Ἀκολουθία τῆς Ὑπαπαντῆς .

ΔΟΞΑ CΟΙ ! ΔΟΞΑ CΟΙ ! ΜΗΤΕΡ ΤΟΥ ΘΕΟΥ ΔΟΞΑ CΟΙ ! ΠΑΝΑΓΙΑ ! ΕΥΧΑΡΙΣΤΟΥΝΤΕΣ ΠΡΟΣΚΥΝΟΥΜΕΝ CΟΙ , ΜΗΤΕΡΑ ΤΟΥ ΥΨΙΣΤΟΥ ΥΠΕΡΕΥΛΟΓΗΜΕΝΗ ΘΕΟΤΟΚΕ !!! --- ὙΠΕΡΑΓΙΑ ΘΕΟΤΟΚΕ, σῶσον ἡμᾶς, τήν ἐκκλησίαν σου, τήν ποίμνην σου, τούς μοναχούς σου, τό ὄρος σου,τά ἔθνη σου, τήν νεολαίαν σου, τόν λαόν, καί χώραν ταύτην καί τόν κόσμον σου ἅπαντα. Ἀμήν ---Ἡ ΠΑΝΑΓΙΑ, νά εἶναι :βοηθός, ὁδηγός, ἰατρός, συνεργός, ἀρωγός, ἀγωγός, φωτισμός,στηριγμός, ὁπλισμός, στολισμός,πλουτισμός, χορηγός, κάθε θεϊκῆς ἀγαθότητος στήν ζωήν σας.

Σάββατο 17 Απριλίου 2021

Ἀκολουθία τῆς Ὑπαπαντῆς .

☦

ΜΡ ΘΥ

☦

Τῌ Β ΄ ΤΟΥ ΑΥΤΟΥ ΜΗΝΟΣ ΦΕΒΡΟΥΑΡΊΟΥ , Η ΥΠΑΠΑΝΤΗ τοῦ ΚΥΡΙΟΥ καί ΘΕΟΥ , καί ΣΩΤΗΡΟΣ ἡμῶν ΙΗΣΟΥ ΧΡΙΣΤΟΥ .

Ἑορτάσωμεν πιστοί , ἑορτήν πνευματικήν ,

τήν Μητέρα τοῦ Θεοῦ, ἀνυμνήσωμεν φαιδρῶς ,

μετά τῶν Ἀσωμάτων , καί πασῶν τῶν γενεῶν .

Αἱ Ἀγγελικαί προπορεύεσθαι δυνάμεις ,

ἐκ τῆς Βηθλεέμ , πρόν Ναόν του Σολομῶντες,

κακεῖθεν θεασώμεθα μυστήριον οὐράνιον καί μέγα ,

ἰδού γάρ ἡ ΠΑΡΘΕΝΟΣ ΜΗΤΗΡ καί ΑΓΝΗ , προσάγει τόν θεόν , εἰς χεῖρας πρεσβύτου ἱερέως .

Μυστήριον ἐπί μυστήριον · θαῦμα ἐν θαύματι ·

θαυμάζομεν τῆς δωρεᾶς τό μέγεθος, καί τό βάθος, πλούτου ἀγάπης καί συγκαταβάσεως Θεοῦ.

δεῦτε ἀριστήσατε .

Εὐλόγησον ΔΕΣΠΟΙΝΑ .

☦

Α. ΕΝ Τῼ ΜΙΚΡῼ ΕΣΠΕΡΙΝῼ

Εἰς τό :.... Κύριε ἐκέκραξα ...ἱστῶμεν εἰς στίχ. δ , ψάλλοντες , εἰς δ ΄τά προσόμοια . :

ἦχος α ΄ . Τῶν οὐρανίων Ταγμάτων .

Τόν ἀπερίγραπτον Λόγον καί ὑπερούσιον , τόν οὐρανίοι θρόνοις , ἐποχούμενον δόξῃ , εἰσδέχεται ἀγκάλαις ὁ Συμεών ἐκβοών · Νῦν ἀπόλυσον ἐν εἰρήνῃ , κατά τό ῥῆμα σου Σῶτερ , ἡ τῶν πιστῶν σωτηρία καί ἀπόλαυσις .

Βρέφος ὀρῶν σε ἐβόα , ὁ θαύμασος Συμεών , τόν πρό αιώνων Λόγον , ἐκ Πατρός γεννηθέντα · φρίττω καί πτοοῦμαι χερσίν ἐμαῖς , ἀγκαλίσασθαι Δέσποτα , ἀλλ ᾿ ἐν εἰρήνῃ τόν δοῦλον σου ἐκζητῶ , νῦν ἀπόλυσον ὡς εὐσπλαγχνος .

Νῦν ἀνοιγέσθω ἡ Πύλη ἡ ἐπουράνιος , ὁ ἐκ Πατρός ἀῤῥεύστως , γενηθείς Θεός Λόγος , ἐτάχθη ἐκ ΠΑΡΘΕΝΟΥ σάρκα λαβών , τήν βροτείαν βουλόμενος , ἀνακαλέσασθαι φύσιν ὡς ἀγαθός , καί βαλεῖν ἐν δεξιᾷ τοῦ Πατρός .

Δόξα ...Καί νῦν ... ἦχος β΄ Ἀνδρέου Κρήτης .

Σήμρον ἡ Ἱερά Μήτηρ , καί τοῦ Ἱεροῦ Ὑψηλοτέρα , ἐπί τόν Ἱερόν παραγέγονεν , ἐμφανίζουσα τῷ κόσμῳ , τόν τοῦ νόμου ποιητήν , καί τοῦ νόμου πάροχον · ὅν καί ἐν ἀγκάλαις δεξάμενος , ὁ πρεσβύτης Συμεών , γεραίρων ἐκραύγαζεν · νῦν ἀπολύεις τόν δοῦλον σου , ὅτι εἶδον σε , τόν Σωτῆρα τῶν ψυχῶν ἡμῶν .

☦

Εἰς τόν στίχον , στιχηρά ἀπόστιχα .

ἦχος β ΄Οἶκος τοῦ Ἐφραθᾷ.

Σήμερον ὁ Σωτήρ , ὡς βρέφος προσηνέχθη , ἐν τῷ ναῷ Κυρίου , καί χερσί γηραλέαις , ὁ Πρέσβυς τοῦτον δέχεται .

Στίχ . : Νῦν ἀπολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ , ὄτι εἶδον οἱ ὀφθαλμοί μου τό σωτήριον σου , ὅ ἡτοίμασας κατά πρόσωπον πάντων τῶν λαῶν .

Φέρουσα ἡ ΑΓΝΗ καί ἌΧΡΑΝΤΟς ΠΑΡΘΕΝΟΣ , τόν Πλάστην καί Δεσπότην , ὡς βρέφος ἐν ἀγκάλαις , ἐν τῷ ναῷ εἰσέρχεται .

Στίχ. : Φῶς εἰς ἀποκάλυψιν , ἐθνῶν καί δόξαν λαοῦ σου Ἰσραήλ .

Φόβῳ τε καί χαρᾷ , ἀγκάλαις τόν Δεσπότην , ὁ Συμεών κατέχων , ζωῆς ἡτεῖτο λύσιν , ὑμνῶν τήν ΘΕΟΜΗΤΟΡΑ .

Δόξα ...Καί νῦν .... ΘΕΟΤΟΚίΟΝ

Δέχου ὦ Συμεών , τόν Κύριον τῆς δόξης , καθώς ἐχρηματίσθης , ἐκ Πνεύματος Ἁγίου , ἰδού γάρ παραγέγονεν .

Τρισάγιον , καί Ἀπολυτίκιον .

ἦχος α ΄

Χαῖρε ΚΕΧΑΡΙΤΩΜΕΝΗ ΘΕΟΤΟΚΕ ΠΑΡΘΕΝΕ , ἐκ Σοῦ γάρ ἀνέτειλεν ὁ ἥλιος τῆς δικαιοσύνης , Χριστός ὁ Θεός ἡμῶν , φωτίζων τούς ἐν σκότει · εὐφραίνου καί σύ , πρεσβύτα δίκαιε , δεξάμενος ἐν ἀγκάλαις , τόν ἐλευθερωτήν τῶν ψυχῶν ημῶν , χαριζόμενον ἡμῖν , και τήν Ἀνάστασιν .

Ἀπόλυσις .

☦

Β. ΕΝ Τῼ ΜΕΓΑΛῼ ΕΣΠΕΡΙΝῼ .

Τά συνήθη τῆς ἀγρυπνίας , ....Εἰσελεύσομαι ....

Προοιμιακός ...Ἀνοιξαντάρια...

Εἰς τό Κύριε ἐκέκραξα , ... ἱστῶνε εἰς στίχ στ ΄καί ψάλλομεν τά τρία ἰδιόμελα δευτεροῦντες αὐτά .

ἦχος ΄ Γερμανοῦ Πατριάρχου

Λέγε Συμεών , τίνα φέρεις ἐν ἀγκάλαις , ἐν τῶ ναῶ ἀγάλλῃ ; τίνι κράζεις καί βοᾷς · νῦν ἠλευθέρωμαι , εἶδον γάρ τόν Σωτῆρα μου ; οὗτος ἐστίν , ὁ ἐκ ΠΑΡΘΕΝΟΥ τεχθείς , οὗτος ἐστίν , ὁ ἐκ Θεοῦ Θεός Λόγος , ὁ σαρκωθείς δι ᾿ ἡμᾶς , καί σώσας τόν ἄνθρωπον , αὐτόν προσκυνήσωμεν .

Δέχου Συμεών , ὅν ὑπό τόν γνόφον , Μωσῆς νομοθετοῦντα , προεώρα ἐν Σινᾷ , βρέφος γενόμενον , νόμῳ ὑποταττόμενον · οὗτος ἐστίν , ὁ διά νόμου λαλήσας , οὗτος ἐστίν ὁ ἐν προφήταις ῥηθείς , ὁ σαρκωθείς δι ᾿ ἡμᾶς , καί σώσας τόν ἄνθρωπον , αὐτόν προσκυνήσωμεν .

Δεῦτε καί ἡμεῖς , ᾄσμσιν ἐνθέοις , Χριστῷ συναντηθῶμεν · καί δεξώμεθα αὐτόν , οὗ τό σωτήριον , ὁ Συμεών ἑώρακεν · οὗτος ἐστίν , ὅν ὁ Δαυίδ καταγγέλλει · οὗτος ἐστίν , ὁ ἐν προφήταις λαλήσας · ὁ σαρκωθείς δι ᾿ ἡμᾶς , καί νόμῳ φθεγγόμενος · αὐτόν προσκυνήσωμεν .

