ΘΕΟΤΟΚίΑ ἐν μηνί Ἰουλίῳ .

ΔΟΞΑ CΟΙ ! ΔΟΞΑ CΟΙ ! ΜΗΤΕΡ ΤΟΥ ΘΕΟΥ ΔΟΞΑ CΟΙ ! ΠΑΝΑΓΙΑ ! ΕΥΧΑΡΙΣΤΟΥΝΤΕΣ ΠΡΟΣΚΥΝΟΥΜΕΝ CΟΙ , ΜΗΤΕΡΑ ΤΟΥ ΥΨΙΣΤΟΥ ΥΠΕΡΕΥΛΟΓΗΜΕΝΗ ΘΕΟΤΟΚΕ !!! --- ὙΠΕΡΑΓΙΑ ΘΕΟΤΟΚΕ, σῶσον ἡμᾶς, τήν ἐκκλησίαν σου, τήν ποίμνην σου, τούς μοναχούς σου, τό ὄρος σου,τά ἔθνη σου, τήν νεολαίαν σου, τόν λαόν, καί χώραν ταύτην καί τόν κόσμον σου ἅπαντα. Ἀμήν ---Ἡ ΠΑΝΑΓΙΑ, νά εἶναι :βοηθός, ὁδηγός, ἰατρός, συνεργός, ἀρωγός, ἀγωγός, φωτισμός,στηριγμός, ὁπλισμός, στολισμός,πλουτισμός, χορηγός, κάθε θεϊκῆς ἀγαθότητος στήν ζωήν σας.

Σάββατο 17 Απριλίου 2021

ΘΕΟΤΟΚίΑ ἐν μηνί Ἰουλίῳ .

☦

ΜΡ ΘΥ

☦

ΘΕΟΤΟΚίΑ περιεχόμενα εἰς τάς ἱεράς ἀκολουθίας ἐν μηνί Ἰουλίῳ .

Συνεχίζοντες τήν διακονίαν , τῆς καταγραφῆς καί συλλογῆς τῶν ΘΕΤΟΚίΩΝ τῶν ἱερῶν ἀκολουθιῶν τοῦ ἐνιαυτοῦ , χάριτι ΘΕΟΜΗΤΟΡΙΚῌ , φθάνομεν εἰς τόν προ -τελευταῖον μῆναν τοῦ ἐκκλησιαστικοῦ ἐνιαυτοῦ , τόν Ἰούλιον , συνεχίζοντες ὁμοίως τήν ἐργασίαν , ὑμνοῦντες , εὐλογοῦντες , εὐχαριστοῦντες, δοξολογοῦντες τήν ΘΕΟΤΟΚΟΝ καί Μητέρα τοῦ Θεοῦ ἡμῶν τήν ΚΥΡΙΑΝ τῶνἈγγέλων , καί σωτηρίαν τῶν πιστῶν .

ἑσπέρια , - καθίσματα , - μεσώδιον κάθισμα γ ΄ὠδῆς ,- κανόνων ὄρθρου , - ἐξαποστειλαρίων , - αἴνων καί ἀποστίχων ,

Εὐλόγησον ΔΕΣΠΟΙΝΑ ....

...............Ἑσπερίων , ἀποστίχων , αἴνων , ἀποστίχων αἴνων , μεσωδίων καθισμάτων ......................

....................................... ἦχος α ΄ ...........................................

Ἁμαρτωλῶν τάς δεήσεις προσδεχομένη , καί θλιβομένων στεναγμόν μή παρορῶσα , πρέσβευε τῷ ἐξ 'Ἁγνῶν λαγόνων Σου σωθῆναι ημᾶς ΠΑΝΑΓΙΑ ΠΑΡΘΕΝΕ .

Πανεύφημοι Μάρτυρες ὑμᾶς

Συνέχομαι πάντοθεν δεινοῖς , καί ποῦ φύγω ΔΕΣΠΟΙΝΑ , ὁ δυστυχής καί πανάθλιος ; εἰ μή πρός Σε ΑΓΝΗ , καταφεύγω μόνην τήν ἐμήν βοήθειαν , ἐλπίς ἀπηλπισμένων ΘΕΟΝΥΜΦΕ , καί μή παρίδῃς με τόν πανάθλιον οἰκέτηνν Σου , θλιβομένων ἑτοίμη βοήθεια .

Τῶν οὐρανίων ταγμάτων

ΘΕΟΜΑΚΑΡΙΣΤΕ ΚΟΡΗ , τάς ἱκεσίας ἡμὼν , ὡς εὐμενής προστάτις τῶν πιστῶν ΘΕΟΤΟΚΕ , προσάγουσα τῷ Κτίστῃ τόν ἱλασμόν , διαμείβου τοῖς δούλοις Σου , ὡς παντελής σωτηρία καί ἱλασμός , τῶν ψυχῶν ἡμῶν δεόμεθα .

Τόν Τάφον σου Σωτήρ

Ἀνύμφευτε ΑΓΝΗ , ΘΕΟΤΟΚΕ ΠΑΡΘΕΝΕ , ἡ Μόνη τῶν πιστῶν προστασία καί σκέπη , κινδύνων καί θλίψεων , καί δεινῶν περιστάσεων , πάντας λύτρωσαι , τούς ἐπί Σοί τάς ἐλπίδας , ΚΟΡΗ ἔχοντας , καί τάς ψυχάς ἡμῶν σῶσαι , ταῖς θείαις πρεσβείαις Σου .

Ἐλπίς Χριστιανῶν , ΠΑΝΑΓΙΑ ΠΑΡΘΕΝΕ , ὅν ἔτεκες Θεόν , ὑπέρ νοῦν τε καί λόγον , ἀπαύστως ἱκέτευε , σύν ταῖς ἄνω Δυνάμεσι , δοῦναι ἄφεσιν , ἁμαρτιῶν ἡμῖν πᾶσι , καί διόρθωσιν , τοῖς πίστει καί πόθῳ , ἀεί Σέ δοξάζουσιν .

Θεοῦ Σε καί τροφόν , καί Μητέρα ἐκάλει , ἐκ γλώσσης μητρικῆς ὁ τῆς χάριτος κήρυξ , Θεόν τόν ἐν σπλάγχνοις Σου , ἐγνωκώς διά Πνεύματος , καί ἀμνόν τεχθείς , αὐτόν ἐδείκνυ δακτύλῳ , κόσμου αἴροντα , τάς ἁμαρτίας ΠΑΡΘΕΝΕ ,προσλήψει τοῦ χείρονος .

ΜΑΡΙΑ τό σεπτόν τοῦ Δεσπότου δοχεῖον , ἀνάστησον ἡμᾶς πεπτωκότας εἰς χάος , δεινῆς ἀπογνώσεως και πταισμάτων καί θλίψεων · Σύ γάρ πέφυκας , ἁματωλῶν σωτηρία , καί βοήθεια , καί κραταιά προστασία, καί σώζεις τούς δούλους Σου .

Μητέρα Σε Θεοῦ ἐπιστάμεθα πάντες , ΠΑΡΘΕΝΟΝ ἀληθῶς καί μετά τόκον φανεῖσαν , οἱ πόθῳ καταφεύγοντες, πρός τήν Σήν ἀγαθότητα , Σέ γάρ ἔχομεν , ἁμαρτωλοί προστασίαν · Σέ κεκτήμεθα ἐν πειρασμοῖς σωτηρίαν , τήν Μόνην ΠΑΝΑΜΩΜΟΝ.

..........................................ἦχος β '...........................................

Διάσωσον ἀπό κινδύνων τούς δούλους Σου ΘΕΟΤΟΚΕ , ὅτι πάντες μετά Θεόν εἰς καταφεύγομεν , ὡς ἄῤρηκτον τεῖχος καί προστασία .

Τήν πᾶσαν ἐλπίδα μου , εἰς Σέ ἀνατίθημι· Μῆτερ τοῦ Θεοῦ , φύλαττε ἡμᾶς ὑπό τήν σκέπην Σου.

Ὅτε ἐκ τοῦ ξύλου σε νεκρόν

Πάντων προστατεύεις ΑΓΑΘΗ , τῶν καταφευγόντων ἐν πίστει τῇ κραταιᾷ Σου χειρί · ἄλλην γάρ οὐκ ἔχομεν ἁμαρτωλοί πρός Θεόν , ἐν κινδύνοις καί θλίψεσιν , ἀεί μεσιτείαν , οἱ κατακαμπτόμενοι ὑπό πταισμάτων πολλῶν, Μῆτερ τοῦ Θεοῦ τοῦ Ὑψίστου , ὅθεν Σοι προσπίπτομεν ῥῦσαι , πάσης περιστάσεως τούς δούλους Σου .

Χαίροις ἥν ἑώρακε ποτέ , Πύλην κεκλεισμένην ὁ βλέπων , θείῳ ἐν Πνεύματι , μόνος ἥν διώδευσεν , πάντων ὁ αἴτιος , χαῖρε ἔξοχον ἄκουσμα , παράδοξον θαῦμα · χαῖρε Στάμνε πάγχρυσε , τό μάννα φέρουσα , Σκέπη καί ἀντίληψις , πάντων τῶν Χριστιανῶν χαῖρε Μόνη , κραταιόν προσφύγιον τῶν δούλων Σου .

.............................................ἦχος γ ΄.........................................

Ἀσπόρως ἐκ Θείου Πνεύματος βιυλήσει δέ Πατρός , συνείληφας , Υἱόν τόν τοῦ Θεοῦ , ἐκ τοῦ Πατρός ἀμήτορα , πρό τῶν αἰώνων υπάρχοντα , δι ᾿ ἡμᾶς δέ ἐκ Σοῦ ἀπάτορα , γεγονότα , σαρκί ἐκύησας , καί βρέφος ἐγαλούχησας , διό μή παύση πρεσβεύειν , τοῦ λυτρωθῆναι , κινδύνων τάς ψυχάς ἡμῶν .

Θείας πίστεως

Θεία γέγονας σκηνή τοῦ Λόγου , Μόνη ΠΑΝΑΓΝΕ ΠΑΡΘΕΝΟΜΗΤΟΡ , τῇ καθαρότητι Ἀγγέλους ὑπεράρασα · τόν ὑπέρ πάντας ἐμέ οὖν γενόμενον , ῥερυπωμένον σαρκός πλημμελήμασιν · ἀποκάθαρον πρεσβειῶν Σου ἐνθέοις νάμασιν , παρέχουσα ΣΕΜΝΗ τό μέγα ἔλεος .

Θείας φύσεως οὐκ ἐχωρίσθη , σάρξ γενόμενος ἐν τῇ γαστρί Σου , ἀλλά Θεός ἐνανθρωπήσας μεμένηκεν · ὁ μετά τόκον ΠΑΡΘΕΝΟΝ φυλάξας Σε , ὡς πρό τοῦ τόκου , Μητέρα ΠΑΝΑΜΩΜΟΝ , Μόνος Κύριος , αὐτόν ἐκτενῶς ἱκέτευε , σωθῆναι δεόμεθα τάς ψυχάς ἡμῶν .

Τήν ὡραιότητα

Τήν ὡραιότητα τῆς ΠΑΡΘΕΝΙΑΣ Σου , καί τό ὑπέρλαμπρον , τό τῆς ἉΓΝΕΙΑΣ Σου , ὁ Γαβριήλ καταπλαγείς ἐβόα Σοι ΘΕΟΤΟΚΕ · ποῖον Σοι ἐγκώμιον προσαγάγω ἐπάξιον , τί δέ ὀνομάσω Σε ἀπορῶ καί ἐξίσταμαι , διό ὡς προσετάγην βοῶ Σοι · χαῖρε , ἡ ΚΕΧΑΡΙΤΩΜΕΝΗ .

..............................................ἦχος δ ΄.......................................

Ἐκ παντοίων κινδύνων τούς δούλους Σου φύλαττε , Εὐλογημένη ΘΕΟΤΟΚΕ , ἵνα Σέ δοξάζομεν , τήν ἐλπίδαν τῶν ψυχῶν ἡμῶν .

Ἔδωκας σημείωσιν

Σέ τό καθαρώτατον τοῦ Βασιλέως Παλάτιον , δυσωπῶ ΠΟΛΥΫΜΝΗΤΕ , τόν νοῦν μου καθάρισον τόν ἐσπιλωμένον , πάσαις ἁμαρτίαις , καί καταγώγιον τερπνόν τῆς ὑπερθέου Τριάδος ποίησον , ὅπως τήν μεσιτείαν Σου , καί τό ἀμέτρητον ἔλεος , μεγαλύνω σῳζόμενος , ὁ ἀχρεῖος ἱκέτης Σου .

Τόν ῥύπον ἀπόσμηξον , τῆς ταλαιπώρου καρδίας μου , ΘΕΟΤΟΚΕ ΠΑΝΥΜΝΗΤΕ , καί πάντα τά τραύματα καί τά ἕλκη ταύτης , τά ἐξ ἁμαρτίας , ἐναποκάθαρον ΑΓΝΗ , καί τοῦ νοός μου στῆσον τό ἄστατον , ὅπως τήν δυναστείαν Σου , καί τήν μεγάλην ἀντίληψιν , μεγαλύνω ὁ ἄθλιος καί ἀχρεῖος ἱκέτης Σου .

Χαίροις ἡλιόμορφε ἡλίου ἄδυτον ὄχημα , ἡ τόν ἥλιον λάμψασα , τόν ἀπερινόητον · χαῖρε νοῦς ἀστράπτων , θείαις φρυκτωρίαις , ἡ λαμπηδών τῆς ἀστραπῆς , ἡ διαυγάζουσα γῆς τά πέρατα , ἡ ὄντως χρυσαυγίζουσα , ἡ Παγκαλής καί ΠΑΝΑΜΩΜΟΣ , ἡ τό φῶς τό ἀνέσπερον , τοῖς πιστοῖς ἐξαστράπτουσα .

Ἐπεφάνης σήμερον

Ἐν τῇ Σκέπῃ ἌΧΡΑΝΤΕ ,τῇ Σῇ ΠΑΡΘΕΝΕ , προσφυγόντων δέησιν , προσδεξαμένην παρ ' ἡμῶν , μή διαλίπῃς πρεσβεύουσα πρός τόν Υἱόν Σου σωθῆναι τούς δούλους Σου .

Προστασία ἄμαχε τῶν θλιβομένων , καί θερμή ἀντίληψις τῶν πεποιθότων ἐπί Σέ , ἐκ τῶν κινδύνων με λύτρωσαι · Σύ γάρ ὑπάρχεις , ἡ πάντων βοήθεια .

Προστασία ἄμαχε τῶν ἐν ἀνάγκαις , καί πρεσβεία ἕτοιμος , τῶν ἐλπιζόντων ἐπί Σέ , ἀπό κινδύνων με λύτρωσαι , καί μή παρίδῃς , ἡ πάντων βοήθεια .

Τάς Ἀχράντους χεῖρας Σου , ΠΑΡΘΕΝΟΜΗΤΟΡ , ἐφαπλοῦσα σκέπασον , τούς πεποιθότας ἐπί Σέ καί τῷ Υἱῷ Σου κραυγάζοντας , πᾶσι παράσχου Χριστέ τά ἐλέη σου .

Κατεπλάγη Ἰωσήφ

Κατεπλάγη Ἰωσήφ , τό ὑπέρ φύσιν θεωρῶν , καί ἐλάμβανεν εἰς νοῦν , τόν ἐπί πόκον ὑετόν , Ἐν τῇ ἀσπόρῳ συλλήψει Σου ΘΕΟΤΟΚΕ · βάτον ἐν πυρί ἀκατάφλεκτον , ῥάβδον Ἀαρών τήν βλαστήσασαν , καί μαρτυρῶν ὁ Μνήστωρ Σου καί φύλαξ , τοῖς ἱερεῦσιν ἐκραύγαζεν · ΠΑΡΘΕΝΟΣ τίκτει , και μετά τόκον , πάλι μένει ΠΑΡΘΕΝΟΣ .

Ὁ ὑψωθείς ἐν τῷ Σταυρῷ

Οὐ σιωπήσωμεν ποτέ ΘΕΟΤΟΚΕ , τάς δυναστείας Σου λαλεῖν οἱ ἀνάξιοι , εἰ μή γάρ Σύ προΐστασο πρεσβεύουσα , τίς ἡμᾶς εῤῥύσατο ἐκ τοσούτων κινδύνων , τίς δέ διεφύλαξεν , ἕως νῦν ἐλευθέρους , οὐκ ἀποστῶμεν ΔΕΣΠΟΙΝΑ ἐκ Σοῦ · Σούς γάρ δούλους σώζεις ἀεί , ἐκ παντοίων δεινῶν .

Τῇ ΘΕΟΤΟΚῼ ἐκτενῶς νῦν προσδράμωμεν , ἁμαρτωλοί καί ταπεινοί καί προσπέσωμεν , ἐν μετανοίᾳ κράζοντες ἐκ βαθους ψυχῆς , ΔΕΣΠΟΙΝΑ βοήθησον , ἐφ ᾿ ἡμῖν σπλαγχνισθεῖσα , σπεύσον ἀπολλύμεθα , ὑπό πλήθους πταισμάτων · οὐκ ἀποστῶμεν ΔΕΣΠΟΙΝΑ ἐκ Σοῦ , Σούς γάρ δούλους σώζεις, ἐκ παντοίων δεινῶν .

Τῶν ἀκαθάρτων λογισμῶν μου τά πλήθη , καί τῶν ἀτόπωνν λογισμῶν τάς νιφάδας , τίς ἐξειπεῖν δυνήσηται ΠΑΝΑΜΩΜΕ ; τάς ἐπαναστάσεις δέ τῶν ἀσάρκων ἐχθρῶν μου , τίς ἐκδιηγήσεται , καί τήν τούτων κακίαν ; ἀλλά τῇ Σῇ πρεσβείᾳ ΑΓΑΘΗ , τούτων μοι πάντων , τήν λύτρωσιν δώρησαι .

Ταχύ προκατάβαλε

Ἡ Μόνη κυήσασα , τόν Ποιητήν τοῦ παντός , ἡ Μόνη κοσμήσασα , τήν ἀνθρωπότητα , τῷ τόκῳ Σου ἌΧΡΑΝΤΕ · ῥῦσαι με τῶν παγίδων τοῦ δολίου βελίαρ , στῆσον με ἐπί πέτραν τῶν Χριτοῦ θελημάτων , αὐτόν δυσωποῦσα ἐκτενῶς ὅν ἐσωμάτωσας .

Ἡ στεῖρα τήν ἔλευσιν προκατιδοῦσα τήν Σήν , καί τῶν ἀσπασμῶν φωνήν , ἐνηχηθεῖσα ὠσίν , ἠπόρει τῷ πράγματι , ἔνδοθεν ἐγνωκυῖα , ἀσπασμοῖς Σοῖς ΠΑΡΘΕΝΕ , ἐσκίρτα γάρ τό Βρέφος , ἐν αὐτῆς τῇ νηδΰι , διό τοῦ ἐν γαστρί Σου Υἱοῦ , ἔγνων τήν σάρκωσιν .

