Ἀκολουθία τῶν Εἰσοδίων τῆς ΘΕΟΤΟΚΟΥ

ΔΟΞΑ CΟΙ ! ΔΟΞΑ CΟΙ ! ΜΗΤΕΡ ΤΟΥ ΘΕΟΥ ΔΟΞΑ CΟΙ ! ΠΑΝΑΓΙΑ ! ΕΥΧΑΡΙΣΤΟΥΝΤΕΣ ΠΡΟΣΚΥΝΟΥΜΕΝ CΟΙ , ΜΗΤΕΡΑ ΤΟΥ ΥΨΙΣΤΟΥ ΥΠΕΡΕΥΛΟΓΗΜΕΝΗ ΘΕΟΤΟΚΕ !!! --- ὙΠΕΡΑΓΙΑ ΘΕΟΤΟΚΕ, σῶσον ἡμᾶς, τήν ἐκκλησίαν σου, τήν ποίμνην σου, τούς μοναχούς σου, τό ὄρος σου,τά ἔθνη σου, τήν νεολαίαν σου, τόν λαόν, καί χώραν ταύτην καί τόν κόσμον σου ἅπαντα. Ἀμήν ---Ἡ ΠΑΝΑΓΙΑ, νά εἶναι :βοηθός, ὁδηγός, ἰατρός, συνεργός, ἀρωγός, ἀγωγός, φωτισμός,στηριγμός, ὁπλισμός, στολισμός,πλουτισμός, χορηγός, κάθε θεϊκῆς ἀγαθότητος στήν ζωήν σας.

Σάββατο 17 Απριλίου 2021

Ἀκολουθία τῶν Εἰσοδίων τῆς ΘΕΟΤΟΚΟΥ

☦

ΜΡ ΘΥ

☦

ΠΛΗΡΗΣ ΠΑΝΗΓΥΡΙΚH ΕΟΡΤΑΣΤΙΚΗ

ΑΣΜΑΤΙΚΗ ΑΚΟΛΟΥΘΙΑ

ΤΩΝ ΕΙΣΟΔΙΩΝ

ΤΗΣ ΥΠΕΡΑΓΙΑΣ ΘΕΟΤΟΚΟΥ ΚΑΙ ΑΕΙΠΑΡΘΕΝΟΥ ΜΑΡΙΑΣ

Ἡ δευτέρα μεγάλη ΘΕΟΜΗΤΟΡΙΚΉ ἑορτή τῶν εἰσοδίων τῆς ΠΑΝΑΓΙΑΣ , τυπικῶς ἑορταζομένς μέ ἀγρυπνία , καί ὅτι συνεπάγεται αὐτήν τήν τάξιν .

Ἐν Αὐτῇ , ἀκούωμεν καί τό πρῶτο μήνυμα τῶν Χριστουγέννων , τάς καταβασίας...Χριστός γεννᾶται δοξασατε ....

Πνευματικῶς παρελαύνουν οἰ ἱεροί καί ἅγιοι ἀσματογράφοι τῆς ἐκκλησίας μας, οἱ λύρες τοῦ Πνεύματος, τά μυρίπνοα ἄνθη τοῦ Παραδείσου , τά πάμφωτα στόματα τοῦ Λόγου , τά πνευματικά ἀηδόνια καί τέττιγες , καί μᾶς χρωματίζουν ποικιλοτρόπως τήν ὡραιότητα τῆς ἑορτῆς μέ ποικίλα μηνύματα και συμβολισμούς.

Ἄς προσφέρομεν , τό ἄντλημα ἐνθέου δίψης, καί ἀντλήσωμεν ἀπό τήν ἀνεξάντλητον καί ζωήῤῥυτον πηγή , τά νάματα τῆς ἀθανασίας καί αἰωνιότητος.

Εὐλόγησον ΔΕΣΠΟΙΝΑ

☦

Ἡ ἐν τῷ ναῷ Εἴσοδος τῆς ΥΠΕΡΑΓΙΑΣ ΘΕΟΤΟΚΟΥ

Α. ΕΝ Τῼ ΜΙΚΡῼ ΕΣΠΕΡΙΝῼ

Εἰς τόν μικρόν ἑσπερινόν , ἱστῶμεν εἰς στίχους δ ΄, καί ψαλλομεν προσόμοια εἰς δ΄τά τρία , δευτεροῦντες το πρῶτον .

ἦχς α΄

Τῶν οὐρανίων ταγμάτων .

Ἐκ τοῦ Κυρίου λαβόντες , ἐπαγγελίας καρπόν , Ἰωακείμ καί Ἄννα , τοῦ Θεοῦ τήν Μητέρα , εὐπρόσδεκτον θυσίαν ἐν τῷ ναῷ , προσενόνοχαν σήμερον , καί Ζαχαρίας ὁ μέγας Ἀρχιερεύς , εὐλογήσας ὑπεδέξατο . Δίς

Ἡ τῶν Ἁγίων Ἁγία , ἐν τοῖς Ἀγίοις οἰκεῖν , ἀξίως προσηνέχθη , ὡς θεόσδοτον θῦμα , καί ταύτης αἱ παρθένοι ταῖς ἀρεταῖς , ἐγκοσμούμεναι ἔμπροσθεν , λαμπαδοχοῦσαι προσέφερον τῷ Θεῷ , ὥσπερ σκεῦος ἱερώτατον .

Ἐξανοιγέσθω ἡ πύλη τοῦ θειοτάτου ναοῦ , τόν γάρ Ναόν τοῦ πάντων , Βασιλέως καί θρόνον , σήμερον ἐν δόξῃἔνδον λαβών , Ἰωακείμ ἀνατείθεται , ἀφιερώσας Κυρίῳ τήν ἐξ ᾿ αὐτοῦ , ἐκλεχθεῖσαν εἰς Μητέρα αὐτοῦ .

Δόξα .... Καί νῦν ... ἦχος πλ. δ ΄

Ὁ Δαυίδ προανεφώνει Σοι ἌΧΡΑΝΤΕ , προορῶν τήν ἀφιέρωσιν τῆς Εἰσόδου Σου ἐν τῷ ναῷ · ἐν ᾧ τά πέρατα τῆς γῆς σήμερον ἀγάλλονται , δοξολογοῦσί Σε ΠΑΝΥΜΝΗΤΕ · ἡ γάρ πρό τόκου ΠΑΡΘΕΝΟΣ , καί μετά τόκον μείνασα Ἄφθορος , Μήτηρ τοῦ Λόγου τῆς ζωῆς , σήμερον εἰσέρχῃ ἐν τῷ ναῷ · ὁ Ζαχαρίας εὐφραίνεται ἀπολαβών Σε ΔΕΣΠΟΙΝΑ · καί τά ἅγια τῶν ἁγίων ἀγάλλονται , ὑποδεξάμενά Σε τήν τροφόν τῆς ζωῆς ἡμῶν · διό καί ἡμεῖς ἐν ᾠδαῖς ἐκβοῶμεν Σοι · ὑπέρ ἡμῶν δυσώπησον , τόν Υἱόν Σου καί Θεόν ἡμῶν , δωρηθῆναι ἡμῖν τό μέγα ἔλεος .

☦

Ἀπόστιχα . Στιχηρά προσόμοια .

ἦχος β ΄. Οἶκος τοῦ Ἐφραθᾶ .

Πύλαι τοῦ Ἱεροῦ , εἰσδέξασθε ΠΑΡΘΕΝΟΝ , είς Ἅγια ἁγίων , Ἀμόλυντον Σκηνήν τε , Θεοῦ τοῦ Παντοκράτορος .

Στίχ. Ἀπενεχθήσονται Τῷ Βασιλεῖ παρθένοι ὁπίσω Αὐτῆς ·

Παρθένοι τήν ΑΓΝΗΝ , προπέμψατε ΠΑΡΘΕΝΟΝ , φαιδρῶς λαμπαδουχοῦσαι , εἰς Ἅγια Ἁγίων , ὡςς Νύμφην τοῦ Παντάνακτος .

Στίχ. Ἀπενεχθήσονται ἐν εὐφροσύνῃ καί ἀγαλλιάσει ·

Ἄρτον ἡ λογική , Παστάς Θεοῦ τοῦ Λόγου , χειρί Θείου Ἀγγέλου , δέχεται κατοικοῦσα , Ἀγίων εἰς τά Ἅγια .

Δόξα .... Καί νῦν ....ὅμοιον

Φῶς Σε τό τριλαμπές αὐγάσαν ΘΕΟΤΟΚΕ , ἐν τῷ ναῷ τῆς δόξης , οὐράνον τροφήν Σοι , ἐκπέμπων μεγαλῦνον Σε .

Νῦν ἀπολύεις ...

τρισάγιον ...και ἀπολυτίκιον

ἦχος δ΄

Σήμερον τῆς εὐδοκίας Θεοῦ τό προοίμιον , καί τῆς σωτηρίας τῶν ἀνθρώπων ἡ προκήρυξις , ἐν ναῷ τοῦ Θεοῦ , τρανῶς ἡ ΠΑΡΘΕΝΟΣ δείκνυται , καί τόν Χριστόν τοῖς πᾶσι προκαταγγέλεται · ΑΥΤῌ καί ἡμεῖς , μεγαλοφώνως βοήσωμεν , χαῖρε τῆς οἰκονομίας τοῦ Κτίστου ἡ ἐκπλήρωσις .

Καί ἀπόλυσις

☦

Β΄ ΕΝ Τῼ ΜΕΓΑΛῼ ΕΣΠΕΡΙΝῼ.

Μετά τό...εἰσελεύσομαι .....κτλ, ὁ προοιμιακός , ἀνοιξαντάρια , καί ἡ πρώτη στάσις τοῦ α ΄καθίσματος ψαλτηρίου , ἤτοι τό : ...

....Μακάριος ἀνήρ ....

Εἰς δέ τό ...Κύριε , ἐκέκραξα ... ἱστῶμεν εἰς στίχους ....η΄, καί ψάλλομεν τά παρακάτω προσόμοια , τά στ ΄εἰς η ΄ .

ἦχος α΄. Ὤ !!! τοῦ παραδόξου θαύματος

Σήμερον πιστοί χορεύσωμεν , ἐν ψαλμοῖς καί ὕμνοις , τῶ Κυρίῳ ἄδοντες , τιμῶντες καί τήν αὐτοῦ , ἡγιασμένην σκηνήν , τήν ἔμψυχον κιβωτόν , τήν τόν ἀχώρητον Λόγον χωρήσασαν · προσφέρεται γάρ Θεῷ , ὑπερφυῶς τῇ σαρκί νηπιάζουσα · καί Ἀρχιερεύς ὁ μέγας , Ζαχαρίας δέχεται , εὐφραινόμενος ταύτην , ὡς Θεοῦ κατοικητήριον . Δίς

Σήμερον ναός ὁ ἔμψυχος , τῆς ἁγίας δόξης Χριστοῦ τοῦ Θεοῦ ἡμῶν , ἡ μόνη ἐν γυναιξίν , Εὐλογημένη ΑΓΝΗ , προσφέρεται τῷ ναῷ , τῷ νομικῷ κατοικεῖν εἰς τά ἅγια · καί χαίρουσι σύν ΑΥΤῌ , Ἰωακείμ καί ἡ Ἄννα τῷ Πνεὐματι · καί παρθενικαί χορείαι , τῷ Κυρίῳ ἄδουσι , ψαλμικῶς μελῳδοῦσαι , καί τιμῶσαι τήν Μητέρα αὐτοῦ .

Σύ τῶν Προφητῶν τό κήρυγμα , Ἀποστόλων δόξα , καί Μαρτύρων καύχημα, καί πάντων τῶν γηγενῶν ἡ ἀνακαίνισις , ΠΑΡΘΕΝΕ Μήτηρ Θεοῦ , διά Σοῦ γάρ τῷ Θεῷ κατηλλάγημεν · διό τιμῶμεν τή Σήν ἐν τῷ ναῷ τοῦ Κυρίου προσέλευσιν , καί σύν τῷ Ἀγγέλῳ πάντες ψαλμικῶς τό χαῖρε Σοι , τῇ Πανσέμνῳ βοῶμεν , τῇ πρεσβείᾳ Σου σῳζόμενοι .

ἔτερα στιχηρά προόμοια

ἦχος δ΄. Ὡς γενναῖον ἐν Μάρτυσιν .

Τῶν Ἁγίων εἰς Ἅγια , ἡ Ἁγία καί Ἄμωμος , ἐν Ἁγίῳ Πνεύματι εἰσοικίζεται , καί δι ᾿ Ἀγγέλου ἐκτρέφεται , τῷ ὄντι ὑπάρχουσα ἁγιώτατος ναός , τοῦ Ἁγίου Θεοῦ ἡμῶν , τοῦ τά σύμπαντος ἁγιάσαντος ταύτης εἰσοικήσει , καί θεώσαντς τήν φύσιν , τήν τῶν βροτῶν ὀλισθήσασαν . Δίς

Αἱ νεάνιδες χαίρουσαι , καί λαμπάδας κατέχουσαι , τῆς λαμπάδος σημερον προπορεύονται , τῆς νοητῆς καί εἰσάγουσιν , Αὐτήν εἰς τά ἅγια , τῶν Ἁγίων , ἱερῶς προδηλοῦσαι , τήν μέλλουσαν , αἴγλην ἄῤῥητον , ἐξ ᾿ Αὐτῆς ἀναλάμψειν καί φωτίσειν , τούς ἐν σκότει καθημένους , τῆς ἀγνωσίας ἐν Πνεύματι .

Γηθομένη ὑποδεξαι , Ζαχαρία ἐβόησεν , Ἄννα ἡ πανεύφημος , ἥν ἐκήρυξαν , Θεοῦ Προφῆται ἐν Πνεύματι , καί ταύτην εἰσάγαγε , εἰς τόν ἅγιον ναόν , ἱερῶς ἀνατρέφεσθαι , ὅπως γένηται , τοῦ Δεσπότου τῶν ὅλων , θεῖος Θρόνος καί Παλάτιον καί Κλίνῃ , καί φωταυγές ἐνδιαίτημα .

Δόξα Πατρί ...Καί νῦν ...ἦχος πλ. δ΄

Μετά τό τεχθῆναί Σε ΘΕΟΝΥΜΦΕ ΔΕΣΠΟΙΝΑ , παρεγένου ἐν ναῷ Κυρίου , τοῦ ἀνατραφῆναι εἰς τά ἄγια τῶν Ἁγίων , ὡς Ἡγιασμένη · τότε καί Γαβριήλ ἀπεστάλη πρός Σέ τήν ΠΑΝΑΜΩΜΟΝ , τροφήν κομίζων Σοι · τά οὐράνια πάντα ἐξέστησαν , ὁρῶντα τό Πνεῦμα τό Ἅγιον ἐν Σοί σκηνῶσαν · διό Ἄσπιλε Ἄμόλυντε , ἡ ἐν οὐρανοῖς Εὐλογημένη , καί ἐπί γῆς δοξαζομένη Μήτηρ Θεοῦ , σῷζε τό γένος ἡμῶν .

Εἴσοδος ...Φῶς ἱλαρόν ....

τό προκείμενον τῆς ἡμέρας καί τά τρία ἀναγνώσματα .