Δόξα .....Καί νῦν ....... ἦχος πλ. β ΄

Ἀνοιγέσθω ἡ Πύλη τοῦ οὐρανοῦ σήμερον · ὁ γάρ ἄναρχος Λόγος τοῦ Πατρός , ἀρχήν λαβών χρονικήν , μή ἐκστάς τῆς αὐτοῦ Θεότητος , ὑπό ΠΑΡΘΕΝΟΥ , ὡς βρέφος τασσαρακονθήμερον, Μητρός ἑκών προσφέρεται , ἐν ναῷ τῷ νομικῷ · καί τοῦτον ἀγκάλαις εἰσδέχεται ὁ πρέσβυς , ἀπόλυσον κράζων , ὁ δοῦλος τῷ Δεσπότῃ , οἱ γάρ όφθαλμοί μου εἶδον , τό σωτήριόν σου · ὁ ἐλθών εἰς τον κόσμον , σῶσαι γένος ἀνθρώπων , Κύριε δόξα σοι .

☦

Εἴσοδος ...Φῶς ἱλαρόν ....Προκείμενον ... καί τά Ἀναγνώσματα

Α . Τῆς Ἐξόδου , τό Ἀνάγνωσμα (κεφ. ιβ ΄51 ....)

Ἐλάλησεν Κύριος πρός Μωσῆν , τῇ ἡμέρᾳ ἐκείνῃ , ᾖ ἐξήγαγε , τούς υἱούς Ἰσραήλ , ἐκ γῆς Αἰγύπτου λέγων · ἁγίασόν μοι πᾶν πρωτότοκον πρωτογενές , διανοῖγον μήτραν , ἐν τοῖς υἱοῖς ἰσραήλ .εἶπε δέ Μωϋσῆς πρός τόν λαόν · μνημονεύετε τήν ἡμέραν ταύτην ἐν ᾗ ἐξήλθετε ,ἐκ γῆς Αἰγύπτου , ἐξ ᾿ οἴκου δουλείας · ἐν γάρ χειρί κραταιᾷ , ἐξήγαγεν ἡμᾶς Κύριος ἐντεῦθεν · καί φυλάξασθε τόν νόμον αὐτοῦ , καί ἔσται , ὡς ἄν εἰσαγάγη σε Κύριος ὁΘεός , εἰς τήν γῆν τῶν Χαναναίων , ὅν τρόπον ὤμοσε τοῖς πατράσι σου , καί ἀφοριεῖς πᾶν διανοίγων μήτραν τά ἀρσενικά τῷ Κυρίῳ .Ἐάν δέ ἐρωτήσει , μετά ταῦτα ὁ υἱός σου λέγων · τί τοῦτο ; καί ἐρεῖς αὐτῷ · ὅτι ἐν χειρί κραταιᾷ ἐξήγαγεν ἡμᾶς Κύριος ἐκ τῆς Αἰγύπτου , ἐξ δουλείας .ἡνίκα δέ ἐσκλήρυνε Φαραώ τοῦ τοῦ ἐξαποστεῖλαι ἡμᾶς , ἀπέκτεινε Κύριος πᾶν πρωτότοκον ἐν γῇ Αιγύπτου , ἀπό πρωτοτόκων ἀνθρώπων , ἕως πρωτοτόκων κτηνῶν · διά τοῦτο ἐγώ θύω τῷ Κυρίῳ πᾶν διανοίγων μήτραν τά ἀρσενικά , καί πᾶν πρωτότοκον τῶν υἱῶν μου λυτρώσομαι · καί ἔσται σημεῖον ἐπί τῆς χειρός σου , καί ἀσάλευτον πρό τῶν ὀφθαλμῶν σου · ὅτι οὕτως ἔφη Κύριος ὁ παντοκράτωρ · ὅτι τά πρωτότοκα τῶν υἱῶν σου δώσεις ἐμοί · καί ἔσται πᾶς ὡς ἄν τέξῃ , παιδίον ἄρσεν , τῇ ἡμέρᾳ τῇ ὀγδόῃ περιτεμεῖν τήν σάρκαν τῆς ἀκροβυστίας αὐτοῦ · καί τριάκοντα καί τρεῖς ἡμέραις οὐκ εἰσελεύσεται είς τό Ἁγιαστήριον οῦ Θεοῦ πρός τόν ἱερέα , ἕως πληρωθῶσιν αἱ ἡμέραι τῆς καθάρσεως · καί μετά ταῦτα προσοίσει τῷ Κυρίῳ ἀμνόν ἐνιαύσιον ἄμωμον , εἰς ὁλοκαύτωμα , καί νεοσσόν περιστερᾶς , ἤ τριγόνος , ἐπί τῆς θύρας , τῆς σκηνῆς τοῦ Μαρτυρίου , πρός τόν Ἱερέα · ἤ ἀντί τοτων προσοίσει , δύο νεοσσούς πειστερῶν , ἤ δύο τρυγόνας ·καί ἐξιλάσσεται περί αὐτοῦ ὁ ἱερεύς , ὅτι ἀπόδομα , ἀποδεδομένοι οὗτοι μοι εἰσίν , ἐκ πάντων τῶν υἱῶν Ἰσραήλ , καί εἴληφα αὐτούς , καί ἡγίασα αὐτούς ἐμοί , ἀντί τῶν πρωτοτόκων τῶν Αἰγυπτίων , ᾗ ἡμέρᾳ ἐπάταξα πᾶν πρωτότοκον ἐν γῇ Αἰγύπτου , ἀπό ἀνθρώπου ἕως κτήνους , εἶπεν ὁ Θεός ὁ Ὕψιστος , ὁ Ἅγιος Ἰσραήλ .

Β. Προφητίας Ἡσαΐουτό Ἀνάγνωσμα (κεφ .στ ΄1...)

Ἐγένετο τοῦ ἔτους οὗ ἀπέθανε Ὁζίας ὁ βασιλεύς , εἶδον τόν Κύριον καθήμενον ἐπί φρόνου ὑψηλοῦ καί ἐπηρμένου · καί πλήρης ὁ οἶκος τῆς δόξης αὐτοῦ · καί Σεραφίμ εἰστἠκεισαν, κύκλῳ αὐτοῦ ἕξ πτέρυγες τῷ ἑνί , καί ἕξ πτέρυγας τῷ ἑνί ·καί ταῖς μέν δυσί κατεκάλυπτον τά πρόσωπα αὐτῶν · ταῖς δέ δυσί , κατεκάλυπτον τούς πόδας αὐτῶν , καί ταῖς δυσίν ἐπέταντο . Καί ἐκέκραγεν ἔτερον πρός τόν ἕτερον , καί ἔλεγον · Ἅγιος , Ἅγιος , Ἅγιος , Κύριος Σαβαώθ , πλήρης πᾶσα ἡ γῆ , τῆς δόξης αὐτοῦ · καί ἐπήρθη τό ὑπέρυθρον ἀπό τῆς φωνῆς , ἧς ἐκέκραγεν · καί ὁ οἶκος ἐπλήσθη καπνοῦ . καί εἶπον ` Ὤ τάλας ἐγώ !!! ὅτι κατανένυγμαι · ὅτι ἄνθρωπος , ἀκάθαρτα χείλη ἔχων , ἐν μέσῳ λαοῦ , ἀκάθαρτα χείλη ἔχοντος , ἐγώ οἰκῶ · καί τόν Βασιλέα Κύριον Σαββαώθ εἶδον τοῖς ὀφθαλμοῖς μου . καί ἀπεστάλη πρός με ἕν τῶν Σεραφείμ , καί ἐν τῇ χειρί αὐτοῦ εἶχε ἄνθρακα , ὅν τῇ λαβίδι ἔλαβε ἀπό τοῦ Θυσιαστηρίου · καί ἥψατο τοῦ στόματός μου καί εἶπεν · ἰδού ἥψατο τούτο τῶν χειλέων σου καί ἀφελεῖ τάς ἀνομίας σου καί τάς ἁμαρτίας σου , περικαθαριεῖ · καί ἤκουσα τῆς φωνῆς Κυρίου λέγονος · τίνα ἀποστείλλω ; καί τίς πορεύσεται πρός τόν λαόν μου , καί εἶπον · ἰδού ἐγώ εἰμί , ἀπόστειλόν με , καί εἶπε · πορεύθητι καί εἰπέ τῷ λαῷ τούτῳ · ἀκοῇ ἀκούσετε , καί οὐ μή συνῆτε , καί βλέποντες βλέψητε , καί οὐ μή ἴδητε · ἐπαχύνθη γάρ η καρδία τοῦ λαοῦ τούτου καί τοῖς ὡσίν , βαρέως ἤκουσαν , καί τούς ὀφθαλμούς αὐτῶν ἐκάμμυσαν , μή ποτε ἴδωσι τοῖς ὀφθαλμοῖς , καί τοὶς ὡσίν ἀκούσωσι , καί τῇ καρδίᾳ συνῶσι , καί ἐπιστρέψωσι , καί ἰάσομαι αὐτούς · καί εἶπα · ἕως πότε Κύριε ;καί εἶπεν · ἕως ἄν ἐρημωθῶσιν πόλεις παρά τό μή κατοικεῖσθαι , καί οἴκοι παρά τό μή εἶναι ἀνθρώποις , καί ἡ γῆ καταληφθείσεται ἔρημος . καί μετά ταῦτα μακρυνεῖ Κύριος τούς ἀνθρώπους , καίπληθυνθήσονται , οἱ ἐγκαταλειφθέντες ἐπί τῆς γῆς .

Γ. Προφητείας Ἡσαΐου τό Ἀνάγνωσμα (ιθ ΄1.....)

Ἰδού Κύριος κάθηται , ἐπί Νεφέλης κούφης , καί ἥξει εἰς Αἴγυπτον , καί σεισθήσεται τά χειροποίητα Αἰγύπτου , ἀπό προσώπου αὐτοῦ, καί ἡ καρδία αὐτῶν ἠττηθήσεται ἐν αὐτοῖς · καί ταραχθήσεται τό πνεῦμα αὐτῶν ἐν αὐτοῖς , καί τήν βουλήν αὐτῶν διασκεδάσω , καί παραδώσωτήν Αἴγυπτον , εἰς χεῖρας κυρίων σκληρῶν , τάδε λέγει Κύριος Σαβαώθ · καί πίονται οἱ Αἰγύπτιοι ὕδωρ τό παρά θάλασσαν , ὁ δέ ποταμός ἐκλείψει καί ξηρανθήσεται ·τάδε λέγει Κύριος · ποῦ εἰσί νῦν οἱ σοφοί σου ; καί ἀναγγειλάτωσάν σοι καί εἰπάτωσαν ·τί βεβούλευται Κύριος Σαβαώθ ἐπ ᾿ Αἴγυπτον ;τῇ ἡμέρᾳ ἐκείνη ἔσονται οἱ Αἰγύπτιοι , ὡς γυναῖκες ἐν φόβῳ , καί τρόμῳ ἀπό προσώπου τῆς χειρός Κυρίου Σαβαώθ , ἥν αὐτός ἐπιβαλεῖ αὐτοῖς · καί ἔσται Θυσιαστήριον τῷ Κυρίῳ ἐν χώρᾳ Αἰγυπτίων , καί στήλη πρός τό ὄριον αὐτῆς τῷ Κυρίῳ · καί ἔσται εἰς σημεῖον , εἰς τόν αἰῶνα Κυρίῳ , ἐν χώρᾳ Αἰγύπτου · ὅτι κεκράξονται πρός Κύριον , καί ἀποστελεῖ αὐτοῖς ἄνθρωπον , ὅς σώσει αὐτούς · καί γνωστός ἔσται Κύριος τοῖς Αἰγυπτίοις ·καί γνώσονται οἱ Αἰγύπτιοι τόν Κύριον , ἐν τῇ ἡμέρᾳ ἐκείνῃ , καί ποιήσουσιν θυσίαν καί δῶρον , καί εὔξονται εὐχάς τῷ Κυρίῳ καί ἀποδώσουσιν .

