳ , ἐκλεχθεῖσα πρό γενεῶν , ἀφιερωθεῖσα , τήν οἴκησιν ποιεῖται , ἡ ΠΑΝΑΓΝΟΣ ΠΑΡΘΕΝΟΣ , Ἥν μεγαλύνωμεν .

 

.......................................................

 

  γ΄  Η ΣΥΝΑΞΙΣ ΤΗΣ ΥΠΕΡΑΓΙΑΣ ΘΕΟΤΟΚΟΥ , Δεκ. κστ

 

                                Ἀπολυτίκιον   ἦχος δ΄

 

Ὡ ς βρέφος βαστάζουσα  , ἐν ταῖς ἀγκάλαις ΑΓΝΗ , τόν πάντων δεσπόζοντα, σάρκα λαβόντα ἐκ Σοῦ , χαρᾶς ὤφθης πρόξενος  · ὅθεν πᾶσα ἡ κτίσις , ἀνυμνεῖ χαρμοσύνως , σήμερον ΘΕΟΤΟΚΕ , τήν φρικτήν Σου λοχείαν , πηγήν γάρ ἀθανασίας , κόσμῳ ἐκύησας .

 

                             Κοντάκιον   ἦχος πλ. β ΄

 

Ὁ πρό Ἑωσφόρου ἐκ Πατρός ἀμήτωρ γεννηθείς , ἐπί γῆς ἀπάτωρ ἐσαρκώθη σήμερον ἐκ Σοῦ · ὅθεν Ἀστήρ εὐαγγελίζεται μάγοις , Ἄγγελοι μετά ποιμένων ὑμνοῦσι · τόν Ἄχραντοιν τόκον Σου ,  ἡ ΚΕΧΑΡΙΤΩΜΕΝΗ

 

                                      Οἶκος .

Τόν ἀγεώργητον βότρυν βλαστήσασα , ἡ μυστική ἄμπελος ὡς επί κλάδων ἀγκάλαις ἐβάσταζε καί ἔλεγε · Ἀφ ᾿ οὗ ἔγνων , ὅτι καί ὅ ἤμην εἰμί , σύ Μου Θεός · τήν γάρ σφραγῖδα τῆς ΠΑΡΘΕΝΙΑΣ Μου ὁρῶσα ἀκατάλυτον , κηρύττω σε ἄτρεπτον Λόγον , σάρκα γενόμενον · οὐκ οἶδα σποράν , οἶδα σε λύτην τῆς φθορᾶς · ΑΓΝΗ  γάρ εἰμί , σοῦ προελθότος ἐξ ᾿ Ἐμοῦ ·ὡς γάρ ἄν εὗρες , ἔλιπες Μήτραν Ἐμήν · διά τοῦτο συγχορεύει πᾶσα ἡ κτῖσις βοῶσα Μοι · Χαῖρε ἡ ΚΕΧΑΡΙΤΩΜΕΝΗ .

 

                                       Συναξάριον 

 

Τῇ κστ ΄τοῦ αὐτοῦ μηνός Δεκεμβρίου , ἡ Σύναξις τῆς ὙΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ , καί ἈΕΙΠΑΡΘΕΝΟΥ ΜΑΡΙΑΣ.

 

                                        Στίχοι.

 

Λεχώ ἄμωμον ἀνδρός μή γνοῦσα λέχος , 

δώροις ἀμώμοις δεξιοῦμαι τοῖς λόγοις .

Μολπήν ἁγνοτάτῃ λεχοῖ εἰκάδι ἕκτη.

 

                                 Μεγαλυνάριον 

 

Θρόνος ἐπηρμένος πέλεις ΑΓΝΗ , φέρουσα ὡς βρέφος , τόν τά πάντα ἐν τῇ δρακί , φέροντα ὡς Κτίστην , ὑμνοῦμεν Σου ΠΑΡΘΕΝΕ , τήν ὄντως ὑπέρ λόγον μεγαλειότητα . 

 

...............................................

 

 

               δ΄   Ἡ  ΥΠΑΠΑΝΤΗ ΤΟΥ ΚΥΡΙΟΥ   Φεβρ. β ΄

 

                             Ἀπολυτίκιον  ἦχος α ΄

 

Χαῖρε ΚΕΧΑΡΙΤΩΜΕΝΗ ΘΕΟΤΟΚΕ ΠΑΡΘΕΝΕ , ἐκ Σοῦ γάρ ἀνέτειλεν ὁ Ἥλιος τῆς δικαιοσύνης , Χριστός ὁ Θεός ἡμῶν φωτίζων τούς ἐν σκότει. εὐφραίνου καί σύ πρεσβύτα δίκαιε , δεξάμενος ἐν ἀγκάλαις , υόν ἐλευθερωτήν τῶν ψυχῶν ἡμῶν , χαριζόμενος ἡμῖν , καί τήν ἀνάστασιν .

 

                             Κοντάκιον  ἦχος α΄

 

Ὁ Μήτραν Παρθενικήν ἁγιάσας τῷ τόκῳ σου , καί χεῖρας τοῦ Συμεών εὐλογήσας ὡς ἔπρεπε , προφθάσας καί νῦν ἔσωσας ἡμᾶς  Χριστέ ὁ Θεός , ἀλλ ᾿ εἰρήνευσον ἐν πολέμοις τό πολίτευμα , καί κραταίωσον βασιλεῖς οὕς ἠγάπησας , ὁ Μήτραν οἰκήσας ἈΕΙΠΑΡΘΕΝΟΝ.