Ταχύ δέξαι ΔΕΣΠΟΙΝΑ , τάς ἱκεσίας ἡμῶν , καί ταύτας προσάγαγε , τῷ Σῷ Υἱῷ καί Θεῷ , ΚΥΡΙΑ ΠΑΝΑΜΩΜΕ · λῦσον τάς περιστάσεις , τῶν εἰς Σέ προστρεχόντων , πράϋνον μηχανάς τε , καί κατάβαλε θράσσος τῶν ὁπλιζομέμνων ἀθεων , κατά τῶν δούλων Σου .

Ταχύ δέξαι ΔΕΣΠΟΙΝΑ τάς ἱκεσία ἡμῶν , καί ταύτας πρσάγαγε , τῷ Σῷ Υἱῷ καί Θεῷ , ΠΑΡΘΕΝΕ ΠΑΝΑΧΡΑΝΤΕ · ὄλεσον κατά κράτος , τῶν βρβάρων τά θράση , γνώτωσαν τήν ίσχύν Σου , φιλοπόλεμα Ἔθνη · τῷ νεύματί Σου , πάντας ἡμᾶς διαφύλαξον .

Ὡς γενναῖον ἐν Μάρτυσι

Κατακρίσεως λύτρωσαι , ΠΑΝΑΓΙΑ ΘΕΟΝΥΜΦΕ , καί δεινῶν πταισμάτων με τόν ἀνάξιον , καί τοῦ θανάτου ἀπάλλαξον , εὐχαῖς Σου καί δώρησαι , δικαιώσεως τυχεῖν , ἐν ἡμέρᾳ ἐτάσεως , ἧς ἐπέτυχον , τῶν Ἁγίων οἱ δῆμοι μετανοίᾳ , καθαρθέντα με πρό τέλους , καί τῶν δακρύων ταῖς χύσεσιν .

Φωτοφόρον Παλάτιον τοῦ Θεοῦ χαῖρε ΔΕΣΠΟΙΝΑ · καί Ἀγγέλων χαῖρε τό ἀγαλλίαμα · χαῖρε Ἀδάμ ἡ ἀνάκλησις , καί Εὔας ἡ λύτρωσις , χαῖρε κλῖμαξ νοητή , τούς θνητούς ἡ μετάγουσα , πρός οὐράνιον καί ἀκήρατον δόξαν , χαῖρε κράτος , ὀρθοδόξων βασιλέων , καί ἀῤῥαγές φυλακτήριον .

...........................................ἦχος πλ. α ΄.....................................

Μακαρίζομέν Σε ΘΕΟΤΟΚΕ ΠΑΡΘΕΝΕ , καί δοξάζομέν Σε οἱ πιστοί κατά χρέος , τήν Πόλιν τήν ἄσειστον , τό τεῖχος τό ἄῤῥηκτον , τήν ἀῤῥαγῆ προστασίαν , καί καταφυγήν τῶν ψυχῶν ἡμῶν .

Σαλπίσωμεν ἐν σάλπιγγι ἀσμάτων · προκύψασα γάρ ἄνωθεν ἡ ΠΑΝΑΤΝΑΣΣΑ ΜΗΤΡΟΠΑΡΘΕΝΟΣ , ταῖς εὐλογίαις καταστέφει , τούς ἀνυμνοῦντας ΕΚΕΙΝΗΝ · βασιλεῖς καί ἄρχοντες συντρεχέτωσαν , καί τήν Βασιλίδα κροτείτωσαν ἐν ὕμνοις , Βασιλέα τέξασα , τούς θανάτῳ κρατουμένους πρίν , ἀπολῦσαι φιλανθρώπως εὐδοκήσαντα · Ποιμένες καί Διδάσκαλοι , τήν τοῦ καλοῦ Ποιμένος , ὙΠΕΡΑΓΝΟΝ Μητέρα , συνελθόντες εὐφημήσωμεν · τήν Λυχνίαν τήν χρυσαυγῆ · τήν φωτοφόρον Νεφέλην · τήν τῶν οὐρανῶν Πλατυτέραν · τήν ἔμψυχόν τε Κιβωτόν · τόν πυρίμορφον τοῦ Δεσπότου Θρόνον · τήν μανναδόχον χρυσέαν Στάμνον · τήν κεκλεισμένην τοῦ Δεσπότου Πύλην · τήν πάντων τῶν Χριστιανῶν τό καταφύγιον ᾃσμασιν θεηγόροις , ἐγκωμιάζοντες οὕτως εἴπομεν · Παλάτιον τοῦ Λόγου , ἀξίωσον τούς ταπεινούς ἡμᾶς , τῆς οὐρανῶν βασιλείας · ουδέν γάρ ἀδύνατον τῇ μεσιτείᾳ Σου .

Σε δυσωποῦμεν ὡς Θεοῦ Μητέρα Εὐλογημένη , πρέσβευε , τοῦ σωθῆναι τάς ψυχάς ἡμῶν .

Χαίροις ἀσκητικῶν

Λύτρον ὑπέρ ἡμῶν τήν τιμήν , τό πανυπέρτιμον καί Ἄχραντον Αἷμα σου , Χριστέ μου ὁ πάντας θέλων , τῆς σωτηρίας τυχεῖν , κατεδέξω δοῦναι ἀναμάρτητε · διόπερ ὁρῶσα σε , προσηλωμένον ἡ Μήτηρ σου , ὀδυρομένη παρειάς κατεξαίνετο , τέκνον λέγουσα , ὁ Ἀμνός ὁ ἄμωμος , κόσμον θέλων Ῥύσασθαι , τιμίῳ σου Αἵματι , ἐξ ᾿ ὀφθαλμῶν μου πῶς ἔδυς , Σῶτερ ὁ ἄδυτος ἥλιος ; ὁ πᾶσι παρέχων , φωτισμόν καί εἰρήνην , καί μέγα ἔλεος .

............................................ἦχος πλ. β ΄....................................

ΘΕΟΤΟΚΕ Σύ εἶ ἡ ἄμπελος ἡ ἀληθινή , ἡ βλαστήσασα τόν καρπόν τῆς ζωῆς · Σέ ἱκετεύομεν , πρέσβευε ΔΕΣΠΟΙΝΑ , μετ΄τῶν Αποστόλων , καί πάντων τῶν Ἁγίων ἐλεηθῆναι τάς ψυχάς ἡμῶν .

Οὐδείς προστρέχων ἐπί Σοί , κατησχυμμένος ἀπό Σοῦ ἐκπορεύεται , ΑΓΝΗ ΠΑΡΘΕΝΕ ΘΕΟΤΟΚΕ · ἀλλ ᾿ αἰτεῖται τήν χάριν , καί λαμβάνει τό δώρημα , πρός τό συμφέρον τῆς αἰτήσεως .

Τίς μή μακαρίσει Σε ΠΑΝΑΓΙΑ ΠΑΡΘΕΝΕ ; τίς μή ἀνυμνήσει Σου , τόν ἀλόχευτον τόκον · ὁ γάρ ἀχρόνως ἐκ Πατρός ἐκλάμψας Υἱός μονογενής , ὁ αὐτός ἐκ Σοῦ τῆς ΑΓΝΗΣ προῆλθεν , ἀφράστως σαρκωθείς · φύσει Θεός ὑπάρχων , καί φύσει γενόμενος ἄνθρωπος δι ᾿ ἡμᾶς · οὐκ εἰς δυάδα προσώπων τεμνόμενος , αλλ ᾿ ἐν δυάδι φύσεων , ἀσυγχύτως γνωριζόμενος , αὐτόν ἱκέτευε , ΣΕΜΝΗ ΠΑΜΑΚΑΡΙΣΤΕ , ἐλεηθῆναι τάς ψυχάς ἡμῶν .

Τριήμερος άνέστης Χριστέ

Μετάνοιαν οὐ κέκτησαι , ψυχή ἀμετανόητε , τί βραδύνεις ; τοῦ θανάτου ἡ τομή , ἐγγίζει καί τό τέλος , ἐφέστηκεν ὡς κλέπτης · τῇ ΘΕΟΤΟΚῼ δράμε πρόσπεσον .

ΠΑΝΥΜΝΗΤΕ κατάβαλε , ἐχθρῶν μιαιφονούντων ἰσχύν , καί τήν λύπην , τοῦ λαοῦ Σου εἰς χαράν , μτάβαλε ΠΑΡΘΕΝΕ , καί ἔλεος παράσχου , ὅπως σωθέντες ἀνυμνοῦμεν Σε .

Τό ὄμμα τῆς καρδίας μου , ἐκτείνω πρός Σέ ΔΕΣΠΟΙΝΑ , μή παρίδῃς τόν πικρόν μου στεναγμόν , ἐν ᾢρᾳ ὅταν κρίνῃ , ὁ Σός Υἱός τόν κόσμον , γενοῦ μοι σκέπη καί βοήθεια .

............................................ἦχος πλ. δ ΄....................................

ΔΕΣΠΟΙΝΑ πρόσδεξαι , τάς δεήσεις τῶν δούλων Σου , καί λύτρωσαι ημᾶς ἀπό πάσης ἀνάγκης καί θλίψεως .

Τά οὐράνια ὑμνεῖ Σε Κεχαριτωμένη Μήτηρ Ἀνύμφευτε , καί ἡμεῖς δοξολογοῦμεν , τήν ἀνεξιγχνίαστον Σου γέννησιν , ΘΕΟΤΟΚΕ πρέσβευε , σωθῆναι τάς ψυχάς ἡμῶν .

Τήν Σοφίαν καί Λόγον

Πειρασμοῖς πολυπλόκοις περιπεσών , ἐξ ᾿ ἐχθρῶν ἀοράτων καί ὁρατῶν , τῷ σάλῳ συνέχομαι , τῶν ἀμέτρων πταισμάτων μου , καί ὡς ἔχων ἀντίληψιν , καί Σκάπην Σε ἌΧΡΑΝΤΕ , τῷ λιμένι προστρέχω τῆς Σῆς ἀγαθότητος · ὅθεν ΠΑΝΑΓΙΑ , τόν ἐκ Σοῦ σαρκωθέντα , ἀσπόρως ἱκέτευε , ὑπέρ πάντων τῶν δούλων Σου , τῶν ἀπαύστως ὑμνούντων Σε , πρεσβεύουσα αὐτῷ ἐκτενῶς , τῶν πταισμάτων ἄφεσιν δωρήσασθαι , τοῖς προσκυνοῦσιν ἐν πίστει , τόν τόκον Σου ἌΧΡΑΝΤΕ .

Τήν Σοφίαν καί Λόγον ἐν Σῇ γαστρί , συλλαβοῦσαν ἀφλέκτως Μῆτερ Θεοῦ , τῷ κόσμῳ ἐκύησας , τόν τόν κόσμον συνέχοντα · καί ἐκ μαζῶν ἐθήλασας , τόν πάντας ἐκτρέφοντα · ὅθεν δυσωπῶ Σε ΠΑΝΑΓΙΑ ΠΑΡΘΕΝΕ , ῥυσθῆναι , πταισμάτων μου , ὄταν μέλλω παρίστασθαι , πρό προσώπου τοῦ κτίστου μου · ΔΕΣΠΟΙΝΑ ΠΑΡΘΕΝΕ ΑΓΝΗ , τήν σήν βοήθειαν τότε μοι δώρησαι . Σέ γάρ ἔχω ἐλπίδα ὁ δοῦλος Σου

Ὡς ΠΑΡΘΕΝΟΝ καί Μόνην ἐν γυναιξί , Σέ ἀσπόρως τεκοῦσαν Θεόν σαρκί , πᾶσαι μακαρίζομεν γενεαί τῶν ἀνθρώπων · τό γάρ πῦρ ἐσκήνωσεν , ἐν Σοί τῆς θεότητος , καί ὡς βρέφος θηλάζεις τόν Κτίστην καί Κύριον · ὅθεν τῶν Ἀγγέλων καί ἀνθρώπων τό γένος , ἀξίως δοξάζομεν τόν Πανάγιον τόκον Σου , καί συμφώνως βοῶμεν Σοι · πρέσβευε τῷ Σῶ Υἱῶ καί Θεῷ , τῶν πταισμάτων ἄφεσιν δωρήσασθαι , τοῖς καταφεύγουσι πίστει , τῇ Σκέπῃ Σου ἌΧΡΑΝΤΕ .

Τί ὑμᾶς καλέσωμεν Ἄγιοι

Τίνι ὡμοιώθης ταλαίπωρε , πρός μετάνοιαν οὐδόλως ἀνανεύουσα ψυχή , καί τό πῦρ μή δειλιῶσα , τῶν κακῶν ἐπιμονῇ ; ἀνάστα καί τήν Μόνην πρός ἀντίληψιν , ταχεῖαν ἐπικάλεσαι καί βόησον · τόν Σόν Υἱόν καί Θεόν ΑΓΝΗ , μή διαλίπῃς πρεσβεύουσα , ῥυσθῆναι με τῶν παγίδων τοῦ ἀλάστορος .

Τό προσταχθέν

Εὐχαριστοῦμεν Σε ἀεί ΘΕΟΤΟΚΕ , καί μεγαλύνομεν ΑΓΝΗ καί προσκυνοῦμεν , ἀνυμνοῦντες τόν τόκον Σου Κεχαριτωμένη · βοῶντες ἀκαταπαύστως σῶσον ἡμᾶς, ΠΑΡΘΕΝΕ ΠΑΝΤΕΛΕΗΜΟΝ ὡς ἈΓΑΘΗ , καί δαιμόνων ἐξάρπασον , λογοθεσίου φοβεροῦ , ἐν ὥρᾳτῆς ἐτάσες , μή αἰσχυνθῶμεν οἱ δοῦλοι Σου .

Ὤ !!! τοῦ παραδόξου θαύματος

Σέ δυσωποῦμεν ΠΑΝΑΧΡΑΝΤΕ , τήν προστασίαν ἡμῶν , συσχεθέντες ἐν θλίψεσιν , μή παρίδῃς τέλεον ἀπολέσθαι τούς δούλους Σου · ἀλλά τάχυνον τοῦ ἐξελέσθαι ἡμᾶς , τῆς ἐνεστώσης ὀργῆς καί θλίψεως · ὦ !!! ΠΑΜΜΑΚΑΡΙΣΤΕ ΠΑΝΑΓΙΑ ΔΕΣΠΟΙΝΑ , · Σύ γάρ ἡμῶν ΑΓΝΗ , τεῖχος καί βοήθεια , ἀκαταμάχητος .

Χαῖρε πυρίμορφον ὄχημα · χαῖρε Αὐγή μυστική , ἡ τῷ κόσμῳ εἰσάξασα τόν λαμπρόν καί ἄδυτον , καί ἀνέσπερον Ἥλιον , χαῖρε Κογχύλῃ πορφύραν βάψασα , ἐκ Σῶν Αἱμάτων , τῷ βασιλεῖ τοῦ παντός , χαῖρε ΠΑΝΑΧΡΑΝΤΕ · χαῖρε φυλακτήριον πάντων πιστῶν , τῶν προσκαλουμένων Σε , ἐν πεποιθήσει ψυχῆς .

.............................Σταυρο-ΘΕΟΤΟΚίΑ ...................................

....................................... ἦχος α ΄ ...........................................

Πανεύφημοι Μάρτυρες ὑμᾶς

Ῥομφαία διῆλθεν , ὦ Υἱέ , ἡ ΠΑΡΘΕΝΟΣ ἔλεγεν , ἐπί ξύλου ὡς ἔβλεψεν , Χριστόν κρεμάμενον , τήν ἐμήν καρδίαν , καί σπαράττει Δέσποτα , ὡς πάλαι Συμεών μοι προέφησεν , ἀλλά ἀνάστηθι , καί συνδόξασονν ἀθάνατε , τήν Μητέρα καί Δούλην σου δέομαι .

Τῶν οὐρανίων ταγμάτων

Ἐν τῷ Σταυρῷ πρεστῶσα τοῦ Σοῦ Υὁῦ καί Θεοῦ , καί τήν μακροθυμίαν , τούτου ἀποσκοποῦσα , ἔλεγες θρηνοῦσα , Μήτερ ΑΓΝΗ , οἴμοι τέκνον γλυκύτατον τί ταῦτα πάσχεις ἀδίκως Λόγε Θεοῦ , ἵνα σώσῃς τό ἀνθρώπινον ;

Τόν Τάφον σου Σωτήρ

Ἡ Ἄσπιλος Ἀμνάς τόν Ἀμνόν καί Ποιμένα , κρεμάμενον νεκρόν ἐπί ξύλου ὁρῶσα , θρηνοῦσα ἐφθέγγετο , Μητρικῶς ὀλολύζουσα , πῶς ἐνέγκω σου , τήν ὑπέρ λόγον Υἱέ Μου συγκατάβασιν , καί τά ἑκούσια πάθη , Θεέ ὑπεράγαθε ;

Ὁρῶσα σε Χριστέ ἡ ΠΑΝΑΜΩΜΟΣ Μήτηρ , νεκρόν ἐπί Σταυροῦ ἠπλωμένον ἐβόα · Υἱέ Μου συνάναρχε , τῷ Πατρί καί τῷ Πνεύματι , τίς ἡ ἄφατος , οἰκονομία Σου αὕτη , δι ᾿ ἧς ἔσωσας , τό τῶν ἀχράντων χειρῶν Σου , σοφόν δημιούργημα .

..........................................ἦχος β '...........................................

Ὅτε ἐκ τοῦ ξύλου σε νεκρόν

Βότρυν τόν παμπέπειρον ΑΓΝΗ ὅν ἀγεωργήτως ἐν Μήτρᾳ ἐκυοφόρησας , ξύλῳ ὡς ἑώρακας , τοῦτον κρεμάμενον , θρηνῳδοῦα ὠλόλυζες , καί ἔκραζες · τέκνον γλεῦκος ἐναπόσταξον , τό πᾶσαν μέθη παθῶν , αἷρον παντελῶς εὐεργέτα , δι ᾿ Ἐμοῦ τῆς σέ τετοκυῖας , σοῦ τήν εὐσπλαγχνίαν ἐνδεικνύμενος .

Ὅτε ἡ Ἀμίαντος Ἀμνάς , ἔβλεψε τόν ἴδιον Ἄρνα ἐπί σφαγήν ὡς βροτόν , θέλοντα ἑλκόμενον , θρηνοῦσα ἔλεγεν · ἀτεκνῶσαι νῦν σπεύδεις Με , Χριστέ τήν Τεκοῦσαν , τί τοῦτο πεποίηκας ὁ λυτρωτής τοῦ παντός ; ὅμως ἀνυμνῶ καί δοξάζω , σοῦ τήν ὑπέρ νοῦν τε καί λόγον , ἄκραν ἀγαθότητα φιλάνθρωπε .

Πόνους ὑπομείνασα πολλούς ἐν τῆ τοῦ Υἱοῦ καί Θεοῦ Σου Σταυρώσει ἌΧΡΑΝΤΕ , ἔστενες δακρύουσα , καί ὁλολύζουσα · οἴμοι τέκνον γλυκύατον , ἀδίκως πῶς πάσχεις ; πάντας θέλων ῥύσασθαι , τούς ἐξ ᾿ Ἀδάμ γηγενεῖς ; ὅθεν ΠΑΝΑΓΙΑ ΠΑΡΘΕΝΕ , Σέ παρακαλοῦμεν ἐν πίστει , ἵλεων ἡμῖν τοῦτον ἀπέργασαι .