Ἱστέον ὅτι μερικά χειρόγραφα, ἀντί τοῦ ἀνωτέρου τρίτου ἀναγνώσματος , ἔχουν ἀπό τήν προφητείαν τοῦ Προφ. Ἰεζεκιήλ κεφ. μγ ...και μδ ....Καί ἔσται ἀπό τῆς ημέρας τῆς ὁγδόης καί ἐπέκεινα ...

☦

Ἐκτενής ... Καταξίωσον ....πληρωτικά, καἡ τάξις τῆς Λιτῆς .

Γ. ΛΙΤΗ

Στιχηρά Ἰδιόμελα .ἦχος α ΄Ἀνατολίου

Σήμερον ὁ πάλαι τῷ Μωσεῖ , ἐν Σινᾷ νόμον ἐπιδούς , τοῖς νομικοῖς ὑποκύπτει θεσμοῖς ,δι ᾿ ἡμᾶς ὡς εὔσπλαγχνος , καθ ᾿ ἡμᾶς γεγονὠς · νῦν ὁ καθαρός Θεός , ὡς Παιδίον ἅγιον , Μήτραν διανοῖξαν Ἁγνήν , Ἑαυτῶ ὡς Θεός συγκομίζεται ,τῆς τοῦ νόμου κατάρας ἐλευθερῶν , καί φωτίζων τάς ψυχάς ἡμῶν .

ἦχος β ΄ Ἀνδρέου Πυροῦ

Ὅνπερ οἱ ἄνω λειτουργοί τρόμῳ λιτανεύουσιν , κάτω νῦν ὁ Συμεών , ὑλικαῖς ἀγκάλαις δεχόμενος , τό Θεῖον τοῖς ἀνθρώποις ἑνοῦσθαι ἐκήρυττε · καί βροτόν τόν οὐράνιον Θεόν ὁπτανόμενος , ἀναχωρῶν τῶν ἐπί γῆς χαρμονικῶς ἀνέκραζεν · ὁ τοῖς ἐν σκότει , τό ἀνέσπερον φῶς ἀποκαλύπτων , Κύριε δόξα σοι .

ἦχος ὁ αὐτός . Γερμανοῦ .

Σήμερον Συμεών ἐν ἀγκάλαις , τόν Κύριον τῆς δόξης ὑποδέχεται , ὅν ὑπό τόν γνόφον πρώην , ὁ Μωϋσῆς ἐθεάσατο , ἐν τῷ ὄρει τῷ Σινᾷ , πλάκας δόντα αὐτῶ · οὗτος ἐστίν , ὁ ἐν προφήταις λαλῶν , καί τοῦ νόμου ποιητής , οὗτος ἐστίν ὅν ὁ Δαυίδ καταγγέλει , ὁ τοῖς πᾶσι φοβερός , ὁ ἔχων τό μέγα καί πλούσιον ἔλεος .

ἦχος ὁ αὐτός . Τοῦ αὐτοῦ, οἱ δέ :Ἰωάννου .

Τόν Ἱερόν , ἡ Ἱερά ΠΑΡΘΕΝΟΣ , προσεκόμιεν , ἐν Ἱερῷ ,τῷ ἱερεῖ · ἁπλώσας δέ ἀγκάλαις ὁ Συμεών ἐδέξατο ἀγαλλόμενος τοῦτον καί ἐβόησεν · Νῦν ἀπολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ Κύριε .

ὁμοίως .

Ὁ Κτίστης οὐρανοῦ καί γῆς , ἐν ἀγκάλαις ἐβαστάζετο , ὑπό Ἁγίου Συμεών τοῦ πρσβύτου σήμερον · αὐτός γάρ ἐν Πνεύματι Ἁγίῳ ἔλεγεν · Νῦν ἠλευεθέρωμαι , εἶδον γάρ τόν Σωτήρα μυ .

ὅμοιον .Ἀνατολίου , ἤ Ἀνδρέου Κρήτης

Σήμερον Συμεών ὁ πρεσβύτης ἐν τῷ ναῷ εἰσέρχεται , χαίρων τῷ Πνεύματι , τόν νομοδότην Μωσέως καί πληρωτήν τοῦ νόμου ἀγκάλαις εἰσδέξασθαι · ἐκεῖνος μέν , διά γνόφου καί φωνῆς ἀμυδρᾶς , θεόπτης ἠξίωτο , καί κεκαλυμμένῳ προσώπῳ , τῶν Ἑβραίων τάς ἀπίστους καρδίας διλήλεγξεν · οὗτος δέ , τόν προαιώνιον Λόγον τοῦ Πατρός , σωματωθέντα εβάστασε · καί τῶν ἐθνῶν ἀπεκάλυψε τό Φῶς , τόν Σταυρόν καί τήν Ἀνάστασιν · καί Ἄννα προφῆτις ἀναδείκνυται, τόν Σωτῆρα λυτρωτήν τοῦ Ἰσραήλ κηρύττουσα · αὐτῷ βοήσωμεν · Χριστέ ὁ Θεός ἡμῶν , διά τῆς ΘΕΟΤΟΚΟΥ , ἐλέησον ἡμᾶς .

ἦχος δ ΄... Ἀνδρέου Κρήτης

Σήμερον ἡ ἱερά Μήτηρ , καί τοῦ Ἱεροῦ Ὑψηλοτέρα , ἐπί τό ἱερόν παραγέγονεν , ἐμφανίζουσα τῷ κόσμῳ , τόν τοῦ κόσμου ποιητήν , καί τοῦ νόμου πάροχον · ὅν καί ἀγκάλαις ὑποδεξάμενος , ὁ πρεσβύτης Συμεών , γεραίρων ἐκραύγαζε · νῦν ἀπολύεις τόν δοῦλον σου , ὅτι εἶδον σε τόν Σωτῆρα τῶν ψυχῶν ἡμῶν .

Δόξα ........ ἦχος πλ. α ΄

Ἐρευνᾶτε τάς Γραφάς , καθώς εἶπεν ἐν Εὐαγγελίοις , Χριστός ὁ Θεός ἡμῶν · ἐν αὐταῖς γάρ εὑρίσκομεν αὐτόν , τικτόμενον καί σπαργανούμενον , τιθηνούμενον καί γαλακτοτροφούμενον , περιτομήν δεχόμενον , καί ὑπό Συμεών βασταχθέντα , οὐ δοκήσει , οὐδέ φαντασίᾳ , ἀλλά ἀληθείᾳ τῷ κόσμῳ φανέντα · πρός ὅν βοήσωμεν · ὁ πρό αἰώνων Θεός δόξα σοι .

Καί νῦν ..... ἦχος ὁ αὐτός

Ὁ παλαιός ἡμερῶν , νηπιάσας σαρκί , ὑπό Μητρός ΠΑΡΘΕΝΟΥ , τῷ ἱερῷ προσάγεται , τοῦ οἰκείου νόμου , πληρῶν τό ἐπάγγελμα · ὅν Συμεών δεξάμενος ἔλεγεν , νῦν ἀπολύεις ἐν εἰρήνῃ , καά τό ρῆμα σου , τόν δοῦλον σου · εἶδον γάρ οἱ ὀφθαλμοί μου , τό σωτήριόν σου Ἅγιε .

☦

Τά κατά τήν τάξην τῆς Λιτῆς , καί ἐν ἀποστίχοις :

Στιχηρά Ἰδιόμελα .

ἦχος βαρύς . Κοσμᾶ μοναχοῦ

Κατακόσμησον τόν νυμφῶνα σου Σιών , καί ὑπόδεξαι τόν Βασιλέα Χριστόν · ἄσπασε τή ΜΑΡΙΑΜ , τήν ἐπουράνιον Πύλην ·

αὕτη γάρ Θρόνος Χερουβικός ἀνεδείχθη , Αὕτη βαστάζει , τόν Βασιλέα τῆς δόξης · Νεφέλη φωτός ὑπάρχει ἡ ΠΑΡΘΕΝΟΣ , φέρουσα ἐν σαρκί , Υἱόν πρό Ἑωσφόρου · ὅν λαβών Συμεών ἐν ταῖς

αγκάλαις αὐτοῦ , ἐκήρυξε λαοῖς , Δεσπότην αὐτόν εἶναι , ζωῆς καί τοῦ θανάτου , καί Σωτῆρα τοῦ κόσμου .

Στίχ . Νῦν ἀπολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ , ὄτι εἶδον οἱ ὀφθαλμοί μου τό σωτήριον σου , ὅ ἡτοίμασας κατά πρόσωπον πάντων τῶν λαῶν .

Τόν ἐκλάμψαντα πρό αἰώνων ἐκ Πατρός , ἐπ ᾿ ἐσχάτων δέ ἐκ Μήτρας Παρθενικῆς , φέρουσα ἐν τῷ ναῶ , ἡ ἈΠΕΙΡΟΓΑΜΟΣ Μήτηρ ,τόν ἐν Σιναίῳ νομοθετήσαντα ὄρει , τῇ διατάξει τῇ νομικῇ πειθαρχοῦντα , προσῆγεν Ἱερεῖ , Πρεσβύτῃ καί δικαίῳ · Χριστόν τόν Κύριον , ἰδεῖν χρηματισθέντα · ὅν δεξάμενος Συμεών ἐν ἀγκάλαις αὐτοῦ , ἠγαλλιάσατο βοῶν · Θεός ὑπάρχει οὗτος , Πατρί συναΐδιος , καί Λυτρωτής τῶν ψυχῶν ἡμῶν .

Στίχ . Φῶς εἰς ἀποκάλυψιν ἐθνῶν , καί δόξαν λαοῦ σου Ἰσραήλ .