 

                                          Οἶκος 

 

Τῇ ΘΕΟΤΟΚῼ προσδράμωμεν  , οἱ βουλόμενοι κατιδεῖν τόν Υἱόν ΕΚΕΙΝΗΣ , πρός Συμεών ἀπαγόμενον · ὅνπερ οὐρανόθεν οἱ Ἀσώματοι βλέποντες ἐξεπλήττοντο λέγοντες · θαυμαστά θεωροῦμεν νυνί καί παράδοξα , ἀκατάληπτα , ἄφραστα · ὁ γάρ τόν Ἀδάμ δημιουργήσας βαστάζεται ὡς βρέφος · ὁ ἀχώρητος χωρεὶται ἐν ἀγκάλαις πρεσβύτου  · ὁ ἐπί τῶν κόλπων ἀπεριγράπτως ὑπάρχων  τοῦ Πατρός αὐτοῦ , ἑκὠν περιγράφεται σαρκί , οὐ Θεότητι ·ὁ μόνος φιλάνθρωπος .

 

                                          Συναξάριον 

 

Τῇ Β ΄τοῦ αὐτοῦ μηνός Φεβρουαρίου, ἡ Ὑπαπαντή τοῦ Κυρίου ἡμῶν Ἰησοῦ Χριστοῦ , ἐ ἧ ἡ ΠΑΡΘΕΝΟΣ Μητέρα αὐτοῦ ἐκόμισεν ἐν Ναῷ  , καί ἐδέξατο αὐτόν ἐν ταῖς ἀγκάλαις ὁ δίκαιος Συμεών .

 

                                          Στίχοι 

 

Κόλπους Πατρικούς τυποῦσιν  τοῦ σοῦ Χριστέ μου , 

τοῦ Συμεών αἱ χεῖρες αἱ φέρουσι σε.

Δέξατο παρά ΠΑΡΘΕΝῼ δευτερίῃ Χριστόν Συμεών παρά Νηῷ.

 

                                            Μεγαλυνάριον 

 

Σήμερον ἡ  ΠΑΝΑΓΝΟΣ ΜΑΡΙΑΜ , τῷ Ναῷ  προσάγει , ὥσπερ βρέφος τόν ποιητήν , ὅν ἐν τᾶς ἀγκάλαις , ὁ πρέσβυς δεδεγμένος , θεόν αὐτόν κηρύττει , κἄν σάρκα εἴληφε . 

 

 

........................................

 

 

     ε΄  Ο ΕΥΑΓΓΕΛΙΣΜΟΣ ΤΗΣ  ΥΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ   Μαρτίου  κε΄

 

                                Ἀπολυτίκιον   ἦχος  δ΄

 

Σήμερον τῆς σωτηρίας ἡμῶν τό κεφάλαιον , καί τοῦ ἀπ ᾿ αἰῶνος μυστηρίου ἡ φανέρωσις , ὁ Υἱός τοῦ Θεοῦ , Υἱός τῆς ΠΑΡΘΕΝΟΥ γίνεται , καί Γαβριήλ τήν χάριν εὐαγγελίζεται , διό καί ἡμεῖς , σύν αὐτῷ , τῇ ΘΕΟΤΟΚῼ βοήσωμεν · Χαῖρε , ΚΕΧΑΡΙΤΩΜΕΝΗ  ὁ Κύριος μετά Σοῦ .

 

                       Κοντάκιον   ἦχος  πλ. δ ΄   Αὐτόμελον 

 

Τῇ Ὑπερμάχῳ Στρατηγῶ τά νικητήρια , 

ὡς λυτρωθεῖσα τῶν δεινῶν , εὐχαριστήρια 

ἀνακράζω Σοι ἡ Πόλις Σου ΘΕΟΤΟΚΕ · 

ἀλλ ᾿ ὡς ἔχουσα τό κράτος ἀπροσμάχητον , 

ἐκ παντοίων με κινδύνων ἐλευθέρωσον , 

ἵνα κράζω Σοι · Χαῖρε, Νύμφη Ἀνύμφευτε .

 

                                Ἕτερον ὅμοιον 

 

Τόν ὁμοούσιον Πατρί καί θείῳ Πνεύματι , 

Υἱόν καί Λόγον τοῦ Θεοῦ ΑΓΝΗ συνέλαβες , 

Τῇ τοῦ Πνεύματος ἐπιλεύσει τοῦ Παναγίου ·

Εἰς ἀνάπλασιν βροτείου γένους Ἄχραντε , 

Ἀρχαγγέλου Σοι φωνήν κοσμοχαρμόσυνον , 

ἐκβοήσαντος · Χαῖρε , Νύμφη Ἀνύμφευτε .

 

                                          Οἶκος 

 

Ἄγγελος πρωτοστάτης , οὐρανόθεν ἐπέμφθη , εἰπεῖν τῇ ΘΕΟΤΟΚῼ τό Χαῖρε · καί σύν τῇ ασωμάτῳ φωνῇ , σωματούμενον σε θεωρῶν  , Κύριε , ἐξίστατο καί ἵστατο , κραυγάζων πρός Αὐτήν τοιαῦτα · 

Χαῖρε , δι ᾿ Ἧς ἡ χαρά ἐκλάμψει ·

   χαῖρε , δι Ἧς ἡ ἀρά ἐκλείψει ·

χαῖρε , τοῦ πεσόντος Ἀδάμ ἡ ἀνάκλησις , 

   χαῖρε , τῶν δακρύων τῆς Εὔας ἡ λύτρωσις · 

χαῖρε , ὕψος δυσανάβατον ἀνθρωπίνοις λογισμοῖς , 

   χαῖρε , βάθος δυσθεώρητον , καί Ἀγγέλων ὀφθαλμοῖς ·

χαῖρε , ὅτι ὑπάρχεις , βασιλέως καθέδρα , 

   χαῖρε , ὅτι βαστάζεις τόν βαστάζοντα πάντα · 

χαῖρε , ἀστήρ ἐμφαίνων τόν ἥλιον , 

   χαῖρε , γαστήρ ἐνθέου σαρκώσεως · 

χαῖρε , δι ᾿ Ἧς νεουργεῖται ἡ κτίσις , 

   χαῖρε , δι ᾿ Ἧς βρεφουργεῖται ὁ Κτίστης .