Ὕβρεις ὑπομείνασα πολλάς , καί ἐπί Σταυροῦ ὑψωθέντα , τόν τοῦ παντός ποιητήν , βλέπουσα ΠΑΝΑΧΡΑΝΤΕ , ἔστενες λέγουσα · Ὑπερύμνητε Κύριε , Υἱέ καί Θεέ Μου , πῶς τιμῆσαι θέλων σου τό πλάσμα Δέσποτα , φέρεις ἐν σαρκί ἀτιμίαν ; Δόξα τῇ πολλῇ εὐσπλαγχνίᾳ , καί συγκταβάσει σου φιλάνθρωπε .

.............................................ἦχος γ ΄.........................................

Θείας πίστεως

Ἡ Ἀμίαντος , Ἀμνάς τοῦ Λόγου , ἡ ἀκήρατος ΠΑΡΘΕΝΟΜΗΤΟΡ , ἐν τῷ Σταυρῷ θεασαμένη κρεμάμενον , τόν ἐξ 'Αὐτῆς ἀνωδίνως βλαστήσαντα , Μητροπρεπῶς θρηνῳδοῦσα ἐκράυγαζεν · οἴμοι !!! Τέκνον μου , πῶς πάσχεις θέλων ῥύσασθαι , παθῶν τῆς ἀτιμίας τόν ἄνθρωπον .

..............................................ἦχος δ ΄.......................................

Ἔδωκας σημείωσιν

Ἔφερες ΠΑΝΑΜΩΜΕ , ἐν τῇ καρδίᾳ Σου δίστομον , Συμεών Σοι ὡς ἔφησεν , ῥομφαία καί τέτρωσαι , ἐν αὐτῇ τά σπλάγχνα , καί τάς διαθέσεις , ὡς ἐθεάσω Σόν Υἱόν , ἐπί τοῦ ξύλου ΣΕΜΝΗ κρεμάμενον , διό καί ἀνεκραύγαζες , Τέκνον ἐμόν μή παρίδῃς με , ἀλλά σπεύσον ἀνάστηθι , ὡς προεῖπας μακρόθυμε .

Νεκρούμενον βλέπουσα , Χριστόν ἡ ΠΑΝΑΓΝΟΣ ΔΕΣΠΟΙΝΑ , καί νεκροῦντα τόν δόλιον , ὡς Δεσπότην κλαίουσα , ὕμνει τόν ἐκ σπλάγχνων Αὐτῆς προελθόντα , καί τό μακρόθυμον αὐτοῦ ἀποθαυμάζουσα , ἀνεκραύγαζε · τέκνον Μου ποθεινότατον , μή ἐπιλάθῃ τῆς Δούλης σου , μή βραδύνῃς φιλάνθρωπε , τό ἐμόν καταθύμιον .

Σταυρούμενον βλέπουσα καί τήν πλευράν ὀρυττόμενον , ὑπό λόγχης ἡ ΠΑΝΑΓΝΟΣ , Χριστόν τόν φιλάνθρωπον , ἔκλαιε βοῶσα · τί τοῦτο Υἱέ Μου ; τί σοι ἀχάριστος λαός , ἀποτιννύει , ἀνθ ᾿ ὧν πεποίηκας , καλῶν αὐτοῖς καί σπεύδεις Με , ἀτεκνωθῆναι παμφίλτατε ; καταπλήττομαι εὔσπλαγχνε , σήν ἑκούσιον Σταύρωσιν

Ἐπεφάνης σήμερον

Ἐπί ξύλου βλέπουσα , ἀναρτηθέντα , τόν Υἱόν Σου ΠΑΝΑΓΝΕ , σπλάγχνα Μητρῶα γοερῶς , σπαραττομένη ἐκραύγαζες · οἴμοι !!! πῶς ἔδυς , τό φῶς Μου τό ἄχρονον ;

Ἐπί ξύλου βλέπουσα προσηλωμένον Σόν Υἱόν καί Κύριον , καί θρηνῳδοῦσα Μητρικῶς , ὀδυρομένη ἐκραύγαζες , οἴμοι !!! πῶς πάσχεις , Υἱέ Μου παμφίλτατε ;

Ὁ ἐξ ᾿ Ὑψίστου κληθείς

Τόν ἐξ ἀνάρχου τοῦ Πατρός γεννηθέντα , ἡ ἐπ ᾿ ἐσχάτων Σε σαρκί τετοκυῖα , ἐπί Σταυροῦ κρεμάμενον ὁρῶσα Χριστέ , οἴμοι !!! ποθεινότατε ,Ἰησοῦ ἀνεβόα · πῶς ὁ δοξαζόμενος ὡς Θεός ὑπ ᾿ Ἀγγέλων , ὑπό ἀνόμων νῦν βροτῶν Υἱέ , θέλων σταυροῦσαι ; Ὑμνῶ Σε μακρόθυμε .

Ὁ ὑψωθείς ἐν τῷ Σταυρῷ

Ἡ ΠΑΝΑΜΩΜΗΤΟΣ Ἀμνάς καί ΠΑΡΘΕΝΟΣ , ὅν ἀπεκύησε Υἱόν ἠπλωμένον , ἐπί Σταυροῦ ὡς ἔβλεψεν ὀδύναις τήν ψυχήν , καιρίαις κατεπλήττετο , καί ἐβόα θρηνοῦσα , ποῦ σου τέκνον φίλτατον , δωρεῶν καί θαυμάτων , μνήμη ὧν ἀπήλαυσεν , ὁ ἀχάριστος δῆμος ; ἀλλ ᾿ εἰς τό σῶσαι γένος τῶν βροτῶν , ταῦτα νῦν πάσχεις , ὑμνῶ σου τό εὔσπλαγχνον .

Ταχύ προκατάβαλε

Σταυρῷ Σε ὑψούμενον ὡς ἐθεάσατο , ἡ ἌΧΡΑΝΤΟΣ Μήτηρ Σου Λόγε Θεοῦ Μητρικῶς , θρηνοῦσα ἐφθέγγετο , τί τό καινόν καί ξένον , τοῦτο θαῦμα Υἱέ Μου ; πῶς ἡ ζωή τῶν ὅλων ὀμιλεῖς τῷ θανάτῳ ; ζωῶσαι θέλων τούς τεθνεῶτας ὡς εὐσπλαγχνος .

Ταχύ προκατάλαβε , πρίν δουλωθῆναι ἡμᾶς , ἐχθροῖς βλασφημοῦσι σε καί ἀπειλοῦσιν ἡμῖν , Χριστέ ὁ Θεός ἡμῶν · ἄνελε τῷ Σταυρῷ Σου , τούς ἡμᾶς πολεμοῦντας , γνώτωσαν πῶς ἰσχύει , ὀρθοδόξων ἡ πίστις , πρεσβείαις τῆς ΘΕΟΤΟΚΟΥ , μόνε φιλάνθρωπε .

Ὑψούμενος ὕψωσας , τούς πεπτωκότας ποτέ , Ἐμέ δέ κατέβαλες , τῇ ἀνυψώσει τῇ σῇ , ὦ !!! φῶς τῶν ὀμμάτων Μου , δέχου Υἱέ τό Πάθος , δι ᾿ ἡμᾶς ἑκουσίως , φέρε Σταυρόν τούς Ἥλους καί τόν Σπόγγον καί Λόγχην δι ᾿ ὧν τῆς ἀπαθείας , χάριν ἐβράβευσας .

Ὡς γενναῖον ἐν Μάρτυσι

Ἡ Ἀμνάς ἡ κυήσασα , τό ἀρνίον τό ἄκακον , τό τήν ἁμαρτίαν ἐλθών ἰάσασθαι , παντός τοῦ κόσμου ΠΑΝΑΜΩΜΕ , οἰκείῳ ἐν Αἵματι , τό σφαγέν ὑπέρ ἡμῶν , καί ζωῶσαν τά σύμπαντα , Σύ μέ ἔνδυσον , γυμνωθέντα τῆς πάλαι ἀφθαρσίας , ἐξ ᾿ ἐρίου τοῦ Σοῦ τόκου , περιβολήν θείας χάριτος .

Ὡς ἐώρακεν Κύριε , ἡ ΠΑΡΘΕΝΟΣ καί Μήτηρ σου , ἐν Σταυρῷ κρεμάμενον ἐξεπλήττετο , καί ἀτενίζουσα ἔλεγεν · Τί σοι ἀνταπέδωκαν , οἱ πολλῶν σου δωρεῶν ἀπολαύσαντες Δέσποτα ; ἀλλά δέομαι , μή μέ Μόνην ἐάσῃς ἐν τῷ κόσμῳ , ἀλλά σπεῦσον ἀναστῆναι , συνανιστῶν τούς προπάτορας .

............................................ἦχος πλ. β ΄....................................

Τριήμερος άνέστης Χριστέ

Ἐν ξύλῳ τήν ζωήν ἡμῶν , ὁρῶσα ἡ ΠΑΝΑΜΩΜΟΣ , ΘΕΟΤΟΚΟΣ , κρεμαμένην Μητρικῶς , ὡδύρετο βοῶσα · Υἱέ Μου καί Θεέ Μου , σῶσον τούς πόθῳ ἀνυμνοῦντας Σε .

Ἡ ΠΑΝΑΓΝΟΣ ὡς εἶδεν σε , ἐπί Σταυροῦ κρεμάμενον , θρηνωδοῦσα ἀνεβόα Μητρικῶς , Υἱέε Μου καί Θεέ Μου , γλυκύτατον Μου τέκνον , πῶς φέρεις πάθος ἐπονείδιστον ;

............................................ἦχος πλ. δ ΄....................................

Τήν Σοφίαν καί Λόγον

Ἐν Σταυρῷ καθορῶσα σε Ἰησοῦ , ἡ ΠΑΡΘΕΝΟΣ καί Μήτηρ σου ἐν κλαυθμῷ , ἐβόα δακρύουσα · οἴμοι !!! τέκνον γλυκύτατον , πῶς σε ἐπί ξύλου , ἀδίκως ἀνήρτησαν , τῶν Ἑβραίων παῖδες , οἱ ὄντως ἀχάριστοι !!! ὅμως ὡς οἰκτίρμων , ταῦτα πάσχεις Υἱέ Μου , Θεέ ἀνεξίκακε , πολυέλεε Κύριε , τῇ σαρκί ὡς ηὐδόκησας , ἵνα σου τό πλάσμα δεινῆς , ἐκ δουλείας ῥύσῃ τοῦ ἀλάστορος , διό ὑμνῶ σου τήν ἄκραν , Λόγε συγκατάβασιν .

Τῆς πλευρᾶς λογχευθείσης σου πλαστουργέ , τοῦ τήν Μήτραν ἀλόχευτον τήν ἐμήν , τηρήσαντος τῷ τόκῳ Σου , καί λογχεύσαντος τύραννον , ἀναπλάττεις Εὔαν , τήν θείαν ἀνάπλασιν , πλαστουργηθείς τῇ φύσει , Ἀδάμ πρώτου δεύτερος · ὅθεν ἀφυπνώσας , τόν φυσίζωον ὕπνον , ζωήν πᾶσι δέδωκας · ὡς ἐξ ᾿ ὕπνου γάρ ἤγειρας , πάντας Λόγε ὑπνώσει Σου · Ἐμοῦ δέ τήν καρδίαν δεινῶς , κατελόγχευσας Λόγε , τῷ πάθει σου , καί τῇ σῇ ἀφυπνώσει , ζωῆς με ἐστέρησας .

Τόν Ἀμνόν καί Ποιμένα καί Λυτρωτήν , ἡ Ἀμνάς θεωροῦσα ἐν τῷ Σταυρῷ , ὠλόλυζε δακρύουσα , καί πικρῶς ἐκβοῶσα · ὁ μέν κόσμος ἀγάλλεται δεχόμενος τήν λύτρωσιν · τά δέ σπλάγχνα Μου φλέγονται ὁρώσης σου τήν σταύρωσιν · ἥνπερ ὑπομένεις διά σπλάγχνα ἐλέους , μακρόθυμε Κλυριε , τοῦ ἐλέους ἡ ἄβυσσος , καί πηγή ἀγαθότητος · σπλαγχνίσθητι καί δώρησαι οὖν τῶν πταισμάτων ἄφεσιν τοῖς δούλοις Σου , τοῖς ἀνυμνοῦσι σου πίστει , τά θεῖα παθήματα .

Οἱ Μάρτυρες σου

Ἡ Δάμαλις ἡ Ἄσπιλος , τόν Μόσχον βλέπουσα ἐπί τοῦ ξύλου , προσαναρτώμενον ὑπό ἀνόμων , ὀδυρομένη γοερῶς · οἴμοι !!! ἀνεβόα ποθεινότατον τέκνον , τί σοι δῆμος ἀνταπέδωκεν ἀχάριστος Ἑβραίων , θέλων με ἀτεκνῶσαι , ἐκ Σοῦ παμφίλτατε ;

Τί ὑμᾶς καλέσωμεν Ἄγιοι

Ἄρνα ἡ Ἀμνάς ὡς ἑώρακεν , ἐπί ξύλου ἠπλωμένον ἑκουσίως σταυρικοῦ , ἀνεβόα Μητρικῶς , ὀδυρομένη ἐν κλαυθμῷ · Υἱέ Μου , τί τό ξένον τοῦτο θέαμα !!! ὁ πᾶσι τήν ζωήν νέμων ὡς Κύριος , πῶς θανατοῦσαι μακρόθυμε , βροτοῖς παρέχων ἀνάστασιν ; δοξάζω σου τήν πολλήν Θεέ Μου συγκατάβασιν .

Ὤ !!! τοῦ παραδόξου θαύματος

Τί τό ὀρώμενον θέαμα , ὅ τοῖς ἐμοῖς ὀφθαλμοῖς , καθορᾶται , ὦ Δέσποτα ; ὁ συνέχων ἅπασαν , κτίσιν ξύλῳ ἀνήρτησαι , καί θανατοῦσαι ὁ πᾶσι νέμων ζωήν ; ἡ ΘΕΟΤΟΚΟΣ , κλαίουσα ἔλεγεν , ὅτε ἑώρακεν , ἐν Σταυρῷ κρεμάμενον , τόν ἐξ ᾿ Ἑαυτῆς , ἀῤῥήτως ἐκλάμψαντα , Θεόν καί ἄνθρωπον .

,,,,,,,,,,,,,,,,,,,,,,,,,,,,,,,,,,,Κανόνων ,,,,,,,,,,,,,,,,,,,,,,,,,,,,,,,,,,,,,,,,,,,,,,,,

.........................................ἦχος α ΄...........................................

Ἐκ Σοῦ ἀνατέταλκεν ὁ φωτοδότης , φωτίζων τά πέρατα , Ἰησοῦς ὁ Κύριος ΑΧΡΑΝΤΕ ΔΕΣΠΟΙΝΑ , δι ᾿ οὗ οἱ ἐν σκότει καί σκιᾷ , φῶς ἐθεάσαντο .

Ἔλλαμψεν φῶς , ὁ Χριστός ἀνέσπερον , ἐκ τῆς Σῆς νηδύος προελθών , καί τόν κόσμον , ἔσωσε πρίν , ὁ ὑπερυψούμενος · ὅνπερ καθικέτευε , ΘΕΟΓΕΝΝΗΤΟΡ φωτίσαι μου , τῆς σκοτισθείσης καρδίας , τά νοούμενα ὄμματα .

Θύρα θεϊκῆς ἀκτῖνος Σύ ΔΕΣΠΟΙΝΑ , πηγή τε φωτός ἀδύτου γέγονας , τό γάρ πλήρωμα τῆς θεότητος , ἅπαν ἐσκήνωσεν ἀποῤῥήτως ἐν Μήτρᾳ Σου ΠΑΝΑΜΩΜΕ , οὗπερ φυσικήν ἐνέργειαν καί τήν αἴγλην βραβεύεις τοῖς χρῄζουσιν .

Ἰδεῖν οἱ ποθοῦντες τάς αὐυγάς , τῆς χάριτος τοῦ Πνεύματος , καί τήν ἀνέσπερον θείαν ἔλλαμψιν πηγῇ προσδράμωμεν τῇ τῆς χάιτος , τῇ Μητρί τοῦ κτίσαντος , ἐν αὐτῇ γάρ ἅπαντα τοῖς πιστοῖς , χορηγεῖται τά βἐλτιστα .

Καθαρωτάτην Μόνην Σε εὑρών ΠΑΝΑΜΩΜΕ , Λόγος καθαρώτατος Θεοῦ Σοῦ ἐκ γαστρός ἀποτεχθείς , πιστούς καθαίρει , μολυσμοῦ ΘΕΟΝΥΜΦΕ , προσγενομένου ἡμῖν ἐξ ᾿ ἀκρασίας κακῶν .

Λόγον ἐνυπόστατον ΠΑΡΘΕΝΕ γεννήσασα Θεοῦ , καί φῶς ἀληθινόν ,τούς ὀφθαλμούς μου τῆς ψυχῆς , διάνοιξον δέομαι , καί τῆς ἐκεῖθεν αἴγλης , μέτοχον ποίησον · Σύ γάρ μεσῖτις αὐτοῦ τε καί πρύττανις .

Ὅλη ΚΟΡΗ , ὅλη εἶ καλή , ὅλη φωτοειδής τε , φωσφόρος καί θεοφόρος , ὅλη Μόνη καί λαμπρά · διό μου τά ὄμματα τῆς καρδίας φώτισον , πνέοντος ΔΕΣΠΟΙΝΑ , τήν δόξαν Σου , καί τετρωμένου , τῷ πρός ΕΚΕΙΝΗΝ πόθῳ.

Ὄλη ΚΟΡΗ φωτισμός Σύ ὑπάρχεις καί ἔλλαμψις , τοῦ ἀδύτου φωτισμοῦ , χρηματίσασα τέμενος , διά τοῦτο δέομαι , φωτί τῷ Σῷ ΘΕΟΓΕΝΝΗΤΟΡ , ψυχῆς τάς κόρας μου φώτισον .

Σαρκούμενον τόν Λόγον , οὐσίαις ἐν δυσί , ΚΟΡΗ καί θελήμασιν , ἐκύησας ΑΓΝΗ , τόν τάς εἰσόδους , γνωρίσαντα παραδόξως , τῆς σωτηρίας , τοῖς τῇ πλάνῃ δουλωθεῖσιν , ἌΧΡΑΝΤΕ ΠΑΡΘΕΝΕ ΠΑΝΥΜΝΗΤΕ .

Σέ τήν Νεφέλην τήν ὁλόφωτον , καί Θεοῦ τήν Στάμνον τήν πάγχρυσον , καί πλατυτέραν οὐρανῶν , καί μετάρσιον Κλίμακα , ἈΠΕΙΡΟΓΑΝΕ ΠΑΡΘΕΝΕ , οἱ πιστοί μακαρίζομεν .