Τόν ὀχούμενον ὑπό τῶν Χερουβίμ , καί ὑμνούμενον ἐν ᾄσμασι ὑπό τῶν Σεραφίμ , φέρουσα ἐν ἀγκάλαις ἡ ΘΕΟΤΟΚΟΣ ΜΑΡΙΑ , Ἀπειρογάμως ἐξ 'Αὐτῆς σαρκωθέντα , τόν Νομοδότην νόμου πληροῦντα τάξιν , ἐδίδου χερσί πρεσβύτου Ἱερέως · ζωήν δέ φέρων , ζωῆς ἠτεῖτο λύσιν , λέγων · Δέσποτα νῦν ἀπόλυσόν με μηνύσαι τῷ Ἀδάμ · ὡς εἶδον ἄτρεπτον βρέφος , Θεόν προαιώνιον , καί Σωτῆρα τοῦ κόσμου .

Δόξα ... Καί νῦν ..... ἦχος . πλ.δ ΄

Ὁ τοῖς Χερουβίμ ἐποχούμενος , καί ὑμνούμενος ὑπό τῶν Σεραφίμ , σήμερον τῷ θείῳ ναῷ , κατά νόμῳ προσφερόμενος , πρεσβυτικαῖς ἐνθρονίζεται ἀγκάλαις · καί ὑπό Ἰωσήφ εἰσδέχεται δῶρα θεοπρεπῶς , ὡς ζεῦγος τρυγόνων , τήν ἀμίαντον ἐκκλησίαν , καί τῶν ἐθνῶν , τόν νεόλεκτον λαόν · περιστερῶν δέ δύο νεοσσούς , ὡς ἀρχηγός Παλαιᾶς τε καί Καινῆς · τοῦ πρός αὐτόν χρησμοῦ δέ Συμεών , τό πέρας δεξάμενος , εὐλογῶν τήν ΠΑΡΘΕΝΟΝ ΘΕΟΤΟΚΟΝ ΜΑΡΙΑΝ , τά τοῦ Πάθους σύμβολα, τοῦ ἐξ ᾿ Αὐτῆς προηγόρευσε · καί παρ ᾿ αὐτοῦ ἐξετεῖται τήν ἀπόφασιν βοῶν · Νῦν ἀπολύεις με Δεσποτα , καθώς προεπηγγείλω μοι · ὅτι εἶδον σε τό προαιώνιον φῶς , καί Σωτῆρα Κύριον , τοῦ Χριστωνύμου λαοῦ .

☦

Νῦν ἀπολύεις ...Τρισαγιον ...καί τό Ἀπολυτίκιον .

ἦχος α ΄

Ἀπόλυσις

☦

Δ. ΕΝ Τῼ ΟΡΘΡῼ .

Μετά τόν ἑξάψαλμον , τά εἰρηνικά,

Θεός Κύριος ...καί ἀπολυτίκιον τρίς , ὡς εἰς ἑσπερινόν .

ἦχος α ΄

☦

Μετά τήν α΄στιχολογίαν , κάθισμα, ἦχος α΄ . Αὐτόμελον .

Χορός Ἀγγελικός , ἐκπληττέσθω τό θαῦμα · βροτοί δέ ταῖς φωναῖς , ἀνακράξωμεν ὔμνον , ὁρῶντες τήν ἄφατον τοῦ Θεοῦ συγκατάβασιν · ὅν γάρ τρέχουσιν , τῶν οὐρανῶν αἱ δυνάμεις , γηραλέαι νῦν , εναγκαλίζονται χεῖρες , τόν μόνον φιλάνθρωπον .

Δόξα ...Καί νῦν ... τό αὐτό

☦

Μετά τήν β ΄στιχολογίαν , κάθισμα , ἦχος α ΄ Τόν τάφον σου .

Ὁ ὤν σύν τῷ Πατρί , ἐπί θρόνου ἁγίου , ἐλθών ἐπί τῆς γῆς ἐκ ΠΑΡΘΕΝΟΥ ἐτέχθη , καί βρέφος ἐγένετο , χρόνοις ὤν ἀπερίγραπτος , ὅν δεξάμενος , ὁ Συμεών ἐν ἀγκάλαις , χαίρων ἔλεγε , Νῦν ἀπολύεις οἰκτίρμον , εὐφράνας τόν δοῦλον σου .

Δόξα ...Καί νῦν ... τό αὐτό

☦

Ὁ ΘΕΟΜΗΤΟΡΙΚΟΣ πολυέλεος καί ἡ ἐκλογή , καί μετά ,

κάθισμα ἦχος δ΄. Κατεπλάγη Ἰωσήφ .

Νηπιάζει δι ᾿ ἐμέ , ὁ παλαιός τῶν ἡμερῶν , καθαρσίων κοινωνεῖ , ὁ καθαρώτατος Θεός , ἵνα τήν σάρκα , πιστώσῃ μου τήν ἐκ ΠΑΡΘΕΝΟΥ · καί ταῦτα Συμεών μυσταγωγούμενς , ἐπέγνων τόν αὐτόν , Θεόν φανέντα σαρκί , καί ὡς ζωήν ἠσπαζετο , καί χαίρων , πρεσβυτικῶς ἀνεκραύγαζεν · σέ γάρ κατεῖδον , τήν ζωήν τῶν ἁπάντων .

Δόξα ...Καί νῦν ... τό αὐτό .

☦

Ἡ τάξις τοῦ Εὐαγγελίου τοῦ ὄρθρου .

τό ἀ ἀντίφωνον τῶν ἀναβαθμῶν τοῦ δ ΄ἤχου .

Ἐκ νεότητός μου....

Οἱ μισοῦντες Σιών ...

Δόξα ...Ἁγίῳ Πνεύματι , πᾶσα ...

Καί νῦν ...Ἁγίῳ Πνεύματι , ἀναβλύζει ...

Προκείμενον , ἦχος δ ΄,

Μνησθήσομαι τοῦ ὀνομάτός Σου ἐν πᾶσι γενεᾶ καί γενεᾶ .

Στίχ . Ἐξηρεύξατο ἡ καρδία μου , λόγον ἀγαθόν .

Μνησθήσομαι .....

Πᾶσα πνοή ... καί

Εὐαγγέλιον , ἐκ τοῦ κατά Λουκᾶν .( κεφ.β΄ 25-32 ).

Τῷ καιρῷ ἐκείνῳ , ἦν ἄνθρωπος ἐν Ἰεροσολύμοις , ᾧ ὄνομα Συμεών , καί ὁ ἄνθρωπος οὗτος δίκαιος καί εὐλαβής , προσδεχόμενος παράκλησιν τοῦ Ἰσραήλ , καί Πνεῦμα ἦν Ἅγιον ἐπ ᾿ αὐτόν , καί ἦν κεχρηματισμένον ὑπό τοῦ Πνεύματος τοῦ Ἁγίου , μή ίδεῖν θάνατον , πρί ἤ ἴδῃ τόν Χριστόν Κυρίου · καί ἦλθεν ἐν τῶ Πνεύματι εἰς τό ἱερόν · καί ἐν τῷ εἰσαγαγεῖν τούς γονεῖς τό παιδίον , Ἰησοῦν , τοῦ ποιῆσαι αὐτούς κατά τό εἱθισμένον τοῦ νόμου περί αὐτοῦ , καί αὐτός ἐδέξατο αὐτόν εἰς τάς ἀγκάλας αὐτοῦ , καί εὐλόγησεν τόν Θεόν καί εἶπεν ·

Νῦν πολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ ,

ὅτι εἶδον οἱ ὀφθαλμοί μου τό σωτήριον σου ,

ὅ ἡτοίμασας κατά πρόσωπον πάντων τῶν λαῶν ,

φῶς εἰς ἀποκάλυψιν ἐθνῶν , καί δόξαν λαοῦ σου Ἰσραήλ .

ὁ Ν΄ψαλμός καί τά παρακάτω :

Δόξα Πατρί .... Ταῖς τῆς ΘΕΟΤΟΚΟΥ , πρεσβείαις ἐλεῆμον , ἐξαλειψον τά πλήθη , τῶν ἐμῶν ἐγκλημάτων .

Καί νῦν καί ἀεί .... Ταῖς τῆς ΠΑΝΑΧΡΑΝΤΟΥ πρεσβείαις ἐλεῆμον , ἐξάλειψον τά πλήθη τῶν ἐλων ἐγκλημάτων .

Στίχος .Ἐλέησον με ὁ Θεός ... καί τό ,

Ἰδιόμελον . ἦχος πλ. β ΄ Ἰωάννου μοναχοῦ

☦

Καί ψάλλομεν τόν κανόνα τῆς ἑορτῆς εἰς ιδ΄ , κατά τήν ἀρχαίαν τάξιν , ἤ εἰς η ΄, ὡς δόξει τῷ προεστῷ .

Κανών ἦχος γ΄ με ἀκροστιχίδα : Χριστόν γεγηθώς , Πρέσβυς ἀγκαλίζεται . καί καταβασία εἰς τό τέλος ἑκασης ὠδῆς , τόν εἱρμόν αὐτῆς .

Ἄνευ στιχολογίας ἀλλά μέ στίχον : ὙΠΕΡΑΓΙΑ ΘΕΟΤΟΚΕ σῶσον ἡμᾶς .

Κανών ἦχος γ ΄. ᾠδή α ΄ εἱρμός .ποίημα Κοσμᾶ μοναχοῦ .

☦

Χέρσον ἀβυσσοτόκον πέδον ἥλιος , ἐπεπόλευσεν ποτέ , ὡσεί τεῖχος γάρ ἐπάγη , ἑκατέρωθεν ὕδρ , λαῷ πεζοποντοποροῦντι , καί θεαρέστως μέλποντι , ἄσωμεν τῷ Κυρίῳ , ἐνδόξως γάρ δεδόξασται .

Τροπάρια

Ῥἁνάτωσαν ὔδωρ νεφέλαι , ἥλιος ἐν Νεφέλῃ γάρ κούφῃ , ἐποχούμενος ἐπέστη , ἀκηράτοις ὠλέναις , Χριστός ἐν τῷ ναῷ ὡς βρέφος , διό πιστοί βοήσωμεν · ᾄσωμεν τῷ Κυρίῳ , ὄτι δεδόξασται .

Ἰσχύσατε χεῖες Συμεών , τῶ γήρᾳ ἀνειμέναι , καί κνῆμαι παρειμέναι δέ Πρεσβύτου , εὐθυβόλως κινεῖσθαι , Χριστοῦ πρός ὑπαντήν , χορείαν σύν Ἀσωμάτοις στήσαντες · ᾄσωμεν τῷ Κυρίῳ , ἐνδόξως γάρ δεδόξασται .

Συνέσει ταθέντες οὐρανοί εὐφράνθητε , ἀγάλλου δέ ἡ γῆ , ὑπερθέων γάρ ἐκ κόλπων ὁ τεχνίτης φοιτήσας , Χριστός ὑπό Μητρός ΠΑΡΘΕΝΟΥ , Θεῷ Πατρί προσάγεται , νήπιος ὁ πρό πάντων · ἐνδόξως γάρ δεδόξασται .