                   Χαῖρε , Νύμφη Ἀνύμφευτε .

 

                                      Συναξάριον 

 

Τῇ  κε΄τοῦ αὐτοῦ μηνός Μαρτίου , ὁ Εὐαγγελισμός , τῆς ΥΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ ,καί ἈΕΙΠΑΡΘΕΝΟΥ ΜΑΡΙΑΣ.

 

                                           Στίχοι 

 

Ἤγγειλεν Υἱόν  Ἄγγελος τῇ ΠΑΡΘΕΝῼ, 

Πατρός μεγίστης Βουλῆς μέγαν .

Γήθεο τῇ ΜΑΡΙῌ  ἔφατ ᾿ Ἄγγελος είκάδι πέμπτη .

 

 Ταῖς τῆς σῆς ἈΧΡΑΝΤΟΥ πρεσβείαις Χριστέ , ἐλέησον τόν κόσμον σου .αμήν .

 

                                       Μεγαλυνάριον 

 

Νῦν εὐαγγελίζεται Γαβριήλ , τό χαῖρε κραυγάζων μετά δέους τῇ ΜΑΡΙΑΜ · Ὤ !!! τοῦ ξένου τρόπου , ἐν Μήτρᾳ γάρ Ἀχράντῳ , συνείληπται ὁ Πλάστης , σὠζων ὅν ἔπλασε .

 

 

........................................

 

 ς΄  Η ΚΑΤΑΘΕΣΙΣ ΤΗΣ ΤΙΜΙΑΣ ΕΣΘΗΤΟΣ , ΤΗΣ ΥΠΕΡΑΓΙΑΣ ΘΕΟΤΟΚΟΥ ἐν ΒΛΑΧΕΡΝΑΙΣ. Ἰουλίου β΄ 

 

                                Ἀπολυτίκιον ἦχος  πλ. δ ΄

 

ΘΕΟΤΟΚΕ ΑΕΙΠΑΡΘΕΝΕ , τῶν ἀνθρώπων ἡ Σκέπη , Ἐσθῆτα καί Ζώνην τοῦ Ἀχράντου Σου Σώματος , κραταιάν τῇ πόλει Σου περιβολήν ἐδωρήσω  , τῷ ἀσπόρῳ τόκῳ Σου , ἄφθαρτα διαμείναντα · ἐπί Σοί γάρ καί φύσις καινοτομεῖται καί χρόνος · διό δυσωποῦμεν Σε , εἰρήν τῇ οἰκουμένῃ δωρήσασθαι , καί ταῖς ψυχαῖς ἡμῶν τό μέγα ἔλεος .

 

                          ἕτερον ἦχος  γ΄  Θείας πίστεως 

 

Θεῖον ἔνδυμα τῶν οἰκτιρμῶν Σου , καί ἱμάτιον ἀθανασίας , τήν Ἁγίαν Σου Ἐσθῆτα καί ἄφθαρτον , τῇ κληρουχίᾳ Σου ΚΟΡΗ δεδώρησαι , εἰς περιποίησιν πάντων καί σύναψιν · Ὅθεν ἌΧΡΑΝΤΕ , τήν θείαν Αυτῆς κατάθεσιν τιμῶντες  , εὐσεβῶς Σέ μεγαλύνωμεν .

 

                               Κοντάκιον  ἦχος   δ΄

                   Ὁ Ὑψωθείς ἐν τῷ Σταυρῷ ἑκουσίως 

 

Περιβολήν πᾶσι πιστοῖς ἀφθαρσίας , ΘΕΟΧΑΡΙΤΩΤΕ ΑΓΝΗ ἐδωρήσω , τήν ἱεράν Ἐσθῆτα Σου , μεθ ᾿ ἧς τό ἱερόν , Σῶμα Σου ἐσκέπασας , Σκέπη θεία ἀνθρώπων · ἥσπερ τήν κατάθεσιν , ἑορτάζομεν πόθῳ , καί ἐκβοῶντες κράζομεν πιστῶς , χαῖρε ΠΑΡΘΕΝΕ , Χριστιανῶ τό καύχημα .

 

                                        Οἶκος 

 

Τήν καθαράν καί ἀληθῆ Σκηνήν τοῦ Θεοῦ Λόγου , τήν ἔμψυχον Νεφέλην , καί Στάμνον τήν τοῦ Μάννα , τήν  ΘΕΟΤΟΚΟΝ  ΜΑΡΙΑΜ , πάντες οἱ σωθέντες διά τοῦ τόκου ΕΚΕΙΝΗΣ  , ἐν πίστει μακαρίσωμεν · καί τήν Σεπτήν Ἐσθῆτα  προσπτυξώμεθα , Ἧσπερ τόν Δεσπότην περισχοῦσα , ὡς βρέφος ἐβάστασεν φορέσαντα σάρκα , δι ᾿ Ἧσπερ τῶν βροτῶν ἡ φύσις ἐπήρθη πρός μετάρσιον ζωήν καί βασιλείαν · ὅθεν γεγηθότες κραυγάζομεν μεγαλοφώνως · χαῖρε , ΠΑΡΘΕΝΕ , Χριστιανῶν τό καύχημα .