Σύ μου τῆς ὠδῆς ΠΑΝΥΜΝΗΤΕ , καί κορωνίς χρυσῆ καί θεῖον συμπέρασμα · ἥνπερ τῆς φυγῆς , ἐπανελθών νῦν ἀνέθηκα , τῷ Υἱῶ Σου ΣΕΜΝΗ , εὐχαριστήριον , τόν ὕμνον Σοι συνάγων , ὡς τῶν καλῶν αἰτίαν ΠΑΝΑΓΝΕ .

Συμπνιγέντα προσβολαῖς τῶν ἀκάρπων λογισμῶν , ἐπανήγαγε πρός Φῶς , σωτηρίας καί ζωῆς , ΠΑΝΑΜΩΜΕ , ἡ τόν Σωτῆρα Χριστόν κυήσασα .

Τήν ζωοδόχον Πηγήν τήν ἀέναον , τήν φωτοφόρον Λυχνίαν τήν πάγχρυσον , τήν Σκηνήν τήν ἔμψυχον , τοῦ οὐρανοῦ καί γῆς τήν Πλατυτέραν , τήν ΘΕΟΤΟΚΟΝ , ἐν ὕμνοις τιμήσωμεν .

Φεῖσαι ἡμῶν τῶν ὑμνούντων σου Κύριε , τήν ἐκ ΠΑΡΘΕΝΟΥ ἀνέκφραστον γέννησιν , πειρασμῶν ῥυόμενος , καί παθῶν καί θλίψεων , ταῖς ἱκεσίαις Αὐτῆς , τούς Σούς οἰκέτας , ὡς εὐεργέτης , καί μόνος φιλάνθρωπος .

Φῶς τό τριλαμπές θεουργικῶς , ἐν τῇ γαστρί Σου χωρήσασα ΔΕΣΠΟΙΝΑ , τάς καρδίας φώτισον , ὡς ΑΓΑΘΗ , τῶν εὐσεβῶς ὑμνούντων Σε , φῶς γάρ Σύ δόξα , καί σωτηρία αἰώνιος .

Ὡς ὄμβρος ἐν Μήτρᾳ Σου , κατῆλθεν ὁ Χριστός , καί πᾶσαν κατήρδευσε τήν κτίσιν ἀληθῶς , ξηράνας ΠΑΡΘΕΝΕ , θολερούς ποταμούς , εἰδωλομανίας , ὁ μόνος εὐεργέτης .

Ὡς ὄμβρος ἐν τῇ Μήτρᾳ Σου , κατῆλθεν ὁ Χριστός ΑΧΡΑΝΤΕ , καί ὄμβρους ἐξήρανε πολυθεΐας , καί ἐπήγασε θεογνωσίας ὕδωρ , τοῖς ἐν φλογμῷ ἀπάτης .

..........................................ἦχος β ΄..........................................

Ἀθανασίας διαυγῆ , ἐπιστάμεθα ΠηγήνΣε ΘΕΟΤΟΚΕ · ὡς τεκοῦσα τόν Λόγον τοῦ Ἀθανάτου Πατρός , τόν πάντας θανάτου λυτρούμενον , τούς ὑπερυψοῦντας Σε ΑΓΝΗ εἰς πάντας τούς αἰπῶνας .

Ἀνάρχου Γεννήτορος , Υἱός Θεός καί Κύριος , σαρκωθείς ἐκ ΠΑΡΘΕΝΟΥ , ἡμῖν ἐπέφανε , τά ἐσκοτισμένα φωτίσαι , συναγαγεῖν τά ἐσκορπισμένα , διό τήν ΠΑΝΥΜΝΗΤΟΝ ,ΘΕΟΤΟΚΟΝ μεγαλύνομεν .

ΑΠΕΙΡΟΓΑΜΕ ΔΕΣΠΟΙΝΑ ΑΓΝΗ , ἡ τόν Θεόν ἀφράστως συλλαβοῦσαν , πειρασμῶν καί θλίψεων , πάντας λύτρωσαι .

Βασιλέα κυήσασα Κύριον , οἶα περ Βασίλισσα ΘΕΟΧΑΡΙΤΩΤΕ , τούς ἐπί Σοί προστρέχοντας , οὐρανῶν βασιλείας ἀξίωσον .

Βάτον Σε ἐν τῷ Σιναίῳ , ἀφλέκτως προσομιλοῦσα , τῷ πυρί προγράφει Μητέρα τήν ΑΕΙΠΑΡΘΕΝΟΝ , ἈΝΥΜΦΕΥΤΕ , ΘΕΟΤΟΚΕ ΜΑΡΙΑ .

Δυσωποῦμεν Σε ἌΧΡΑΝΤΕ , τήν τόν Θεόν ἀσπόρως συλλαβοῦσαν , τοῦ ἀεί πρεσβεύειν , ὑπέρ τῶν δούλων Σου .

Ἐκλεκτή τῷ Θεῷ ἐχρημάτισας , ὡς ὡραιοτάτῃ χωρίον εὑρύχωρον , τούτυ ΠΑΡΘΕΝΕ γέγονας , καί Παστάς καί Λυχνία καί Τράπεζα .

Ἔλυσας ἌΧΡΑΝΤΕ , τῶνπροπατόρων τήν ἀράν τέξασα , ἄνευ σαρκός ΑΓΝΗ θελημάτων , τόν πάντα τῷ αὐτοῦ θελήματι , θείῳ σαφῶς οὐσιώσαντα .

Εὐλογίαις ΠΑΝΑΓΝΕ ΣΕΜΝΗ , φύσιν τήν ἐπάρατον , παρακοῇ γενομένην τοῦ Κτίσαντος , τόν Χριστόν γεννήσασα ἐστεφάνωσας καί φθορᾶς ἠλευθέρωσας , ὅθεν γεγηθότες , πάντες οἱ πιστοί Σέ μακαρίζομεν .

Εὑρών Σε τῶν Ἀγγέλων καθαρωτέρα , ὑπέδυ τήν γαστέρα Σου τήν Τιμίαν , ὁ φῶς οἰκῶν ἀπρόσιτον ΘΕΟΤΟΚΕ · καί ὤφθη ἄνθρωπος ἐκ Σοῦ σαρκούμενος , ἐν δυσί ταῖς φύσεσιν ΑΓΝΗ γνωριζόμενος .

Ἐφάνης καθαρότητι , ὡσεί κρίνον ΔΕΣΠΟΙΝΑ , τῶν ἀκανθῶν ἐκλάμψασα λαμπηδόσι τῆς ΠΑΡΘΕΝΙΑΣ Σου , ἐν μέσῳ ΑΓΝΗ ΘΕΟΤΟΚΕ Πανσεβάσμιε .

Ζῶσα ὑπάρχουσα πηγή , ὡς τό ὕδωρ τῆς ζωῆς ἀποτεκοῦσα , τήν ψυχήν μου τακεῖσαν , τῆς ἁμαρτίας τῷ φλογμῷ ΠΑΡΘΕΝΕ ΠΑΝΑΓΙΑ πότισον , ἵνα Σέ δοξάζω εἰς πάντας τούς αἰῶνας .

Ἡ τόν πρό ἡλίου φωστῆρα , τόν Θεόν ἐξανατείλαντα · σωματικῶς ἡμῖν ἐπιδημήσαντα · ἐκ λαγόνων παρθενικῶν , ἀφράστως σωματώσασα , Εὐλογημένη ΠΑΝΑΓΝΕ , Σέ ΘΕΟΤΟΚΕ μεγαλύνομεν .

Θαυμάτων ὑπέροχον πέφυκε, τό ἐν Σοί γενόμενον θαῦμα · νομίμων γάρ ἄνευθεν , τῆς φύσεως τόν νομοδότην Χριστόν , ἀποτίκτεις , τήν παράβασιν τῶν προπατόρων , λύοντα ΠΑΝΑΜΩΜΕ .

Ἰδού ἐν γαστρί ΘΕΟΤΟΚΕ ΠΑΝΑΓΝΕ , Χριστόν τόν Θεόν , ὑπέρ Λόγον ἔσχηκας , ὥσπερ Ἡσαΐας προηγόρευσεν , ὑπέρ φύσιν τε τοῦτον , ΘΕΟΓΕΝΝΗΤΟΡ τέτοκας .

Ἰθύνουσα ΠΑΝΑΓΝΕ τόν ἐμόν βίον , πρός τόν Σόν πανεύδιον λιμένα καθοδήγησον , Θεόν ἡκυήσασα τῶν ἀγαθῶν τήν πηγήν , τόν πᾶσι παρέχοντα πιστοῖς , τήν ἀφθονίαν τῆς ἀγαθότητος .

Κυριώνυμε ΚΟΡΗ ΠΑΝΑΜΩΜΕ , τόν ἀγαθοδότην Θεόν ἡ κυήσασα , τούς Σέ ἀνυμνοῦντας πάντοτε πειρασμῶν πολυτρόπων διάσωσον .

Λόγῳ ΣΕΜΝΗ , Λόγον ἐν Μήτρᾳ συνέλαβες , τόν διά λόγου ἅπαντα δημιουργήσαντα , διά τοῦτο λόγοις Σε , ἐνθέοις ἀνυμνοῦμεν , ΘΕΟΧΑΡΙΤΩΤΕ .

Λῦσον μου τάς σειράς τῶν πταισμάτων , τῇ μεσιτείᾳ Σου ΑΓΝΗ , καί τῇ ἀγαπῃ , τελείως τοῦ ἀγαθοῦ Υἱοῦ Σου , πρόσδησον , μακρυνόμενον καθ ᾿ ἑκάστην ἐξ ᾿ αὐτοῦ , ἡδονῶν ἀτόπων .

Μήτηρ καί Δούλη Χριστοῦ , τοῦ σαρκθέντος δι ᾿ ἡμᾶς γέγονας · ὅν ἐκτενῶς πάντοτε δυσώπει , τοῦ σῴζεσθαι ἡμᾶς , τούς Σέ ΘΕΟΤΟΚΟΝ ΑΓΝΗΝ ὀνομάζοντας .

Μήτραν τήν Σήν , ὁ πανάγαθος Λόγος οἰκήσας ἌΧΡΑΝΤΕ ὑπερφυῶς , Θεοῦ Πατρός ἡμᾶς ἀνέπλασεν , καί ζωῆς ἠξίωσεν , τῆς ἐν Ἐδέμ · διό ΘΕΟΤΟΚΟΝ Σε πάντες πιστοί ,προσκυνοῦντες ἀναμέλψωμεν · Εὐλογημένη εἶ , τόν Χριστόν , σαρκί κυήσασα .

Μόνη Εὐλογημένη , τό καθαρόν καί θεῖον , τῆς Ἁγνείας κειμήλιον , τῆς ἀκαθάρτου τῶν παθῶν , κάθαρον ἱλύος με , αἰτοῦσα ΑΓΝΗ συγχώρησιν τῶν πταισμάτων μου .

Μόνη Θεόν , πᾶσι τόν ὄντα ἀχώριτον Σοί χωρητόν γενόμενον , δι ᾿ ἀγαθότητα ἀπεκύησας , ΚΟΡΗ · ὅν αἴτησαι σωθῆναι , τούς ἀνυμνοῦντας Σε .

Νεἀνιδες καί παρθένοι ὁπίσω Σου ἔδραμον , ΠΑΡΘΕΝΟΝ Νεάνιδα , Σέ καί Μητέρα θεώμεναι · Μόνη γάρ ἀμφότερα , εἰς ἕν συνῆψας , ἀφράστως ΘΕΟΝΥΜΦΕΥΤΕ .

Νεκροῦται τό πρίν , ὁ Ἀδάμ φθοροποιῷ βρώσει ΠΑΝΑΜΩΜΕ · Σύ δέ τεκοῦσα τήν ζωήν ἡμῶν , τοῦτον ΠΑΡΘΕΝΕ ἐζώωσας · ὅθεν ὡς καλῶν Σε αἰτίαν , ἀνυμνοῦντες κραυγάζομεν · Εὐλογημένη , ἡ Θεόν σαρκί κυήσασα .

Νεκρώσεως τόν καρπόν μοι ἡ Εὔα προσήνεγκε · ζωήν δέ γεννήσασα τήν ἐνυπόστατον ΠΑΝΑΓΝΕ , αὖθις με ἀνώρθωσας , διό κραυγάζω Σοι · χαῖρε ΑΠΕΙΡΟΓΑΜΕ ΔΕΣΠΟΙΝΑ .

Νοήσαντες πόῤῥωθεν προφητικοῖς ἐν ὄμμασι , οἱ Προφῆται Σε πάντες προανεφώνησαν , μέλλουσαν φανεῖσαν Μητέρα τοῦ παντουργοῦ , καί πάντων Δεσπότου · διό Σε ΠΑΝΥΜΝΗΤΕ , ΘΕΟΤΟΚΟΝ καταγγέλομεν .

Νοητόν Σε παλάτιον , καί ὑψηλόν , τοῦ Βασιλέως Θρόνον , ΘΕΟΤΟΚΕ ΔΕΣΠΟΙΝΑ ὀνομάζομεν .

Νοῦς ὁ ἀπαθής ἐν Μήτρᾳ Σου ἑνοῦται , τῷ ἀνθρωπίνῳ νοΐ ΠΑΝΑΓΝΕ , σαρκός τε παχύτητι , ὑπό χρόνον τε γενόμενος , αἰώνων ὁ ὑπέρτερος , ὅθεν Σε ΘΕΟΤΟΚΟΝ , πίστει καί πόθῳ δοξάζομεν .

Ὁ βουλήσει τό πᾶν συστησάμενος , Μήτραν βουληθείς ΑΓΝΗ Ἀπειρόγαμον ὤκησε , τούς τῇ φθορᾷ νοσήσαντας , ἀξιῶν ἀφθαρσίας , ὡς εὔσπλαγχνος .

Ὁ ἐν Μήτρᾳ οἰκήσας , καί τεχθείς ἐκ ΠΑΡΘΕΝΟΥ , ὁ τόν ἅδην σκυλεύσας , καί τά .εθνη φωτίσας , εὐλογητός, ὁ ΠΑΡΘΕΝΟΝ ΑΓΝΗΝ ἀναδείξας τήν Τεκοῦσαν .

Ὁ κατέχων τόν γῦρον τῆς γῆς ὡς Θεός , ἐν ταῖς Σαῖς ἀγκάλαις ΑΓΝΗ περιέχεται , περιγραφῇ τοῦ σώματος , ὁ τῆ θείᾳ μορφῇ ἀπερίγραπτος .

Ὁ μόνος Θεός , Μόνην εὗρεν καθαράν , τήν Σήν γαστέρα , καί σωμαοῦται και γνωρίζεται , ἄνθρωπος , σῴζων τόν ἄνθρωπον · ὅθεν Σε τῶν καλῶν ὡς αἰτίαν ἐπιστάμενοι ψάλλομεν · Εὐλογημένη ἡ Θεόν σαρκί κυήσασα .

Ὁ μόνος καθαρός ὁ μόνος Κύριος , Σέ Μόνην ὡς ἔγνων καθαρωτέραν , πάσης κτίσεως ΠΑΝΑΜΩΜΕ , ἐξ ᾿ Ἁγνῶν Σου Αἱμάτων σεσωμάτωται .

Ὅν ἔτεκες ΔΕΣΠΟΙΝΑ ἀεί δυσώπει , δουλείας ῥυσθῆναι με παθῶν , καί κατακρίσεως , καί τῆς κατχούσης με δεινῆς πωρώσεως , καί τῆς τῶν θλιβόντων με ἀεί , ἐπικρατείας ΘΕΟΧΑΡΙΤΩΤΕ .

Ὁ τοῦ Ἀδάμ Δημιουργός , ἐξ Αἱμάτων Σου Ἁγνῶν δημιουργεῖται , καί γαλακτοτροφεῖται , ὁ διατρέφων πνοήν , ΠΑΡΘΕΝΕ ΘΕΟΤΟΚΕ ἅπασαν , · ὅθεν ὡς Θεοῦ Σε δοξάζομεν Μητέρα .

Ὁ ὑπερούσιοςΘεός , οὐσιώθη καθ ᾿ ἡμᾶς , ἐκ Σοῦ ΠΑΡΘΕΝΕ , καί ὡραθη ὡς Βρέφος , ὁ πρό αἰώνων Πατρί , καί θείῳ συνυπάρχων Πνεύματι , ὅθεν ὡς αὐτοῦ Σε δοξάζομεν Μητέρα .

Ὁ φέρων θείῳ νεύματι , πᾶσαν κτίσιν Κύριος , ἐν ταῖς χερσί βαστάζεται , Σοῦ ΠΑΡΘΕΝΕ , ὅν νῦν δυσώπησον , Ῥυσθῆναι ἐκ κινδύνων τάς ψυχάς ἡμῶν .

ΠΑΝΥΜΝΗΤΕ στρατηγίαις τῶν ἄνω ὑμνούμενον , Θεόν ἀπεκύησας , ἄνθρωπον ὄντως γενόμενον , ὅν ὑπέρ τῶν δούλων Σου , ἐκδυσωποῦσα μή παύσῃ ΑΕΙΠΑΡΘΕΝΕ .

ΠΑΡΘΕΝΕ ΣΕΜΝΗ , ΑΠΕΙΡΟΓΑΜΕ ΕΥΛΟΓΗΜΕΝΗ ΑΓΝΗ , καταπιπτόντων ἐπανόρθωσις , ἁμαρτανόντων ἡ λύτρωσις , σῶσον με τόν ἄσωτον , σῶσον κράζοντα · Εὐλογημένη ἡ σαρκί Θεόν κυήσασα .

Ῥήσεις Προφητῶν , καί αἰνίγματα πάντων δεξαμένη , καί τῶν προφητῶν αἱ προαγορεύσεις , Σέ προετύπουν , προφανῶς ἐπ ᾿ ἐσχάτων , Θεοῦ γεννήτριαν · ἄλλην γάρ ἐκτός Σου , ΑΓΝΗΝ οὐ γινώσκομεν .

Ῥομφαία τό πρίν , ἡ τοῦ ξύλου τῆς ζωῆς , ἡμᾶς χωρίσασα , νῦν στρεφομένη ὑποδέχεται , τούς σημανθέντας τῷ Αἵματι , τῷ ἐκ τῆς πλευρᾶς τοῦ Υἱοῦ Σου , προελθόντι ΠΑΝΑΜΩΜΕ , Εὐλογημένη ἡ Θεόν σαρκί κυήσασα .

Ῥύμην ΑΓΝΗ , τήν τοῦ θανάτου ἀνέστειλας , ἀθανασίας πρόξενον , Χριστόν κυήσασα · ὅν ὁ ἃδης θανέντα βουλήσει ἑκουσίᾳ , ἰδών ἐτρόμαξεν .

Ῥῦσαι πάσης κακώσεως , τοῦ δυσμενοῦς ΠΑΡΘΕΝΕ , τούς εἰδότας ἀληθῶς Θεοῦ Σε Μητέρα ΠΑΝΑΓΝΕ .