☦

Α. Τῆς Ἐξόδου τό Ἀνάγνωσμα (κεφ. :μ΄1-5 , 7,9, 14, 28, 29 )

Ἐλάλησε Κύριος πρός Μωϋσῆν λέγων · ἐν ἡμέρᾳ μιᾷ τοῦ μηνός τοῦ πρώτου , στήσεις τήν σκηνήν τοῦ Μαρτυρίου · καί θήσεις τήν κιβωτόν τοῦ Μαρτυρίου , καί σκεπάσεις αὐτήν τῷ καταπετάσματι · καί εἰσοίσεις τήν Τράπεζαν , καί τήν Λυχνίαν , καί θήσεις τό Θυμιατήριον τό χρυσοῦν , εἰς τό θυμιᾶν , ἐναντίον τῆς Κιβωτοῦ τοῦ Μαρτυρίου · καί ἐπιθήσεις τό κάλυμμα , τοῦ καταπετάσματος , ἐπί τήν θύραν τῆς σκηνῆς τοῦ Μαρτυρίου · καί λήψῃ τό ἔλαιον τοῦ χρίσματος , καί χρίσεις τήν σκηνήν , καί πάντα τά ἐν αὐτῇ , καί ἁγιάσεις αὐτήν καί πάντα τά σκεύη αὐτῆς , καί ἔσται ἁγία . Καί ἁγιάσεις τό Θυσιαστήριον , καί ἔσται τό Θυσιαστήριον ἅγιον τῶν ἁγίων · καί ἐποίησεν ὁ Μωϋσῆς πάντα ὄσα ἐνετείλατο αὐτῷ Κύριος , οὕτως ἐποίησεν · καί ἐκάλυψεν ἡ Νεφέλη τήν σκηνήν τοῦ Μαρτυρίου , καί δόξης ἁγίου ἐπλήσθη ἡ σκηνή . Καί οὐκ ἠδυνήθηΜωϋσῆς εἰσελθεῖν εἰς τήν σκηνήν τοῦ Μαρτυρίου , ὅτι ἐπεσκίασεν ἐπ ᾿ αὐτήν νεφέλη , καί δόξης Κυρίου , ἐπλήσθη ἡ σκηνή .

Β΄ . Βασιλειῶν Γ΄τό Ἀνάγνωσμα . ( κεφ. :η ΄1-11 )

Ἐγένετο , ὡς συνετέλεσεν Σολομῶν τοῦ οἰκοδομῆσαι τόν οἶκον Κυρίου , καί ἐξεκκλησίασε πάντας τούς πρεσβυτέρους Ἰσραήλ ἐν Σιών , τοῦ ἀνενεγκεῖν τήν Κιβωτόν τῆς Διαθήκης Κυρίου ἐκ πόλεως Δαυίδ · αὕτη ἔσται Σιών . καί ἦραν οἱ ἱερεῖς τή Κιβωτόν , καί τό σκήνωμα τοῦ Μαρτυρίου καί πάντα τά σκεύη τά ἅγια , τά ἐν τῷ σκηνώματι τοῦ Μαρτυρίου · καί ὁ Βασιλεύς , καί πᾶς Ἰσραήλ ἔμπροσθεν τῆς Κιβωτοῦ · καί εἰσφέρουσιν οἱ ἱερεῖς τήν Κιβωτόν τῆς Διαθήκης Κυρίου , εἰς τόν τόπον αὐτῆς , εἰς τό Δαβίρ τοῦ οἴκου , εἰς τά ἅγια τῶν Ἁγίων , ὑπό τάς πτέρουγας τῶν Χερουβίμ . Ὅτι τά Χερουβίμ διαπεπετασμένα , ταῖςπτέρυξιν , ἐπί τόν τόπον τῆς Κιβωτοῦ · καί περιεκάλυπτον τά Χερουβίμ , ἐπί τήν Κιβωτόν , καί ἐπί τά Ἅγια αὐτῆς ἐπάνω · καί οὐκ ἦν ἐν τῇ Κιβωτῷ , πλή ναἱ δύο πλάκες λήθιναι , πλάκες τῆς Διαθήκης , ἅς ἔθηκεν ἐκεῖ Μωϋσῆς ἐν Χωρήβ , ἅς διέθετο Κύριος · καί ἐγένετο , ὡς ἐξῆλθον οἱ ἱερεῖς , ἐκ τοῦ Ἁγίου , καί ἡ νεφέλη ἔπλησεν τόν οἶκον Κυρίου . καί οὐκ ἠδύναντο οἱ ἱερεῖς στῆναι λειτουργεῖν , ἀπό προσώπου τῆς νεφέλης , ὅτι ἔπλησεν ἡ δόξα Κυρίου , τόν οἶκον Κυρίου .

Γ .Προφητείς Ἰεζεκιήλ τό ἀνάγνωσμα . ( κεφ .μγ΄27 μδ ΄1-4 )

Τάδε λέγει Κύριος · ἔσται ἀπο τῆς ἡμέρας τῆς ὀγδόης καί ἐπέκεινα , ποιήσουσιν οἱ ἱερεῖς , ἐπί τό θυσιαστήριον , τά ὁλοκαυτώματα ὑμῶν , καί τά τοῦ σωτηίου ὑμῶν , καί προσδέξομαι ὑμᾶς , λέγει Κύριος · καί ἐπέσττρέ με κατά τήν ὁδόν τῆς Πύλης τῶν ἁγίων τῆς ἐξωτέρας , τῆς βλεπούσης κατά ἀνατολάς · καί αὕτη ἦν κεκλεισμένη . Καί εἶπεν Κύρις πρός με · Υἱέ ἀνθρώπου , ἡ Πύλη αὕτη κεκλεισμένη ἔσται , οὐκ ἀνοιχθήσεται , καί οὐδείς , οὐ μή διέλθη , δι ᾿ αὐτῆς · ὅτι Κύριος ὁ Θεός τοῦ Ἰσραήλ , εἰσελεύσεται δι ᾿ Αὐτῆς , καί ἔσται κεκλεισμένη · διότι ὁ ἡγούμενος οὗτος κάθηται ἐν Αὐτῇ , τοῦ φαγεῖν , ἄρτον ἐνώπιον Κυρίου · κατά τήν ὀδόν τοῦ Αἰλάμ , τῆς Πύλης εἰσελεύσεται , καί κατά τήν ὁδόν αὐτοῦ ἐξελεύσεται · καί εἰσήγαγέ με κατά τήν ὁδόν , τῆς Πύλης , τῆς πρός Βορρᾶν , κατέναντι τοῦ οἴκου · καί εἶδον , καί ἰδού , πλήρης δόξης ὁ οἶκος Κυρίου .

☦

Εἴπωμεν πάντες..... Καταξίωσον... Πληρώσωμεν τήν ἑσπερινήν ...

καί τά τῆς λιτῆς συνήθη , ἐν ᾗ ψάλλομεν τά ἰδιόμελα ::

ΕΝ Τῌ ΛΙΤῌ

ἦχος α ΄Γεωργίου Νικομηδείας

Ἀγαλλιάσθω σήμερον ὁ οὐρανός ἄνωθεν , καί αἱ νεφέλαι εὐφροσύνην ῥανάτωσαν , ἐπί τά λίαν παράδοξα , μεγαλεῖα τοῦ Θεοῦ ἡμῶν · ἰδού γάρ ἡ Πύλη , ἡ κατά ἀνατολάς βλέπουσα , ἀποκυηθεῖσα , ἐκ στείρας ἀκάρπου , ἐξ ἐπαγγελίας , καί τῶ Θεῷ ἀφιερωθεῖσα , εἰς κατοίκησιν , σήμερον ἐν τῷ ναῷ , ὡς ἄμωμος προσφορά , προσάγεται · ἀγαλλιάσθω ὁ Δαυίδ κρούων τή κινύραν · ἀπενεχθήσοντι φησί τῷ Βασιλεῖ , παρθένοι ὁπίσω Αὐτῆς αἱ πλησίον Αὐτῆς ἀπενεχθήσονται · ἔσω ἐν τῇ σκηνῇ τοῦ Θεοῦ , ἔνδον τοῦ ἱλαστηρίου αὐτοῦ , ἀνατραφῆναι εἰς κατοίκησιν , τοῦ πρό αἰώνων ἐκ Πατρός , ἀῤῥεύστς γεννηθέντος , εἰς σωτηρίαν τῶν ψυχῶν ἡμῶν.

ἦχος δ ΄ τοῦ ἰδίου .

Σήμερον ὁ θεοχώρητος Ναός ἡ ΘΕΟΤΟΚΟΣ , ἐν Ναῷ Κυρίου προσάγεται , και Ζαχαρίας Ταύτην ὑποδέχεται · σήμερον τά τῶν Ἁγίων Ἅγια ἀγάλλονται , καί ὁ χορός τῶν Ἀγγέλων , μυστικῶς πανηγυρίζει · μεθ ᾿ὧν καί ἡμεῖς ἑορτάζοντες σήμερον , σύν τῷ Γαβριήλ ἐκβοήσωμεν · χαῖρε ΚΕΧΑΡΙΤΩΜΕΝΗ , ὁ Κύριος μετά Σοῦ ὁ ἔχων τό μέγα ἔλεος .

ἦχος ὁ αὐτός

Δεὺτε πάντες οἱ πιστοί , τήν Μόνην ἈΜΩΜΗΤΟΝ ΑΓΝΗΝ ἐγκωμιάσωμεν , τήν ἐκ τῶν προφητῶν προκηρυχθεῖσαν , καί ἐν τῷ ναῷ προσενεχθεῖσαν , τήν πρό τῶν αἰώνων προορισθεῖσαν Μητέρα , καί ἐπ ᾿ ἐσχάτων τῶν χρόνων , ἀναδειχθεῖσαν ΘΕΟΤΟΚΟΝ · Κύριε πρεσβείαις ΑΥΤΗΣ τήν εἰρήνην σου παράσχου ἡμῖν , καί τό μέγα ἔλεος .

Δόξα ...Καί νῦν .....ἦχος πλ.α ΄

Λέοντος Μαΐστορος

Ἐπέλαμψεν ἡμέρα χαρμόσυνος , καί ἑορτή πανσεβάσμιος · σήμερον γάρ , ἡ πρό τόκου ΠΑΡΘΕΝΟΣ , καί μετά τόκον ΠΑΡΘΕΝΟΣ μείνασα , ἐν ναῷ ἁγίω προσάγεται · καί χαίρει Ζαχαρίας ὁ πρέσβυς , ὁ γεννέτης τοῦ Προδρόμου , καί βοᾷ γηθοσύνως · ἤγγικεν ὁ προστασία τῶν θλιβομένων , ἐν ναῷ ἁγίῳ ὡς Ἁγία , ἀφιερωθῆναι εἰς κατοίκησιν τοῦ παντάνακτος · εὐφραινέσθω Ἰωακείμ ὁ προπάτωρ καί ἡ Ἄννα ἀγαλλιάσθω , ὅτι προσήνεγκαν Θεῷ , ὡς τριετίζουσαν δ΄μαλιν , τήν Ἄμωμον ΔΕΣΠΟΙΝΑΝ . μητέρες συγχάρητε , παρθένοι σκιρτήσατε , καί στεῖραι συγχορεύσατε · ὄτι ἠνέῳξεν ἡμῖν , τήν οὐρανῶν βασιλείαν , ἡ προορισθεῖσα ΠΑΝΤΑΝΑΣΣΑ · χαίρετε λαοί καί ἀγαλλιᾶσθε .

Αἱ συνήθεις εὐχαί καί δεήσεις τῆς Λιτῆς , και συνέχεια τά

Ἀπόστιχα , προσόμοια.

ἦχος πλ.α΄. Χαίροις ἀσκητικῶν .

Χαίρει ὁ οὐρανός καί ἡ γῆ , τόν οὐρανόν τόν νοητόν πορευόμενον , ὁρῶντες εἰς θεῖον οἶκον , ἀνατραφῆναι σεπτῶς , τήν ΠΑΡΘΕΝΟΝ Μόνην καί Ἀμώμητον · πρός ἥν ἐκπληττόμενος Ζαχαρίας ἔβόησεν , Πύλη Κυρίου , τοῦ ναοῦ ὑπανοίγω Σοι , πύλας χαίρουσα ἐν αὐτῶ περιχόρευε · ἔγνων γάρ καί πεπίστευκα , ὡς ἤδη ἡ λύτωσις , ἐπιδημήσει προδήλως , τοῦ Ἰσραήλ καί τεχθήσεται · ἐκ Σοῦ Θεός Λόγος , ὁ δωρούμενος τῷ κόσμῳ τό μέγα ἔλεος .

Στίχος : Ἀπενεχθήσονται τῷ Βασιλεῖ , παρθένοι ὁπίσω ....

Ἄννα ἡ θεία χάρις σαφῶς , χαριτωθεῖσαν τήν ΑΓΝΗΝ ΑΕΙΠΑΡΘΕΝΟΝ , προσάγει μετ ᾿ εὐφροσύνης , εἰς τόν ναόν τοῦ Θεοῦ , προσκαλεσαμένη προπορεύεσθαι , Αὐτῆς τάς νεάνιδας , λαμπαδηφόρους και λέγουσα · ἄπιθι τέκνον , τῷ δοτῆρι γενήθητι καί ἀνάθημα , καί εὐῶδες θυμίαμα · εἴσελθε εἰς τά ἄδυτα , καί γνῶθι μυστήρια , καί ἑτοιμάζου γενέσθαι , τοῦ Ἰησοῦ οἰκητήριον · τερπνόν καί ὡραῖον , τοῦ παρέχοντος τῷ κόσμῳ τό μέγα ἔλεος .

Στίχος : Ἀπενεχθήσονται ἐν εὐφροσύνῃ καί ἀγαλλιάσει ...

Ἔνδον ἐν τῷ ναῷ τοῦ Θεοῦ , ὁ θεοχώρητος ναός ἀνατίθεται , ΠΑΡΘΕΝΟΣ ἡ ΠΑΝΑΓΙΑ , νεάνιδες τε Αὐτῆς , νῦν λαμπαδηφόροι προπορεύονται · σκιρτᾷ γεννητόρων συζυγία ἡ ἄριστος , Ἰωακείμ τε , καί ἡ Ἄννα χορεύοντες , ὅτι ἔτεκον , τήν τόν Κτίστην κυήσασαν · ἥτις περιχορεύουσα , εἰς θεῖα σκηνώματα , καί τρεφομένη Ἀγγέλου , διά χειρός ἡ ΠΑΝΑΜΩΜΟΣ · Χριστοῦ ὤφθη Μήτηρ , τοῦ παρέχοντος τῷ κόσμῳ τό μέγα ἔλεος .

Δόξα Πατρί ... Καί νῦν , καί ἀεί .... ἦχος πλ. β ΄

Σεργίου Ἁγιοπολίτου .

Σήμερον τά στίφη τῶν πιστῶν , συνελθόντα πνευματικῶς πανηγυρίσωμεν , καί τήν ΘΕΟΠΑΙΔΑ ΠΑΡΘΕΝΟΝ , καί ΘΕΟΤΟΚΟΝ , ἐν ναῷ Κυρίου προσαγομένην , εὐσεβῶς ἀνευφημήσωμεν · τήν προκλεχθεῖσαν ἐκ πασῶν τῶν γενεῶν , εἰς κατοικητήριον τοῦ Παντάνακτος Χριστοῦ καί Θεοῦ , τῶν ὅλων · παρθένοι λαμπαδοφοροῦσαι προπορεύεσθε, τῆς ἈΕΙΠΑΡΘΕΝΟΥ τιμῶσαι , τήν σεβάσμιον πρόοδον · μητέρες λύπην πᾶσαν ἀποθέμεναι , χαρμονικῶς συνακολουθήσατε , ὑμνοῦσαι , τήν Μητέρα τοῦ Θεοῦ ἡμῶν γενομένην , καί τῆς χαρᾶς τοῦ κόσμου τήν πρόξενον · ἅπαντες οὖν χαρμονικῶς , τό χαῖρε , σύν τῷ Ἀγγέλῳ ἐκβοήσωμεν τῇ ΚΕΧΑΡΙΤΩΜΕΝΗ , τῇ ἀεί πρεσβευούσῃ ὑπέρ τῶν ψυχῶν ἡμῶν .

Νῦν ἀπολύεις.... Τρισάγιον ...κτλ. καί ἀπολυτίκιον τρίς

ἦχος δ΄

Τά τῆς ἀρτοκλασίας , τά συνήθη καί ἀπόλυσις .

☦

Γ΄. ἘΝ Τῼ ΟΡΘΡῼ

Μετά τόν ἑξάψαλμον , καί τά εἰρηνικά, εἰς τό Θεός Κύριος , τό ἀπολυτίκιον , ὡς ἐν ἑσπερινῷ .

Μετά δέ τήν πρώτην στιχολογίαν τοῦ ψαλτηρίου κάθισμα .

ἦχος α΄. Τόν Τάφον σου Σωτήρ .

Δικαίων ὁ καρπός , Ἰωακείμ καί τῆς Ἄννης , προσφέρεται Θεῷ , ἱερῷ ἐν Ἁγίῳ , σαρκί νηπιάζουσα ὁ τροφός τῆς ζωῆς ἡμῶν · ἥν εὐλόγησεν , ὁ ἱερός Ζαχαρίας , ταύτην ἅπαντες , οἱ γηγενεῖς μετάπόθου , πιστῶς μακαρίσωμεν .