 

                                          Συναξάριον 

 

Τῇ β ΄τοῦ αὐτοῦ μηνός Ἰουλίου , μνήμην ποιούμεθα , τῆς ἐν Ἁγίᾳ Σορῷ καταθέσεως τῆς Τιμίας Ἐσθῆτος , τῆς ΥΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ , ἐν Βλαχέρναις , ἐπί Λέοντος τοῦ Μεγάλου , καί Βηρίνης τῆς αὐτοῦ γυναικός .

 

                                              Στίχοι 

 

Χιτών μέν Υἱοῦ Χριστοφρουροῖς δημίοις, 

Ἐσθής δέ Μητρός ,χριστοφρουρήτῳ πόλει .

Δευτερίῃ κατέθεντο Σορῷ Ἐσθῆτα ΠΑΝΑΓΝΟΥ .

 

 Ταῖς τῆς Σῆς ἈΧΡΑΝΤΟΥ πρεσβείαις , ἀκαταμαχήτως φύλαξον τόν περιούσιον λαόν καί Ἔθνος σου. Ἀμήν .

 

                                     Μεγαλυνάριον 

 

Τῆς ἀθανασίας τόν χορηγόν τέξασα ΠΑΡΘΕΝΕ , ἠθανάτισας τόν Ἀδάμ , τοῦτο γάρ δηλοῦσα , ἡ ἄφθαρτος Ἐσθής Σου , φθορᾶς παθῶν λυτροῦται , τούς προσπελάζοντας .

 

 

............................................

 

 

      ζ ΄  ΜΝΗΜΗ ΤΗΣ ΚΟΙΜΗΣΕΩΣ ΤΗΣ ΥΠΕΡΑΓΙΑΣ  

          ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ

         ΜΑΡΙΑΣ       Αὐγούστου   ιε΄

 

                                 Ἀπολυτίκιον   ἦχος α ΄

 

Ἐν τῇ Γεννήσει τήν ΠΑΡΘΕΝΙΑΝ ἐφύλαξας , ἐν τῇ Κοιμήσει τόν κόσμον , οὐ κατάλιπες ΘΕΟΤΟΚΕ · μετέστης πρός τήν ζωήν , Μήτηρ Ὑπάρχουσα τῆς ζωῆς , καί ταῖς πρεσβείαιας ταῖς Σαῖς λυτρουμένη , ἐκ θανάτου τάς ψυχάς ἡμῶν .

 

                        Κοντάκιον  ἦχος  β΄Αὐτόμελον 

 

Τήν ἐν πρεσβείαις ἀκοίμητον ΘΕΟΤΟΚΟΝ , καί προστασίαις ἀμετάθετον ἐλπίδα , Τάφος καί νέκρωσις οὐκ ἐκράτησεν  · ὡς γάρ ζωῆς Μητέρα , πρός τήν ζωήν μετέστησεν , ὁ Μήτραν οἰκήσας ΑΕΙΠΑΡΘΕΝΟΝ 

 

                                      Οἶκος 

 

Τείχισον μου τάς φρένας Σωτήρ μου · τό γάρ Τεῖχος τοῦ κόσμου ἀνυμνῆσαι τολμῶ , τήν ἌΧΡΑΝΤΟΝ ΜΗΤΕΡΑΝ σου · ἐν πύργῳ  ρημάτων ἐνίσχυσον με , καί ἐν βάρεσιν ἐννοιῶν ὀχύρωσον με · σύ γάρ βοᾶς τῶν αἰτούντων σε πιστῶς , τάς αἰτήσεις πληροῦν · Σύ οὖν δώρησαι μοι γλῶτταν , προφοράν , καί λογισμόν ἀκαταίσχυντον · πᾶσα γάρ δόσις ἐλλέμψεως παρά σοῦ καταπέμπεται φωταγωγέ · ὁ Μήτραν οἰκήσας ΑΕΙΠΑΡΘΕΝΟΝ .

 

                                            Συναξάριον  

 

Τῇ  ιε΄τοῦ αὐτοῦ μηνός Αὐγούστου , μνήμη τῆς Πανσέπτου Μεταστάσεως τῆς ὙΠΕΡΕΝΔΟΞΟΥ ΔΕΣΠΟΙΝΗΣ ἡμῶν ΘΕΟΤΟΚΟΥ καί ἈΕΙΠΑΡΘΕΝΟΥ ΜΑΡΙΑΣ .

 

                                   Στίχοι 

 

Οὐ θαῦμα θνήσκειν Κοσμοσώτειραν ΚΟΡΗΝ , 

τοῦ κοσμοπλάστου σαρκικῶς τεθνηκότος .

Ζῇ ἀεί ΘΕΟΜΗΤΩΡ , κἄν δεκάτη θάναι πέμπτη.

 

Ἧς ταῖς Ἁγίαις πρεσβείαις ὁ Θεός , ἐλέησον καί σῶσον ἡμᾶς , ὡς ἀγαθός καί φιλάνθρωπος .