Καταβασία :

☦

Ὠδή γ ΄ὁ εἱρμός .

Τό στερέωμα τῶν επί σοί πεποιθότων , στερέωσον Κύριε , τήν Ἐκκλησίαν , ἥν ἐκτήσω , τῷ Τιμίῳ σου Αἵματι .

Τροπάρια

Ὁ πρωτότοκος , ἐκ τοῦ Πατρός πρό αἰώνων , πρωτότοκος νήπιος ΚΟΡΗΣ Ἀφθόρου , τῷ Ἀδάμ χεῖρας προτείνων ἐπέφανε .

Νηπιόφρονα , τόν γεγονότα ἀπάτῃ , πρωτόπλαστον ἔμπαλιν ἐπανορθώσων , Θεός Λόγος , νηπιάσας ἐπέφανεν .

Γῆς ἀπόγονον , παλινδρομήσασαν ταύτῃ , Θεότητος σύμμορφον φύσιν ὁ Πλάστης , ὡς ἀτρέπτως νηπιάσας ἀνέδειξεν .

Καταβασία .

Τό στερέωμα τῶν επί σοί πεποιθότων , στερέωσον Κύριε , τήν Ἐκκλησίαν , ἥν ἐκτήσω , τῷ Τιμίῳ σου Αἵματι .

☦

Συναπτή καί κάθισμα , ἦχος δ ΄. Κατεπλάγη Ἰωσήφ .

Ἐν τῷ ὄρει τῷ Σινᾶ , πάλαι κατεῖδεν Μωσῆς , τά ὀπίσθια Θεοῦ , καί ἀμυδρῶς θείας φωνῆς , κατηξιώθη ἐν γνώφῳ τε καί θυέλλῃ · νῦν δέ Συμεών , τόν σαρκωθέντα Θεόν , ἀτρέπτως δι ᾿ ἡμᾶς ἐνηγκαλίσατο , καί γεγηθώς ἠπείγετο , τῶν τῆδε , πρός τήν ζωήν τήν αἰώνιον , , διό ἐβόα · νῦν ἀπολύεις τόν Δοῦλον σου Δέσποτα .

☦

ᾨδή δ΄. ὁ εἱρμός .

Ἐκάλυψεν οὐρανούς ἡ ἀρετή σου Χριστέ , τῆς Κιβωτοῦ γάρ προελθών , τοῦ ἁγιάσματός σου , τῆς Ἀφθόρου Μητρός , ἐν τῷ ναῷ τῆς δόξης σου , ὤφθης ὡς βρέφος ἀγκαλοφορούμενος , καί ἐπληρώθη τά πάντα , τῆς σῆς αἰνέσεως .

Τροπάρια .

Γηθόμενος Συμεών , τῶν ἀποῤῥήτων μῦστα , ἡ ΘΕΟΤΟΚΟΣ ἐβόα · ὅν ὑφ ᾿ Ἁγίου πάλαι κεχρημάτισαι Πνεύματος νηπιάσαντι , Λόγον Χριστόν , ἐνηγκαλίζου κράζων , αὐτῷ · ἐπλήσθη τά πάντα τῆς σῆς αἰνέσεως .

Ἥν ἤλπισας Συμεών , ἠλικιώτην βρεφῶν , χαίρων ὑπόδεξαι , Χριστόν τοῦ Ἰσραήλ τοῦ θείου , τήν παράκλησιν , τόν νόμου Ποιητήν , καί Δεσπότην , πληροῦντα νόμου τάξιν , κράζων αὐτῷ · ἐπλήσθη τά πάντα τῆς σῆς αἰνέσεως .

Θεώμενος Συμεών , Λόγον τόν ἄναρχον , μετά σαρκός , ὡς ἐν θρόνῳ Χεσουβικῷ ΠΑΡΘΕΝῼ , ἐποχούμενον , τόν αἴτιον τοῦ εἶναι , τά πάντα ὡς βρέφος ἐκπλαγείς ἐβόα αὐτῷ · ἐπλήσθη τά πάντα τῆς σῆς αἰνέσεως .

Καταβασία :

☦

ᾨδή ε΄. ὁ εἱρμός .

Ὡς εἶδεν Ἡσαΐας συμβολικῶς , ἐν θρόνῳ ἐπηρμένῳ Θεῷ , ὑπ ᾿ Ἀγγέλων δόξης σορυφορούμενον , ὦ !!! τάλας , ἐβόα ἐγώ , πρό γάρ εἶδον σωματούμενον Θεόν , φωτός ἀνεσπέρου , καί εἰρήνης δεσπόζοντα .

Τροπάρια

Συνείς ὁ θεῖος Πρέσβυς , τήν προφανεῖσαν πάλαι τῷ Προφήτῃ δόξαν , χερσί Λόγον βλέπων Μητρός κρατούμενον , ὦ !!! χαῖρε , ἐβόα ΣΕΜΝΗ · ὡς γάρ θρόνος , περιέχεις τόν Θεόν , φωτός ἀνεσπέρου , καί εἰρήνης δεσπόζοντα .

Προκύψας ὁ Πρεσβύτης , καί τῶν ἰχνῶν ἐφαψάμενος τῆς ΑΠΕΙΡΟΓΑΜΟΥ καί ΘΕΟΜΗΤΟΡΟΣ , πῦρ ἔφη βαστάζεις , ΑΓΝΗ , βρέφος φρίττω ἀγκαλίσασθαι Θεόν , φωτός ἀνεσπέρου καί εἰρήνης δεσπόζοντα .

Ῥύπτεται Ἡσαΐας , τοῦ Σεραφίμ τόν ἄνθρακα δεξάμενος , ὁ Πρέσβυς Ἐβόα τῇ ΘΕΟΜΗΤΟΡΙ , Σύ ὥσπερ λαβίδι χερσί , λαμπρύνεις με ἐπιδοῦσα ὅν φέρεις , φωτός ἀνεσπέρου , καί εἰρήνης δεσπόζοντα .

Καταβασία .

Ὡς εἶδεν Ἡσαΐας συμβολικῶς , ἐν θρόνῳ ἐπηρμένῳ Θεῷ , ὑπ ᾿ Ἀγγέλων δόξης δορυφορούμενον , ὦ !!! τάλας , ἐβόα ἐγώ , πρό γάρ εἶδον σωματούμενον Θεόν , φωτός ἀνεσπέρου , καί εἰρήνης δεσπόζοντα .

☦

Ὠδή στ ΄ ὁ εἱρμός .

Ἐβόησέ σοι , ἰδών ὁ Πρέσβυς , τοῖς ὀφθαλμοῖς τό σωτήριον , ὅ λαοῖς ἐπἐστη , ἐκ Θεοῦ Χριστέ σύ Θεός μου .

Τροπάρια

Σιών σύ λίθος , ἐναπετέθης , τοῖς ἀπειθοῦσιν προσκόμματος , καί σκανδάλου πέτρα , ἀῤῥαγής πιστῶν σωτηρία .

Βεβαίως φέρων , τόν χαρακτῆρα , τοῦ πρό αἰώνων σέ φύσαντος , τήν βροτῶν δι ᾿ οἶκτον , νῦν ἀσθένειαν περιέθου .

Υἱόν Ὑψίστου , Υἱόν ΠΑΡΘΕΝΟΥ , Θεόν Παιδίον γενόμενον , προσκυνήσαντά σε , νῦν απόλυσον ἐν εἰρήνῃ .

Καταβασία .

Ἐβόησέ σοι , ἰδών ὁ Πρέσβυς , τοῖς ὀφθαλμοῖς τό σωτήριον , ὅ λαοῖς ἐπἐστη , ἐκ Θεοῦ Χριστέ σύ Θεός μου .

☦

Συναπτή καί κοντάκιον . ἦχς α ΄ Ῥωμανοῦ τοῦ μελωδοῦ .

Ὁ μήτραν Παρθενικήν ἁγιάσας τῷ τόκῳ σου , καί χεῖρας τοῦ Συμεών , εὐλογήσας ὡς ἔπρεπε , προφθάσας καί νῦν ἔσωσας ἡμᾶς Χριστέ ὁ Θεός · ἀλλ ᾿ εἰρήνευσον ἐν πολέμοις τό πολίτευμα, καί κραταίωσον βασιλεῖς οὕς ἠγάπησας , ὡς μόνος φιλάνθρωπος .

Ὁ Οἶκος .

Τῇ ΘΕΟΤΟΚῼ προσδράμωμεν οἱ βουλόμενοι κατιδεῖν τόν Υἱόν Αὐτῆς , πρός Συμεών ἀπαγόμενον , ὅνπερ οὐρανόθεν οἱ Ἀσώμαται βλέποντες ἐξεπλήττοντο λέγοντες , θαυμαστά θεωροῦμεν νυνί καί παράδοξα , ἀκατάληπτα , ἄφραστα , ὁ τόν Ἀδάμ δημιουργήσας , βαστάζεται ὡς βρέφος , ὁ ἀχώρητος χωρεῖται ἐν ἀγκάλαις τοῦ Πρεσβύτου · ὁ ἐπί τῶν κόλπων ἀπεριγράπτως ὑπάρχων τοῦ Πατρός αὐτοῦ , ἑκών περιγράφεται σαρκί , οὐ θεότητι , ὁ μόνος φιλάνθρωπος .

Τῇ Β ΄τοῦ αὐτοῦ μηνός Φεβρουαρίου , ἡ Ὑπαπαντή , τοῦ Κυρίου ἡμῶν Ἰησοῦ Χριστοῦ ἑορτάζεται , ἐν ᾗ ἐδέξατο αὐτόν , εἰς τάς ἀγκάλς αὐτοῦ ,ὁ δίκαιος Συμεών .

Στίχοι : Κόλπους Πατρός τυποῦσι τοῦ σοῦ Χριστέ μου ,

τοῦ Συμεών αἱ χεῖρες , αἱ φέρουσί σε .

Δέξατο δευτερίῃ Χριστόν Συμεών παρά νηῷ .