Δόξα ...καίνῦν .... τό αὐτό

☦

Μετά τήν β΄στιχολογίαν κάθισμα

ἦχος δ ΄. Κατεπλάγη Ἰωσήφ .

Πρό συλλήψεως ΑΓΝΗ , καθηγιάσθης τῷ Θεῷ , καί τεχθεῖσα ἐπί γῆς , δῶρον προσήχθης νῦν αὐτῷ , ἀποπληροῦσα πατρῴαν ἐπαγγελίαν · τῷ θείῳ δέ ναῷ , ὡς θεῖος ὄντως Ναός , ἐκ βρέφους καθαρῶς , μετά λαμπάδων φαιδρῶν , ἀποδοθεῖσα ὤφθης δοχεῖον τοῦ ἀπροσίτου καί θείου φωτός · μεγάλη ὄντως ἡ πρόοδος Σου , Μόνη ΘΕΟΝΥΜΦΕ καί ΑΕΙΠΑΡΘΕΝΕ .

Δόξα ...Καί νῦν ...... Τό αὐτό .

☦

Ὁ ΘΕΟΜΗΤΟΡΙΚΟΣ πολυέλεος :...Λόγον ἀγαθόν ,....

...Ἐξομολογεῖσθε ... καί ἡ Ἐκλογή.

Μετά δέ ταῦτα᾿

Δόξα ....Τόν Πατέρα προσκυνήσωμεν ...

Καί νῦν .... Τήν Μητέρα σου προσάγει σοι , εἰς ἱκεσίαν ὁ λαός σου Χριστέ · ταῖς παρακλήσεσιν ΑΥΤΗΣ, τούς οἰτιρμούς σου δός ἡμῖν ἀγαθέ, ἵνα σέ δοξάζομεν , τήν ἐλπίδα τῶν ψυχῶν ἡμῶν ... κτλ..

Μετά τήν συναπτήν , κάθισμα .

ἦχος πλ. δ ΄ Τό προσταχθέν

Ἀγαλλιάσθω ὁ Δαυίδ ὁ ὑμνογράφος , καί χορευέτῳ Ἰωακείμ σύν τῇ Ἄννῃ , ὅτι γόνος ἅγιος ἐξ ᾿ αὐτῶν προῆλθεν · ΜΑΡΙΑ ἡ φωτοφόρος θεία λαμπάς ,καί χαίρει εἰσερχομένη ἐν τῷ ναῷ , ἥν καί βλέπων εὐλόγησεν , ὁ Βαραχίου υἱός , καί χαίρων ἀνεκραύγαζεν , χαῖρε θαῦμα παγκόσμιον .

Δόξα ....Καί νῦν ......

☦

Ἡ Τάξις τοῦ Ἑωθινοῦ εὐαγγελίου .

Τό α ΄ἀντίφωνον τῶν ἀναβαθμῶν τοῦ δ ΄ἤχου

Προκείμενον , ἦχος . δ ΄

Ἄκουσον Θύγατερ , καί ἴδε , καί κλῖνον τό οὖς Σου , καί ἐπιλάθου τοῦ λαοῦ Σου , καί τοῦ οἴκου τοῦ Πατρός Σου , καί ἐπιθυμήσει ὁ Βασιλεύς τοῦ κάλλους Σου Δίς

Στίχος :.. Ἐξηρεύξατο ἡ καρδία μου Λόγον ἀγαθόν , ..

Ἄκουσον Θύγατερ , ....

Κατά τήν τάξιν , Εὐαγγέλιον κατά Λουκᾶν .κεφ.α 39-49 , 56

Ἐν ταῖς ἡμέραις ἐκείναις , ἀναστᾶσα ΜΑΡΙΑΜ , ἐπορεύθη εἰς ὀρεινήν μετά σπουδῆς εἰς πόλιν Ἰούδα , καί εἰσῆλθεν εἰς τόν οἶκον Ζαχαρίου , καί ἠσπάσατο τήν Ἐλισάβετ · καί ἐγένετο , ὡς ἤκουσε ἡ Ἐλισάβετ , τόν ἀσπασμόν τῆς ΜΑΡΙΑΣ, ἐσκίρτησεν τό βρέφος, ἐν τῇ κοιλίᾳ αὐτῆς , καί ἐπλήσθη Πνεύματος Ἁγίου ἡ Ἐλισάβετ , καί ἀνεφώνησεν φωνῇ μεγάλῃ καί εἶπεν · ΕὐλογημένηΣύ ἐν γυναιξί , καί εὐλογημένος ὁ καρπός τῆς κοιλίας Σου ·

καί πόθεν μοι τοῦτο , ἵνα ἔλθῃ ἡ Μήτηρ τοῦ Κυρίου μου πρός με ; ἰδού γάρ ὡς ἐγένετο ἡ φωνή τοῦ ἀσπασμοῦ Σου εἰς τά ὦτα μου , ἐσκίρτησεν τό βρέφος, ἐεν ἀγαλλιάσει ἐν τῇ κοιλίᾳ μου · καί μακαρία ἡ πιστεύσασα ὅτι ἔσται τελείωσις τοῖς λελαλημένοις αὐτῇ παρά Κυρίου ·

καί εἶπεν ΜΑΡΙΑΜ ·

μεγαλύνει ἡ ψυχή Μου τόν Κύριον , καί ἠγαλλίασε τό πνεῦμα Μου , ἐπί τῷ Θεῷ τῷ σωτῆρι Μου ·

ὅτι ἐπέβλεψεν ἐπί τήν ταπείνωσιν τῆς Δούλης αὐτοῦ, ἰδού γάρ ἀπό τοῦ νῦν μακαριοῦσι Με πᾶσαι αἱ γενεαί·

ὅτι ἐποίησέ Μοι μεγαλεῖα ὁ δυνατός , καί ἅγιον τό ὄνομα αὐτοῦ

ἔμεινε δέ ΜΑΡΙΑΜ σύν αὐτῇ ὡσεί μῆνας τρεῖς ,καί ὑπέστρεψεν εἰς τόν οἶκον Αὐτῆς .

Ὁ Ν ΄ψαλμός , χῦμα , καί μετά :

Δόξα .... ἦχος β΄.

Σήμερον ὁ Ναός ὁ ἔμψυχος , τοῦ μεγάλου Βασιλέως , ἐν Ναῷ εἰσέρχεται , αὐτῷ ἑτοιμασθῆναι , εἰς θείαν κατοίκησιν · λαοί ἀγαλλιᾶσθε .

Καί νῦν ... Τό αὐτό .

Εἶτα στίχος : Ἐλέησον με ὁ Θεός ....

Καί ψάλλονεν , τό παρόν Ἰδιόμελον , ἦχος δ ΄

ὁ ἱερεύς: Σῶσον ὁ Θεός τόν λαόν σου .....

☦

Πληρωθέντων τῶν ἀνωτέρω , ψάλλομεν , τούς παρόντς δύο κανόνας , εἰς ιδ ΄14 τροπάρι ἡ ᾠδή , ἤτοι :

η΄ τροπάρια ὁ α΄κανών ,καί στ ΄ὁ δεύτερος κανών .

Ἄνευ στιχολογίας ἀλλά , μέ στίχον :

ΥΠΕΡΑΓΙΑ ΘΕΟΤΟΚΕ σῶσον ἡμᾶς

Α ΄ κανών , ποίημα Γεωργία τοῦ ποιητοῦ , μέ ἀκροστιχίδα , μέχρι καί τήν ζ ΄ᾠδήν , καί ἄνευ τῶν εἱρμῶν .

Σύ τήν χάριν , ΔΕΣΠΟΙΝΑ τῷ λόγῳ δίδου

ᾨδή α ΄ἦχος δ ΄. ὁ εἱρμός .

Ἀνοίξω τό στόμα μου , καί πληρωθήσεται Πνεύματος , καί λόγον ἐρεύξομαι , τῇ Βασιλίδι Μητρί , καί ὀφθήσομαι φαιδρῶς πανηγυρίζων , καί ᾅσω γηθόμενος , Ταύτης τήν Εἴσοδον .

Τροπάρια

Σοφίας ΠΑΝΑΧΡΑΝΤΕ , Σέ θησαυρόν ἐπιστάμενοι ,καί χάριτος βρύουσαν , Πηγήν ἀέναον , τάς τῆς γνώσεως , αἰτοῦμεν Σε ῥανῖδας , ἐπόμβρισον ΔΕΣΠΟΙΝΑ , τοῦ ἀνυμνοῦσι Σε ἀεί .

Ὑπέρτερος ΠΑΝΑΓΝΕ τῶν οὐρανῶν χρηματίσασα , Ναός καί Πλάτιον ἐν τῷ ναῷ τοῦ Θεοῦ , ἀνατίθεσαι , αὐτῷ ἑτοιμασθῆναι , εἰς θείαν κατοίκησιν τῆς παρουσίας αὐτοῦ .

Τό φῶς ἀνατείλασα ἡ ΘΕΟΤΟΚΟΣ τῆς χάριτος , πάντας κατελάμπρυνεν καί συνηγάγετο , τήν ὑπέρλαμπρον Αὐτῆς κατακοσμῆσαι , πανήγυριν ᾅσμασι , δεῦτε συνδράμωμεν .

Ἡ Πύλη ἡ ἔνδοξος ἡ λογισμοῖς ἀδιόδευτος , τάς πύλας διάρασα τάς τοῦ ναοῦ τοῦ Θεοῦ , νῦν προτρέπεται ἡμᾶς συνεισελθόντας , τά θεῖα θαυμάσια , κατατρυφῆσαι Αὐτῆς .

β΄κανών , ποίημα Βασιλείου

ᾠδή α΄ ἦχος α ΄ εἱρμός

ᾨδήν ἐπινίκιον ᾄσωμεν πάντες , Θεῷ τῶ ποιήσαντι , θαυμαστά τέρατα , βραχίονι ὑψηλῷ , καί σώσαντι τόν Ἰσραήλ ,ὅτι δεδόξασται .

Τροπάρια

Συνδράμωμεν σήμερον τῇ ΘΕΟΤΟΚῼ , τιμῶντες ἐν ᾅσμασι , καί πανηγυρίσωμεν , πνευματικήν ἑορτήν · ἐν τῷ ναῷ γάρ τῷ Θεῷ , δῶρον προσφέρεται .

ᾬδαῖς ἀνυμνήσωμεν , τῆς ΘΕΟΤΟΚΟΥ , τήν ἔνδοξον πρόοδον , τῷ ναῷ γάρ σήμερον , ὡς καί ναός τοῦ Θεοῦ , προσφέρεται προφητικῶς , δῶρον πολύτιμον .

Ἡ Ἄννα ἡ ἄμεμπτος ἠγαλλιᾶτο , ὡς δῶρον πολύτιμον , τῷ θεῷ προσφέρουσα , ἐν τῷ ναῷ μητρικῶς , Ἰωακείμ δέ σύν Αὐτῇ , πανηγυρίζει φαιδρῶς .

Δαυίδ ὁ προπάτωρ Σε ὕμνησε πάλαι ,ΠΑΡΘΕΝΕ ΘΕΟΝΥΜΦΕ

Θυγατέρα λέγων Σε τοῦ Βασιλέως Χριστοῦ , ὅν καί τεκοῦσα Μητρικῶς , βρέφος ἐθήλασας .

Σαρκί τριετίζουσα , ἡ ΘΕΟΤΟΚΟΣ , Κυρίῳ προσάγεται , Ζαχαρίας Ταύτην δέ , ὡς ἱερεύς τοῦ Θεοῦ , δεξάμενος ἐν τῷ ναῷ , χαίρων ἀνέθετο .

Παρθένοι χορεύσατε λαμπαδηφόροι , ἐξάρξατε σήμερον , καί μητέρες ᾄσατε τ«η Βασιλίδι Μητρί , προσερχομένῃ τῷ ναῷ , τοῦ Βασιλέως Χριστοῦ .

Δόξα Πατρί ...

Τριάς ὁμοούσιε , Πάτερ καί Λόγε , καί Πνεῦμα τό Ἅγιον , σέ πιστῶς δοξάζομεν , ὡς Ποιητήν τοῦ παντός , καί σοί βοῶμεν ἐκτενῶς , σῷσον ἡμᾶς ὁ Θεός .

Καί νῦν , καί ἀεί ....

Βαφῆς ἐξ ᾿ Αἱμάτων Σου τήν ἁλουργίδα , φορέσας ΑΓΝΗ ΠΑΝΑΧΡΑΝΤΕ , προελθών ἀνέπλασεν , ὁ Βασιλεύς καί Θεός , τό γένος ἅπαν τῶν βροτῶν , τῇ εὐσπλαγχνίᾳ αὐτοῦ .

Καταβασία :

Χριστός γεννᾶται δοξάσατε · Χριστός ἐξ ᾿ οὐρανῶν ἀπαντήσατε · Χριστός ἐπί γῆς ὑψώθητε · ᾅσατε τῷ Κυρίῳ πᾶσα ἡ γῆ , καί ἐν εὐφροσύνη , ἀνυμνήσατε λαοί , οτι δεδόξασται .

☦

ᾨδή γ ΄. ὁ εἱρμός .

Τούς Σούς ὑμνολόγους ΘΕΟΤΟΚΕ , ὡς ζῶσα καί ἄφθονος Πηγή , θίασον συγκροτήσαντες , πνευματικόν στερέωσον , κἄν τῇ Σεπτῇ Εἰσόδῳ Σου , στεφάνων δόξης ἀξίωσον .

Τροπάρια

Νυμφοστόλος σήμερον ἐδείχθη , τερπνός τῆς ΠΑΡΘΕΝΟΥ ὁ Ναός , καί Θάλαμος δεχόμενος , τήν ἔμψυχον Παστάδα Θεοῦ , τήν καθαράν καί Ἄμωμον , καί λαμπροτέραν πάσης κτίσεως .

Δαυίδ προεξάρχων τῆς χορείας , σκιρτᾷ καί χορεύει σύν ἡμῖν , καί Βασιλίδα κράζει Σε , πεποικιλμένη ἌΧΡΑΝΤΕ , παρισταμένην ΠΑΝΑΓΝΕ , ἐν τῷ ναῶ , τῷ Βασιλεῖ καί Θεῷ .

Ἐξ ᾿ ἧς ἡ παράβασις προῆλθεν , ἡ πάλαι τῷ γένει τῶν βροτῶν , ἐκ ταύτης ἡ ἀνόρθωσις , καί ἄφθαρσία ἤνθησεν , ἡ ΘΕΟΤΟΚΟΣ σήμερον , προσαγομένη , ἐν τῷ οἴκῳ Θεοῦ .

Σκιρτῶσιν Ἀγγέλων στρατηγίαι , καί πάντων ἀνθρώπων ἡ πληθύς , καί πρό προσώπου ΠΑΝΑΓΝΕ , προστρέχουσί Σου σήμερον , λαμπαδηφόροι κράζουσαι , τά μεγαλεῖα Σου ἐν οἴκῳ Θεοῦ .

β΄κανών .Στερεωθείτῳ ἡ καρδία μου .

Πανηγυρίσωμεν φιλέορτοι , καί συνευφρανθῶμεν τῷ Πνεύματι , ἐν τῇ Ἁγίᾳ Ἑορτῆ εὐωχούμενοι σήμερον , θυγατρός τοῦ Βασιλέως , καί Μητρός τοῦ Θεοῦ ἡμῶν .

Ἰωακείμ εὐφραίνου σήμερον , καί ἀγάλλου Ἄννα τῷ πνεύματι , τήν γεννηθεῖσαν ἐξ ὑμῶν , τῷ Κυρίῳ προσάγοντες , τριετίζουσαν ὡς Δάμαλιν , Σεμνήν τήν ΠΑΝΑΜΩΜΟΝ .

Τό τοῦ Θεοῦ κατοικητήριον , ἐν ναῷ ἁγίῳ προσφέρεται , ἡ ΘΕΟΤΟΚΟΣ ΜΑΡΙΑΜ , τῇ σαρκί τριετίζουσα , καί ΑΥΤΗΣ λαμπαδουχοῦσαι αἱ παρθένοι προστρέχουσιν .