 

                                      Μεγαλυνάριον  

 

Παρέστης ΠΑΡΘΕΝΕ ἐκ δεξιῶν , τοῦ παμβασιλέως , ὡς Βασίλισσα τοῦ παντός , περιβεβλημμένη ἀθανασίας αἴγλην , ἀρθεῖσα μετά δόξης πρός τά οὐράνια .

 

 

............................................

 

 

η΄  ΜΝΗΜΗ ΤΗΣ ΚΑΤΑΘΕΣΕΩΣ ΤΗΣ ΤΙΜΙΑΣ ΖΩΝΗΣ

       ΤΗΣ ΥΠΕΡΑΓΙΑΣ ΘΕΟΤΟΚΟΥ     Ἰουλίου λα ΄

 

                            Ἀπολυτίκιον ἦχος  πλ. δ ΄

 

ΘΕΟΤΟΚΕ ΑΕΙΠΑΡΘΕΝΕ , τῶν ἀνθρώπων ἡ Σκέπη , Ἐσθῆτα καί Ζώνην τοῦ Ἀχράντου Σου Σώματος , κραταιάν τῇ πόλει Σου περιβολήν ἐδωρήσω  , τῷ ἀσπόρῳ τόκῳ Σου , ἄφθαρτα διαμείναντα · ἐπί Σοί γάρ καί φύσις καινοτομεῖται καί χρόνος · διό δυσωποῦμεν Σε , εἰρήν τῇ οἰκουμένῃ δωρήσασθαι , καί ταῖς ψυχαῖς ἡμῶν τό μέγα ἔλεος .

 

                        ἕτερον ἦχος  δ΄ Ταχύ προκατάλαβε 

 

Πρός δόξαν ἀκήρατον ἀνερχομένη ΑΓΝΗ , χειρί Σου δεδώρησαι  , τῷ Ἀποστόλῳ Θωμᾷ , τήν Πάνσεπτον Ζώνην Σου · ὅθεν ΠΑΡΘΕΝΟΜΗΤΟΡ , τήν κατάθεσιν ταύτης , ἄγοντες χαρμοσύνως , τήν Σήν χάριν ὑμνοῦμεν , δι ᾿ Ἧς περιζωνύμεθα , ἰσχύν ἀήττητον .

 

                    Κοντάκιον  ἦχος  β΄ Τήν ἐν πρεσβείαις 

 

Τήν Θεοδόχον Γαστέραν Σου ΘΕΟΤΟΚΕ , περιβαλλοῦσα ἡ Ζώνη Σου ἡ Τιμία , κράτος τῇ πόλει Σου ἀπροσμάχητον , καί θησαυρός ὑπάρχει , τῶν ἀγαθῶν ἀνέκλειπτος · ἡ μόνη Τεκοῦσα ΑΕΙΠΑΡΘΕΝΟΣ .

 

                                        Οἶκος 

 

Τίς τῶν γηγενῶν τά Σά μεγαλεῖα διηγήσεται λόγος ; ποία γλῶσσα βροτῶν ; νοῦς γάρ οὐδέ ὁ οὐράνιος · ἀλλ ᾿ ἡ Τεκοῦσα τῆς συμπαθείας τό ἀμέτρητον πέλαγος , δέξαι καί νῦν , ἐξ ᾿ ἀκάρπων χειλέων τά ἄσματα , καί δίδου μοι χάριν , εὐφημῆσαι τήν Σήν Ζώνην ΔΕΣΠΟΙΝΑ , δι ᾿ Ἧς ὁ κόσμος ἀγάλλεται , σύν Ἀγγέλοις ὑμνῶν Σου τά θαύματα · Ἡ μόνη Τεκοῦσα αειπαρθενοσ .

 

                                        Στίχοι 

 

Χρυσῆν κορωνίδ ᾿ οἶα , ΣΕΜΝΗ ΠΑΡΘΕΝΕ , 

τῷ τοῦ χρόνου τίθημι Σήν Ζώνην τέλει. 

Θέντο Σορῷ Ζώνην πρώτῃ ΠΑΝΑΓΝΟΥ τριακοστῇ

 

Ταῖς τῆς σῆς ΑΧΡΑΝΤΟΥ Μητρός πρεσβείαις , Χριστέ ὁ Θεός ἡμῶν , ἐλέησον ἡμᾶς .Ἀμήν .

 

                                      Μεγαλυνάριον 

 

Σύνδησον ἀγάπῃ εἰλικρινεῖ , ΚΕΧΑΡΙΤΩΜΕΝΗ Παντευλόγητε ΜΑΡΙΑΜ,

τούς τῇ καταθέσει , τῆς Σῆς Παντίμου Ζώνης , ὑμνοῦντας τάς ἀπείρους εὐεργεσίας Σου.

 

 

 

                                      ΣΥΝΑΞΕΙΣ .

 

 

Θ΄    ΤΗ ΤΡΙΤῌ τῆς Διακαινησίμου , τήν Σύναξιν τελοῦμεν τῆς       ΥΠΕΡΑΓΙΑΣ ΔΕΣΠΟΙΝΗΣ ἡμῶν  ΘΕΟΤΚΟΥ   

καί  ΑΕΙΠΑΡΘΕΝΟΥ ΜΑΡΙΑΣ , τῆς Π Ο Ρ Τ Α Ϊ Τ Ι Σ Σ Η Σ .