Σέ ὁ Δαυίδ , προδιέγραψεν Ὄρος τετυρωμένον , Ὄρος τοῦ Θεοῦ ἡμῶν , Ὄρος πῖον · ἐ Σοί γάρ ΚΟΡΗ , ἐγνωρίσθησαν τούτου αἱ πορεῖαι , σάρκα πτωχεύσαντος , καί πρός τό ἀρχαῖον ἡμᾶς ΑΓΝΗ ἐπανάξαντος .

Σοί τῇ Τεκούσῃ Χριστόν , τόν τοῦ παντός Δημιουργόν , κράζομεν · χαῖρε ΑΓΝΗ · χαῖρε ἡ τό φῶς ἀνατείλασα ἡμῖν · χαῖρε ἡ χωρήσασα , Θεόν τόν ἀχώρητον .

Σοφίαν τοῦ Θεοῦ τήν ἐνυπόστατον , τεκοῦσα ΠΑΡΘΕΝΕ , τοῦ σοφιστοῦ με , τῆς κακίας ἐλευθέρωσον , μεσιτείᾳ Σου Μόνη ΠΑΝΥΜΝΗΤΕ .

Σύ Μόνη παρά πάντας τούς ἀπ ᾿ αἰῶνος μεγάλων ἠξιώθης και ὑπέρ φύσιν · Θεόν γάρ τόν ἀχώρητον πάσῃ τῇ κτίσει , ἐν Μήτρᾳ ἤνεγκας , καί ἐσωμάτωσας · ὅθεν ΘΕΟΤΟΚΟΝ Σε πίστει σέβομεν .

Συμπαθείας τῆς Σῆς με ἀξίωσον , ἡ τόν συμπαθέστατον Λόγον κυήσασα , τόν τῷ οἰκείῳ Αἵματι , ἐκ φθορᾶς τούς ἀνθρώπους ῥυσάμενον .

Τήν πληγωθεῖσαν μου , ταῖς προσβολαῖς τοῦ δυσμενοῦς ἌΧΡΑΝΤΕ , ὡς συμπαθής ἴασαι καρδίαν , ἡ τόν ἐπί Σταυροῦ , σαρκί προσηλωθέντα ἀῥῥήτως κυήσασα .

Τήν τῆς ἀποτόμου ἀρχαίας , ἀναιρέτιν αποφάσεως , καί τῆς προμήτορος τήν ἐπανόρθωσιν , τήν τοῦ γένους ,τῆς πρός Θεόν αἰτίαν οικειώσεως , τήν πρός τόν κτίστην γέφυραν , Σέ ΘΕΟΤΟΚΕ μεγαλύνομεν .

Τίς ἐξειπεῖν Σοῦ κατ ᾿ ἀξίαν δυνήσεται , τήν ὑπέρ λόγον σύλληψιν ; Θεόν γάρ τέτοκας ἐν σαρκί ΠΑΝΑΓΙΑ , ἡμῖν ἐπιφανέντα Σωτῆρα πάντων ἡμῶν .

Τόν ἐκ Θεοῦ Θεόν Λόγον , τόν ἀῤῥήτῳ σοφίᾳ , ἥκοντα καινουργῆσαι τόν Ἀδάμ , βρώσει φθορᾷ πεπτωκότα δεινῶς , ἐξ ᾿ Ἁγίας ΠΑΡΘΕΝΟΥ ἀφράστωςσαρκωθέντα δι ᾿ ἡμᾶς , οἱ πιστοί ὁμοφρόνως , ἐν ὕμνοις μεγαλύνομεν .

Τόν ἐκ Πατρός Μονογενῆ , γεεννηθέντα θεϊκῶς , πρό τῶν αἰώνων , ἐπ ᾿ ἐσχάτων τεχθέντα ἐκ τῆς ΠΑΡΘΕΝΟΥ σαρκί , ὑμνοῦμεν ὅς τήν Τεκοῦσαν ἀναδείξας ΠΑΡΘΕΝΟΝ μετά τόκον .

Τούς εἰς Σέ καταφεύγοντας ἀπό πάσης δεόμεθα ῥῦσαι ἀπειλῆς , ἡ τεκοῦσα Χριστόν τόν Θεόν ἡμῶν .

Τῶν κτισμάτων Σύ ὡς ἀληθῶς , Ὑπερτέρα πέφηνας , τῶν ὀρατῶν καί ἀοράτων ΠΑΝΑΓΝΕ · τόν γάρ Κτίστην τέτοκας , ὡς ηὐδόκησε , σαρκωθῆναι ἐν Μήτρᾳ Σου , ᾧ σύν παῥῤησίᾳ πρέσβευε , σωθῆναι τάς ψυχάς ἡμῶν .

Ὑπάρχουσα Ἀγγέλων τιμιωτέρα , τόν Κτίστην τῶν Ἀγγέλων τῇ Σῇ νηδΰι , ἐβάστασας καί τέτοκας ΘΕΟΜΗΤΟΡ , βροτῶν εἰς λύτρωσιν , τῶν μελωδούντων Σοι · ὡς οὐκ ἔστιν ἌΧΡΑΝΤΟΣ πλήν Σου ΔΕΣΠΟΙΝΑ .

Ὑπεραστράπτουσα πᾶσι , τῶν θαυμάτων τῇ αἴγλῃ , τῶν Σῶν ΘΕΟΧΑΡΙΤΩΤΕ ΑΓΝΗ , τήν τῶν παθῶν καί τῶν θλίψεων , ἀπελαύνεις ὁμίχλην , καί φῶς τῆς εὐφροσύνης νοητῶς , ἐφαπλοῖς , τοῖς Μητέρα Θεοῦ Σε μεγαλύνουσιν .

Ὑπέρ ἡμῶν , τόν ἐκ Σοῦ σαρκωθέντα , ΠΑΡΘΕΝΟΜΗΤΟΡ , πάντοτε δυσώπει τῶν Σέ ὑμνούντων , τοῦ λυτρωθῆναι ἐκ παθῶν , καί κινδύνων ψυχοφθόρων , κακῶν καί θλίψεων , καί αἰωνιζούσης φλογός καί κολάσεως .

Ὑπερύμνητον , Θεόν ἀῤῥήτως τέτοκας , σάρκα ἐκ Σοῦ φορέσαντα , δι ᾿ ἀγαθότητα , ὙΠΕΡΥΜΝΗΤΕ ΑΓΝΗ , ὅθεν ἐν φωναῖς εὐχαριστηρίοις ὑμνολγοῦμεν Σε , καί μακαρίζομεν , ὡς πάλαι προεφήτευσας .

Ὑπέρ φύσιν ΠΑΡΘΕΝΕ ἐκύησας , καί διαιωνίζεις ΠΑΡΘΕΝΕ ἐμφαίνουσα , τῆς ἀληθοῦς Θεότητος τοῦ Υἱοῦ καί Θοῦ Σου ΠΑΡΘΕΝΕ τά σύμβολα .

Φαεινοτάταις λαμπάσι , τοῦ ἐκ Σοῦ σαρκωθέντος , ΠΑΡΘΕΝΕ ΠΑΝΑΓΙΑ ὐπέρ νοῦν , οἱ ΘΕΟΤΟΚΟΝ εἰδότες Σε , φωτιζόμεθα πίστει , καί σκότους ἐκλυτρούμεθα παθῶν , καί παντοίων κινδύνων , καί πάσης περιστάσεως .

Φεῖσαι μου Κύριε , φεῖσαι , ὅταν μέλλῃς με κρῖναι , καί μή καταδικάσης με εἰς πῦρ , μή τῷ θυμῷ σου ἐλέξγη με · δυσωπεῖ σε ΠΑΡΘΕΝΟΣ , ἡ Σέ κυοφορήσασα Χριστέ , τῶν Ἀγγέλων τά πλήθη , καί τῶν ὁσίων τάγματα .

Φεῖσαι μου ὁ μέλλων ἐν δόξῃ πάλιν ἔρχεσθαι Θεότητος , κρῖναι τήν οἰκουμένην παντοδύναμε , ἱκεσίαις τῆς ἈΠΕΙΡΑΝΔΡΟΥ , Δέσποτα τεκούσης σε · καί μή εἰς πῦρ ἐκπέμψῃς με , ἀμέτροις κατηγνωσμένον ἁμαρτήμασιν .

Φωτός ἐνδιαίτημα , τοῦ πάντας καταυγάσαντος , καί Σκηνή καθωράθης ΘΕΟΧΑΡΙΤΩΤΕ · Γέφυρα καί Κλῖμαξ πρός ὕψος τούς γηενεῖς ἀνάγουσα ΚΟΡΗ · διό Σε γεραίρομεν · καί πιστῶς Σέ μακαρίζομεν .

Φωτιστικήν Σε Λυχνίαν , προεώρα προφήτης , τό φῶς τό ἀνατείλαν ἐκ φωτός , ΠΑΡΘΕΝΟΜΗΤΟΡ βαστάζουσαν , τό φωτίσαν πλουσίως ,τά πρίν ἐσκοτισμένα ταῖς αὐγαῖς , τῆς αὐτοῦ ἀνεκφράστου ΠΑΝΑΜΩΜΕ θεότητος .

Χρυσοῦν ὡς ἀληθῶς θυμιατήριον , καί στάμνον τοῦ μάννα καί θεῖον Ὄρος , καί Παλάτιον τερπνόατον , τοῦ Θεοῦ Σε ΠΑΡΘΕΝΕ ὀνομάζομεν .

Ὡραίαν Σε κάλλει , ὁ Ποιητής εὑράμενος , ἐν Σοί ἐσκήνωσεν , καί ὡραῖος ὑπέρ ἅπαντας , υἱούς τῶν γηγενῶν , ὤφθη ΑΓΝΗ σωματούμενος , ΠΑΝΑΓΙΑ ΠΑΡΘΕΝΕ ΠΑΝΥΜΝΗΤΕ .

Ὡς κατάκαρπος ἄμπελος , βότρυν ΑΓΝΗ , τῆς σωτηρίας οἶνον , πᾶσιν ἀναβλύζειν ἐκυοφόρησας .

Ὡς Παστάδα ἔμψυχον Θεοῦ , καί θυμιατήριον , τοῦ νοητοῦ καί φωτοφόρου ἄνθρακος , τήν ΑΕΙΜΑΚΑΡΙΣΤΟΝ , ἀνυμνήσωμεν ΘΕΟΤΟΚΟΝ κραυγάζοντες · χαῖρε ἡ αἰτία τῆς σωτηριώδους ἀναπλάσεως .

Ὡς πόκος ΠΑΝΑΜΩΜΕ , τόν ὄμβρον τόν οὐράνιον , ἐν γαστρί συλλαβοῦσα ἡμῖν ἐκτέτοκας , τόν τήν ἀμβροσίαν διδοῦντα , τοῖς ὡςψΘεόν αὐτόνψἀνυμνοῦσιν , καί Σέ τήν ΠΑΝΥΜΝΗΤΟΝ , ΘΕΟΤΟΚΟΝ καταγγέλουσιν .

Ὡς τόν παναίτιον Θεόν , ὑπέρ πᾶσαν ἀληθῶς ΑΓΝΗ αἰτίαν , ἐν γαστρί συλλαβοῦσα , καί δι ᾿ ἡμᾶς καθ ᾿ ἡμᾶς , ὀφθέντα τεκοῦσα ΠΑΝΑΜΩΜΕ · τοῦτον ἐκδυσώπει , ὑπέρ τῶν Σέ ἀνυμνούντων .

...........................................ἦχος δ ΄.........................................

Ἄγγελοι εἶδον , ΘΕΟΓΕΝΝΗΤΟΡ , ξένα τῷ τόκῳ Σου · φύσιν τήν φθαρτήν τοῦ γένους τοῦ χοϊκοῦ , πρός ἀκήρατον καί ἄφθαρτον , παλινδρομήσασαν κατοικίαν , καί δόξαν οὐράνιον .

Ἁγιάσματός Σε τόπον , τοῦ ἡμᾶς ἁγιάσαντος , ΠΑΝΑΓΙΑ ΚΟΡΗ , Μόνη εὑρεθεῖσα δοξάζομεν , δι ᾿ οὗ οἱ γῆν κατοικοῦντες ἐθεώθημεν , καί ζωῆς ἀληθινῆς ἠξιώθημεν .

Ἅγιον τόν Ἁγίων , ἀῤῥήτως ἐκύησας , ΥΠΕΡΑΓΙΑ ΠΑΡΘΕΝΕ , τούς πιστούς ἀεί ἁγιάζοντα , καί μαρτύρων τούς χορούς , τοῖς Ἀγγέλοις συνάπτοντα .

ΑΓΝΗΝ Σε ΠΑΝΑΜΩΜΕ , ὁ Γαβριήλ ὡς ἑώρακεν , τό χαῖρε Σοι ΔΕΣΠΟΙΝΑ , λαμπρῶς ἐβόησεν , ΑΠΕΙΡΟΓΑΜΕ , βροτῶν ἡ σωτηρία , Ἀγγέλων τό καύχημα καί σεμνολόγημα .

Ἁγιωτέραν τῶν Χερουβίμ ἀπειργάσατο ΚΟΡΗ , ὁ Θεός ὁ Ἄγιος ἐμφανῶς , ἁγιάζων τούς κραυγάζοντας · Εὐλογημένη Σύ ἐν γυναιξί , ὑπάρχεις ΠΑΝΑΜΩΜΕ .

Αἱ θεῖαι δωρεαί τοῖς παρθένοις καί μάρτυσι , πηγάζουσιν ἐκ ΠΑΡΘΕΝΟΥ , τοῦ Χριστοῦ γεννηθέντος , τῆς Μόνης ΑΓΝΗΣ ΘΕΟΜΗΤΟΡΟΣ .

Ἀνερμηνεύτου τόκου καί λοχείας Σύ Μόνη Μήτηρ γέγονας , ἐν τῆ νηδύϊ Σου τόν πρό Σοῦ συλλαβοῦσαν Θεόν , καί γαλουχοῦσα ΠΑΡΘΕΝΟΣ , ὡς βρέφος τόν προάναρχον .

Ἀνύμφευτε ΔΕΣΠΟΙΝΑ τῶν προφητῶν πρόῤῥησις , ὄντως ἐπί Σοί πέρας λαμβάνει , καί γάρ συνέλαβες ἐν Μήτρᾳ τῇ Σῇ , τόν Λόγον τόν ἄχρονον Πατρός , ὡς ὁ θεῖος σύλλογος , τουτωνί προεκήρυξεν .

Ἀπειρογάμως ἐκύησας Θεόν Λόγον σωματωθέντα ΠΑΝΑΓΝΕ , ὑπέρ νοῦν τε καί λόγον · ὅθεν κατά χρέος Σε , ΠΑΡΘΕΝΟΝ δοξάζομεν , καί χρεωστικῶς μακαρίζομεν .

Ἀπειρογάμως ἐκύησας , ὦ ΠΑΡΘΕΝΕ !!!! καί μετά τόκον , ὤφθης Παρθενεύουσα πάλιν · ὅθεν ἀσιγήτοις φωναῖς , τό Χαῖρε Σοι ΔΕΣΠΟΙΝΑ , πίστει ἀδιστάκτῳ κραυγάζομεν .

Ἀπεστάλη Γαβριήλ ὁ Ἀρχιστράτηγος , χαράν μηνύων Σοι ΠΑΡΘΕΝΟΜΗΤΟΡ ΑΓΝΗ , δι ᾿ ἧς λύπη πέπαυται , καί ἡ ἀρά ἀληθῶς ἀπεστείρωται , καί εὐλογία ἤνθησε , τοῖς πιστοῖς εἰς τούς αἰῶνας .

Βεβαρυμμένον τῷ ὕπνῳ τῆς ῥαθυμίας , πρός μετανοίας ὄρθρον με , τῇ Σῇ ἀκοιμήτῳ , ΔΕΣΠΟΙΝΑ ἐξέγειρον πρεσβείᾳ Σου , καί σῶσον με , Μόνη τόν Σωτῆρα κυήσασα .

Γεννήτωρ ἐν Παραδείσῳ γέγονεν , φθόνος θανάτου βροτοῖς , ὅν γεννηθείς ΠΑΝΑΧΡΑΝΤΕ ἐκ Σοῦ , ὁ Υἱός τοῦ Θεοῦ καί Πατρός , μετ ᾿ ἤχου ἐξηφάνισεν , ἀθανασίαν δούς τῷ γένει ἡμῶν .

Γῆν Σε ΠΑΡΘΕΝΟΝ , ΠΑΝΑΓΙΑ ΠΑΡΘΕΝΕ γινώσκομεν , ὡς τόν στάχυν τῆς ζωῆς , ἡμῖν ἀσπόρως βλαστήσασαν , δι ᾿ οὗ στηριζόμενοι , Σέ μακαρίζομεν .

Γνωρίζων τό πάλαι κεκρυμμένον , μυστήριον ΚΟΡΗ Σοι ποτέ , ὁ Γαβριήλ ἐκραύγαζεν · χαῖρε Θεοῦ παλάτιον , ἐν ᾧ οἰκήσας ἅπαντας , βροτούς θεώσει ὡς εὐσπλάγχνος .

Διαμένεις ἐκ τόκου ἈΠΕΙΡΟΓΑΜΟΣ , ὡς πρό τοῦ τόκου καί ἀνέπαφος , τό γάρ ἐν Σοί μυστήριον ΘΕΟΝΥΜΦΕ , ὑπέρ ἐννοιαν πᾶσαν , καί πάντα λόγον γνωρίζεται .

Δοχεῖον χωρητικόν γεγένησαι τῆς θείας χάριτος , ΑΧΡΑΝΤΕ ΘΕΟΓΕΝΝΗΤΟΡ · διό Σε Μαρίνα ποθήσασα · παρθενικῶς ὁπίσω Σου , τῷ Σῷ Υἱῷ προσαπενήνεκται .

Ἐκ Σοῦ ἡμῖν ἔλαμψε , δικαιοσύνης ὁ ἥλιος , καί πᾶσαν κατηύγασε θεογνωσίᾳ τήν γῆν , καί διέλυσεν ἀχλύν τῆς ἀθεΐας , ΑΓΝΗ ΠΑΝΑΜΩΜΗΤΕ καί ΠΑΜΜΑΚΑΡΙΣΤΕ .

Ἔλυσας τῷ τόκῳ Σου ΠΑΡΘΕΝΕ ΑΧΡΑΝΤΕ Εὔας τῆς προμήτορος τήν ἀράν · ὑπάρχεις γάρ ΑΓΝΗ Μήτηρ τοῦ πάντων δημιουργοῦ , τοῖς πᾶσι χαράν προξενήσασα .

Ἐνώκῃσεν ἐπί Σοί , ὁ κατοικῶν τούς οὐρανού;ς ἌΧΡΑΝΤΕ , ὅν ἐκτενῶς αἴτησαι , σῶσα τάς ψυχάς τῶν ὑμνούντων Σε .