Ἡ τοῦ Θεοῦ Ἀμνάς ἡ Ἄσπιλος , ἡ περιστερά ἡ ἀμόλυντος , ἡ θεοχώρητος Σκηνή , τό τῆς δόξης ἁγίασμα , ἐν σκηνώματι Ἁγίῳ , κατοικεῖν ᾑρετήσατο .

Ἡ τριετίζουσα τῷ Σώματι , καί πολυετής ἐν τῷ πνεύματι , ἡ πλατυτέρα οὐρανῶν , καί τῶν ἄνω Δυνάμεων , Ὑπερτέρα , εὐφημείσθῳ , ἐν ᾠδαῖς ἡ ΘΕΟΝΥΜΦΟΣ .

Τῆς ΘΕΟΤΟΚΟΥ ἑορτάζοντες , τήν ἐν τοῖς ἀδύτοις προέλευσιν , λαμπαδουχοῦντες νοητῶς , ἐν φαιδρότητι σήμερον , καί ἡμεῖς σύν ταῖς Παρθένοις , τῷ ναῷ πλησιιάσωμεν .

Οἱ ἱερεῖς Θεοῦ ἐνδύσασθαιι , τήν δικαιοσύνην ἐν χάριτι , καί ὑπαντήσατε φαιδρῶς , τάς ἰάσεις παρέχοντες , Θυγατρί τοῦ Βασιλέως , καί Θεοῦ εἰς τά Ἅγια .

Δόξα .....

Φῶς ὁ Πατήρ , φῶς ὁ Υἱός Αὐτοῦ , καί τό πνεῦμα , φῶς τό παράκλητον · ὡς γάρ ἡλίου ἐξ ᾿ ἑνός , ἡ Τριάς ἀπαστράπτουσα , θεϊκῶς λαμπαδουχεῖ , καί συντηρεῖ τάς ψυχάς ἡμῶν .

Καί νῦν , καί ἀεί ....

Σέ οἱ προφῆται προεκήρυξαν , Κιβωτόν ΣΕΜΝΗ ἁγιάσματος , Θυμιατήριον χρυσοῦν , καί Λυχνίαν καί Τράπεζαν , καί ἡμεῖς ὡς ΘΕΟΧΩΡΗΤΟΝ , Σκηνήν ἀνυμνοῦμεν Σε .

Καταβασία .

Τῷ πρό τῶν αἰώνων , ἐκ Πατρός γεννηθέντι , ἀῤῥεύστως Υἱῷ , καί ἐπ ᾿ ἐσχάτων ἐκ ΠΑΡΘΕΝΟΥ , σαρκωθέντι ἀσπόρως , Χριστῷ τῷ Θεῷ βοήσωμεν , ὁ ἀνυψώσας τό κέρας ἡμῶν , Ἅγιος εἶ Κύριε .

☦

Μικρά συναπτή καί κάθισμα

ἦχος δ ΄. Κατεπλάγη Ἰωσήφ .

Ἀναβόησον Δαυίδ , τίς ἡ παροῦσα ἑορτή , ἥν ἀνύμνησας ποτέ , ἐν τῷ βιβλίῳ τῶν ψαλμῶν , ὡς Θυγατέρα Θεόπαιδα καί ΠΑΡΘΕΝΟΝ ; ἀπενεχθήσονται εἰπών , τῷ Βασιλεῖ μυστικῶς , παρθένοι ὅπισθεν Αὐτῆς καί αἱ πλησίον Αὐτῆς · καί θαυμαστήν ἐργάζου καί παγκόσμιον , τήν ἑορτήν τοῖς κραυγάζουσιν · ἡ ΘΕΟΤΟΚΟΣ ἡμῖν ἐπέστη , τῆς σωτηρίας ἡ πρόξενος .

Δόξα ...Καί νῦν ....τό αὐτό

☦

ᾨδή δ΄. Ὁ εἱρμός .

Τήν ἀνεξιχνίαστον θείαν Βουλήν , τήν ἐκ τῆς ΠΑΡΘΕΝΟΥ σαρκώσεως , σοῦ τοῦ Ὑψίστου ὁ Προφήτης Ἀββακούμ , κατανοῶν ἐκραύγαζεν · δόξα τῇ δυνάμει σου Κύριε .

Τροπάρια

Πύλην ἀδιόδευτον ὁ τοῦ Θεοῦ οἶκος εἰσδέχεται σήμερον , ἔπαυσε νόμου τήν λατρείαν καί σκιάν , ὡς ἀληθῶς ἐπέφανεν , κράζων τοῖς ἐν γῇ ἡ ἀλήθεια .

Ὄρος τό κατάσκιον ὅ προορῶν , πάλαι Ἀββακούμ προεκήρυξεν , ἔνδον χωρῆσαν τῶν ἀδύτων τοῦ Ναοῦ , τάς ἀρετάς ἐξήνθησεν , καί κατακαλύπτει τά πέρατα .

Ἴδωμεν παράδοξα πᾶσα ἡ γῆ , ξένα καί ἐξαίσια πράγματα · πῶς ἡ ΠΑΡΘΕΝΟΣ , δι ᾿ Ἀγγέλου τήν τροφήν εἰσδεχομένη σύμβολα , τῆς οἰκονομίας κομίζεται .

Ναός καί Παλάτιον καί Οὐρανός , ἔμψυχος ὀφθεῖσα ΑΓΝΗ ΘΕΟΝΥΜΦΕ , τοῦ Βασιλέως ἐν τῷ ναῷ τῷ νομικῶ , ἀφιεροῦσαι σήμερον , τούτῳ τηρουμένη ΠΑΝΑΧΡΑΝΤΕ .

β΄κανών . Ἐν Πνεύματι προβλέπων .

Προφῆτα Ἡσαΐα προφήτευσον ἡμῖν · ἡ ΠΑΡΘΕΝΟΣ τίς ἐστίν ἡ ἔχουσα γαστρί ; Ἡ ἐξ ᾿ Ἰούδα τῆς ῥιζης ἀναφυεῖσα , καί γεννηθεῖσα ἐκ Δαυίδ τοῦ Βασιλέως , σπέρματος Ἁγίου καρπός εὐκλεής .

Ἐξάρξατε Παρθένοι , καί ᾅσατε ᾠδάς ταῖς χερσί κατέχουσαι , λαμπάδας τῆς ΑΓΝΗΣ , καί ΘΕΟΤΟΚΟΥ , τήν πρόοδον εὐφημοῦσαι , νῦν ἀπιούσης ἐν ναῷ τοῦ Κυρίου , ἅμα σύν ἡμῖν ἑορτάζουσαι .

Ἰωακείμ καί Ἄννα , εὐφραίνεσθαι νυνί , ἐν ναῷ προσάγοντες Κυρίῳ τήν ΑΓΝΗΝ Θεοῦ Μητέρα Χριστοῦ τοῦ παμβασιλέως , γενησομένην ἐξ ᾿ ὑμῶν δέ γεννηθεῖσαν ,οἷον τριετίζουσαν Δάμαλιν.

Ἁγία τῶν Ἁγίων , ὑπάρχουσα ΣΕΜΝΗ , ἐν ναῷ ἠγάπησας , ἁγίῳ κατοικεῖν · καί τοῖς Ἀγγέλοις ΠΑΡΘΕΝΕ προσομιλοῦσα , προσκαρτέρεις παραδόξως οὐρανόθεν , ἄρτον δεχομένη , τροφέ τῆς ζωῆς .

Τεκόντες παρ ᾿ ἐλπίδα , τήν ἌΧΡΑΝΤΟΝ ΑΓΝΗΝ , εὐσεβῶς ὑπέχοντο ,προσάξειν τῷ Θεῷ ` καί ἐκπληροῦσιν παρέχοντες , ὥσπερ θῦμα , τήν γεννηθεῖσαν ἐξ ᾿ αὐτῶν , Ἰωακείμ τε σήμερον , καί Ἄννα , ἐν οἴκῳ Θεοῦ .

Ἐβλάστησεν ἡ ῥάβδος , ποτέ τοῦ Ἀαρών , προτυποῦσα ἌΧΡΑΝΤΕ , τόν θεῖον τοκετόν · ὅτι ἀσπόρως συλλήψῃ καί οὐ φθαρήσῃ , καί μετά τόκον Παρθενεύουσα ὀφθήσῃ , βρέφος γαλουχοῦσα τόν πάντων Θεόν .

Παρθένοι τῇ ΠΑΡΘΕΝῼ , μητέρες τῇ Μητρί , εὐσεβῶς προσδράμετε , τιμῶσαι σύν ἡμῖν , τήν γεννηθεῖσαν ὡς Ἄμωμον ἱερεῖον , καί τήν τεκοῦσαν ὡς Θεῷ καρποφοροῦσα · πάντες οὖν φαιδρῶς ἑορτάσωμεν .

Δόξα .....

Τριάδα τοῖς προσώποις , Μονάδα τῇ μορφῆ , εὐσεβῶς δοξάσωμεν , Θεόν ἀληθινόν , ὅν ἀνυμνοῦσιν Ἀγγέλων καί Ἀρχαγγέλων ταξιαρχίαι , ὡς τῆς κτίσεως Δεσπότην , ἅπαντες πιστῶς , προσκυνοῦντες ἀεί .

Κ αί νῦν ,καί ἀεί ....

Ἱκέτευε ἀπαύστως ΠΑΝΑΧΡΑΝΤΕ ΑΓΝΗ , ὅν σαρκί ἐκύησας Υἱόν Σου καί Θεόν , ἐκ πολυτρόπων παγίδων τοῦ διαβόλου , καί ἐκ παντοίων πειρασμῶν ἐπερχομένων , πάντας λυτρωθῆναι τούς δούλους Σου .

Καταβασία

Ῥάβδος ἐκ τῆς ῥίζης Ἰεσσαί , καί ἄνθος ἐξ ᾿ αὐτῆς Χριστέ , ἐκ τῆς ΠΑΡΘΕΝΟΥ ἀνεβλάστησας , ἐξ ᾿ Ὄρους ὁ αἰνετός , κατασκίου δασέος · ἦλθες σαρκωθείς ἐξ ᾿ ἈΠΕΙΡΑΝΔΡΟΥ , ὁ ἄϋλος καί Θεός , δόξα τῇ δυνάμει σου Κύριε .

☦

ᾨδή ε΄. Ὁ εἱρμός

Ἐξέστη τά σύμπαντα , ἐν τῇ Σεπτῇ Εἰσόδῳ Σου , Σύ γάρ ΆΠΕΙΡΟΓΑΜΕ ΠΑΡΘΕΝΕ , ἔνδον εἰσῆλθες ἐν τῷ ναῷ τοῦ Θεοῦ , ὥσπερ καθαρώτατος Ναό;, πᾶσι τοῖς ὑμνοῦσι Σε τήν εἰρήνην βραβεύουσα .

Τροπάρια

Ἁγίασμα ἔνδοξον , καί ἱερόν ἀνάθημα , σήμερον ἡ ΠΑΝΑΓΝΟΣ ΠΑΡΘΕΝΟΣ , ἀντεθεῖσα ἐν τῷ ναῷ τῦ Θεοῦ , τῷ παμβασιλεῖ ἡμῶν Θεῷ , μόνῳ εἰς κατοίκησιν , συντηρεῖται ὡς οἶδεν αὐτός .

Τό κάλλος ΠΑΝΑΧΡΑΝΤΕ , τό τῆς ψυχῆς Σου βλέπων ποτέ , πίστει Ζαχαρίας ἀνεβόα ·Σύ εἶ τό λύτρον , Σύ εἶ ἡ πάντων χαρά , Σύ εἶ ἡ ἀνάκλησις ἡμῶν , δι ᾿ ἧς ὁ ἀχώρητος , χωρητός μοι ὀφθήσεται .

Ὤ !!! τῶν ὑπέρ ἔννοιαν , θαυμάτων Σου ΠΑΝΑΧΡΑΝΤΕ , ξένης Σου ἡ γέννησις ὑπάρχει · ξένος ὁ τρόπος ὁ τῆς αὐξήσεως , ξένα καί παράδοξα τά Σά , πάντα ΘΕΟΝΥΜΦΕΥΤΕ , καί βροτοῖς ἀνερμήνευτα .

Λυχνία πολύφωτος , ὑπάρχουσα ΘΕΟΝΥΜΦΕ , σήμερον ἐξέλαμψας , ἐν οἴκῳ τῷ τοῦ Κυρίου , καί καταυγάζεις ἡμᾶς , τοῖς σεπτοῖς χαρίσμασιν ΑΓΝΗ , τοῖς τῶν θαυμασίων Σου , ΑΓΝΗ ΘΕΟΤΟΚΕ ΠΑΝΥΜΝΗΤΕ .

β΄κανών . Τό φαεινόν ἡμῖν ἐξανάτειλον .

Λαμπροφορήσωμεν οἱ Ὀρθόδοξοι , πάντες συντρέχοντες , καί δοξάζοντες τήν ΘΕΟΜΗΤΟΡΑ ὅτι Κυρἰῳ , σήμερον προσφέρεται , ὡς θῦμα εὐσπρόσδεκτον .

Ἀγαλλιάσθωσαν οἱ Προπάτορες , σήμερον ΔΕΣΠΟΙΝΑ , καί εὐφραινέσθῳ ἡ τεκοῦσα Σε , σύν τῷ πατρί Σου · ὅτι ὁ καρπός αὐτῶν , Κυρίῳ προσάγεται .

Τήν πολυώνυμον καί περίδοξον , Ἄμωμον Δάμαλιν , ὡς ἐν σαρκί κυοφορήσασαν , τόν θεῖον μόσχον , πάντες ἀνυμνήσωμεν , πιστῶς ἑορτάζοντες .

Τά τῆς νυμφεύσεως , ἀπογράφονται θεῖα συμβόλαια, τῆς ὑπέρ νοῦν κυοφορίας Σου ΑΓΝΗ ΠΑΡΘΕΝΕ σήμερον , ἐν Πνεύματι Ἁγίῳ , ἐν οἴκῳ Θεοῦ .

Ἐξανοιγέσθωσαν τά προπύλαια , δόξης Θεοῦ ἡμῶν , καί δεχέσθωσαν τήν ΑΠΕΙΡΟΓΑΜΟΝ Θεοῦ Μητέρα , ὥσπερ τριετίζουσαν Ἀμίαντος Δάμαλιν .

Τό πολυτίμητον καί κατάσκιον Ὄρος ὑμνήσωμεν , τήν ΑΕΙΠΑΡΘΕΝΟΝ Θεοῦ Μητέρα γενομένην · Αὕτη γάρ ἐξήστραψεν , τό φῶς ἐν τοῖς πέρασιν .

Δόξα Πατρί ...

Τήν ὑπεράρχιον καί ἀΐδιον μίαν Θεότητα δοξολογοῦντες προσκυνήσωμεν , τρισί προσώποις , φύσει ἀδιαίρετον , καί δόξῃ ἰσότιμον .

Καί νῦν καί ἀεί ...

Λιμένα εὔδιον καί ἀπόρθητον τεῖχος κεκτήμεθα , τήν πρεσβείαν Σου ἐν περιστάσεσιν , ΘΕΟΚΥΗΤΟΡ πάντοτε λυτρούμενοι , κινδύνων καί θλίψεων .

Καταβασία

Θεός ὤν εἰρήνης , Πατήρ οἰκτριρμῶν , τῆς μεγάλης βουλῆς σου τόν Ἄγγελον , εἰρήνην παρεχόμενον ἀπέστειλας ἡμῖν , ὅθεν θεογνωσίας πρός φῶς ὁδηγηθέντες, ἐκ νυκτός ὀρθρίζοντες, δοξολογοῦμεν Σε φιλάνθρωπε .

☦

ᾨδή Ϛ ΄. ὁ εἱρμός .

Τήν θείαν ταύτην καί πάντιμον , τελοῦντες ἑορτήν οἱ θεόφρονες τῆς ΘΕΟΜΗΤΟΡΟΣ , δεῦτε τάς χεῖρας κροτήσωμεν , τόν ἐξ ᾿ Αὐτῆς τεχθέντα , Θεόν δοξάζοντες.