 

             Ἀπολυτίκιον ἦχος  α ΄ Τοῦ λίθου σφραγισθέντος  

 

Τήν Σεπτή ν Σου Εἰκόνα , ΠΟΡΤΑΪΤΙΣΣΑ ΚΟΡΗ , ἥ διά θαλάσσης ἐπέστης , θαυμαστῶς ἐν τῆ Ποίμνῃ Σου , τιμῶμεν ὡς ἁγίασμα σεπτόν , καί σκήνωμα τῆς δόξης Σου πιστῶς · ἐξ ᾿ Αὐτῆς γάρ ἀναβλύζεις , τάς δωρεάς τοῦ πόθῳ ἐκβοῶσι Σοι · δόξα τοῖς θαυμασίοις Σου ΑΓΝΗ · δόξα τῇ προμηθείᾳ Σου , δόξα τῇ πρός ἡμᾶς Σου , πλουσίᾳ χρηστότητι . 

 

                  Κοντάκιον  ἦχος  πλ. δ '  Τῇ Ὑπερμάχῳ 

 

Ὡς πυλωρός , καί ἀρωγός ἡμῶν καί ἔφορος , 

μή ἀντανέλεις ἀφ ᾿ ἡμῶν τήν Σήν βοήθειαν , 

ΠΟΡΤΑΊΤΙΣΣΑ ΠΑΡΘΕΝΕ , ἐκδυσωποῦμεν · 

ἀλλά πλήρου τάς σεπτάς ἐπαγγελίας Σου ,

ἅς ἡμῖν εὐηγγελίσω ὡς  φιλάγαθος, 

ἵνα κράζωμεν , χαῖρε πάντων ἀντίληψις ...

 

                                Μεγαλυνάριον 

 

Χαίρει ἡ Ἰβήρων σεπτή Μονή , πυλωρόν Σε ΚΟΡΗ  κεκτημένην Καί ἀρωγόν , ὅθεν Σοι βοῶμεν · τάς οὐρανίους πύλας , ἄνοιξε τοῖς ὑμνοῦσε Σε ΠΟΡΤΑΪΤΙΣΣΑ .

 

 

...................................

 

 

ι΄  ΣΥΝΑΞΙΣ  ΠΑΝΑΓΙΑΣ ΤΗΣ ΓΟΡΓΟΫΠΗΚΟΟΥ.  Ὀκτωβρ. α ΄

 

            Ἀπολυτίκιον  ἦχος α ΄ Τοῦ λίθου σφργισθέντος 

 

Ὡς θεόβρυτον κρήνην τῶν ἀΰλων χαρίτων Σου , τήν θαυματουργόν Σου Εἰκόνα  ΘΕΟΤΟΚΕ πλουτίσαντες , ἐκ ταύτης τῶν θαυμάτων τάς ροάς , ἀντλοῦμεν δαψιλῶς ὡς ἐξ Ἐδέμ · Σύ γάρ ΓΟΡΓΟΫΠΟΚΟΟΣ βοηθός , πέλεις τῶν ἐκβοώντων Σοι · δόξα τοῖς Σοῖς χαρίσμασι ΑΓΝΗ , δόξα τῇ ΠΑΡΘΕΝΙᾼ Σου , δόξα τήν πρός ἡμᾶς Σου ἀνεκφράστῳ προνοίᾳ ἌΧΡΑΝΤΕ.

 

                            

 

              Κοντάκιον ἦχος πλ. δ  Τῇ Ὑπερμάχῳ 

 

Τῇ ἀρωγῆ Σου ΘΕΟΤΟΚΕ καταφεύγοντες , 

ὡς λιμένα γαληνότατον σωζόμεθα , 

ἐκ κινδύνων πολυτρόπων καί νοσημάτων , 

Σύ γάρ ὤφθης βοηθός ΓΡΓΟΫΠΗΚΟΟΣ ,, 

τοῖς πιστῶς τῇ Εἰκόνῃ Σου καταφεύγοντες , 

καί βοῶσι Σοι · χαῖρε κόσμου ἀντίληψις. 

 

                                    Μεγαλυνάριον .

 

Χάριν ποριζόμεθα ἀληθῆ , ἐκ τῆς Σῆς Εἰκόνος  ΘΕΟΤΟΚΕ διαπαντός , ταύτην προσκυνοῦμεν  , καί Σέ ὑμνολογοῦμεν , ἡμῶν ὡς προστασίαν , ΓΟΡΓΟΫΠΗΚΟΕ .

 

 

...........................

 

 

ια΄   ΣΥΝΑΞΙΣ ΠΑΝΑΓΙΑΣ ΤΡΙΧΕΡΟΥΣΗΣ.  Φεβρ . ιθ ΄

 

                  Ἀπολυτίκιον  ἦχος  δ ΄. Ταχύ προκατάλαβε .  

 

Τῇ θείᾳ Εἰκόνι Σου , ὁ Ἰωάννης ΑΓΝΗ , προσπίπτει σύν δάκρυσι , παννύχῳ ἐν στάσει , καί θερμῇ τῇ δεήσει · ἔτυχε θεραπείας  κεκομμένης χειρός του , ὅθεν εὐχαριστῶν Σε , τιμαλφέστατον δῶρον , προσάγει Σοι ΔΕΣΠΟΙΝΑ , ΤΡΙΧΕΡΟΥΣΑ , καλῶν τῆ Εἰκόνι Σου .

 

                    Κοντάκιον   ἦχος δ ΄  Ἐπεφάνης σήμερον .