Ἀφοῦ παρῆλθον τεσσαράκοντα ἡμέραι ἀπό τήν φρικτήν καί σωτηρίαν τοῦ Κυρίου ἐνανθρώπησιν , κατά σάρκα αὐτοῦ γέννησιν , κατά τήν ὁποίαν ἔλαβε τό ἀνθρώπινι φύραμα , ἐκ τῆς Ἁγίας ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ , ἄνευ ἀνδρός , ἀλλά ἐκ Πνεύματος Ἁγίου , κατ ᾿ αὐτήν τήν σεβασμίνα ἡμέραν , προσήχθη ὑπό τῆς ΠΑΝΑΓΙΑΣ αὐτοῦ Μητρός καί τοῦ Ἰωσήφ τοῦ δικαίου καί μνήστορος , εἰς τόν ναόν , κατά τήν συνήθειαν , καί ἐντολήν τοῦ Μωσαϊκοῦ νόμου · ὁ δέ Συμεών , πρεσβύτατος , εἰς ἡλικίαν τριακοσίων ἑβδομήκοντα ἐτῶν , ὁ ὁποῖος εἶχε τήν ὑπόσχεσιν καί βεβαίωσιν ὑπό τοῦ Ἁγίου Πνεύματος , μή ἰδεῖν θάνατον , πρίν νά ἴδη τόν Χριστόν Κυρίου , καί κατά τήν ἡμέραν καί ὤραν , ὅπου ἡ ΘΕΟΤΟΚΟΣ καί ὁ Ἰωσήφ , προσέφερον τό Βρέφος εἰς τόν ναόν , παρακινηθείς ὁ ἱερός Συμεών ὑπό τοῦ Ἁγίου Πνεύματος , μετέβη εἰς τόν ναόν , καί λαβών εἰς τάς ἀγκάλας αὐτοῦ τό θεῖο βρέφος , καί εὐχαριστήσας τόν Θεόν , ἐδόξασεν λέγων τόν ὑπέροχον ὕμνον , ὄνπερ λέγομεν καί ἡμεῖς ἐν τέλει τῆς ἑσπερινῆς ἀκολουθίας , :..... Νῦν ἀπολύεις τόν δοῦλον σου Δέσποτα , κατά τό ῥῆμα σου ἐν εἰρήνη · ὅτι εἶδον οἱ ὀφθαλμοί μου τό σωτήριον σου , ὄ ἠτοίμασας κατά πρόσωπον πάντων τῶν λαῶν , φῶς εἰς ἀποκάλυψιν ἐθνῶν , καί δόξαν λαοῦ σου Ἰσραήλ ·

τελέσας τά τῆς νομικῆς διαταξεωςτά περί καθαρισμοῦ , καθαρσίων κοινωνεῖ ὁ καθαρώτατος Θεός, καί ΠΑΝΑΜΩΜΟΣ ΔΕΣΠΟΙΝΑ , καί ἀπολυθείς ἐν εἰρήνη, μετέστη τῶν ἐπηγείων , ἀνταλλαξάμενος τά οὐράνια και ἀτελεύτητα .

τελεῖται δέ ἡ Σύναξις αὕτη , εἰς τόν σεβάσμιον οἶκον τῆς ΥΠΕΡΑΓΙΑΣ ΔΕΣΠΟΙΝΗΣ ἡμῶν ΘΕΟΤΟΚΟΥ , καί ΑΕΙΠΑΡΘΕΝΟΥ ΜΑΡΙΑΣ, τῶν Βλαερνῶν .

Αὐτῷ ἡ δόξα και τό κράτος εἰς τούς αἰῶνας ἀμήν .

☦

ᾨδἠ ζ ΄. ὁ Εἱρμός .

Σέ τόν ἐν πυρί δροσίσαντα , Παῖδας θεολογήσαντας , καί ΠΑΡΘΕΝῼ ἀκηράτῳ ἐνοικήσαντα , Θεόν Λόγον ὑμνοῦμεν , εὐσεβῶς μελωδοῦντες , Εὐλογητός ὁ Θεός , ὁ τῶν Πατέρων ἡμῶν .

Τροπάρια .

Ἀδάμ ἐμφανίσων ἄπειμι , εἰς ᾅδου διατρίβοντι , καί τῇ Εὔᾳ προσκομίσων εὐαγγέλια , Συμεών ἀνεβόα , σύν προφήταις χορεύων · εὐλογητός ὁ Θεός , ὁ τῶν Πατέρων ἡμῶν .

Γένος χοϊκόν ῥυσόμενος Θεός , ἕως τοῦ ᾅδου ἤξει , αἰχμαλώτοις δέ παρέξει πᾶσιν ἄφεσιν , καί ἀνάβλεψιν πηροῖς , ὡς ἀλάλοις βοῆσαι , εὐλογητός ὁ Θεός ὁ τῶν Πατέρων ἡμῶν .

Καί Σοῦ τήν καρδίαν Ἄφθορε , ῥομφαία διελεύσεται , Συμεών τῇ ΘΕΟΤΟΚῼ προηγόρευσεν , ἐν Σταυρῶ καθορώσης , Σόν Υἱόν , ᾧ βοῶμεν · εὐλογητός ὁ Θεός , ὁ τῶν Πατέρων ἡμῶν .

Καταβασία .

Σέ τόν ἐν πυρί δροσίσαντα , Παῖδας θεολογήσαντας , καί ΠΑΡΘΕΝῼ ἀκηράτῳ ἐνοικήσαντα , Θεόν Λόγον ὑμνοῦμεν , εὐσεβῶς μελωδοῦντες , Εὐλογητός ὁ Θεός ὁ τῶν Πατέρων ἡμῶν .

☦

ᾨδή η ΄ . ὁ εἱρμός .

Ἀστέκτῳ πυρί ἑνωθέντες , οἱ θεοσεβείας προεστῶτες Νεανίαι τῆ φλογί δέ μή λωβηθέντες , θεῖον ὕμνον ἔμελπον · εὐλογεῖτε πάντα τά ἔργα τόν Κύριον , καί ὑπερυψοῦτε , εἰς πάντας τούς αἰῶνας .

Τροπάρια .

Λαός Ἰσραήλ τήν σήν δόξαν , τόν Ἐμμανουήλ ὁρῶν Παιδίον , ἐκ ΠΑΡΘΕΝΟΥ , πρό προσώπου τῆς θείας Κιβωτοῦ νῦν χόρευε , εὐλογεῖτε πάντα τά ἔργα τόν Κύριον , καί ὑπερυψοῦτε , εἰς πάντας τούς αἰῶνας .

Ἰδού Συμεών ἀνεβόα , τό ἀντιλεγόμενον σημεῖον , οὗτος ἔσται , Θεός ὤν καί Παιδίον · τούτῳ πίστει μέλψωμεν · εὐλογεῖτε πάντα τά ἔργα τόν Κύριον , καί ὑπερυψοῦτε , εἰς πάντας τούς αἰῶνας .

Ζωή πεφυκώς οὗτος ἔσται , πτῶσις ἀπειθοῦσι , νηπιάσας Θεός Λόγος , ὡς ἀνάστασις πᾶσι , τοῖς ἐν πίστει μέλψουσιν · εὐλογεῖτε πάντα τά ἔργα τόν Κύριον , καί ὑπερυψοῦτε , εἰς πάντας τούς αἰῶνας .

Καταβασία .

Αἰνοῦμεν , εὐλογοῦμεν ... Ὑμνοῦντες καί ὑπερυψοῦντες ......

☦

Ἡ τάξις τῆς ... Τήν Τιμιωτέραν ...

Ἐν Δεσποτικαῖς καί ΘΕΟΜΗΤΟΡΙΚΑΙς ἑορταῖς , δέν στιχολογεῖται ἡ ΤήνΤιμιωτέραν ..., ἀλλά ἀντί Αὐτῆς ψάλλονται τά μεγαλυνάρια · ἐν τισι δέ Ἱεραῖς Μοναῖς , κατά ό ἔθος αὐτῶν,οὐδέποται παραλλείπεται .

ᾨδή Θ ΄

ΜΕΓΑΛΥΝΑΡΙΑ , ψαλλόμενα ἀντί στίχου , εἰς τήν Θ΄ᾠδή . ἦχος γ ΄

Ἀκατάληπτον ἐστίν τό τελούμενον ἐν Σοί , καί Ἀγγέλοις καί βροτοῖς , ΜΗΤΡΟΠΑΡΘΕΝΕ ΑΓΝΗ .

Ἀγκαλίζεται χερσίν ὁ Πρεσβύτης Συμεών , τόν τοῦ νόμου Ποιητήν καί Δεσπότην τοῦ παντός .

Βουληθείς ὁ Πλαστουργός, ἵνα σώσῃ τόν Ἀδάμ , Μήτραν ᾤκησεν τήν Σήν τῆς ΠΑΡΘΕΝΟΥ καί ΑΓΝΗΣ .

Γένος ἅπαν τῶν βροτῶν μακαρίζει Σε ΑΓΝΗ , καί δοξάζει Σε πιστῶς , ὡς Μητέρα τοῦ Θεοῦ .

Δεῦτε ἴδετε Χριστόν τόν Δεσπότην τοῦ παντός , ὅν βαστάζει Συμεών , σήμερον ἐν τῷ ναῷ .

Ἐπιβλέπεις πρός τήν γῆν , καί ποεῖς τρέμειν αὐτήν , καί πῶς γέρων κεκμηκώς , σέ κατέχει ἐν χερσί ;

Ζήσας ἔτη Συμεών , ἔως εἶδε τόν Χριστόν , καί ἐβόα πρός αὐτόν , νῦν ἀπόλυσιν ζητῶ .

Ἡ Λαβίς ἡ μυστική , ἡ τόν ἄνθρακα Χριστόν , συλλαβοῦσα ἐν γαστρί , Σύ ὑπάρχεις ΜΑΡΙΑΜ .

Θέλων ἐνηνθρώπησας ὁ προάναρχος Θεός , καί ναῷ προσφέρεσαι τεσσαρακονθήμερος .

Κατελθόντ ᾿ ἐξ ᾿ οὐρανοῦ , τόν Δεσπότην τοῦ παντός , ὑπεδέξατο αὐτόν , Συμεών ο ἱερεύς .

Λαμπρυνόν μου τήν ψυχήν καί τό φῶς τό αἰσθητόν , ὅπως ἴδω καθαρῶς , καί κηρύξω σε Θεόν .

ΜΗΤΡΟΠΑΡΘΕΝΕ ΑΓΝΗ , τί προσφέρεις τῷ ναῷ ; νέον βρέφος ἀποδούς , ἐν ἀγκάλαις Συμεών .

Νῦν ἀπόλυσιν ζωτῶ , ἀπό σοῦ τοῦ Πλαστουργοῦ , ὅτι εἶδον σε Χριστέ , τό σωτήριόν μου φῶς .

Ὅν οἱ ἄνω λειτουργοί τρόμῳ λειτανεύουσιν , κάτω νῦν ὁ Συμεών , ἀγκαλίζεται χερσί .

Δόξα ....

Ἡ τῇ φύσει μέν μονάς , τοῖς προσώποις δέ Τριάς , φύλαττε τούς δούλους σου , τούς πιστεύοντας εἰς σέ .

Καί νῦν ....

ΘΕΟΤΟΚΕ ἡ ἐλπίς , πάντων τῶν Χριστιανῶν , σκέπε , φρούρει , φύλαττε , τούς ἐλπίζοντας εἰς Σέ .

Ὁ Εἱρμός .

Ἐν νόμῳ σκιᾷ καί γράμματι , τύπον κατίδωμεν οἱ πιστοί · πᾶς ἄρσεν τό τήν Μήτραν διανοῖγον , ἅγιον Θεῷ · διό πρωτότοκον Λόγον , Πατρός ἀνάρχου Υἱόν , πρωτοτοκούμενον Μητρί , ἀπειράνδρως μεγαλύνομεν .