Τροπάρια

Ὁ πάντα φέρων τῷ ρἠματι , εὐχῆς τῆ τῶν δικαίων ἐπήκουσε , διό στειρώσεως λύσας τήν νόσον ὡς εὔσπλαγχνος , τήν τῆς χαρᾶς αἰτίαν τούτοις δεδώρηται .

Γνωρίσαι θέλων ὁ Κύριος , τοῖς ἔθνεσιν αὐτοῦ τό σωτήριον , τήν ἈΠΕΙΡΟΓΑΜΟΝ , νῦν ἐξ ᾿ ἀνθρώπων παρέλαβεν , καταλλαγῆς σημεῖον κί ἀναπλάσεως .

Ὡς οἶκος οὖσα τῆς χάριτος , ἐν ᾧ οἱ θησαυροί ἐναπόκεινται , τῆς ἀποῤῥήτου Θεοῦ οἰκονομίας ΠΑΝΑΧΡΑΝΤΕ , ἐν τῷ ναῷ μετέσχες τῆς ἀκηράτου τρυφῆς .

Διάδημά Σε βασίλειον , δεξάμενος ναός ΘΕΟΝΥΜΦΕΥΤΕ , κατεφαιδρύνετο , καί ὑπεχώρει τοῖς κρείττοσι τῶν προῤῥηθέντων βλέπων ἐν Σοί τήν ἔκβασιν .

β΄κανών . Τόν Προφήτην Ἰωνᾶν .

Ἑορτάσωμεν πιστοί ἑορτήν πνευματικήν , τήν Μητέρα τοῦ Θεοῦ ἀνυμνοῦντες εὐσεβῶς , ὑπάρχει γάρ Ἁγιωτέρα , τῶν οὐρανίων Νοῶν .

Ἐν ᾠδαῖς πνευματικαῖς εὐφημήσωμεν πιστοί , τήν Μητέρα τοῦ φωτός , ὅτι σήμερον ἡμῖν , ἐπέφανε , προερχομένη , ἐν τῷ οἴκῳ Θεοῦ .

Ἡ Ἀμίαντος Ἀμνάς καί Ἁγνή Περιστερά , προσηνέχθην κατοικεῖν , ἐν τῷ οἴκῳτοῦ Θεοῦ , ἡ Ἄμωμος , προοῥισθεῖσα γενέσθαι , Μήτηρ Θεοῦ .

Ἐν ναῷ τῷ νομκῷ , τάς εἰσόδους ἐκτελεῖ , ὁ Ναός ὁ τοῦ Θεοῦ , ἡ οὐράνιος Σκηνή , ἐξ ᾿ ἧς ἡμῖν ,τοῖς ἐν σκότει τό φῶς ἐξέλαμψεν .

Νηπιάζουσα σαρκί , καί τελείᾳ τῇ ψυχῇ ,ἡ Ἁγία Κιβωτός , ἐν τῷ οἴκῳ τοῦ Θεοῦ , εἰσέρχεται , κατατρυφῆσαι τῆς θείας χάριτος .

Ἐκ παντοίων πειρασμῶν , καί κινδύνων ψυχικῶν , ἐλευθέρωσον ἡμᾶς τούς προστρέχοντας εἰς Σέ , ΠΑΝΥΜΝΗΤΕ , ταῖς Σαῖς πρεσβείαις , Μήτηρ Χριστοῦ τοῦ Θεοῦ .

Δόξα Πατρί ...

Ὁ Πατήρ καί ὁ Υἱός , καί τό Πεῦμα τό εὐθές , τρισυπόστατε

Μονάς καί ἀχώριστε Τριάς , ἐλέησον , τούς προσκυνοῦντας , τό θεῖον κράτος Σου .

Καί νῦν , καί ἀεί ....

Ἐν γαστρί Σου χωρητός , ὁ ἀψώρητος παντί , ΘΕΟΜΗΤΟΡ γεγονώς , προελήλυθεν ἐκ Σοῦ , ΠΑΝΑΧΡΑΝΤΕ , διπλοῦς τῇ φύσει , Θεός καί ἄνθρωπος .

Καταβασία

Σπλάγχνων Ἰωνᾶν ἄμβρυον ἀπήμεσεν , ἐνάλιος θήρ , οἷον ἐδέξατο · τῇ ΠΑΡΘΕΝῼ δέ ἐνοικήσας ὁ Λόγος καί σάρκα λαβών , διελήλυθεν φυλάξας ἀδιάφθορον , ἧς γάρ οὐχ ὑπέστη ῥεύσεως , τήν Τεκοῦσαν , κατέσχεν ἀπήμαντον .

☦

Μικρά συναπτή , καί τό

Κοντάκιον ἦχος δ΄.

Ὁ Ὑψωθείς ἐν τῷ Σταυρῷ .

Ὁ καθαρώτατος Ναός τοῦ Σωτῆρος , ἡ πολυτίμητος Παστάς καί ΠΑΡΘΕΝΟΣ , τό ἱερόν θησαύρισμα τῆς δόξης τοῦ Θεοῦ , σήμερον εἰσάγεται , ἐν τῷ οἴκῳ Κυρίου , τήν χάριν συνεισάγουσα , τήν ἐν Πνεύματι θείῳ · ἥν ἀνυμνοῦσιν Ἄγγελοι Θεοῦ , Αὕτη ὑπάρχει Σκηνή ἐπουράνιος .

Ὁ Οἶκος

Τῶν ἀποῤῥήτων τοῦ Θεοῦ , καί θείων μυστηρίων , ὁρῶν ἐν τῇ ΠΑΡΘΕΝῼ , τήν χάριν δηλουμένην , καί πληρουμένην ἐμφανῶς , χαίρω , καί τόν τρόπον ἐννοεῖν ἀμηχανῶ , τόν ξένον καί ἀπόῤῥητον · πῶς ἐκλελεγμένη ἡ ἌΧΡΑΝΤΟΣ , Μόνη ἀνεδείχθη ,ὑπέρ πᾶσαν τήν κτῖσιν , τήν ὀρατήν καί τήν νοουμένην · διό ἀνευφημεῖν βουλόμενος Ταύτην , καταπλήττομαι σφοδρῶς , νοῦν τε καί λόγον · ὅμως δέ τολμῶν , κηρύττω καί μεγαλύνω · Αὕτη ὑπάρχει , Σκηνή ἐπουράνιος .

Συναξάριον

Τῇ ΚΑ ΄τοῦ αὐτοῦ μηνός Νοεμβρίου , τῆς ἐν τῷ ναῷ Εἰσόδῳ τῆς ΘΕΟΜΗΤΟΡΟΣ , μνήμην τελοῦμεν καί ἄγομεν .

Στίχοι .

Ἔνδον τρέφει Σε Γαβριήλ Ναοῦ , ΚΟΡΗ ,

ἥξει δέ μικρόν , καί τό χαῖρε Σοι λέξων .

Βῇ ἱερόν ΜΑΡΙῌ τέμενος παρά εἰκάδι πρῴτη .

Περί ἑορτῆς ὅρα ἐν τῷ τέλει τῆς ἐργασίας

Ταῖς τῆς ΘΕΟΤΟΚΟΥ ΠΑΝΑΓΙΑΣ ΑΧΡΑΝΤΟΥ ΔΕΣΠΟΙΝΗΣ ἡμῶν ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑς, πρεσβείαις, Χριστέ ὁ Θεός ἡμῶν , ἐλλέησον ἡμᾶς Ἀμήν .

☦

΅ᾨδή ζ΄. ὁ εἱρμός .

Οὐκ ἐλάτρευσαν τῇ κτίσει οἱ θεόφρονες , παρά τόν Κτίσαντα , ἀλλά πυρός ἀπειλήν ἀνδρείως πατήσαντες , χαίροντες ἔψαλλον · Ὑπερύμνητε , ὁ τῶν Πατέρων Κύριος , καίΘεός εὐλογητός εἶ .

Τροπάρια .

Ἰδού σήμερον ἐπέλαμψεν τοῖς πέρασιν , ἔαρ εὐφρόσυνον , καταφαιδρῦνον ἡμῶν , ψυχήν καί διάνοιαν , καί νοῦν τῇ χάριτι , ἡ πανήγυρις , τῆς ΘΕΟΤΟΚΟΥ σήμερον , μυστικῶς εὐωχηθῶμεν .

Δορυφορείτωσαν σήμερον τά σύμπαντα , τῇ Βασιλίδι Μητρί , ὁ οὐρανός καί ἡ γῆ , Ἀγγέλων τά τάγματα , καί τῶν βροτῶν ἡ πληθύς , καί βοάτωσαν · ἐν τῷ ναῷ εἰσάγεται , ἡ χαρά καί ἡ λύτρωσις .

Ὁ τοῦ γράμματος , παρέδραμεν ἐξέλιπεν , νόμος καθάπερ σκιά , καί αἱ τῆς χάριτος ἀκτῖνες ἐπέλαμψαν , ἐν τῷ ναῷ τοῦ Θεοῦ , εἰσαχθείσης Σου , ΠΑΡΘΕΝΟΜΗΤΟΡ ἌΧΡΑΝΤΕ , εἰσαεί Εὐλογημένη .

Ὑποτέτακται , τῷ τόκῳ Σου ΠΑΝΑΧΡΑΝΤΕ , ὡς Ποιητῇ καί Θεῷ , ὁ οὐρανός καί ἡ γῆ , καί τά καταχθόνια , καί πᾶσα γλῶσσα βροτῶν , ὅτι Κύριος , ὁμολογεῖ ἐπέφανεν , ὁ Σωτήρ τῶν ψυχῶν ἡμῶν .

β΄κανών . Ἡ κάμινος Σωτήρ ἐδροσίζετο .

Χορεύσωμεν φιλέορτοι σήμερον , ὑμνήσωμεν τήν ἌΧΡΑΝΤΟΝ ΔΕΣΠΟΙΝΑΝ , Ἰωακείμ καί Ἄννα , ἐπαξίως γεραίροντες .

Προφήτευσον ὁ λέγων ἐν Πνεύματι · ἀχθήσονται παρθένοι ὀπίσω Σου , ἀπενεχθήσονταί Σοι εἰς Ναόν τῇ Βασιλίδι Μητρί .

Ἠγάλλοντο Ἀγγέλων τά τάγματα , ηὐφραίνοντο Δικαίων τά πνεύματα , ὅτε Θεοῦ ἡ Μήτηρ εἰς τά ἅγια προσήγετο .

Καί Σώματι καί Πνεύματι ἔχαιρε ΜΑΡΙΑ ἡ ἄμωμος ἐν τῷ ναῷ Κυρίου , ὥσπερ σκεῦος ἱερώτατον .

Λαμβάνουσα τροφήν τήν οὐράνιον , προέκοπτε Σοφίᾳ καί χάριτι ἡ γενομένη , Μήτηρ κατά σάρκα τοῦ Σωτῆρος Χριστοῦ .

Εἰσέφερον ναοῦ εἰς ἐνδότατον , οἱ σώφρονες πατέρες Σου ΑΧΡΑΝΤΕ , ἀνατραφῆναι ξένως , εἰς κατοίκησιν Χριστοῦ τοῦ Θεοῦ .

Δόξα Πατρί ....

Δοξάσωμεν Τριάδα ἀχώριστον , ὑμνήσωμεν τήν μίαν θεότητα , σύν τῷ Πατρί , τόν Λόγον , καί τό Πνεῦμα τό Πανάγιον .

Καί νῦν καί ἀεί ...

Ἱκέτευε ὅν ἔτεκες Κύριον , ὡς εὔσπλαγχνον τῇ φύσει ὑπάρχοντα , ΘΕΟΓΕΝΝΗΤΟΡ σῶσαι , τάς ψυχάς τῶν ἀνυμνούντων Σε .

Καταβασία .

Οἱ Παῖδες εὐσεβείᾳ συντραφέντες , δυσσεβοῦς προστάγματος κταφρονήσαντες, πυρός ἀπειλή οὐκ ἐπτοήθησαν , ἀλλ ᾿ ἐν μέσῳ τῆς φλογός , ἑστῶτες ἔψαλλον · ὁ τῶν Πατέρων Θεός , εὐλογητός εἶ .

☦

ᾨδή η΄. α΄κανών

ἧς ἡ ἀκροστιχίς κατά ἀλφάβητον , περιέχουσα ἡ ᾠδή 6 τροπάρια ἐκτός τοῦεἱρμοῦ , καί εἰς ἕκαστον τροπάριον , περιέχονται τέσσαρα γράμματα , κατά σειράν τῆς ἀλφαβήτου , ὡς ὁρῶνται παρακάτω, μέ ἔντονον καί ὑπογεγραμμένον χαρακτῆρα .

Ὁ Εἱρμός

Ἄκουε ΚΟΡΗ ΠΑΡΘΕΝΕ ΑΓΝΗ , εἰπάτω δή ὁ Γαβριήλ , βουλήν Ὑψίστου ἀρχαίαν ἀληθινήν · γενοῦ πρός ὑποδοχήν ἑτοίμη Θεοῦ · διά Σοῦ γάρ ὁ ἀχώρητος , βροτοῖς συναναστρέφεται · διό καί χαίρων βοῶ · Εὐλογεῖε πάντα τά ἔργα Κυρίου τόν Κύριον .

Τροπάρια

Ἄχραντον ναόν ἐν οἴκῳ Θεοῦ , προσάγουσα Ἄννα ποτέ , Βοῶσα ἔφη , ἐν πίστει τῷ ἱερεῖ · Γονήν τήν ὑπό Θεοῦ δοθεῖσαν κἀμοί , Δεδεγμένος νῦν εἰσάγαγε , ἐν τῷ οἴκῳ τοῦ Κτίστου Σου , καί χαίρων ψάλλε αὐτῷ · εὐλογεῖτε , πάντα τά ἔργα Κυρίου , τόν Κύριον .

Ἔφησεν ἰδών τῇ Ἄννῃ ποτέ , ἐν Πνεύματι ὁ Ζαχαρίας , Ζωῆς Μητέρα εἰσάγεις ἀληθινήν · Ἥν περ τηλαυγῶς οἱ προφῆται Θεοῦ , ΘΕΟΤΟΚΟΝ προεκήρυξαν , καί πῶς ναό; χωρήσει Αὐτήν ; διό θαυμάζων βοῶ · Εὐλογημένη ΠΑΝΑΓΝΕ ἡ σαρκί Θεόν κυήσασα .

Ἱκέτις Θεοῦ κατέστην ἐγώ , ἀντέφησεν Ἄννα αὐτῷ , Καλοῦσα τοῦτον ἐν πίστει καί προσευχῇ ,Λαβεῖν τῆς ἐμῆς ὠδῖνος τόν καρπόν · Μετά τόκον δέ τό κύημα , προσάγειν τῷ παρέχοντι · διό καί σκιρτῶσα βοῶ · εὐλογημένη ΜΑΡΙΑΜ , Μήτηρ Χριστοῦ .

Νόμιμον ὄντως τό ἄργον ἐστίν , ὁ Ἱερεύς ἔφη Αὐτῇ · Ξένον δέ πάντῃ τό πρᾶγμα κατανοῶ , Ὁρῶν τήν προσαγομένην , ἐν οἴκῳ Θεοῦ , Παραδόξως ὑπερβαίνουσαν τά ἅγια τῇ χάριτι · διό καί χαίρων βοῶ · χαῖρε ΑΓΝΗ ΠΑΡΘΕΝΕ ΘΕΟΤΟΚΕ ·

Ῥώννυμαι ἔφη ἡ Ἄννα αὐτῷ , μανθάνουσα ἅπερ λαλεῖς · Συνεἰς γάρ ταῦτα τῷ Πνεύματι τοῦ Θεοῦ , Τρανῶς τά τῆς ΠΑΡΘΕΝΟΥ ἐκήρυξας ·Ὑποδέχου οὖν τήν ἌΧΡΑΝΤΟΝ ἐν ναῶ τοῦ Κτίστου Σου , καί χαίρων ψάλλε · Εὐλογημένη ΔΕΣΠΟΙΝΑ ΠΑΝΑΓΙΑ .