 

Ἑορτήν εὐφρόσυνον ΚΟΡΗ , ὁ Σός δοῦλος , προθύμως θεσπίζων Σοι , ἵνα ὑμνῶ διηνεκῶς , τά μεγαλεῖα Σου τῆς ΑΓΝΗΣ ΘΕΟΜΗΤΟΡΟΣ ,

ἅ ἐπιδείξω , ἐπί ἰάσει τῆς κεκομμένης χειρός.

 

                                     Μεγαλυνάριον 

 

Ἡ ἐν Ἀφρικῇ Σου μόνη Μονή , ἀνεγειρομένη Σέ δοξάζει περιχαρῶς , ΤΡΙΧΕΡΟΥΣΑ ΚΟΡΗ , ἐν Κένυα κηρύττει , τήν θείαν δυναστείαν τῆς μεσιτείας Σου .

 

 

.............................................

 

 

      ιβ ΄      ΣΥΝΑΞΙΣ ΠΑΝΑΓΙΑΣ ΚΟΥΚΟΥΖΕΛΙΣΣΗΣ 

 

                Ἀπολυτίκιον  ἦχος δ ΄  Ὁ Ὑψωθείς ἐν τῶ Σταυρῷ    

 

Τήν Σήν Εἰκόνα τήν Ἁγίαν , ΠΑΡΘΕΝΕ , Ἥν Κουκουζέλισσαν προσφόρως καλοῦμεν , πανευλαβῶς τιμῶμεν ἐκβοῶντές Σοι · ὥσπερ πάλαι δέδωκας  , τῷ κλεινῷ Ἰωάννῃ , πόθῳ ἀνυμνοῦντι Σε , χρυσοῦν νόμισμα ΚΟΡΗ , , οὕτω χορήγει πάντοτε ἡμῖν , χάριν ὑψόθεν  , καί πλούσιον ἔλεος .

 

                              Κοντάκιον ἦχος  β ΄

 

Ὡς οἰκονόμος ἡμῶν Κουκουζέλισσα , τά καθ ᾿ ἡμᾶς οἰκονόμει ἑκάστοτε , καί δίδου ἐν πᾶσι βοήθειαν  τοῖς εὐλαβῶς τῇ Εἰκόνι Σου σπεύδουσιν , ἐξ ᾿ Ἧς χάρις βρύει ἀενάως .

 

                                  Μεγαλυνάριον 

 

Πάλαι Κουκουζέλης ὁ θαυμαστός , ἔνθους Σε ἀνύμνει , ὡς Μητέρα τοῦ Λυτρωτοῦ , νῦν ἡμεῖς ἑστῶτες τῇ θείᾳ Σου Εἰκόνι , ὑμνοῦμεν ΘΕΟΤΟΚΕ τά μεγαλεῖα Σου .

 

 

...............................................

 

  

          ιγ΄      ΣΥΝΑΞΙΣ  ΠΑΝΑΓΙΑΣ  ΟΔΗΓΗΤΡΙΑΣ 

 

 

                  Ἀπολυτίκιον ,  ἦχος δ ΄Ταχύ προκατάλαβε 

 

Ὡς στῦλος πυρίμορφος , καί ὁδηγός ἀσφαλής  , πρός κλῆρον ἀκήρατον  , καθοδηγεῖς νοερῶς , ἡμᾶς Ὁδηγήτρια · Σύ γάρ πρός ἐπιδόσεις , τάς βελτίους ἰθύνεις , θείᾳ ἐπισκοπῇ Σου , τούς πιστῶς Σοι βοῶντας · Χαῖρε , ΚΕΧΑΡΙΤΩΜΕΝΗ  , ὁ Κύριος μετά Σοῦ .

 

                  Κοντάκιον  ἦχος πλ. δ ΄Τ ῇ Ὑπερμάχῳ.

 

Τῇ τῶν πιστῶν Ὁδηγητρίᾳ καί προστάτιδι , 

Τῇ ὁδηγούσῃ πρός ζωήν ἡμᾶς αἰώνιον , 

προσκομίζωμεν τόν ὕμνον Σοι ΘΕΟΤΟΚΕ ` 

ἀλλ ᾿ ὡς Ἔφορος ἡμῶν καί Ὁδηγήτρια , 

καθοδήγει ἀσφαλῶς πρός βίον κρείτονα ΄

τούς βοῶντας Σοι · χαῖρε , πάντων βοήθεια 

  

                               Μεγαλυνάριον 

 

Ἴθυνον πρός τρίβους τῶν ἀρετῶν  , ΚΕΧΑΡΙΤΩΜΕΝΗ , Ὁδηγήτρια τῶν πιστῶν , τούς τά μεγαλεῖα , τά Σά ὑμνολογοῦντας , καί σύν Ἀρχαγγέλῳ , τό χαῖρε βοῶσι Σοι .

 

 

...............................

 

 

ιδ΄     ΣΥΝΑΞΙΣ ΠΑΝΑΓΙΑΣ ΓΑΛΑΚΤΟΤΡΟΦΟΥΣΗΣ 

 

 

          Ἀπολυτίκιον  ἦχος α ΄Τοῦ λίθου σφραγισθέντος 

 

Τήν θείαν Σου  Εἰκόνα , ὡς τῆς δόξης Σου σκήνωμα , Γαλακτοτροφοῦσα ΠΑΡΘΕΝΕ , προσκυνοῦντες δοξάζομεν · ἐκ Ταύτης γάρ πηγάζεις μυστικῶς , τό γάλα τῶν ἀΰλων δωρεῶν , καί ἐκτρέφεις τάς καρδίας καί τάς ψυχάς , τῶν πίστει ἐκβοώντων Σοι · δόξα τοῖς μεγαλείοις Σου ΑΓΝΗ , δόξα τοῖς θαυμασίοις Σου , δόξα τῇ πρός ἡμᾶς Σου ἀφάτῳ χρηστότητι .