Ἐν Πνεύματι προφῆται , Σέ τήν ΠΑΡΘΕΝΟΝ προτυποῦσιν , Σκηνήν τε καί Τράπεζαν , καί Στάμνον , καί Λυχνίαν , καί Ὄρος Πανάγιον , καί Νεφέλην καί Πλάκαν καί Κιβωτόν τε καί ῥάβδον , Πύλην ἔνθεον · δι ᾿ ἧς πᾶσιν ἀνθρώποις , ἠνοίχθη ὁ πάλαι παράδεισος .

Ἑνώσει , τά τό πρίν διεστῶτα συνέδραμε · δύο γάρ φύσεις ἀλλήλας , ἡνωμένας ἔτεκες ἀποῤῥήτως , Θεόν Λόγον , ἀληθῶς σαρκωθέντα ΠΑΝΑΜΩΜΕ .

Ἑνώσεως ἀκηράτου , καρπόν ἀνεβλάστησας , ΘΕΟΚΥΗΤΟΡ τῷ κόσμῳ , ἀειζώου πρόξενον ἀφθαρσίας , δεικνυμένης , τοῖς ἐν πίστει , καί πόθῳ τιμῶσι Σε .

Ἐξ ᾿ Ἄννης ἡ τοῦ κόσμου ἐτέχθης Βασίλισσα , τόν τοῦ παντός Βασιλέα , καί τεκοῦσα καί Παρθενεύουσα , μετά τόκον Χερουβίμ ἀνωτέρα ΠΑΝΑΜΩΜΕ .

Ἐπί Σέ κατέφυγον τήν Μόνην κραταιάν , τῶν πιστῶν σκέπην · ἐπί Σοί τήν ἐλπίδα τίθημι , τῆς σωτηρίας μου , ΠΑΝΑΓΙΑ ΑΓΝΗ ΔΕΣΠΟΙΝΑ ΘΕΟΤΟΚΕ , μή παρίδῃς με .

Ἐῤῥάγη τό τῆς ἀρᾶς , ἡμῶν μεσότοιχον , ΑΓΝΗ ΔΕΣΠΟΙΝΑ , τῷ ὑπέρ νοῦν τόκῳ Σου , καί τῇ θείᾳ φύσει συνήφθημεν .

Εὔα μέν ἐτρύγησε τοῦ ξύλου , καρπόν θανατηφόρον , Σύ δέ ΠΑΝΑΓΝΕ , ζωῆς τό ξύλον , καρπογονεῖς , οὗ ἡ γεῦσις ἅπαντας τούς θανώντας ἀνεζώωσεν .

Εὔα μέν , τῷ τῆς παρακοῆς νοσήματι , τήν κατάραν εἰσῳκίσατο · Σύ δέ ΠΑΡΘΕΝΕ ΘΕΟΤΟΚΕ , τό τῆς κυοφορίας βλαστήματι , τήν εὐλογίαν εξήνθησας , ὅθεν Σέ πάντες μεγαλύνομεν .

Ἡλίου τοῦ νοητοῦ ΠΑΝΑΜΩΜΕ , σκήνωμα γέγονας , ταῖς θεϊκαῖς λαμπρότησιν ἡμᾶς , εὐσεβῶς καταυγάσαντος , καί τήν ἀχλύν διώξαντος , τῆς ἀγνωσίας ΑΕΙΠΑΡΘΕΝΕ .

Ἥνπερ τῶν προφητῶν προεώρακεν χορός , ὡς Πύλην οὐράνιον καί Βάτον ἀκατάφλεκτον , Σέ ΠΑΡΘΕΝΟΜΗΤΟΡ ἌΧΡΑΝΤΕ , Θεόν τεκοῦσαν ἐπέγνωμεν .

Ἡ ΠΑΝΑΜΩΜΟΣ , καί μόνη Ἁγιωτέρα , τῶν Χερουβίμ φανεῖσα , τάς ψυχάς ἡμῶν σῶσον , πάσης περιστάσεως , τῶν πίστει ὑμνούντων ΣΕ ΑΧΡΑΝΤΕ ΠΑΡΘΕΝΕ ΘΕΟΝΥΜΦΕ .

Θάλασσαν σπαργανώσας ὁμίχλῃ βουλήματι , κυοφρεῖται ὀ Κτίστης , ἐκ ΠΑΡΘΕΝΟΥ ΚΟΡΗΣ ΑΠΕΙΡΟΓΑΜΟΥ , ὥσπερ βρέφος , καί σπαργάνοις ἀῤῥήτως εἱλίσσεται .

Θυμίαμα προσηνές , ἐπιτεθέν μαρτυρικοῖς ἄνθραξι , τῶ νοητῷ ἄνθρακι , τῷ ἐκ τῆς ΠΑΡΘΕΝΟΥ σύ γέγονας .

Ἰδού πᾶσαι ΚΟΡΗ γενεαί , ὡς προεφήτευσας Σέ μακαρίζουσιν , Θεόν μακάριον τέξασα , μακαρίους ἐργαζόμενον , τούς τοῖς προστάγμασιν αὐτοῦ ἀκολουθοῦντας πιστῶς .καί βοῶντας · χαῖρε ΑΓΝΗ ΥΠΕΡΑΓΙΑ ΘΕΟΤΟΚΕ ΠΑΡΘΕΝΕ .

Ἰδού ἡ ΠΑΡΘΕΝΟΣ ἀνεβόα , ὁ Ἡσαΐας πάλαι , βουλῆς Ἄγγελον μεγάλης τίκτει , Ἐμμανουήλ , τόν Θεόν καί Κύριον , τόν Σωτῆρα τῶν ψυχῶν ἡμῶν .

Ἰδού θεηγόρων αἱ φωναί , πέρας ἐδέξαντο , ἀποτεκούσης Σου , τόν ὑπερούσιον Κύριον , ὑπ ᾿ ἐκείνων τόν δηλούμενον , εἰς σωτηρίαν τῶν πιστῶν ΘΕΟΧΑΡΙΤΩΤΕ , τῶν βοώντων · χαῖρε ΑΓΝΗ ΠΑΡΘΕΝΕ ΘΕΟΤΟΚΕ .

Ἵλεων μοι , τόν Υἱόν Σου ΠΑΝΑΜΩΜΕ , ποίησον δέομαι , καί μή πρίδης ΣΕΜΝΗ , δεήσεις και δακρυα , θερμῶς προχέοντι , καί κραυγάζοντι · χαῖρε ΑΓΝΗ , ἡ Θεόν σαρκί κυήσασα .

Ἰόν τῶν ἀκοῶν τῆς προμήτορος Εὔας ,Γαβριήλ Σοι προσφωνῶν , τό χαῖρε ἀληθῶς έξετίναξε ΔΕΣΠΟΙΝΑ · Μόνη γάρ τόν ἀναιρέτην , τῆς κακίας τοῦ ὄφεως , ὑπέρ νοῦν τε καί λόγον ἐκύησας .

Ἰσχύς μου καί ὔμνησις καί φωτισμός τῆς καρδίας μου , ὑπάρχει ΠΑΝΑΜΩΜΕ , Χριστός ὁ Κύριος , ὅν ἐκύησας ἐν δύο ταῖς οὐσίαις , μιᾷ δέ ὑποστάσει κατανοούμενον .

ΚΟΡΗΣ Ἀφθόρου , ὑπερφυῶς ἀποτίκτεται , Λόγος ὁ τῷ λόγῳ πάντα δημιουργῶν , ἀλογίας θέλων ῥύσασθαι , τούς τήν ἑκούσιον , δοξολογοῦντας , αὐτοῦ συγκατάβασιν .

Κυήσασα Λόγον τοῦ Πατρός , ἡμᾶς ῥυόμενον , ΠΑΡΘΕΝΕ ἌΧΡΑΝΤΕ , αὐτόν ἱκέτευ πάντοτε τοῦ φωτίσαι τούς ὑμνοῦντας Σε , καί περιστάσεως ἡμᾶς ἀπολυτρώσασθαι , ἐκβοῶντα · δεῦτε πιστοί , ὑμνήσωμεν θερμῶς τήν ΘΕΟΜΗΤΟΡΑ .

Κυριώνυμε ΘΕΟΝΥΜΦΕ τό χαῖρε Σοι πίστει κραυγάζομεν · καί γάρ ἐκύησας χαράν ἀνεκλάλητον , Χριστόν τόν Κύριον , διό Σοι κραυγάζομεν · Εὐλογημένη Σύ ὑπάρχεις ΠΑΝΑΜΩΜΕ ΑΓΝΗ ΔΕΣΠΟΙΝΑ .

Κυρίως καί ἀληθῶς , Σέ ΘΕΟΤΟΚΟΝ οἱ πιστοί σέβομεν · Σύ γάρ Θεόν τέτοκας , σάρκα γεγονότα ΠΑΝΑΜΩΜΕ .

Λίθος ἀχειρότμητος ὄρους , ἐξ ᾿ ἀλαξεύτου Σου ΠΑΡΘΕΝΕ , ἀκρογωνιαῖος ἐτμήθη, Χριστός συνάψας , τάς διεστώσας φύσεις , διό ἐπαγαλλόμενοι , Σέ ΘΕΟΤΟΚΕ μεγαλύνομεν .

Λὀγῳ τόν Λόγον τόν τοῦ Πατρός ΚΟΡΗ τέτοκας , λόγῳ οὐρανόν ποιήσαντα καί τήν γῆν , καί δοξαζειν τοῦτον ΠΑΝΑΓΝΕ , λόγον παρέχοντα , τοῖς καθαρῶς αὐτῷ νῦν πιστεύουσιν .

Λῦσον ΠΑΡΘΕΝΕ , τόν δεσμόν τῶν κακῶν μου συνδέουσα , τῇ στοργῇ με τοῦ ἐκ Σοῦ τεχθέντος , Λόγου ΠΑΝΑΜΩΜΕ · καί σῶσον με ΔΕΣΠΟΙΝΑ , ταῖς ἱκεσίαις Σου .

ΜΑΡΙΑ ΚΥΡΙΑ τοῦ παντός , παντοίοις με δουλωθέντα ΑΓΝΗ πλημμελήμασι , Σύ ἐλευθέρωσον , Σύ γάρ τόν ἐλευθερωτήν πάντων τέτοκας , δουλείας τόν ἡμᾶς λυτρωσάμενον , τῆς ἁμαρτίας θείῳ νεύματι .

Μεμυημένη τά θεῖα τῷ ἐκ ΠΑΡΘΕΝΟΥ καί ΘΕΟΤΟΚΟΥ ΚΟΡΗΣ , σαρκωθέντι ἐβόας · σύ μου εἶ φιλάνθρωπε , ἰσχύς τε καί ὕμνησις .

Ναός ἁγιάσματος ὑπάρχουσα ΠΑΝΑΜΩΜΕ , φωνῇ Γαβριήλ τοῦ Ἀρχαγγέλου , τόν ἐν ἁγίοις ἀναπαυόμενον , τέτοκας Πανάγιον Θεόν , πάντας ἁγιάζοντα , καί δεινῶν ἐξαιρούμενον .

Νέκρωσον τῆς ψυχῆς μου τά πάθη ΠΑΝΑΜΩΜΕ , ἡ τήν ζωήν τῶν ἁπάντων , ἀποῤῥήτῳ λόγῳ κυήσασα , καί τόν νοῦν μου ταρασσόμενον , ΚΟΡΗ εἰρήνευσον .

Νενεκρωμένην τήν ἀνθρωπίνην φύσιν ἤγειρας , Μόνη Σύ ζωήν ἀθάνατον , τόν Χριστόν ΘΕΟΝΥΜΦΕΥΤΕ γεννήσασα · Εὐλογημένη Σύ ἐν γυναιξίν , ὑπάρχεις ΠΑΝΑΜΩΜΕ ΑΓΝΗ ΔΕΣΠΟΙΝΑ .

Νόες ἐπουράνιοι τό ἐπί Σοί , ὄντως ΘΕΟΤΟΚΕ μυστήριον , κατανοοῦντες ἐξεπλάγησαν · διό , ἰλιγγιῶσι ΔΕΣΠΟΙΝΑ , ὕμνον κατ ᾿ ἀξίαν προσφέρειν Σοι .

Νόμους τούς τῆς φύσεως λαθοῦσα , ἐν τῷ ὑπέρ φύσιν τοκετῷ , ΠΑΡΘΕΝΟΣ μετά γέννησιν , ΠΑΡΘΕΝΟΜΗΤΟΡ ἔμεινας , τόν πλαστουργόν γάρ ΑΧΡΑΝΤΕ , ἁπάσης κτίσεως τέτοκας .

Νοῦς οὐκ Ἀγγελικός , οὐκ ἀνθρώπινος δύναται , ΠΑΝΑΜΩΜΕ ἑρμηνεῦσαι , τῆς φρικτῆς Σου λοχείας , τό βάθος τό ἀπόῤῥητον .

Νύμφη καί Γεννήτρια ὤφθης , τοῦ τῶν ἁπάντων βασιλέως · Σύ γάρ ἀπ ᾿ αἰῶνος ἐφάνης , Ἁγιωτέρα πάσης τῆς κτίσεως · καί διά Σοῦ σωζόμενοι , Σέ ΘΕΟΤΟΚΕ μεγαλύνομεν .

Νῦν Σε βάτον τήν ἐν Σινᾷ , προδιαγράφων Μωσῆς ὁ μέγας , ἀκατάφλεκτον ἑώρακεν τό πῦρ τῆς Θεότητος , ἐν τῆ νηδύϊ φέρουσαν ἌΧΡΑΝΤΕ .

Ξενίζεις πάντας τῷ τόκῳ Σου , ΠΑΡΘΕΝΕ ΠΑΝΑΓΙΑ ΘΕΟΝΥΜΦΕ · Ὤ !!! πῶς Ἀπείρανδρος ΚΟΡΗ , οὖσα πρό τόκου γεγέννηκας , καί μετά τόκον , πάλιν ἔμεινας ἄφθορος .

Ὁ καθήμενος ἐν θρόνῳ τῶ ἐπηρμένῳ , Χερουβικόν ὡς Θρόν Σε , ἔσχεν ἐν ἀγκάλαις , Σοῦ ἀναπαυσάμενος ΜΑΡΙΑ ΠΑΝΥΜΝΗΤΕ , ὁ δεδοξασμένος Θεός ἡμῶν .

Ὅλην Σε τῷ Πνεύματι ὁ Γαβριήλ , περιηγνισμένην ΑΓΝΗ ΠΑΝΑΜΩΜΕ , κατανοήσας ἐκβοᾷ Σοι ἐμφανῶς , χαῖρε ἀρᾶς ἡ λύτρωσις , καί τῶν προπατόρων ἀνάκλησις .

Ὁ Λόγος ἐκ τῶν Ἀχράντων ΔΕΣΠΟΙΝΑ , Αἱμάτων τίκτεται , ἐμψυχωμένην σάρκα εἰληφώς · καί ἡμᾶς ὁλισθήσαντας , ἀπατεῶνος δήγματι , τῷ θείῳ κράτει ἀνεπλάσατο .

Ὅρμος γαληνός Μόνη ἐδείχθης , ΠΑΡΘΕΝΕ χειμαζομένων καί προσφύγιον ἔνθα καταφεύγοντες οἱ κλυδωνιζόμενοι περισωζόμεθα · διό Σε κατά χρέος ὑμνοῦμεν , καί δοξολογοῦμεν , εἰς πάντας τούς αἰῶνας .

Οὐ κρύπτομεν ΔΕΣΠΟΙΝΑ , τοῦ Σοῦ ἐλέους τήν ἄβυσσον , καί βρύσιν τήν ἄφθονον , τῶν τεραστίων Σου , καί τό πέλαγος τῶν εὐεργεσιῶν Σου , ὧν πᾶσι δι ᾿ ἔλεον πολύν ἐξέχεας .

Ὁ φύσει ἀπρόσιτος παντί , Υἱός καί Λόος τοῦ Θεοῦ , ἐν Σοί σκηνώσας ΑΓΝΗ , καί ἐνδυσάμενος ἌΧΡΑΝΤΕ , τό ἡμέτερον ὡς εὔσπλαγχνος , ὤφθη εὐπρόσιτος σαρκί , καί ἀνεστράφη ἡμῖν · διά τοῦτο πόθῳ πολλῷ Σέ ὑμνῶ καί τιμῶ καί αἰνῶ .

ΠΑΡΘΕΝΕ Μόνη , ὡς καθαράν Σε ἀδιάφθορον , Λόγος καθαρός ἠγάπησεν , καί ἐκ Σοῦ , ἀνεπλάσατο σαρκούμενος , ΚΟΡΗ τόν ἄνθρωπον , ὁ Μαρῖναν δοξάσας τοῖς θαύμασι .

ΠΑΡΘΕΝΟΣ , τῶ Βασιλεῖ παρίστασθαι , Σύ ἀπηνέχθης Χριστῷ τῆς ἐκλεκτῆς ὀπίσω καί σεπτῆς , ὑπέρ νοῦν ΘΕΟΜΗΤΟΡΟΣ , καί ἱερόν ἀνάθημα , ἐπουρανίου Ναός γέγονας .

Πολλαῖς συνεχόμενοι κινδύνοις καί σάλῳ ΑΓΝΗ τῆς ἁμαρτίας κινδυνεύοντα , ὅρμον πρός ἀκύμαντον , αὔραις ταῖς τοῦ Πνεύματος , ΘΕΟΓΕΝΝΗΤΟΡ ΔΕΣΠΟΙΝΑ νῦν καθοδήγησον · λιμήν χριστιανῶν γάρ ὑπάρχεις , ὅθεν Σέ ὑμνοῦμεν , εἰς πάντας τούς αἰῶνας .

Πορεῖαι , αἱ τοῦ Θεοῦ ΠΑΝΑΜΩΜΕ , ἐν Σοί ἐγνώσθησαν , γεγεννημέναι ξένῳ τοκετῷ , ἀσυγκρίτῳ ἑνώσει τε · ὅθεν ὡς πάντων ΔΕΣΠΟΙΝΑΝ , τῶν ποιημάτων ὀνομάζομεν .

Ῥανάτῳ οὐρανός εὐφροσύνην καί χάριν ἐν γῇ · ἀνέδωκεν νῦν γάρ αὕτη , εὐφροσύνην εἰς ὕψος , τήν Μόνην ΘΕΟΜΗΤΟΡΑ .

Ῥήμασι ἑπόμενοι τοῖς Σοῖς , Σέ μακαρίζωμεν ΠΑΝΑΓΙΑ ΑΓΝΗ ΘΕΟΜΑΚΑΡΙΣΤΕ , μακαριότητος ἔνθεον , εὑρηκότες Σε ὑπόθεσιν , καί τόν μακάριον ἡμῖν Λόγον γεννήσασαν · διό Σοι βοῶμεν , Σέ ὑπερυψοῦμεν ΑΓΙΑ ΘΕΟΤΟΚΕ , εἰς τούς αἰῶνας .

Ῥημάτων θείων ὑπήκοος , ΑΓΝΗ τοῦ Γαβριήλ ἐχρημάτισας , καί τόν προάναρχον , Λόγον σαρκί ἀπεκύησας , τῆς ἀλογίας κόσμον , ἀπολυτρούμενον .