Φωσφόρος ἡμῖν ἀνῆψε λαμπάς , ἐβόησεν ὁ ἱερεύς , Χαράν μεγίστην ἐκλάμπουσαν ἐν ναῷ · Ψυχαί συνευφραινέσθωσαν Προφητῶν , Ὡς παράδοξα θεώμενοι , τελούμενα ἐν οἴκῳ Θεοῦ καί ἐκβοάτωσαν νῦν · Εὐλογεῖτε τά ἔργα Κυρίου , τήν ΚΥΡΙΑΝ .

β΄κανών . Ὅν φρίττουσιν Ἄγγελοι .

Εὐφραίνεται σήμερον , φαιδρῶς Ἰωακείμ καί Ἄννα ἡ Ἄμεμπτος , Κυρίῳ τῶ Θεῷ , προσφέρειν Θυσίαν τήν δοθεῖσαν Αὐτῇ , ἐξ ᾿ ἐπαγγελίας , Ἁγίαν Θυγατέραν .

Καυχῶνται οἱ Ἅγιοι Δαυίδ καί Ἰεσσαί · 'Ιούδας σεμνύνεται · ἐκ ῥίζης γάρ αὐτῶν , ἐβλάστησεν γόνος , ἡ ΠΑΡΘΕΝΟΣ ΑΓΝΗ , ἐξ ᾿ ἧς ἐγεννήθη Θεός ὁ πρό αἰώνων .

ΜΑΡΙΑ ἡ ἌΧΡΑΝΤΟΣ , καί ἔμψυχος Σκηνή , προσφέρεται σήμερον , ἐν οἴκῳ τοῦ Θεοῦ , καί δέχεται ταύτην , Ζαχαρίας χερσίν , ὡς ἡγιασμένον κειμήλιον Κυρίου .

Ὡς Πύλην σωτήριον , καί Ὄρος νοητόν , ὡς κλίμακα ἔμψυχον , τιμήσωμεν πιστοί , τήν ὄντως ΠΑΡΘΕΝΟΝ , καί Μητέρα Θεοῦ , τήν εὐλογηθεῖσαν χερσί τῶν ἱερέων .

Προφῆται , Ἀπόστολοι καί Μάρτυρες Χριστοῦ , Ἀγγέλων τά τάγματα , καί πάντες γηγενεῖς τιμήσωμεν ὕμνοις , τήν ΑΓΝΗΝ ΠΑΡΘΕΝΟΝ , ὡς Εὐλογημένην , Μητέρα τοῦ Ὑψίστου .

Ναῷ Σε προσέφερον ΠΑΝΑΧΡΑΝΤΕ ΑΓΝΗ , οἱ θείως τεκῶντες Σε , ὡς θῦμα καθαρόν , καί ξένως αὐλίζῃ , ἐν αδύτοις Θεοῦ , προετοιμασθῆναι , εἰς κατοικίαν Λόγου .

Αἰνοῦμεν , εὐλογοῦμεν , καί προσκυνοῦμεν τόν Κύριον ...

Ὑμνείσθῳ Τρισάγιος , Πατήρ ,καί Υἱός , καί τό Πνεῦμα τό Ἅγιον , ἀμέριστος μονάς , ἡ μία Θεότης , ἡ κρατοῦσα δρακί , τήν σύμπασαν κτῖσιν , εἰς πάντας τούς αἰῶνας .

Καί νῦν , καί ἀεί , καί εἰς τούς αἰῶνας ....

Ὁ ἄναρχος ἄρχεται , ὁ Λόγος ἐν σαρκί , τεχθείς ὡς ηὐδόκησεν , Θεός τε καί βροτός , ἐκ ΚΟΡΗΣ ΠΑΡΘΕΝΟΥ , ἀναπλάττων ἡμᾶς , τούς πρίν πεπτωκότας , δι ᾿ ἄκραν εὐσπλάγχνίαν .

Καταβασία .

Θαύματος ὑπερφυοῦς ἡ δροσοβόλος , ἐξεικόνισε κάμινος τύποον · οὐ γάρ οὕς ἐδέξατο φλέγει Νέους , ὡς οὐδέ πῦρ τῆς θεότητος , ΠΑΡΘΕΝΟΥ , ἥν ὑπέδυ νηδύν · διό ἀνυμνοῦντες ἀναμέλψωμεν · εὐλογείτω ἡ κτῖσις πᾶσα τόν Κύριον , καί ὑπερυψούτῳ , εἰς πάντας τούς αἰῶνας .

☦

Τήν ΘΕΟΤΟΚΟΝ , καί Μητέρα τοῦ φωτός , ἐν ὕμνοις τιμῶντες μεγαλύνομεν .

Ἡ τάξις , τῆς ....ΤήνΤιμιωτέραν .

Ἱστέον , ὅτι ἐν ταῖς Δεσποτικαῖς καί ΘΕΟΜΗΤΟΡΙΚΑΙΣ ἑορταῖς, ἐνταῦθα δέν στιχολογεῖται , ἡ ...Τήν Τιμιωτέρα, ἀλλά λέγεται ἡ θ ΄ᾠδή τῶν κανόνων .

ἀλλά κατά τό ἔθος τῆς καθ ᾿ ἡμᾶς Ἱερᾶς μονῆς, δέν παραλείπεται ποτέ, πώποτε .

☦

ᾨδή θ ΄.

Ἧς ἡ αροστιχίς, κατ᾿ ἀλφάβητον , ἀντιστρόφως , ὡς τῆ η ᾠδή .

Πρό ἑκάστου τροπαρίου προτάσσεαι καί άπό ἕνα μεγαλυνάριον .

Μεγαλυνάριον

Ἄγγελοι τήν Εἴσοδον τῆς ΠΑΝΑΓΝΟΥ , ὁρῶντες ἐξεπλήττοντο, πῶς ἡ ΠΑΡΘΕΝΟΣ εἰσῆλθεν , εἰς τά Ἅγια τῶν Ἁγίων .

Ὁ Εἱρμός

Ὡς ἐμψύχῳ Θεοῦ Κιβωτῷ , ψαυέτω μηδαμῶς χείρ ἀμυήτων · χείλη δέ πιστῶν τῇ ΘΕΟΤΟΚῼ ἀσιγήτως , φωνήν τοῦ Ἀγγέλου ἀναμέλποντα , ἐν ἀγαλλιάσει βοάτω · ὄντως ἀνωτέρα πάντων ὑπάρχεις , ΠΑΡΘΕΝΕ ΑΓΝΗ .

Ἄγγελοι τήν Εἴσοδον τῆς ΠΑΝΑΓΝΟΥ , ὁρῶντες ἐξεπλήττοντο , πῶς μετά δόξης εἰσῆλθεν , εἰς τά Ἅγια τῶν Ἁγίων .

Ὡς ὑπέρλαμπρον ΘΕΟΤΟΚΕ ΑΓΝΗ , Ψυχῆς τό καθαρόν ἔχουσα κάλλος , Χάριτος Θεοῦ δ ᾿ ἐμπιπλαμένη οὐρανόθεν , Φωτί ἀϊδίῳ καταυγάζεις ἀεί , τούς ἐν εὐφροσύνη βοῶντας · ὄντως ἀνωτέρα πάντων ὑπάρχεις ΠΑΡΘΕΝΕ ΑΓΝΗ .

Ἄγγελοι τήν Εἴσοδον τῆς ΠΑΡΘΕΝΟΥ , ὁρῶντες ἐξεπλήττοντο , πῶς παραδόξως εἰσῆλθεν , εἰς τά ἅγια τῶν Ἁγίων .

Ὑπερίπταται ΘΕΟΤΟΚΕ ΑΓΝ , Τό θαῦμα Σου τήν δύναμην τῶν λόγων · Σῶμα γάρ ἐν Σοί κατανοῶ ὑπέρ λόγον , Ῥοῆς ἁμαρτίας ἀνεπίδεκτον · ὅθεν εὐχαρίστως βοῶ Σοι ` ὄντως ἀνωτέρα πάντων ὑπάρχεις , ΠΑΡΘΕΝΕ ΑΓΝΗ .

Ἄγγελοι καί ἄνθρωποι τῆς ΠΑΡΘΕΝΟΥ , τήν Εἴσοδον τιμήσωμεν , ὅτι ἐν δόξῃ εἰσῆλθεν , εἰς τά Ἅγια τῶν Ἁγίων .

Παραδόξως προδιετύπου ΑΓΝΗ , Ὁ νόμος Σε σκηνήν καί θείαν στάμνον , Ξένην Κιβωτόν , καί καταπέτασμα καί ῥάβδον , Ναόν ἀκατάλυτον , καί πύλην Θεοῦ , ὅθεν ἐκδιδάσκειν Σοι κράζειν , ὄνυως ἀνωτέρα πάντων ὑπάρχεις ΠΑΡΘΕΝΕ ΑΓΝΗ .

Ἄγγελοι τήν Εἴσοδον τῆς ΠΑΡΘΕΝΟΥ , ὁρῶντες κατεπλήττοντο , πῶς θεαρέστως εἰσῆλθεν , εἰς τά ἅγια τῶν ἁγίων .

Μελωδῶν Σοι προεκελάδει Δαυίδ , Λαλῶν Σε Θυγατέρα Βασιλέως , Κάλλει ἀρετῶν ἐκ δεξιῶν παρισταμένην , Ἰδών Σε τοῦ Θεοῦ πεποικιλμένην Σε · ὅθεν προφητεύων ἐβόα · ὄντως ἀνωτέρα πάντων ὑπάρχεις ΠΑΡΘΕΝΕ ΑΓΝΗ .

Ἄγγελοι σκιρτήσατε σύν Ἁγίοις , παρθένοι συγχορεύσατε , ἡ γάρ ΘΕΟΠΑΙΣ εἰσῆλθεν , εἰς τά ἅγια τῶν ἁγίων .

Θεοδόχον προθεωρῶν Σολομών , Ἡνοίξατό Σε πύλην Βασιλέως , Ζῶσαν τε πηγήν ἐσφραγισμένην , Ἐξ ᾿ ἧς τό ἀθόλωτον προῆλθεν ὕδωρ τοῖς ἐν πίστει βοῶσιν ·ὄντως ἀμωτέρα πάντων ὑπάρχεις ΠΑΡΘΕΝΕ ΑΓΝΗ .

Ἄγγελοι καί ἄνθρωποι τήν ΠΑΡΘΕΝΟΝ , ἐν ὕμνοις μεγαλύνομεν · θεοπρεπῶς γάρ εἰσῆλθεν , εἰς τά Ἅγια τῶν ἁγίων .

Διανέμοις τῶν χαρισμάτων τήν Σήν , Γαλήνην ΘΕΟΤΟΚΕ τῇ ψυχῇ μου , Βρύουσαν ζωήν , τοῖς Σέ τιμῶσιν κατά χρέος , Αὕτη περιέπουσα καί σκέπουσα , καί διατηροῦσα βοᾶν Σοι · ὄντως ἀνωτέρα πάντων ὑπάρχεις ΠΑΡΘΕΝΕ ΑΓΝΗ .

β΄κανών

Τήν φωτογόρον Νεφέλην

καί τό παρόν Μεγαλυνάριον τό ὁποῖον ἐπαναλαμβάνεται , εἰς ὅλα τά τροπάρια , ἕως τοῦ Δοξαστικοῦ τῆς ᾠδῆς .

Μεγάλυνον ψυχήν μου τήν προσενεχθεῖσαν ἐν τῷ ναῷ Κυρίου , καί εὐλογηθεῖσαν χερσί τῶν ἱερέων .

Ἐκ τῶν δικαίων προῆλθεν Ἰωακείμ καί τῆς Ἄννης , ἐπαγγελίας ὁ καρπός ἡ ΘΕΟΠΑΙΣ ΜΑΡΙΑ , καί ὡς Θυμίαμα δεκτόν σαρκί νηπιάζουσα προσφέρεται , Ἱερῷ ἐν Ἁγίῳ , ὡς Ἁγία , εἰς τά Ἅγια οἰκεῖν .

Τήν νηπιάζουσαν φύσει , καί ὑπέρ φύσιν Μητέρα , ἀναδειχθεῖσα τοῦ Θεοῦ , εὐφημήσωμεν ὕμνοις · ἐν τῷ ναῷ τῷ νομικῶ , Κυρίῳ γάρ σήμερον προσφέρεται , εἰς ὁσμήν εὐωδίας , τῶν Δικαίων , ὡς καρπός πνευματικός .

Σύν τῷ Ἀγγέλῳ τό χαῖρε , τῇ ΘΕΟΤΟΚῼ προσφόρως , ἀναβοήσωμεν πιστοί , · χαῖρε πάγκαλε Νύμφη · χαῖρε Νεφέλη φωτεινή , ἐξ ᾿ ἧς ἡμῖν ἔλαμψεν , ὁ Κύριος , τῆς ἐν σκότει ἀγνοίας , καθημένοις , χαῖρε πάντων ἡ ἐλπίς .

Ὕμνον ἐπάξιον πᾶσα , τῇ ΘΕΟΤΟΚῼ ἡ κτίσις , σύν τῷ Ἀγγέλῳ Γαβριήλ , ἀνακράζει βοῶσα · χαῖρε ἡ Μήτηρ τοῦ Θεοῦ , δι ᾿ ἧς ἐλυτρώθημεν ΠΑΝΑΜΩΜΕ , τῆς ἀρχαίας κατάρας , γεγονότες ἀφθαρσίας κοινωνοί .

Ἡ τῶν Ἁγίων Ἁγία , καί ΘΕΟΜΗΤΟΡ ΜΑΡΙΑ , ταῖς ἱκεσίαις Σου ΑΓΝΗ , ἐλευθέρωσον ἡμᾶς ἐκ τῶν παγίδων τοῦ ἐχθροῦ , καί πάσης αἱρέσεως καί θλίψεως , τούς πιστῶς προσκυνοῦντας , τήν εἰκόναν τῆς Ἁγίας Σου Μορφῆς .

Τῶν Χερουβίμ ὑπερτέρα , τῶν Σεραφείμ ἀνωτέρα , καί πλατυτέρα οὐρανῶν , ἀνεδείχθης ΠΑΡΘΕΝΕ , ὡς τόν ἀχώρητον παντί , ἐν Μήτρᾳ χωρήσασα, Θεόν ἡμῶν , καί τεκοῦσα ἀφράστως , ὅν δυσώπει ἐκτενῶς ὑπέρ ἡμῶν .

Δόξα ...Μεγάλυνον ψυχή μου τῆς Τρισυποστάτου καί ἀδιαιρέτου Θεότητος τό κράτος .

ΤήνΤρισυπόστατον φύσιν , καί ἀδιαίρετον δόξαν , τήν ἐν Θεότητι μιᾷ , ὑμνουμένην ἀπαύστως , ἐν οὐρανῷ καί ἐπί γῆς , Τριάδα ἀχώριστον δοξάσωμεν , σύν Υἱῶ τόν Πατέρα , καί τό Πνεῦμα προσκυνοῦντες εὐσεβῶς .

Καί νῦν , καί ἀεί .... Μεγάλυνον ψυχή μου , τήν Τιμιωτέραν , καί Ἐνδοξοτέραν τῶν ἄνω στρατευμάτων .

Ὑπό τήν Σήν εὐσπλαγχνίαν , τούς καταφεύγοντας πίστει , καί προσκυνοῦντας εὐσεβῶς , τόν Υἱόν Σου ΠΑΡΘΕΝΕ , ΘΕΟΓΕΝΝΗΤΟΡ ὡς Θεόν , τοῦ κόσμου καί Κύριον , ἱκέτευε , ἐκ φθορᾶς καί κινδύνων λυτρωθῆναι , καί παντοίων πειρασμῶν .

Καταβασία

Μεγάλυνον ψυχή μου , τήν Τιμιωτέραν , καί Ἐνδοξοτέραν , τῶν ἄνω στρατευμάτων .

Μυστήριον ξένον , ὁρῷ καί παράδοξον , οὐρανόν τό σπήλαιον , θρόνον Χερουβικόν τήν ΠΑΡΘΕΝΟΝ , τήν φάτνην χωρίον , ἐν ᾧ

ἀνεκλίθη ὁ ἀχώρητος , Χριστός ὁ Θεός , ὅν ἀνυμνοῦντες μεγαλύνομεν .

☦

Μικρά συναπτή , ἐξαποστειλάριον , καί ψαλλομένων τῶν αἴνων , γίνεται χρῆσις ἁγίου ἐλαίου , ἐκ τῆς κανδήλας τῆς ΘΕΟΤΟΚΟΥ .