 

                     Κοντάκιον ἦχος  β ΄ Τήν ἐν πρεσβείαις  

 

Τήν μητρικῶς θηλάζουσαν ὥσπερ βρέφος , τόν ἐξ ᾿ ΕΚΕΙΝΗΣ ἀνερμηνεύτως γεννηθέντα , τήν μόνην ΘΕΟΤΟΚΟΝ ὑμνήσωμεν , τήν γαλακτοτροφοῦσαν Χριστόν τόν Θεόν ἡμῶν · πολλῶν γάρ κινδύνων ἡμᾶς ρύεται .

 

                                   Μεγαλυνάριον 

 

Γαλακτοτροφούσης τήν ἱεράν , καί Σεπτήν Εἰκόνα , προσκυνήσωμεν ἀδελφοί · χάριν γάρ βλυστάνει , ἀρρήτου συμπαθείας , καί θάλπει τάς καρδίας  , καί τάς ψυχάς ἡμῶν .

 

 

.........................................

 

 

 ιε΄   ΣΥΝΑΞΙΣ ΠΑΝΑΓΙΑΣ ΤΗΣ ΔΙΑΣΩΖΟΥΣΗΣ .

 

         Ἀπολυτίκιον  ἦχος α ΄  Τοῦ λίθου σφραγισθέντος 

 

Τήν Σεπτήν Σου Εἰκόνα ὡς ἁγίασμα ἔνθεον , κεκτημένη ἡ μονή Σου ΘΕΟΤΟΚΕ ἀγάλλεται ·  καί σώζεται ποικίλων πειρασμῶν , προστρέχουσα Αὐτῇ  πανευλαβῶς , καί διά τοῦτο Διασώζουσαν προσφυῶς , ΠΑΡΘΕΝΕ Ταύτην κέκληκεν · Δόξα τοῖς μεγαλείοις Σου ΑΓΝΗ , δόξα τῇ ΠΑΡΘΕΝΙᾼ  Σου , δόξα τῆ πρός ἡμᾶς Σου Μητρικῇ χρηστότητι .

 

               Κοντάκιον  ἦχος β΄ Τήν ἐν πρεσβείαις .

 

Τοῖς οἰκτιρμοῖς Σου ΠΑΡΘΕΝΕ προστρέχοντες , διασωζόμεθα πάσης κακώσεως · διό τῇ Ἁγίᾳ Σου Εἰκόνι παρεστηκότες ὑμνοῦμεν τήν δόξαν Σου , καί χάριν ἐκ Ταύτης λαμβάνομεν .

 

                                    Μεγαλυνάριον 

 

Δίδου Διασώζουσα ΜΑΡΙΑΜ , τοῖς ἐν τοῖς κινδύνοις καί ἐν πᾶσι τοῖς θλιβεροῖς βοήθειαν θείαν , καί λύτρωσιν ταχεῖαν , ὡς σώζουσα τούς πίστει Σε μεγαλύνοντας. 

 

 

..........................................

 

 

ις΄     ΣΥΝΑΞΙΣ ΠΑΝΑΓΙΑΣ ΑΝΑΦΩΝΗΤΡΙΑΣ.

 

           Ἀπολυτίκιον   ἦχος πλ. α ΄Τόν συνάναρχον Λόγον.

 

Τήν Σεπτήν Σου Εἰκόνα Ἀναφωνήτρια , τήν εὑρεθεῖσαν ἐν βάτῳ δι᾿ οὐρανίου φωτός , εὐλαβείᾳ καί χαρᾷ κατασπαζόμεθα · διά ταύτης γάρ ἡμῖν , θείας νέμεις δωρεάς , καί ὄμβρον καιρῷ ἀνάγκης , τοῖς ἐξαιτοῦσι  ΠΑΡΘΕΝΕ , τήν ὀξυτάτην Σου βοήθειαν .

 

                      Κοντάκιον   ἦχος δ ΄Ἐπεφάνης σήμερον 

 

Ἐν φωτί δεδόξασται  ΘΕΟΓΕΝΝΗΤΟΡ , καί ποικίλοις θαύμασι ἡ Παναγία Σου Εἰκών , Ἀναφωνήτρια ΔΕΣΠΟΙΝΑ , Ἥν προσκυνοῦντες ὑμνοῦμεν τήν χάριν Σου .

 

                              Μεγαλυνάριον .

 

Τούς τῇ Σῇ Εικόνι τῇ ἱερᾷ , ΚΕΧΑΡΙΤΩΜΕΝΗ , προσιόντες πανευλαβῶς,ρύου πάσης βλάβης  , ὡς τοῦ ἐλέους βρύσις , καί πλήρου εὐφροσύνης Ἀναφωνήτρια .

 

Δόξα Σοι Μῆτερ τοῦ Θεοῦ , 

Δόξα Σοι ΠΑΝΑΓΙΑ , 

εὐχαριστοῦντες , προσκυνοῦμεν Σε ΜΗΤΕΡΑ τού Ὑψίστου.

Χαῖρε , χαῖρε , χαῖρε , χαῖρε , ὦ !!! χαῖρε , χαῖρε , χαῖρε , χαῖρε  χαῖρε , Νύμφη Ἀνύμφευτε

 

Ἐπιστροφή στά θεομητορικά