Τροπάρια .

Τοῖς πρίν νεογνῶν τρυγόνων ζεῦγος , δυάς τε ἦν νεοσσῶν · ἀνθ ᾿ ὧν ὁ θεῖος Πρέσβυς , και σώφρων Ἄννα προφῆτις , τῶ ἐκ ΠΑΡΘΕΝΟΥ τεχθέντι , καί οἵῳ γόνῳ Πατρός , ἐν τῷ ναῷ προσιόντι λειτουργοῦντες ἐμεγάλυνον .

Ἀπέδκάς μοι ἐβόα Συμεών , τῦ σωτηρίου σου Χριστέ ἀγαλλίασιν , ἀπόλαβέ σου τόν λάτριν , τόν τῆ σκιᾷ κεκμηκότα , νέον τῆς χάριτος , Ἱεροκήρυκα μύστην , ἐν αἰνέσει μεγαλύνοντα .

Ἱεροπρεπῶς ἀνθομολογεῖτο , Ἄννα ὑποφητεύουσα , ἡ σώφρων καί ὁσία , καί πρεσβυρά τῷ Δεσπότῃ , ἐν τῷ ναῷ διαῤῥήδην · τήν ΘΕΟΤΟΚΟΝ δέ ἀνακηρύττουσα πᾶσι , τοῖς παροῦσι ἐμεγάλυνεν .

Καταβασία .

ΘΕΟΤΟΚΕ ἡ ἐλπίς , πάντων τῶν Χριστιανῶν , σκέπε , φρούρει , φύλαττε , τούς ἐλπίζοντς εἰς Σέ .

☦

Ἐξαποστειλάριον ἦχος γ ΄. Αὐτόμελον .

Ἐν Πνεύματι τῶ Ἱερῷ , παραστάς ὁ πρεσβύτης , ἀγκάλαις ὑπεδέξατο , τόν τοῦ νόμου Δεσπότην · κραυγάζων νῦν τοῦ δεσμοῦ με , τῆς σαρκός ἀπόλυσον , ὡς εἴρηκας ἐν εἰρήνῃ , εἶδον γάρ τοῖς ὀφθαλμοῖς , ἀποκάλυψιν ἐθνῶν , καί Ἰσραήλ σωτηρίαν .

☦

Εἰς τούς αἴνους , ἱστῶμεν εἰς στίδ ΄καί ψάλλομεν εἰς δ ΄, τά γ ΄στιχηρά προσόμοια .

Γίνεται καί χρίσις δι ᾿ ἁγίου ἐλαίου , ἐκ τῆς ἀκοιμήτου κανδήλας

ἦχος δ ΄. Ἔδωκας σημείωσιν .

Νόμον τον ἐν γράμματι , ἀποπληρῶν ὁ φιλάνθρωπος , τῷ ναῷ προσάγεται · καί τοῦτον εἰσδέχεται , γηραιαῖς ἀγκάλαις , Συμεών ὁ Πρέσβυς , νῦν ἀπολύεις με βοῶν , πρός τήν ἐκεῖθεν μακαριότητα , κατεῖδον γάρ σε σήμερον , σάρκα θνητήν περικείμενον , τόν ζωῆς κυριεύοντα καί θανάτου δεσπόζοντα . δίς

Φῶς εἰς ἀποκάλυψιν , ἐθνῶν ἐπέφανας Κύριε , ἐπί κούφης καθήμενος , νεφέλης ὁ Ἥλιος τῆς δικαιοσύνης , νόμου τό σκιῶδες ἀποπληρῶν καί τήν ἀρχήν , καθυποφαίνων τῆς νέας χάριτος , διό σε θεασάμενος , ὁ Συμεών ἀνεκραύγαζεν , ἐκ φθορᾶς μέ ἀπόλυσον , ὅτι εἶδον σε σήμερον .

Κόλπων τοῦ Γεννήτορος , μή χωρισθείς τῆ θεότητι , σαρκωθείς ὡς εὐδόκησας · ἀγκάλαις κρατούμενος τῆς ἈΕΙΠΡΘΕΝΟΥ , χερσίν ἐπεδόθης τοῦ Θεοδόχου Συμεών , ὁ τῇ χειρί σου κρατῶν τά σύμπαντα , διό νῦν ἀπολύεις με , περιχαρῶς ἀνεκραύγαζεν , ἀγαθέ καί φιλάνθρωπε , ὅτι εἶδον σε Δέσποτα .

Δόξα ....Καί νῦν ... ἦχος πλ. β'

Ὁ ἐν χερσί πρεσβυτικαῖς , τήν σήμερον ἡμέραν , ὡς ἐφ ᾿ ἅρματος Χερουβίμ , ἀνακλιθῆναι εὐδοκήσας Χριστέ ὁ Θεός , καί ἡμᾶς τούς ὑμνοῦντας σε , τῆς τῶν παθῶν τυραννίδος , ἀνακαλούμενος ῥῦσαι , καί σῶσον τάς ψυχάς ἡμῶν .

☦

Δοξολογία μεγάλη , καί εἰς τό τέος τό ἀπολυτίκιον τῆς ἑορτῆς.

Ἐκτενής ...Πληρωτικά..ὦρες , καί Ἀπόλυσις .

☦

Ε. ΕΝ Τῌ ΘΕΙᾼ ΛΕΙΤΟΥΡΓΙᾼ .

Τυπικά μακαρισμοί , καί δ ΄τροπάριαἐκ τῆς γ΄ᾠδῆς , καί δ ΄ἐκ τῆς Ϛ ΄ᾠδῆς .

Εἰσοδικόν :

Ἐγνώρισε Κύριος τό σωτήριον αὐτοῦ , ἐναντίον πάντων τῶν ἐθνῶν · Σῶσον ἡμᾶς Υἱέ Θεοῦ , ὁ ἐν ἀγκάλαις τοῦ δικαίου Συμεών βασταχθείς , ψάλλοντάς σοι ἀλληλούϊα .

Μετά τήν Εἴσοδον , τό ἀπολυτίκιον τῆς ἑορτῆς τρίς ,

Χαῖρε , ΚΕΧΑΡΙΤΩΜΕΝΗ ΘΕΟΤΟΚΕ ΠΑΡΘΕΝΕ ....

Δόξα Πατρί ...Καί νῦν ... Ὁ Μήτραν Παρθενικήν .

☦

Ἡ τάξις τοῦ Ἀποστολικοῦ , καί Εὐαγγελικοῦ ἀναγώσματος .

Προκείμενον ἦχος γ ΄. ᾨδή τῆς ΘΕΟΤΟΚΟΥ ( Λουκ. α ΄46)

Μεγαλύνει ἡ ψυχή μου τόν Κύριον , καί ἠγαλλίασε τό πνεῦμα μου ἐπί τῶ Θεῶ , τῶ Σωτῆρι μου .

Στιχ. Ὅτι ἐπέβλεψεν ἐπί τήν ταπείνωσιν τῆς Δούλης αὐτοῦ · ίδού γάρ ἀπό τοῦ νῦν μακαριοῦσι με πᾶσαι αἱ γενεαί .

Πρός Ἑβραίους Ἐπιστολῆς Παὐλου τό Ἀνάγνωσμα .( Κεφ. ζ΄7-17)

Ἀδελφοί , χωρίς πάσης ἀντιλογίας , τό ἔλαττον ὑπό τοῦ κρείτονος εὐλογεῖται · καί ὧδε μέν δεκάτας ἀποθνήσκοντες ἄνθρωποι λαμβάνουσιν , ἐκεῖ δέ μαρτυρούμενος ὅτι ζῇ · καί ὡς ἔπος εἰπεῖν , διά Ἀβραάμ καί Λευΐ , ὁ δεκάτας λαμβάνων δεδεκάτωται · ἔτι γάρ έν τῇ ὀσφύϊ τοῦ πατρός ἦν ὅτε συνήντησεν αὐτόν Μελχισεδέκ · εἰ μέν οὖν τελείωσις διά τῆς Λευιτικῆς ἱερωσύνης , ἦν · ὁ λαός γάρ ἐπ ᾿ αὐτῇ νενομοθέτητο · τίς ἔτι χρειά «...κατά τήν τάξιν Μελχισεδέκ ... » ἕτερον ἀνίστασθαι ἱερέα , καί οὐ κατά τήν τάξιν Ἀαρών λέγεσθαι ; μετατιθεμένης γάρ τῆς ἱερωσύνης , ἐξ ᾿ ἀνάγκης καί νόμου μετάθεσις γίνεται ·ἐφ ᾿ ὅν γάρ λέγεται ταῦτα, φυλῆς ἑτέρας μετέσχηκεν , ἀφ ᾿ ἧς οὐδείς προσέσχηκε τῷ θυσιαστηρίῳ · πρόδηλον γάρ , ὅτι ἐξ ᾿ Ἰούδα ἀνατέταλκεν ὁ Κύριος ἡμῶν , εἰς ἥν φυλήν , οὐδέν περί ἱερωσύνης , Μ ωσῆς ἐλάλησε · καί περισσότερον , ἔτι κατάδηλον ἔστιν , εἰ κατά τήν ὁμοιότητα Μελχισεδέκ ἀνίσταται ἱερεύς ἕτερος , ὅς οὐ κατά νόμον ἐντολῆς , σαρκικῆς γέγονεν , ἀλλά κατά δύναμιν , ζωῆς ἀκαταλύτου · μαρτυρεῖ γάρ , «..ὅτι σύ ἱερεύς κατά τήν τἀξιν Μελχισεδέκ ....» .

Ἀλληλούϊα ,Ἀλληλούϊα , Ἀλληλούϊα , ἦχος δ ΄ᾨδή Συμεών

( Λουκ. β΄29 .

Νῦν ἀπολύεις τόν δοῦλον σου Δέσποτα , κατά τό ρῆμα σου ἐν εἰρήνῃ , ὅτι εἶδον οἱ ὀφθαλμοί μου τό σωτήριον σου , ὄ ἡτοίμασας , κατά πρόσωπον πάντων τῶν λαῶν .

Στιχ . Φῶς εἰς ἀποκάλυψιν ἐθνῶν , καί δόξαν λαοῦ σου Ἰσραήλ .

☦

ἡ ταξις τοῦ Εὐαγγελίου , κατά Λουκα β , 22 -40 .