Ἐξαποστειλάριον .

Γυναῖκες ἀκουτίσθητε .

Ἥν πάλαι προκατήγγειλε τῶν προφητῶν ὁ σύλλογος , Στάμνον καί ῥάβδον καί Πλάκα , καί ἀλατόμητον Ὄρος , ΜΑΡΙΑΝ τήν ΘΕΟΠΑΙΔΑ , πιστῶς ἀνευφημήσωμεν · σήμερον γάρ εἰσάγεται , εἰς τά ἅγια τῶν Ἁγίων , ἀνατραφῆναι Κυρίῳ . τρίς

☦

Εἰς τούς αἴνους ἱστῶμεν εἰς στίχους, δ ΄, καί ψάλλομεν , στιχηρά προσόμοια :

ἦχος α ΄. Τῶν οὐρανίων ταγμάτων .

Λαμπαδηφόρι παρθένοι , τήν ἈΕΙΠΑΡΘΕΝΟΝ , φαιδρῶς ὁδοποιοῦσαι , προφητεύουσιν ὄντως , ἐν πνεύματι τό μέλλον · Ναός γάρ Θεοῦ , ἡ ΘΕΟΤΟΚΟΣ ὑπάρχουσα πρός τόν Ναόν , μετά δόξης Παρθενικῆς νηπιόθεν ἐμβιβάζεται

Ἐξανοιγέσθω ἡ πύλη τοῦ θειοτάτου ναοῦ , τόν γάρ ναόν τῶν πάντων , Βασιλέως καί Θρόνον , σήμερον ἐν δόξῃ , ἔνδον λαβών , Ἰωακείμ ἀνατίθεται , ἀφιερώσας Κυρίῳ , τήν ἐξ ᾿ αὐτοῦ , ἐκλεχθεῖσαν ὡς Μητέρα αὐτοῦ .

Ἐπαγγελίας ἁγίας καί ὁ καρπός εὐκλεής , ἡ ΘΕΟΤΟΚΟΣ ὄντως , ἀνεδείχθη τῷ κόσμῳ , ὡς πάντων ὑπερτέρα · ᾗ εὐσεβῶς , προσαγομένην ἐν οἴκῳ Θεοῦ , τήν προσευχήν τῶν τεκόντων ἀποπληροῖ , συντηρουμένη Θείῳ Πνεύματι .

Ἐπουρανίῳ τραφεῖσα , ΠΑΡΘΕΝΕ , ἄρτῳ πιστῶς , ἐν τῷ Ναῷ Κυρίου , ἀπεκύησας κόσμῳ , ζωῆς ἄρτον τόν Λόγον · ᾧ ὡς Ναός , ἐκλεκτός καί ΠΑΝΑΜΩΜΟΣ , προεμνηστεύθης τῷ Πνεύματι μυστικῶς , νυμφευθεῖσα τῷ Θεῷ καί Πατρί .

Δόξα .... καί νῦν .... ἦχος β΄Λέοντος Μαΐστορος .

Σήμερον τῷ ναῷ προσάγεται , ἡ ΠΑΝΑΜΩΜΟΣ ΠΑΡΘΕΝΟΣ , εἰς κατοικητήριον τοῦ παντάνακτος Θεοῦ , καί πάσης τῆς ζωῆς ἡμῶν τροφοῦ · σήμερον τό καθαρώτατον ἁγίασμα , ὡς τριετίζουσα Δάμαλις , εἰς τά ἅγια τῶν Ἀγίων εἰσάγεται · Ταύτῃ ἐκβοήσωμεν ὡς ὁ Ἄγγελος · χαῖρε Μόνη , ἐν γυναιξίν Εὐλογημένη .

☦

Δοξολογία μεγάλη , ἐκτενής , πληρωικά, ὦραι , καί τά συνήθη , καί Ἀπόλυσις .

☦

Δ. ΕΝ Τῌ ΘΕΙᾼ ΛΕΙΤΟΥΡΓΙᾼ .

Τυπικά, ἀντί τῶν δύο ἀντιφώνων τῆς θ. Λειτουργίας , οἱ δύο ψαλμοί, καί , ἀντί τρίτου ἀντιφώνου , οἱ μακαρισμοί , μέ δ ΄ τροπάρια , ἐκ τῆς γ΄ὠδῆς τῶν κανόνων , καί δ ΄τροπάρια, ἐκ τῆς Ϛ΄ᾠδῆς τοῦ β ΄ κανόνος .

☦

ΨΑΛΜΟΣ ΡΒ' (102)

Εὐλόγει, ἡ ψυχή μου, τὸν Κύριον

Εὐλογητὸς εἶ, Κύριε

Ἦχος πλ. δ'

Εὐλόγει, ἡ ψυχή μου, τὸν Κύριον, καὶ πάντα τὰ ἐντός μου τὸ ὄνομα τὸ ἅγιον αὐτοῦ.

Εὐλόγει, ἡ ψυχή μου, τὸν Κύριον, καὶ μὴ ἐπιλανθάνου πάσας τὰς ἀνταποδόσεις αὐτοῦ.

Τὸν εὐϊλατεύοντα πάσας τὰς ἀνομίας σου, τὸν ἰώμενον πάσας τὰς νόσους σου.

Τὸν λυτρούμενον ἐκ φθορᾶς τὴν ζωήν σου, τὸν στεφανοῦντά σε ἐν ἐλέει καὶ οἰκτιρμοῖς.

Τὸν ἐμπιπλῶντα ἐν ἀγαθοῖς τὴν ἐπιθυμίαν σου, ἀνακαινισθήσεται ὡς ἀετοῦ ἡ νεότης σου.

Ποιῶν ἐλεημοσύνας ὁ Κύριος, καὶ κρῖμα πᾶσι τοῖς ἀδικουμένοις.

Ἐγνώρισε τὰς ὁδοὺς αὐτοῦ τῷ Μωϋσῇ, τοῖς υἱοῖς Ἰσραὴλ τὰ θελήματα αὐτοῦ.

Οἰκτίρμων καὶ ἐλεήμων ὁ Κύριος, μακρόθυμος καὶ πολυέλεος, οὐκ εἰς τέλος ὀργισθήσεται, οὐδὲ εἰς τὸν αἰῶνα μηνιεῖ.

Οὐ κατὰ τὰς ἀνομίας ἡμῶν ἐποίησεν ἡμῖν, οὐδὲ κατὰ τὰς ἁμαρτίας ἡμῶν ἀνταπέδωκεν ἡμῖν.

Ὅτι κατὰ τὸ ὕψος τοῦ οὐρανοῦ ἀπὸ τῆς γῆς, ἐκραταίωσε Κύριος τὸ ἔλεος αὐτοῦ ἐπὶ τοὺς φοβουμένους αὐτόν.

Καθόσον ἀπέχουσιν ἀνατολαὶ ἀπὸ δυσμῶν, ἐμάκρυνεν ἀφ’ ἡμῶν τὰς ἀνομίας ἡμῶν.

Καθὼς οἰκτείρει πατὴρ υἱούς, ᾠκτείρησε Κύριος τοὺς φοβουμένους αὐτόν, ὅτι αὐτὸς ἔγνω τὸ πλάσμα ἡμῶν, ἐμνήσθη ὅτι χοῦς ἐσμεν.

Ἄνθρωπος, ὡσεὶ χόρτος αἱ ἡμέραι αὐτοῦ, ὡσεὶ ἄνθος τοῦ ἀγροῦ, οὕτως ἐξανθήσει.

Ὅτι πνεῦμα διῆλθεν ἐν αὐτῷ, καὶ οὐχ ὑπάρξει, καὶ οὐκ ἐπιγνώσεται ἔτι τὸν τόπον αὐτοῦ.

Τὸ δὲ ἔλεος τοῦ Κυρίου ἀπὸ τοῦ αἰῶνος, καὶ ἕως τοῦ αἰῶνος ἐπὶ τοὺς φοβουμένους αὐτόν.

Καὶ ἡ δικαιοσύνη αὐτοῦ ἐπὶ υἱοῖς υἱῶν, τοῖς φυλάσσουσι τὴν διαθήκην αὐτοῦ, καὶ μεμνημένοις τῶν ἐντολῶν αὐτοῦ τοῦ ποιῆσαι αὐτάς.

Κύριος ἐν τῷ οὐρανῷ ἡτοίμασε τὸν θρόνον αὐτοῦ, καὶ ἡ βασιλεία αὐτοῦ πάντων δεσπόζει.

Εὐλογεῖτε τὸν Κύριον, πάντες οἱ Ἄγγελοι αὐτοῦ, δυνατοὶ ἰσχύϊ, ποιοῦντες τὸν λόγον αὐτοῦ, τοῦ ἀκοῦσαι τῆς φωνῆς τῶν λόγων αὐτοῦ.

Εὐλογεῖτε τὸν Κύριον, πᾶσαι αἱ δυνάμεις αὐτοῦ, λειτουργοὶ αὐτοῦ, οἱ ποιοῦντες τὸ θέλημα αὐτοῦ.

Εὐλογεῖτε τὸν Κύριον, πάντα τὰ ἔργα αὐτοῦ, ἐν παντὶ τόπῳ τῆς δεσποτείας αὐτοῦ, εὐλόγει, ἡ ψυχή μου, τὸν Κύριον.

☦

Ἦχος β'

Δόξα...

ΨΑΛΜΟΣ ΡΜΕ' (I45)

Αἴνει, ἡ ψυχή μου , τὸν Κύριον, αἰνέσω Κύριον ἐν τῇ ζωῇ μου, ψαλῶ τῷ Θεῷ μου ἕως ὑπάρχω.

Μὴ πεποίθατε ἐπ' ἄρχοντας , ἐπὶ υἱοὺς ἀνθρώπων , οἷς οὐκ ἔστι σωτηρία.

Ἐξελεύσεται τὸ πνεῦμα αὐτοῦ , καὶ ἐπιστρέψει εἰς τὴν γῆν αὐτοῦ.

Ἐν ἐκείνῃ τῇ ἡμέρᾳ ἀπολοῦνται πάντες οἱ διαλογισμοὶ αὐτοῦ.

Μακάριος , οὗ ὁ Θεὸς Ἰακὼβ βοηθὸς αὐτοῦ , ἡ ἐλπὶς αὐτοῦ ἐπὶ Κύριον τὸν Θεὸν αὐτοῦ.

Τὸν ποιήσαντα τὸν οὐρανὸν καὶ τὴν γῆν, τὴν θάλασσαν καὶ πάντα τὰ ἐν αὐτοῖς.

Τὸν φυλάσσοντα ἀλήθειαν εἰς τὸν αἰῶνα, ποιοῦντα κρῖμα τοῖς ἀδικουμένοις, διδόντα τροφὴν τοῖς πεινῶσι.

Κύριος λύει πεπεδημένους, Κύριος σοφοῖ τυφλούς, Κύριος ἀνορθοῖ κατερραγμένους, Κύριος ἀγαπᾷ δικαίους, Κύριος φυλάσσει τοὺς προσηλύτους,

Ὀρφανὸν καὶ χήραν ἀναλήψεται, καὶ ὁδόν ἁμαρτωλῶν ἀφανιεῖ.

Βασιλεύσει Κύριος εἰς τὸν αἰῶνα, ὁ Θεός σου, Σιών, εἰς γενεὰν καὶ γενεάν.

Καὶ νῦν...

Ὁ μονογενὴς Υἱὸς καὶ Λόγος τοῦ Θεοῦ, ἀθάνατος ὑπάρχων, καὶ καταδεξάμενος, διὰ τὴν ἡμετέραν σωτηρίαν, σαρκωθῆναι ἐκ τῆς ἁγίας Θεοτόκου καὶ ἀειπαρθένου Μαρίας, ἀτρέπτως ἐνανθρωπήσας, σταυρωθείς τε, Χριστὲ ὁ Θεός, θανάτῳ θάνατον πατήσας. Εἷς ὢν τῆς ἁγίας Τριάδος, συνδοξαζόμενος τῷ Πατρὶ καὶ τῷ ἁγίῳ Πνεύματι, σῶσον ἡμᾶς.

☦.

ΟΙ ΜΑΚΑΡΙΣΜΟΙ

Ἦχος πλ. δ'

Ἐν τῇ βασιλείᾳ σου μνήσθητί ἡμῶν, Κύριε , ὅταν ἔλθῃς ἐν τῇ βασιλείᾳ σου ·

Μακάριοι οἱ πτωχοὶ τῷ πνεύματι, ὅτι αὐτῶν ἐστιν ἡ βασιλεία τῶν οὐρανῶν ·

Μακάριοι οἱ πενθοῦντες, ὅτι αὐτοὶ παρακληθήσονται ·

Μακάριοι οἱ πραεῖς, ὅτι αὐτοὶ κληρονομήσουσι τὴν γῆν,·

Μακάριοι οἱ πεινῶντες καὶ διψῶντες τὴν δικαιοσύνην, ὅτι αὐτοὶ χορτασθήσονται `

Μακάριοι οἱ ἐλεήμονες, ὅτι αὐτοὶ ἐλεηθήσονται ....

Μακάριοι οἱ καθαροί τῇ καρδίᾳ , ὅτι αὐτοί τόν Θεόν ὄψονται. Δαυίδ προεξάρχων τῆς χορείας , σκιρτᾷ καί χορεύει σύν ἡμῖν , καί Βασιλίδα κράζει Σε , πεποικιλμένη ἌΧΡΑΝΤΕ , παρισταμένην ΠΑΝΑΓΝΕ , ἐν τῷ ναῶ , τῷ Βασιλεῖ καί Θεῷ .

Μακάριοι οἱ εἰρηνοποιοί , ὄτι αὐτοί υἱοί Θεοῦ κληθήσονται .

Μακάριοι οἱδεδιωγμένοι ἕνεκεν δικαιοσύνης, ὅτι αὐτῶν ἐστίν ἡ βασιλεία τῶν οὐρανῶν .

Μακάριοι ἐστε, ὅταν ὀνειδίσωσιν ὑμᾶς, καὶ διώξωσι, καὶ εἴπωσι πᾶν πονηρὸν ῥῆμα καθ' ὑμῶν, ψευδόμενοι ἕνεκεν ἐμοῦ.

Χαίρετε καὶ ἀγαλλιᾶσθε, ὅτι ὁ μισθὸς ὑμῶν πολύς ἐν τοῖς οὐρανοῖς .

Δόξα Πατρί ....

Καί νῦν , καί ἀεί ...

☦

Εἴσοδος , ἀπολυτίκιον δίς , κοντάκιον , καί τάξις τῶν ἀναγνωσμάτων , ἀποστολικοῦ , καί εὐαγγελικοῦ.

☦

Προκείμενον ,ἦχος γ ΄, ῴδή τῆς ΘΕΟΤΟΚΟΥ.

Μεγαλύνει ἡ ψυχή Μου τόν Κύριον , καί ἠγαλλίασε τό πνεῦμα Μου ἐπί τῷ Θεῷ τῶ σωτῆρι Μου.

Στιχ : Ὅτι ἐπέβλεψεν ἐπί τήν ταπείνωσιν τῆς Δούλης αὐτοῦ.

Πρός Ἑβραίους Ἐπιστολῆς Παύλου τό ἀνάγνωσμα . (θ ΄1-7 )

Ἀδελφοί εἶχε μὲν οὖν καὶ ἡ πρώτη σκηνὴ δικαιώματα λατρείας τό τε ῞Αγιον κοσμικόν ·

σκηνὴ γὰρ κατεσκευάσθη ἡ πρώτη, ἐν ᾗ ἥ τε λυχνία καὶ ἡ τράπεζα καὶ ἡ πρόθεσις τῶν ἄρτων, ἥτις λέγεται ῞Αγια ·

μετὰ δὲ τὸ δεύτερον καταπέτασμα σκηνὴ ἡ λεγομένη ῞Αγια ῾Αγίων χρυσοῦν ἔχουσα θυμιατήριον καὶ τὴν κιβωτὸν τῆς διαθήκης περικεκαλυμμένην πάντοθεν χρυσίῳ, ἐν ᾗ στάμνος χρυσῆ ἔχουσα τὸ μάννα καὶ ἡ ράβδος ᾿Ααρὼν ἡ βλαστήσασα καὶ αἱ πλάκες τῆς διαθήκης ·

ὑπεράνω δὲ αὐτῆς Χερουβὶμ δόξης κατασκιάζοντα τὸ ἱλαστήριον· περὶ ὧν οὐκ ἔστι νῦν λέγειν κατὰ μέρος ·

Τούτων δὲ οὕτω κατεσκευασμένων εἰς μὲν τὴν πρώτην σκηνὴν διὰ παντὸς εἰσίασιν οἱ ἱερεῖς τὰς λατρείας ἐπιτελοῦντες , εἰς δὲ τὴν δευτέραν ἅπαξ τοῦ ἐνιαυτοῦ μόνος ὁ ἀρχιερεύς, οὐ χωρὶς αἵματος, ὃ προσφέρει ὑπὲρ ἑαυτοῦ καὶ τῶν τοῦ λαοῦ ἀγνοημάτων .