Ῥῆξον πταισμάτων τάς σειράς , τῇ Σῇ Μητρικῇ παῤῥησίᾳ , τῶν εὐσεβῶς τε καί πιστῶς μελωδούντων τῷ τόκῳ Σου ΠΑΝΑΓΝΕ · καί Σέ ὑπερυψούντων εἰς πάντας τούς αἰῶνας .

Ῥομφαία τρωθέντα με , τῆς ἁμαρτίας ἴασαι , τῷ δραστικωτάτῳ Σου φαρμάκῳ ἡ τόν Σωτῆρα Χριστόν κυήσασα , λόγχῃ τόν τρωθέντα δι ᾿ ἐμέ , ἌΧΡΑΝΤΕ καί τρώσαντα , τήν καρδίαν τοῦ ὄφεως .

Ῥοῦς ἔστη τῆς φθορᾶς , ἡ ΠΑΡΘΕΝΟΣ ἀφθόρως γάρ , γεγέννηκεν , τόν τήν φύσιν τῶν ἀνθρώπων φθαρεῖσαν , φθορᾶς ἐλευθερώσαντα .

Ῥυόμενον τούς βροτούς , παρακοῆς τοῦ χαλεποῦ πτώματος , τόν τοῦ παντός αἴτιον , ἌΧΡΑΝΤΕ ΠΑΝΑΜΩΜΕ τέτοκας .

Ῥῦσαί με πάσης προσβολῆς ἐναντίας τοῦ ὄφεως , ΑΓΝΗ ΜΗΤΡΟΠΑΡΘΕΝΕ , καί τήν καρδίαν μου φώτισον , πίστει Σέ δοξάζοντος , τήν ΠΑΝΑΜΩΜΗΤΟΝ .

Σαρκωθείς ἐξ ᾿ Ἀχράντων Αἱμάτων Σου , ὁ Θεός , ὁ ποιήσας καί πλάσας με , ΘΕΟΚΥΗΤΟΡ ΔΕΣΠΟΙΝΑ ΑΓΝΗ , ἀνεκτήσατο κόσμον οὕτω βοῶντα · Εὐλογημένη ΘΕΟΤΟΚΕ χαῖρε ΑΓΝΗ .

Σταγόνα μοι ὄμβρισον ἐλέους , πηγήν τοῦ ἐλέους ἡ κυήσασα , καί τῆς ἁμαρτίας μου , ξήρανον ὀμβρήματα , καί τῆς ψυχῆς μου πράϋνον , ἅγρια κύματα , ΠΑΡΘΕΝΕ ΘΕΟΤΟΚΕ ΜΑΡΙΑ , ἵνα Σέ δοξάζω εἰς πάντας τούς αἰῶνας .

Σύ Μόνῃ ἐν πάσαις ταῖς γενεαῖς , ΠΑΡΘΕΝΕ ΑΧΡΑΝΤΕ , Μήτηρ ἐδείχθης Θεοῦ · Σύ τῆς θεότητος γέγονας ἐνδιαίτημα ΠΑΝΑΜΩΜΕ , μή φλογισθεῖσα τῷ φωτί τοῦ ἀπροσίτου φωτός · ὅθεν πάντες Σέ εὐλογοῦμεν ΜΑΡΙΑ ΘΕΟΝΥΦΕ

Σέ ὅπλον ἀῤῥαγές , κατ ᾿ ἐχθρῶν προβαλλόμεθα , Σέ Ἀγκυρα καί Ἐλπίδα , τῆς ἡμῶν σωτηρίας , ΘΕΟΝΥΜΦΕ κεκτήμεθα .

Σέ προστασίαν , ἀσφαλῆ ΘΕΟΜΗΤΟΡ κεκτήμεθα , τάς ἐλπίδας ἐπί Σοί ἀνατιθέντες σῳζόμεθα , πρός Σέ καταφεύγοντες ΑΓΝΗ περιφρουρούμεθα .

Σέ τήν Κιβωτόν τήν Παναγίαν , τήν ἐπισκιαζομένην θείῳ ΑΓΝΗ Πνεύματι , τήν τόν προαιώνιον Λόγον καί ἀΐδιον , δι ᾿ εὐσπλαγχνίαν ἄφατον , ἐνανθρωπήσαντα , τεκοῦσαν ΘΕΟΜΗΤΟΡ , ὑμνοῦμεν , καί ὑπερυψοῦμεν , εἰς πάντας τούς αἰῶνας .

Σκέπην Σε κεκτήμεθα , καί λιμένα ΠΑΝΑΓΝΕ , καί ὅπλον καί ἄγκυραν καί βεβαίαν ἐλπίδα ἐν κινδύνοις ἀεί.

Στόματι θεολόγῳ καί γλῴσσῃ θεόφρονι , τάς τῶν τυράννων θωπείας , ἀπεκρούσω Μάρτυς τόν ἐν ΠΑΡΘΕΝΟΥ σαρκωθέντα , θεολογοῦσα τῆς ΘΕΟΜΗΤΟΡΟΣ .

Σταλάζοντα γλυκασμόν , καί ἀπολύτρωσιν κακῶν τέτοκας , τόν ἀγαθόν Κύριον , ἌΧΡΑΝΤΕ ΠΑΡΘΕΝΕ ΠΑΝΑΜΩΜΕ .

Στόματι λογισμῷ καί καρδίᾳ ΠΑΝΑΧΡΑΝΤΕ , Σέ ΑΓΝΗΝ ΘΕΟΤΟΚΟΝ κηρύττω · διά Σοῦ γάρ Θεός προσκατηλλάγην , ἀπωσμένος παραβάσει τό πρίν τοῦ προπάτορος .

Συλλαβοῦσα τέτοκας , Θεόν Ἐμμανουήλ εἰς ἀνάπλασιν τῶν βροτῶν , ΠΑΝΑΓΙΑ ἌΧΡΑΝΤΕ , σάρκα γενόμενον · ὅν ἀεί ἱκέτευε , τοῦ σωθῆναι τάς ψυχάς ἡμῶν .

Σύ Μόνη τοῖς ἐπί γῆς , τῶν ὐπέρ φύσιν ἀγαθῶν πρόξενος , Μήτηρ Θεοῦ γέγονας , ὅθεν Σοι τό χαῖρε κραυγάζομεν .

Συντριβέν τῇ παραβάσει , τῶν χειρῶν σου τό ποίημα , Λόγε κατοικκτείρων , Μήτραν Ἀπειρόγαμον ᾢκησας , καί ἐν δυσίταῖς οὐσίαις , προελήλυθας , ἀφθαρσίας καινίζων , ὁδούς τοῖς εἰδόσι σε .

Σῶσον με τόν πάντων τεκοῦσα , καί λυτρωτήν καί εὐεργέτην , λῦσον τῆς ψυχῆς μου τά νέφη , ΚΥΡΙΑ πάντων ΔΕΣΠΟΙΝΑ ἉΓΙΑ , καί δυνατόν ἀπέργασαι , κατά παθῶν τῶν πολεμούντων με .

Τάξεις Σε , Ἀσωμάτων Ἀγγέλων γεραίρουσι , καί Ἀποστόλων χορεῖαι , καί Μαρτύρων δῆμοι ΘΕΟΚΥΗΤΟΡ · τόν γάρ πάντων Βασιλέα ἀφράστως ἐκύησας .

Τῆς ΠΑΡΘΕΝΟΥ ἡ κοιλία θημωνία ὡς ἅλωνος , ἀληθῶς ἐδείχθη , στάχυν ἀγεώργητον ἔχουσα , δι ᾿ οὗ ἐκτρέφεται πᾶσα κτίσις κράζουσα · ΠΑΡΘΕΝΟΜΗΤΟΡ ΜΑΡΙΑ , χαῖρε ΑΓΝΗ ΠΑΝΑΜΩΜΕ .

Τίς δύναται τό Σόν , ἑρμηνεῦσαι , μυστήριον , ὦ !!! ΔΕΣΠΟΙΝΑ ΘΕΟΤΟΚΕ ; τόν γάρ Κτίστην τῶν ὅλων , ἀφράστως ΣΕΜΝΗ ἐσωμάτωσας .

Τόν φύσει Δημιουργόν ἐκύησας , ἡμᾶς θεώσαντα , τῇ ὑπέρ νοῦν ἑνώσει ἀληθῶς , ΘΕΟΤΟΚΕ ΠΑΝΥΜΝΗΤΕ , ὅν ἐκτενῶς ἱκέτευε , φωταγωγῆσαι τούς ὑμνοῦντας Σε .

Τόν Χριστόν ἐγέννησας , τόν Κτίστην τοῦ παντός , τόν ἡμᾶς πρός διαφθοράν , ἑκουσίως ῥεύσαντας , ἀναμορφώσαντα , καί πρός δόξαν ἄφραστον , ΘΕΟΜΗΤΟΡ ἀνυψώσαντα .

Τό τοῦ Ὑψίστου ἡγιασμένον θεῖον σκήνωμα χαῖρε · διά Σοῦ γάρ δέδοται ἡ χαρά , ΘΕΟΤΟΚΕ , τοῖς κραυγάζουσιν · Εὐλογημένη Σύ ἐν γυναιξίν , ὑπάρχεις ΠΑΝΑΜΩΜΕ ΔΕΣΠΟΙΝΑ .

Τῶν προφητῶν τό κήρυγμα καί τῶν Ἀποστόλων καύχημα , καί τῶν Μαρτύρων ἐγκαλλώπισμα , ὑπάρχεις ΘΕΟΤΟΚΕ , Θεόν Λόγον φέρουσα , ὑπέρ λόγον ΠΑΝΑΓΝΕ , τόν πρό αἰώνω ἐκ Πατρός .

Ὑμνήσωμεν πάντες κατά χρέος , ΜΑΡΙΑΝ τήν ΔΕΣΠΟΙΝΑΝ ΑΓΝΗΝ , τήν Μόνην ΑΕΙΠΑΡΘΕΝΟΝ · Αὕτη γάρ τό κεφάλαιον , τῆς σωτηρίας γέγονεν , ἡμῶν δι ᾿ ἄκραν ἀγαθότητα .

Ὑμνοῦμεν Σε δι ᾿ ἧς τῆς φθορᾶς ἐλυτρώθημεν , ΠΑΝΑΜΩΜΕ , τοῦ θανάτου , καί τῆς πρίν τυραννούσης κακίας τοῦ ἀλάστορος .

Ὑμνῶ Σου τήν χάριν ΠΑΡΘΕΝΕ , καί μεγαλύνω Σου τήν δόξαν · Σύ γάρ φωτισμός τῆς ψυχῆς μου , ὑπάρχεις ὄντως ΑΓΝΗ καί ἡ παράκλησις , τῶν Σέ τιμώντων ΔΕΣΠΟΙΝΑ , καί ἀνυμνούντων πάντων δούλων Σου .

Φέγγος ἀστραπῆς , τοῦ τόκου Σου ἔλαμψε , καί κατεφαίδρυνε , πᾶσαν τήν ὑφήλιον , καί τόν προστάτιν τοῦ σκότους ὤλεσε , ΘΕΟΓΕΝΝΗΤΟΡ ΠΑΝΑΓΝΕ , Ἀγγέλων καύχημα , καί ἀνθρώπων πάντων τό διάσωσμα , τῶν ἀπαύστοις φωναῖς ἀνυμνούντων Σε .

Φεῖσαι μου Χριστέ ὅταν ἔλθῃς κρῖναι τόν κόσμον μετά δόξης , ἔχων δυσωποῦσαν σε Λόγε , τήν ΘΕΟΤΟΚΟΝ τήν ΠΑΝΑΓΙΑΝ ἈΕΙΠΑΡΘΕΝΟΝ , τήν σέ ἀσπόρως κυήσασαν καί τέξασαν .

Φωνήν Σοι ΑΓΝΗ , προσάγομεν ΔΕΣΠΟΙΝΑ , πόθῳ ἐκβοῶντες Σοι · χαῖρε Θρόνε Πύρινε , Ὑψίστου , χαῖρε Θεοῦ Παλάτιον , ὅ ὁ Δαυίδ προέγραψεν , ὄρος πιώτατον , Ἀποστόλων χαῖρε ἡ εὐπρέπεια , καί ἡμῶν τῶν πιστῶν τό διάσωσμα .

Φωνήν Σοι βοῶμεν ΠΑΡΘΕΝΕ , περιχαρῶς τοῦ Ἀρχαγγέλου , χαῖρε ἡ χαρά τῶν Ἀγγέλων , καί Ἀποστόλων τό σεμνολόγημα , καί προφητῶν τό κήρυγμα , καί τῶν Μαρτύρων τό στεφάνωμα .

Φῶς ἡμῖν ἀνέτειλε ΚΟΡΗ , ἐκ φωτοφόρου Σου νηδύος , ὁ δημιουργός τοῦ ἡλίου , καί τῶν ἀστέρων καί πάσης κτίσεως · ὅν ἐκτενῶς ἱκέτευε , φωταγωγῆσαι τούς ὑμνοῦντας Σε .

Φῶς ἡμῖν ἀνέτειλς Μήτρας , ἐξ ᾿ Ἀπειράνδρου Σου ΠΑΡΘΕΝΕ · οὗ ταῖς φρυκτωρίαις ἐνθέως , καταυγασθεῖσα φῶς ἐχρημάτισεν , ἡ τῆς χαρᾶς ἐπώνυμος , ΘΕΟΚΥΗΤΟΡ ΜΗΤΡΟΠΑΡΘΕΝΕ .

Φωσφόρος ἀνέτειλεν , ἐν ταῖς καρδίαις ΠΑΝΑΜΩΜΕ , τῶν πίστει τιμώντων Σε τήν ΘΕΟΜΗΤΟΡΑ , καί διηύγασεν ἡμέρα σελασφόρος , Χριστός ὁ ἐκ Μήτρας Σου , λάμψας ΘΕΟΝΥΜΦΕ .

Φωτί με καταύγασον τῷ Σῷ ΠΑΝΥΜΝΗΤΕ , τόν ἐν σκότει πορευόμενον , δίδου μοι χεῖρα βοηθείας , τά νέφη τῆς ψυχῆς μου ἀπέλασον · παθῶν μου τό κλυδώνιον κόπασον , ἀπεγνωσμένων καταφύγιον .

Φωτός οἰκητήριον , ΑΓΝΗγεγένησαι , ΜΗΤΡΟΠΑΡΘΕΝΕ ΠΑΝΑΓΙΑ , τοῦ διά Σοῦ ἐπιφανέντος , ἐν ὔλη , ὁρωμένῃ τοῦ σώματος , καί πάντας τούς ἐν σκότει φωτίσαντος · ὅθεν Σε πίστει μακαρίζομεν .

Φωτοφόρον Σε Λυχνίαν τό θεῖο φέγγος , ἐν Σῇ γαστρί ΑΓΝΗ βαστάσασαν , ἔγνωμεν ΠΑΡΘΕΝΕ · ὅθεν δυσωποῦμεν Σε , φωτί Σου καταύγασον πάντων τάς ψυχάς , τῶν ἀνυμνούντων Σε .

Χαρισμάτων θεῖα ῥεῖθρα , καί πηγαί τῶν ἰάσεων , καί τοῦ θείου πλούτου αἱ διανομαί διαδίδονται , ζωαρχικῆς ἐκ παλάμης , ΑΓΝΗ ΘΕΟΝΥΜΦΕΥΤΕ , τοῦ τεχθέντος ἐκ τῆς Σῆς γαστρός Χαριτώνυμε .

Ὦ !!! θαῦμα , τῶν ἁπάντων θαυμάτων καινότερον !!! ὅτι ΑΓΝΗ ΠΑΡΘΕΝΟΣ ἐν Μήτρᾳ , τόν τά σύμπαντα περιέποντα , ἀπειράνδρως συλλαβοῦσα , οὐκ ἐστενοχώρησεν .

Ὡραίαν , καί ἐκλεκτήν καί Πάνσεμνον , κατανοήσας Σε ὁ τοῦ Θεοῦ ΠΑΝΑΜΩΜΕ Υἱός , Σός Υἱός ἐχρημάτισεν , υἱοθετήσας χάριτι , τούς ΘΕΟΤΟΚΟΝ Σε γεραίροντας .

Ὡραῖος ἐν κάλλει ὁ καρπός καί ἔκλαμπρος , παρά πάντας , τῆς κοιλίας Σου · Σύ γάρ ΠΑΡΘΕΝΕ ΘΕΟΤΟΚΕ , Θεόν σεσαρκωμένον γεγέννηκας , φανέντα εἰς τό σῶσαι τόν ἄνθρωπον , ὅθεν Σε πάντες μεγαλύνομεν .

Ὡραϊζομένη καλλοναῖς ταῖς τῶν ἀρετῶν τῶν ὡραῖον , ὑπέρ υἱούς τῶν γηγενῶν , ἀπεκύησας Λόγον ΠΑΝΑΜΩΜΕ , τόν τερπναῖς ὡραιότησι , τούς αὐτόν ὁμολογοῦντας κατακοσμοῦντα .

Ὡς Θρόνον τερπνόν τοῦ Βασιλέως , ὡς πάντων ποιημάτων ὑπερέχουσαν , ὡς τόν ὑπερούσιον , Μόνην οὐσιώσασαν , ἑνώσει κρείττονι , γεννήσεως ἀῤῥήτου καί ξένης , τήν Εὐλογημένην , ὑμνήσωμεν ΠΑΡΘΕΝΟΝ .

Ὡς παράδοξα καί ἄῤῥητα ΘΕΟΤΟΚΕ , τά τοῦ καινοῦ Σου τόκου , ἀληθῶς ὑπάρχει , ξένα καί παράδοξα , ἐν οἷς ἡ διάνοια , καί ὁ νοῦς ἠττᾶται ΠΑΝΑΧΡΑΝΤΕ .

Ὡς τῶν κτισμάτων ΑΓΝΗ ,Ἁγιωτέρα κύεις , τόν πάντων Κτίστην διαμένουσα , ΠΑΡΘΕΝΟΣ ἀμίαντος , Εὐλογημένη ἀεί , Μῆτερ Δεδοξασμένη .

Ὤφθης Πλατυτέρα οὐρανῶν , Θεόν οὐράνιον ἀποκυήσασα , τόν οὐρανώσαντα ΠΑΝΑΓΝΕ , γηγενῶν ὅλων τό φύραμα , καί τῆς Μαρίνης τήν σεπτήν μνήμην , φαιδρύναντα , διό βοῶμεν Σοι · χαῖρε ΑΓΝΗ ΠΑΡΘΕΝΕ ΘΕΟΤΟΚΕ .

Ὤφθης Πλατυτέρα οὐρανῶν , Θεόν χωρήσασα , ΜΑΡΙΑ ΠΑΝΑΓΝΕ · ὅν καθικέτευε ΔΕΣΠΟΙΝΑ , τῶν παθῶν τῶν συνεχόντων με , καί τῆς μελλούσης φοβερᾶς δίκης ῥύσασθαι , τόν βοῶντα · χαῖρε ΑΓΝΗ ΠΑΡΘΕΝΕ ΘΕΟΤΟΚΕ .