Τῷ καιρῷ ἐκείνῳ , ὅτε ἐπλήσθσαν αἱ ἡμέραι τοῦ καθαρισμοῦ , αὐτῶν κατά τόν νόμον Μωϋσέως , ἀνήγαγον αὐτόν εἰς Ἱεροσόλυμα , παραστῆσαι τῷ Κύριῷ , καθώς γέγραπται ἐν νόμῳ Κυρίου , ὅτι πᾶν ἄρσεν τό διανοίγων μήτραν , ἅγιον τῷ Κυρίῳ κληθήσεται , καί δοῦναι θυσίαν κατά τό εἱρημένον , ἐν νόμῳ Κυρίου , ζεῦγος τριγόνων , ἤ δύο νεοσσούς περιστερῶν . καί ἰδού ἦν ἄνθρωπος ἐν Ἰεροσολύμοις , ᾧ ὄνομα Συμεών , καί ὁ ἄνθρωπος οὗτος δίκαιος καί εὐλαβής , προσδεχόμενος παράκλησιν τοῦ Ἰσραήλ , καί Πνεῦμα ἦν Ἅγιον ἐπ ᾿ αὐτόν , καί ἦν κεχρηματισμένον ὑπό τοῦ Πνεύματος τοῦ Ἁγίου , μή ίδεῖν θάνατον , πρί ἤ ἴδῃ τόν Χριστόν Κυρίου · καί ἦλθεν ἐν τῶ Πνεύματι εἰς τό ἱερόν · καί ἐν τῷ εἰσαγαγεῖν τούς γονεῖς τό παιδίον , Ἰησοῦν , τοῦ ποιῆσαι αὐτούς κατά τό εἱθισμένον τοῦ νόμου περί αὐτοῦ , καί αὐτός ἐδέξατο αὐτόν εἰς τάς ἀγκάλας αὐτοῦ , καί εὐλόγησεν τόν Θεόν καί εἶπεν ·

Νῦν πολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ ,

ὅτι εἶδον οἱ ὀφθαλμοί μου τό σωτήριον σου ,

ὅ ἡτοίμασας κατά πρόσωπον πάντων τῶν λαῶν ,

φῶς εἰς ἀποκάλυψιν ἐθνῶν , καί δόξαν λαοῦ σου Ἰσραήλ .

καί ἦν Ἰωσήφ , καἰ ἡ Μήτηρ αὐτοῦ θαυμάζοντες ἐπί τοῖς λαλαουμένοις περί αὐτοῦ καί εὐλόγησεν αὐτούς Συμεών καί εἶπεν πρός ΜΑΡΙΑΜ , τήν Μητέρα αὐτοῦ ` Ἰδού οὗτος κεῖται εἰς πτῶσιν καί ἀνάστασιν πολλῶν ἐν τῷ Ἰσραήλ , καί εἰς σημεῖον ἀντιλεγόμενον , καί Σοῦ δέ τῆς ΑΓΝΗΣ , τήν ψυχήν διελεύσεται ῥομφαία , ὅπως ἄν ἀποκαλυφθῶσιν , ἐκ πολλῶν καρδιῶν διαλογισμοί . καί ἦν Ἄννα προφῆτις θυγάτηρ Φανουήλ , ἐκ φυλῆς Ἀσήρ · αὕτη προβεκηκυῖα ἐν ἡμέραις πολλαῖς , ζήσασα ἔτη μετά ἀνδρός ἑπτά ἀπό τῆς παρθενίας αὐτῆς , καί αὕτη χήρα ὡς ἐτῶν ὀγδοήκοντα τεσσάρων , ἥ οὐκ ἀφίστατο ἀπό τοῦ ἱεροῦ , νηστείαις καί δεήσεσι λατρεύουσα νύκτα καί ἡμέραν · καί αὕτη αὐτῇ τῆ ᾠρᾳ ἐπιστάσα ἀνθομολογεῖτο τῷ Κυρίῳ , καί ἐλάλει περί αὐτοῦ , πᾶσι τοῖς προσδεχομένοις , λύτρωσιν ἐν Ἰσραήλ · καί ὡς ἐτέλασαν ἅπαντα τά κατά τόν νόμον Κυρίου , ὑπέστρεψαν εἰς τήν Γαλιλαίαν , καί εἰς τήν πόλιν αὐτῶν Ναζαρέτ · τό δέ Παιδίον ηὔξανε , καί ἐκραταιοῦτο πληρούμενον σοφίας , καί χάρις Θεοῦ , ἦν ἐπ ᾿ αὐτό .

☦

Εἰς τό Ἐξαιρέτως ....

ΘΕΟΤΟΚΕ ἡ ἐλπίς , πάντων τῶν Χριστιανῶν , σκέπε , φρούρει , φύλαττε , τούς ἐλπίζοντς εἰς Σέ .

☦

Κοινωνικόν .

Ποτήριον σωτηρίου λήψομαι , καί τό ὄνομα Κυρίου ἐπικαλέσομαι.

☦

Δόξα Σοι Μῆτερ τοῦ Θεοῦ ,

Δόξα Σοι ΠΑΝΑΓΙΑ...

Εὐχαριστοῦντες..

Προσκυνοῦμεν Σε Μητέρα τοῦ Ὑψίστου ...

Ἡ ἑορτή τῆς Ὑπαπαντῆς , ΔεσποτικοΘΕΟΜΗΤΟΡΙΚΉ , εἶναι ἀπό τίς ἑορτές τοῦ δωδεκαόρτου , ἤτοι , ἀπό τίς σημαντικότερες τῆς ἐκκλησίας μας .

Κατ ᾿ ἀνάλογον σήμερον γίνεται ὁ σαραντισμός τοῦ βρέφους, ὑπό τόν γονέων του εἰς τόν ναόν , καί οὕτως μετά τόν σαραντισμόν , πάλιν ἡ μητέρα τοῦ βρέφους , ἐπανέρχεται , συνεχίζει τήν κοινή πνευματικήν ζωήν , καί συμμετοχήν της εἰς τά μυστήρια τῆς εκκλησίας , μας. π.χ. θεία κοινωνία , ἡ ὁποία εἶχε ἀνασταλῆ λόγῳ τῆς κυήσεως .

Εἰς τόν Ναόν τοῦ Σολομῶντος, ὄπου ἔγινε ἡ ὑπάντησις, συνάντησις, Ὑπαπαντή , συναντήθησαν ἡ ΠΑΝΑΓΙΑ, μέ τόν Ἱιωσήφ τόν μνήστορα, καί προστάτην τῆς ΠΑΝΑΓΙΑΣ καί τοῦ βρέφους, προσφέροντες, κατά τόν Μωσαϊκόν νόμον , τό Βρέφος εἰς τόν Ναόν κατά τήν τάξιν , καί ὁ γηραιός Συμεών , καί ἡ προφήτης Ἄννα· δέν ἤτο ἡ μητέρα τῆς ΠΑΝΑΓΙΑΣ.

ἡ Ἁγία Ἄννα Μητέρα τῆς ΠΑΝΑΓΙΑς ἐκοιμήθη , λίγα ἔτη , μετά τήν ἀφιέρωσην τῆς ΠΑΝΑΓΙΑΣ εἰς τόν ναόν .

Καί ὁ Προφήτης Συμεών , καί ἡ Ἄννα προφήτευσαν σημαντικά καί μεγάλα δια την μετέπειτα πορεία τοῦ λαοῦ , καί τοῦ νέου Ἰσραήλ καί τῆς Ἐκκλησίας.

Ὁ γηραιός Συμεών , ἦτο ἕνας ἀπό τούς 72 , οἱ οποῖοι μέ ἐντολή του Πτολεμαίου , ἐκλείσθησαν σ ἕνα νησί , καί τό 272 πρό Χριστοῦ , ἔκαμαν τήν μετάφρασην τῆς Παλαιᾶς Διαθήκης ἀπό τά Ἑβραϊκα στά Ἑλληνικά, καί ὀνομάσθηκε τότε, καί μέχρι σήμερα : ἡ μεταφραση τῶν ἑβδομήκοντα .

Ἦτο τότε ἑβδομήκοντα ἐτῶν νομομαθής σοφός, δίκαιος, πιστός, ἀληθινός καί ὅταν ἔφθασαν εἰς τό σημεῖον τό ὁποῖο ἀνέφερε τήν γέννησιν τοῦ Μεσσία, Χριστοῦ , παρακάλεσε ἐνδομύχως, να τόν ἀξιώσει ὁ θεός , πρίν κοιμηθῆ , πρίν πεθάνει να δῆ αὐτό τό σωτήριο, τόν Λυτρωτή .

Καί ὁ πληρῶν τάς αἰτήσεις τῶν ἀγαπόντων καί φοβουμένων αὐτόν , τόν πληροφόρησε μέ σημεῖον , ὅτι πρίν πεθανη , θα ἴδη τόν Χριστόν .

Ὅταν μετέφεραν ἡ ΠΑΝΑΓΙΑ καί ο Ἰωσήφ τόν Ἰησοῦν δι τόν σαραντισμόν , ἤτο ἡσυχάζων εἰς τόν οἶκον του , ἐτῶν τότε 342 και ἔλαβε μέσα του πληροφορία, να μεταβῆ στόν ναόν .

Δυνάμωσαν οἱ κνῆμες καί τό ἀσθενές γηραλαῖο σῶμα του , καί μετάβη εἰς τόν ναόν ,τελῶν τά τοῦ σαραντισμοῦ , καί λαβών τό βρέφος στήν ἀγκάλην του , μέσα του ἤκουσε τό ἅγιο Πνεῦμα, πληροφορῶν ἀυτόν, ὅτι τό βρεφος τοῦτο , εἶναι ὁ προφητευόμενος, καί λυτρωτής, καί τότε , εἶπε, αὐτόν τόν ὑπέροχον ὕμνον , Νῦν ἀπολύεις τόν δοῦλον σου ... κλ .

τόν οποῖον καί ἡ ἐκκλησία μας , καθημρινῶς ὅρισε να λέγομεν ἑκάστη ἑσπέρας, εις τήν ακολουθίαν τοῦ ἑσπερινοῦ .

Εἴθε καί ἡμεῖς να συναντήσωμε εὐμνῶς τόν Λυτρωτήν μας, ὄχι ὡς κριτήν κτακρίνων ἡμᾶς, ἀλλα ὡς Σωῆρα, καί ζητῶντες τήν μετ ᾿ ἐκείνου ζωήν είς τήν αἰωνιότητα .

εὐλογεῖτε , εὐλογημένοι ἔσεσθε,

ἔρρωσθε κατ ᾿ ἄμφω .

ἐκ τῆς Ἱεραποστολῆς , ,βκα ΄Ἰαν. ια ΄ 11 -Ἰαν. 2021 .

Ἐπιστροφή στά θεομητορικά

« Ἀρχιερατικό Ὅραμα… Ὑπόστασις Ἱερᾶς Μονῆς Παναγίας Τριχερούσης Κένυα »

Σελίδες

Κυλιομενο

Σάββατο 17 Απριλίου 2021

Ἀκολουθία τῆς Ὑπαπαντῆς .

Δεν υπάρχουν σχόλια:

Δημοσίευση σχολίου

Φόρμα επικοινωνίας