Ἀλληλούϊα , ἀλληλούϊα , ἀλληλούϊα .... ἦχος πλ. β ΄ψαλμ. μδ ΄

Ἄκουσον Θύγατερ καί ἴδε , καί κλῖνον τό οὖς Σου , καί ἐπιλάθου τοῦ λαοῦ Σου , καί ἐπιθυμήσει ὁ Βασιλεύς τοῦ κάλλους Σου .

Στιχ : Τό πρόσωπον Σου λιτανεύσουσιν οἱ πλούσιοι τοῦ λαοῦ Σου .

☦

Ἡ τάξις τοῦ Εὐαγγελίου

Κατά Λουκᾶν κεφ.: ι΄38-42 , ια ΄27-28

Τῷ καιρῷ ἐκείνῳ εἰσῆλθεν ὁ Ἰησοῦς εἰς κώμην τινά. γυνὴ δέ τις ὀνόματι Μάρθα ὑπεδέξατο αὐτὸν εἰς τὸν οἴκον αὐτῆς. καὶ τῇδε ἦν ἀδελφὴ καλουμένη Μαρία, ἣ καὶ παρακαθίσασα παρὰ τοὺς πόδας τοῦ Ἰησοῦ ἤκουε τὸν λόγον αὐτοῦ. ἡ δὲ Μάρθα περιεσπᾶτο περὶ πολλὴν διακονίαν· ἐπιστᾶσα δὲ εἶπε· Κύριε, οὐ μέλει σοι ὅτι ἡ ἀδελφή μου μόνην με κατέλιπε διακονεῖν; εἰπὲ οὖν αὐτῇ ἵνα μοι συναντιλάβηται. ἀποκριθεὶς δὲ εἶπεν αὐτῇ ὁ Ἰησοῦς· Μάρθα Μάρθα, μεριμνᾷς καὶ τυρβάζῃ περὶ πολλά· ἑνὸς δέ ἐστι χρεία· Μαρία δὲ τὴν ἀγαθὴν μερίδα ἐξελέξατο, ἥτις οὐκ ἀφαιρεθήσεται ἀπ’ αὐτῆς.

Ἐγένετο δὲ ἐν τῷ λέγειν αὐτὸν ταῦτα ἐπάρασά τις γυνὴ φωνὴν ἐκ τοῦ ὄχλου εἶπεν αὐτῷ· Μακαρία ἡ κοιλία ἡ βαστάσασά σε καὶ μαστοὶ οὓς ἐθήλασας. αὐτὸς δὲ εἶπε· Μενοῦνγε μακάριοι οἱ ἀκούοντες τὸν λόγον τοῦ Θεοῦ καὶ φυλάσσοντες αὐτόν.

☦

Κοινωνικόν .

Ποτήριον σωτηρίου λήψομαι , καί τό ὄνομα Κυρίου ἐπικαλέσομαι .

☦

Μεγαλυνάριον

Ἔνδον τῶν ἀδύτων ἐν τῷ ναῷ , ἡ τῷ Θεῶ Λόγῳ ἐκλεχθεῖσα πρό γενεῶν , ἀφιερωθεῖσα , τήν οἴκησιν ποιεῖται , ἡ ΠΑΝΑΓΝΟΣ ΠΑΡΘΕΝΟΣ, ἥν μεγαλύνομεν .

☦☦☦☦☦☦☦☦☦

Σκέψεις δια τήν ἑορτήν

Ἡ σημερινή καί τωρινή μεγάλη ΘΕΟΜΗΤΟΡΙΚΗ ἑορτή , ἔχει τήν ἀρχήν , ῥίζαν καί ἔναρξήν της ἀπό ἀρχαιοτάτων χρόνων , καί σάν εἰκονογραφία τοποθετεῖται , εἰς τήν λιτήν τῶν μοναστηριακῶν ναῶν , καί πολλάκις εἰς τό ....δωδεκαόρτον , εἰς τό τέμπλο , ὅπως εἰς τό τοῦ Θεοφάνους , τό ὁποῖο περιλαμβάνει 15 εἰκόνας .

Ἡ ἑορτή δέν παρουσιάζεται εἰς τό Εὐαγγέλιο , καί Καινή Διαθήκη , ἀλλά ἀντλεῖ τό περιεχόμενο καί περιεχόμενο ἀπό τά ἀπόκρυφα εὐαγγέλλια καί τήν Ἱεράν Παράδοσιν τῆς Ἐκκλησίας μας , ἡ ὁποῖα εἶναι θεόπνευστος , καθώς καί ἡ Ἁγία Γραφή .

Εἶναι ἡ δεύτερη ΘΕΟΜΗΤΟΡΙΚΗ ἑορτή , ἑορταζομένη κατά τήν περίοδον τῆς νηστείας τῶν Χριστουγέννων , καί ἐν αὐτῇ ἀκούωμεν τό πρῶτο μήνυμα διά τήν κατά σάρκα γέννησιν τοῦ Θεανθρώπου , τό : Χριστός γεννᾶται δοξάσατε ...

Τυπικῶς εἰς τάς ἀκολουθίας τοῦ ἑβδομαδιαίου κύκλου ἑορτάζεται μόνο πέντε ἡμέρας , διά τήν ἐφεστῶσαν νηστείαν .

Εἴσοδος σημαίνει , μετάβασις κάποιου ἀπό ἕνα χῶρο , εἰς ἄλλον , ἤ εἰς ἄλλην κατάστασιν , ἤ εἰς ἄλλην θεωρίαν , γνῶσιν · μέ τήν ἔννοιαν αυτήν δυνάμεθα νά συμπεράνωμεν , νά θεωρήσωμε ὅτι ἡ ΠΑΝΑΓΙΑ ἔχει τέσσαρες εἰσόδους , κατά τήν διάρκειαν τῶν 59 ἐτῶν τῆς Ἁγίας καί Ἀγγελικῆς Ζωῆς Της , τῆς Μητέρας τῆς ζωῆς κί τοῦ φωτός , ἤτοι τοῦ Κυρίου .

Πρώτη Εἴσοδος τῆς ΘΕΟΤΟΚΟΥ , ἡ ὁποῖα εἶαι κοινή καί διά ὄλους τούς ἀνθρώπους , εἶναι ἡ ...εἴσοδος εἰς τήν ζωήν .

Ἀρχίζει ἀπό τήν ἡμέραν συλλήψεώς Τῆς ΠΑΝΑΓΙΑΣ, μέχρι τήν γέννησιν Της · αὐτή εἶναι ἀποτέλεσμα τῆς προσευχῆς , πίστεως , καί καθαρᾶς ζωῆς τῶν Ἀγίων γεννητόρων Της, Ἰωακείμ καί Ἄννης ,

καθώς μέ τήν ἐπιμονή ν , πίστην δάκρυα καί ἀδολεσχία ἐν τῇ προσευχῇ των γονέων Της , ἐλύθη ἡ ἀτεκνία , καί ἦρθε ὁ καρπός τῆς ἐπαγγελίας, ἡ ΘΕΟΝΥΜΦΟΣ ΜΑΡΙΑΜ , Λοχεύτρια τοῦ Θεοῦ .

Δευτέρα Εἴσοδος τῆς ΠΑΝΑΓΙΑΣ , εἶναι τά Εἰσόδια, ἡ παροῦσα ἑορτή , καί μοναδική εἰς τήν ὄλην τήν πλᾶσιν καί ἱστορίαν τοῦ σύμπαντος, καί προνόμιον , μοναδικότητα , μόνον εἰς τήν ΠΑΝΑΓΙΑΝ .

Εἰς ἡλικίαν τριῶν ἐτῶν , ἡ τριετής ἐν τῷ Σώματι , καί πολυετής ἐν τῷ Πνεύματι , ὁδηγεῖται εἰς τόν ναόν τοῦ Σολομῶντος , ἀπό τούς δικαίους γονεῖς Της , τοῦ ἀνατραφῆναι εἰς τά ἅγια τῶν ἁγίων , ὡς ἡγιασμένη · καί ἑτοιμασθῆναι εἰς κατοίκησιν τοῦ ἀχωρήτου Θεοῦ .

Κατά τήν πορείαν της πρός τόν ναόν , ἀπό τόν οἶκον τῶν γονέων Της , ἀπέχουσαν περί τά 7 σταδια από τόν ναόν ,ἡκολούθησαν παρθένες νεάνιδες, μετά λαμπάδων προπορευόμεναι , νεύσει θεϊκῇ , τῆς λαμπάδος τῆς τοῦ ἀπροσίτου φωτός · θαῦμα προστρέχει τῷ θαύματι , καί εἰς τάς πύλας τοῦ ναοῦ , τήν ἀνέμενε ὁ Ἀρχιερεύς, ὁ προφήτης Ζαχαρίας, ὁ γεννέτης τοῦ Προδρόμου , καί τήν ὑποδέχεται , ὡς ἡγιασμένον κειμήλιον Κυρίου , ἄνωθεν νεύσει , καί ἑτοιμασία .

Μέ θεϊκή ἀποκάλυψη , εἰσαγάγει Τήν ΠΑΝΑΜΩΜΟΝ ΠΑΡΘΕΝΟΝ εἰς τόν ναόν , καί εἰς τά ἐνδότερα , εἰς τά ἅγια τῶν Ἁγίων , ἐκεῖ ὅπου εἰσήρχετο ἅπαξ τοῦ ἔτους ὁ Ἀρχιερεύς , τελῶν τά τῆς θυσίας ..

Παρέμεινε, δώδεκα ἔτη , τρεφομένη μέ οὐρανια τροφή , τῆς ὁποῖας δέν γνωρίζομεν τήν σύστασιν οὐσία της , αλλά σίγουρα ἀπό τήν ὑπερουσίαν τῆς Θεότητος .

Ἕνα συλλείτουργο Ἀγγέλων καί ἀνθρώπων , μέ δύο χορούς , τῶν νεανίδων παρθένων , μέ τάς λαμπάδα ὁρατῶς, καί τῶν Ἀγγέλων ...δεξιόν χορόν ἀοράτως , Ἀγγελικές ταξιαρχίες, ὑμνολογοῦσαι τήν καθαρωτέραν ἡλιακῶν λαμπηδόνων ·

Ἅπλωσε τάς ἀρχιερατικάς ἀγκάλας ὁ Προφήτης καί εἰσαγάγει τήν ΠΑΡΘΕΝΟΝ ἔνδον τοῦ ναοῦ , εἰς τόν ἐπίγειον , ὁρατόν ναόν ·

παρομοίως , εἰς τόν οὐράνιον καί αἰώνιον ναόν , καί ἀκατάλυτον Σκηνήν ἐν οὐρανοῖς , ὁ Πατήρ , ἀνοίγει ἐν ταυτῷ , τούς Πατρικούς κόλπους καί δέεται , δεξιά τοῦ Θρόνου τῆς θεότητος , τήν προορισθεῖσαν Μητέραν του .

Διπλῆ Εἴσοδος τῆς ΠΑΝΑΓΙΑΣ .

Ἡ Εἴσοδος , τά Εἰσόδι τῆς ΠΑΝΑΓΙΑΣ, σηματοδοτοῦν τήν

Τρίτην Εἴσοδον τῆς ΠΑΝΑΓΙΑΣ , ἡ ὁποῖα εἶναι καί αὐτή προνόμιο μόνον τῆς ΠΑΝΑΓΙΑΣ .

Ἡ Τρίτη αὐτή εἴσοδος , εἶναι ἡ Εἴσοδος τῆς ΘΕΟΤΟΚΟΥ , εἰς τό μυστήριον τῆς ἐνανθρωπήσεως τοῦ Θεοῦ , ὅπου δέχθηκε νά ὑπηρετήσει : ...ἰδού ἡ Δούλη Κυρίου , γένοιτό μοικατά τό ρῆμα σου .....

Ἀρχίζει μέ τόν Εὐαγγελισμόν , μέ τό μην. τοῦ Γαβριήλ , καί ὁλοκληρώνεται μέ τήν σάρκωσην γέννησην τοῦ Χριστοῦ .

Τετἀρτη Εἴσοδος τῆ ΠΑΝΑΓΙΑΣ , καί αὐτή προνόμιον καί μοναδικότητα , εἶναι ἡ Εἴσοδος Της ἐν οὐρανῶ , μέ τήν Μετάστασιν .

Οἱ θεόφρονες γεννήτορες ἐκπλήρωσαν τήν ὑπόσχεσίν των εἰς τό Θεόν , ἡ ὁποῖα δέν ἦτο μία τυπική κίνηση , ἤ ...ὑποχρέωση , ἀλλά βαθύτερο νόημα, τῆς εὐγνωμοσύνης πρός τόν Θεόν , ἀπέναντι εἰς μίαν μεγάλην εὐλογίαν , δωρεάν · ἐκφράζουν τά βαθύτερα αἰσθήματα εὐχαριστίας , διά τήν δοθεῖσαν , ἁγίαν Θυγατέραν , γενομένη , Νύμφη ΠΑΝΑΓΝΟΣ Πατρός , Μήτηρ Ἄφθορος Υἱοῦ , καί ὁ νομικός ναός , δέχεται , τό πολυτίμομ κειμήλιον Κυρίου , τόν ἔμψυχον Ναόν τοῦ Θεοῦ , τό Παλάτιον , τόν Θρόνον , τήν Παστάδα , τήν Κλίμακα , τήν Πύλην , τό ἀλατόμητον Ὄρος , τήν Στάμνον , τήν Βίβλον , τό χρυσοῦν Θυμιατήριον , τήν Λαβίδα ,

τήν Τράπεζαν , τήν Λυχνίαν , ΤΉΝ ἈΝΎΜΦΕΥΤΟΝ ΝΎΜΦΗΝ

καί γίνεται ἡ πρώτη Μοναχή , ζοῦσα κατά μόνας , μόνη , μέ τόν Μόνον , ἑτοιμαζομένη πρός ὑποδοχή Θεοῦ .

Ἄς συνοδεύσωμεν νοητῶν πνευματικῶς , μέ ἀναμμένας τάς ψυχικάς μας λαμπάδας, δια τοῦ φωτός τῶν καλῶν ἔργων καί ὁρθοπραξίας , καί οὕτως θά δεσόμεθα τό φωτισμόν τῆς θείας χάριτος , τό φῶς τῆς θεογνωσίας .ἀμή .γένοιτο .

Δόξα Σοι Μῆτερ τοῦ Θεοῦ ·

Δόξα Σοι ΠΑΝΑΓΙΑ ·

Δόξα Σοι ΘΕΟΤΟΚΕ ·

Εὐχαριστοῦντες , προσκυνοῦμεν Σε Μητέρα τοῦ Ὑψίστου .

Ἔγγραφον ἐν Ἱεραποστολῇ ,βκ ΄Δεκ. ιδ ΄ 14-12-2020

εὐλογεῖτε .

Ἐπιστροφή στά θεομητορικά

« Ἀρχιερατικό Ὅραμα… Ὑπόστασις Ἱερᾶς Μονῆς Παναγίας Τριχερούσης Κένυα »

Σελίδες

Κυλιομενο

Σάββατο 17 Απριλίου 2021

Ἀκολουθία τῶν Εἰσοδίων τῆς ΘΕΟΤΟΚΟΥ

Δεν υπάρχουν σχόλια:

Δημοσίευση σχολίου

Φόρμα επικοινωνίας