Ὤφθης Χερουβίμ ἀνωτέρα καί οὐρανῶν ὑψηλοτέρα , ΑΧΡΑΝΤΑ ΠΑΡΘΕΝΕ ΜΑΡΙΑ , βουλῆς μεγάλης τεκοῦσα Ἄγγελον , τόν τῷ Πατρί συνάναρχον , Κριτήνἁπάντων ἐλευσόμνον .

..........................................ἦχος πλ.α΄ ......................................

ΑΧΡΑΝΤΕ Μῆτερ Θεοῦ , τόν σαρκωθέντα ἐκ Σοῦ , καί ἐκ τῶν κόλπων τοῦ Γεννήτορος , μή ἐκφοιτήσαντα Θεόν , ἀπαύστως πρέσβευε , ἐκ πάσης περιστάσεως σῶσαι οὕς ἔπλασας .

Δάκρυσι προσπίπτω Σοι , σφοδρῶς δεόμενος , ἐμῶν πταισμάτων νῦν λυτρωῆναι διά Σοῦ ΠΑΝΑΜΩΜΕ , καί τῆς αἰωνίου χαρᾶς γενέσθαι ἄξιον .

Δεῦτε τήν ΑΓΝΗ καί ΘΕΟΤΟΚΟΝ ΚΟΡΗΝ , ὑμνήσωμεν λέγοντες ἐνθέοις ἄσμασι · χαῖρε ΠΑΡΘΕΝΕ , δι ᾿ ἧς χαρά ἐδόθη , φύσει τῶν ἀνθρώπων Ὑπερευλογημένη .

Ἐκτός μέν συναφείας συνέλαβες , ἀδιαφθόρως ἐν γαστρί , πρίν ὠδινῆσαι δέ τέτοκας , καί μετά τήν κύησιν , ΠΑΡΘΕΝΟΣ , Θεόν σαρκί τεκοῦσα πεφύλαξαι .

Ἐπεσκάσεν , ἠ τοῦ 'Υψίστου , ΚΟΡΗ δύναμις ἐν Σοί , καί παράδεισον εἰργάσατο τρυφῆς , ζωῆς ξύλον ἔχουσαν , μέσον τόν μεσίτιν καί Κύριον .

Ἡσαΐα χόρευε , ἡ ΠΑΡΘΕΝΟΣ ἔσχεν ἐν γαστρί , καί ἔτεκεν Υἱόν τόν Ἐμμανουήλ ,Θεόν τε καί ἄνθρωπον , Ἀναολή ὄνομα αὐτῷ , ὅν μεγαλύνοντες , τήν ΠΑΡΘΕΝΟΝ μακαρίσωμεν .

Ἱκέτευε ἀπαύστως ΑΓΝΗ , τόν προελθόντα ἐκ λαγόνων Σου , ῥυσθῆναι πλάνης διαβόλου , τούς ὑμνοῦντας Σε Μήτερ Θεού .

Μή παύση δυσωποῦσα ὅν ἔτεκες ΘΕΟΤΟΚΕ , σῶσαι τάς ψυχάς ἡμῶν , τῶν ἐκτενῶς ἀνυμνούντων Σε .

Νεμομένην ἔστησας , τοῦ θανάτου ἄσχετον ὁρμήν , τεκοῦσα σωματικῶς ὄντως ὑπέρ νοῦν , ζωήν τήν αἰώνιον , ᾗ προσβαλών , στόματι πικρῷ , Ἃδης κατήργηται , ΘΕΟΤΟΚΕ ΑΓΝΗ ΜΗΤΡΟΠΑΡΘΕΝΕ .

Ὁλικῶς ἑνοῦται μοι , ὁ ἄναρχος λάμψας ἐκ Πατρός , διά τῆς σαρκώσεως ΠΑΝΑΜΩΜΕ , τῆς διά Σοῦ , γενομένης ΑΓΝΗ ΘΕΟΝΥΜΦΕΥΤΕ .

Ὅλος ἐπιθυμία , καί ἄχραντος γλυκασμός , ὁ Υἱός καί Θεός Σου , τῶν ἀγαθῶν το πλήρωμα , ὑπάρχει ΠΑΝΑΜΩΜΕ · ὅν δυσώπει ῥύσασθι τούς ἐνπίστει νῦν Σοι προστρέχοντας .

Ὁ πρίν μέν ἀσώματος , σωματοῦται ΠΑΝΑΓΝΕ , δι ᾿ οἶκτον ἀμέτρητον , ἐκ Μήτρας Ἁγίας Σου , διό Σοι πάντες μελωδοῦμεν · Εὐλογημένη Εἶ Σύ ΑΓΝΗ ΘΕΟΓΕΝΝΗΤΟΡ .

Ῥυσθῆναι τῶν παθημάτων αἰχμαλωσίας με , δυσωπῶ Σε Μήτηρ Θεοῦ ΠΑΝΑΜΩΜΕ , καί τῆς ἁμαρτίας τάς οὐλάς , πάσας ἐξαλειφθῆναι , τήν ἁμαρτίαν , ἡ τόν αἴροντα , κόσμου παραδόξως κυήσασα .

Σέ τήν ὑπέρ νοῦν καί λόγον , Μητέρα Θεοῦ , τήν ἐν χρόνῳ τόν ἄχρονον ἀφράστως κυήσασα, οἱ πιστοί , ὁμοφρόνως μεγαλύνομεν .

Συλλήψεως ἀσπόρου Σου , τίς φράσαι δυνάμενος , τό θαῦμα ΠΑΝΑΜΩΜΕ ; Θεόν γάρ συνέλαβες , δι ᾿ εὐσπλαγχνίαν , ἡμῖν ἐπιδημήσαντα .

Τῶν Χερουβίμ Ὑπερτέρα , ἀνεδείχθης ΘΕΟΤΟΕ ΑΓΝΗ , ἐν τῇ γαστρί Σου , τόν τούτοις ἐποχούμενον βαστάσασα · ὅν σύν Ἀσωμάτοις , βροτοί δοξολογοῦμεν , εἰς πάντας τούς αἰῶνας , Σέ μακαρίζομεν .

Χαῖρε ΘΕΟΤΟΚΕ , Μήτηρ Χριστοῦ τοῦ Θεοῦ · ὅν ἐκύησας αἴτησαι , πταισμάτων τήν ἄφεσιν , δωρηθῆναι , τοῖς πίστει ΑΓΝΗ ἀνυμνοῦσι Σε .

Ὡς σωτηρίαν ἡμῶν , Σέ ΘΕΟΤΟΚΕ δυσωποῦμεν · ἐξευμενίζου ἡμῖν , τόν σαρκωθέντα ἐκ Σοῦ .

..........................................ἦχος πλ.β΄......................................

ἉΓΙΑ ΔΕΣΠΟΙΝΑ ΑΓΝΗ , ὑπεράγιον Λόγον σωματώσασα λόγῳ , τῶν ἀλόγων μου παθῶν , ὑμνοῦντα Σε εὐσεβῶς , θείοις λόγοις , λύτρωσαι ΠΑΝΑΜΩΜΕ .

Γνωστῶς κατείδωμεν Θεόν , σαρκωθέντα ΠΑΡΘΕΝΕ , ἐξ ᾿ Ἁγνῶν Σου Αἱμάτων , δι ᾿ οἶκτον νῦν τήν ἡμῶν , ἀναλαβόντα μορφήν · διά τοῦτο πίστει Σέ γεραίρομεν .

Δεσμόν κατέλυσας τῆς παραβάσεως τῶν καλῶν τόν δοτῆρα ὑπερβολῇ , τέξασα χρηστότητος , ΠΑΡΘΕΝΟΜΗΤΟΡ · οἱ πιστοί διά τοῦτο Σέ γεραίρομεν .

Ἡ τῷ τόκῳ Σου , πᾶσαν ἀποστειρώσασα τήν κακίαν τοῦ πλάνου , πάσης στειρεύουσαν πράξεως ΑΓΝΗ , ἀγαθῆς τήν καρδίαν μου , δεῖξον καρποφόρον , Θεόν ἱλεουμένη .

Θεόν ἀνθρώποις ἰδεῖν ἀδύνατον , ὅν οὐ τολμᾷ Ἀγγέλων ἀτενίσαι τά τάγματα · διά Σοῦ δέ ΠΑΝΑΓΝΕ , ὡράθη βροτοῖς , Λόγος σεσαρκωμένος , ὅν μεγαλύνοντες, σύν ταῖς οὐρανίαις στρατιαῖς Σέ μακαρίζομεν .

Ἱκετεύουσα μή παύση τόν φιλάνθρωπον Θεόν ἡμῶν ΑΓΝΗ ΠΑΝΑΜΩΜΕ , ὅπως λάβωμεν παντελῆ συγχώρησιν κακῶν , καί τύχωμεν τῶν ἐν οὐρανοῖς , ἡτοιμασμένων ἀγαθῶν , τοῖς ἀγαπῶσιν αὐτόν .

Ἱλαστήριον κεκτήμεθα ΠΑΝΑΜΩΜΕ , πρός τόν Θεόν Σε πάντοτε , ἐξελοῦ ἡμᾶς τῶν ἐκεῖ βασάνων φοβερῶν , καί λύτρωσαι πάσης ἀπειλῆς , ἐπιβουλῆς , ὁρατῶν τε καί ἀοράτων ἐχθρῶν .

Μεμολυσμένος τόν λογισμόν , καί ἠχρειωμένος ταῖς πολλαῖς Μήτηρ Θεοῦ παραβάσεσι , Σέ καθικετεύω Μόνη Ἀμόλυντε , οἰκτεῖραί με , καί σῶσον τῇ μεσιτείᾳ Σου .

Μή φλέξας τήν Μήτραν Σου , πῦρ ὑπάρχων Ἰησοῦς , ἐκ Σοῦ σαρκί προέρχεται · τοῦτον ΑΓΝΗ δυσώπησον τοῦ πυρός , καί πάσης κολάσεως λυτρωθεῖναι , τούς πίστει ἀντμνοῦντας Σε .

Νόμου τῆς φύσεως δίχα τίκτεις ΑΓΝΗ , τόν τοῦ νόμου πάροχον , Ἰησοῦν τόν λυτρωτήν · ὅν δυσώπει ῥύσασθαι ἡμᾶς ΘΕΟΤΟΚΕ , τῶν πολλῶν ἀνομιῶν ἡμῶν .

Ῥύπου κακίας τήν φύσιν ὁ πλαστουργός , τήν ἡμῶν βουλόμενος ἐκκαθᾶραι ἐκ τῆς Σῆς , καθαρᾶς σεσάρκωται γαστρός , ΑΓΝΗ ΘΕΟΤΟΚΕ , διό πάντες Σέ δοξάζομεν .

Ῥῦσαι με ΔΕΣΠΟΙΝΑ ΑΓΑΘΗ , τῶν πειρατηρίων τοῦ ἐχθροῦ , τῆς ἐν γεέννῃ κολάσεως , καί τῆς συνεχούσης αἰχμαλωσίας με , καί μή μέ καταισχύνῃς ὑμνοῦντα Σε .

Σκηνώσας Κύριος ΑΓΝΗ , ἐν μέσῳ Σου τήν Σκηνήν τήν Ἁγίαν , Πηγήν πολλῶν δείκνυσι ἰάσεων , καί καθαρτήριον παθῶν , ΘΕΟΤΟΚΕ ΑΕΙΠΑΡΘΕΝΕ .

Ὑφάνας ὁ Ὕψιστος , Ἑαυτῷ περιβολήν , ἐκ τῶν Ἁγνῶν Σου Αἱμάτων τούς γυμνωθέντας , θείαις καταστολαῖς , ἐφαίδρυνε ἌΧΡΑΝΤΕ · διά τοῦτο πόθῳ Σέ μακαρίζομεν .

Φρικτήν λοχείαν ἔχουσα ΠΑΝΑΓΝΕ , ἐν τῇ φρικτῇ ἡμέρᾳ τῆς ἐτάσεως δέομαι , τῆς φρικτῆς ἀποφάσεως ῥῦσαι με , καί τῶν σῳζομένων στάσεως μέτοχον , ποίησον ὑμνοῦντα , Σε πιστῶς ΘΕΟΧΑΡΙΤΩΤΕ .

Φωνῇ Ἀγγέλου ΑΓΝΗ συνέλαβες , Λόγον Πατρός , ἡμῖν ὁμοιωθῆναι θελήσαντα · ὅν δυσώπει εὑρεῖν ἡμᾶς ἔλεος , καί τῶν ἁμαρτημάτων , λύσιν ΠΑΝΑΜΩΜΕ , ὅθεν εὐχαριστηρίοις Σε φωναῖς ἀεί δοξάζομεν .

..........................................ἦχος πλ.δ΄.......................................

Ἁγιασθεῖσα Πνεύματι , ὑπεδέξω ἐν Μήτρᾳ Σου τόν Δημιουργόν τῆς ἀνθρωπίνης φύσεως , καί τοῦτον ἐκύησας ἀνερμηνεύτως ΚΟΡΗ ΑΓΝΗ , ὅν ἀκαταπαύστως ὑμνοῦντες καί Σοί βοῶντες λέγομεν · εὐλογοῦμενΣε προσκυνοῦμενΣε ΘΕΟΓΕΝΝΗΤΟΡ , ὅτι ἔτεκες Θεόν σωματωθέντα .

Ἁγίασμα νοητόν , καί ἄψαυστον ἱλαστήριον , Λυχνία φωτοειδής , ὡράθης καί Γέφυρα , πρός Θεόν μετάγουσα, τούς ὑμνολογοῦντας Σε ΘΕΟΤΟΚΟΝ ΠΑΝΑΜΩΜΕ .

Ἀδιόδευτος Πύλη , ἡ πρός Θεόν φέρουσα , πύλας μοι μετανοίας ΚΟΡΗ , ἄνοιξον δέομαι , ἀποκαθαίρουσα , ἁμαρτιῶν μου τόν ῥύπον , ὄμβροις τοῦ ἐλέους Σου ΘΕΟΧΑΡΙΤΩΤΕ .

Ἀλατόμητον Ὄρος Σε , πάλαι Ἀββακούμ προεῖδεν ΑΓΝΗ ΠΑΝΑΜΩΜΕ , ὁ Θεός ἐξ ᾿ οὗ ἐπέφανε , καί ἡμᾶς φθαρέντας ἀνεκαίνισεν .

Ἀνορθεῖ με πεσόντα , πρός τῆς ἁμαρτίας πολύπλοκα βάραθρα , ὁ ἐκ Σοῦ τεχθῆναι , εὐδοκήσας , δι ᾿ ἄμετρον ἔλεος , ΠΑΝΑΓΙΑ ΚΟΡΗ , ὅν ἐκδυσώπει , πάσης βλάβης , λυτρωθῆναι τούς πίστει ὑμνοῦντας Σε .

Ἄρχων οὐκ ἔτι ἐξ ᾿ Ἰούδα ἀλλ ᾿ ἐξέλιπεν · ἐκ Σοῦ γάρ ὁ Δεσπότης , τῶν ἐθνῶν ἡ ἐλπίς ἀνέτειλεν ἀφράστως · διό Σε ΑΓΝΗ ὑμνοῦμεν εἰς αἰῶναας .

Δεδοξασμένα περί Σοῦ λελάληνται , ἐν γενεαῖς γενεῶν , ἡ τόν Θεόν Λόγον , ἐν γαστρί χωρήσασα ` ΑΓΝΗ δέ διαμείνασα , ΘΕΟΤΟΚΕ ΜΑΡΙΑ , διό Σε πάντες γεραίρομεν , τήν μετά Θεόν προστασίαν ἡμῶν .

Διασώζει με Λόγος ὁ σαρκωθείς ΠΑΝΑΓΝΕ , Σοῦ ἐκ τῶν Πανάγνων Αἱμάτων , πλούτῳ χρηστότητος , λύων ἀπόφασιν , τᾶς παλαιᾶς καταδίκης · ὅν ἀπαύστως αἴτησαι , σῶσαι τήν ποίμνην Σου.

Ἐξ ἔργων ὅλως ἐν ἐμοί , σωτηρία οὐχ ὑπάρχει ΠΑΝΑΜΩΜΕ · τήν ἐναντίαν γάρ , ὁδεύων τρίβον σκότους πεπλήρωμαι · ἀλλ ᾿ ἡ τό φῶς ἐκ φωτός , ἡμῖν ἀνατείλασαν , φώτισον σῶσον με , μή παρίδης με δεινῶς ἀπολλύμενον .

Ἐπί Σέ ὥσπερ ὄμβρος , Λόγος καταβέβηκεν ὁ ὑπερούσιος , ὅν δυσώπει ΚΟΡΗ , ἐπομβρίσαί μοι νῦν κατανύξεως , καθαράς σταγόνας , ἀποπλυνούσας πάντα ῥύπον , τῶν ἀμέτρων κακῶν μου ΠΑΝΑΜΩΜΕ .

Ἔστησας ῥύμην τοῦ θανάτου , τόν ἀθάνατον Θεόν ΣΕΜΝΗ ὡς συλλαβοῦσαν , καί τεκοῦσα ΑΓΝΗ , ᾧ πάντες μελωδοῦμεν · Εὐλογημένος ΠΑΝΑΓΝΕ, ὁ καρπός τῆς Σῆς κοιλίας .

Ἔφριξε πᾶσα ἀκοή τήν ἀπόῤῥητον Θεοῦ συγκατάβασιν , ὅπως ὁ Ὕψιστος , ἑκών κατῆλθεν μέχρι και σώματος · Παρθενικῆς ἀπό γαστρός , γενόμενος ἄνθρωπος , διό τήν ἌΧΡΑΝΤΟΝ , ΘΕΟΤΟΚΟΝ οἱ πιστοί μεγαλύνομεν .

Ἡ Θεόν παντοκράτορα , Μόνη δεξαμένη ΘΕΟΜΑΚΑΡΙΣΤΕ ἀπό πάσης περιστάσεως καί κινδύνων ῥῦσαι τούς ὑμνοῦντας Σε .

Ἡ κραταιά βοήθεια τῶν πιστῶν , ἈΕΙΠΑΡΘΕΝΕ , ῥῦσαί με τῆς πλάνης τοῦ δολίου δράκοντος , δεινῶς πολεμοῦντος με , καί ταπεινῶσαι σπεύδοντος · Σύ γάρ ἀπλανής , τῶν ἐπί Σοί πεποιθότων , ὑπάρχεις ὁδηγία , τῶν βοώντων ἀπαύστως , χαῖρε Εὐλογημένη , χαῖρε ΔεδοΞασμένη ΑΓΝΗ ΠΑΡΘΕΝΕ ΘΕΟΤΟΚΕ .

Ἡ Πύλη ἡ τοῦ Θεοῦ , εἰσόδους θείας ὐπάνοιξον , τῇ ταπεινῇ μου ψυχῇ , ἐν αἷς εισελεύσομαι , ἐξομολγούμενος , καί κακῶν τήν λύσιν , ΘΕΟΤΟΚΕ ἀπολήψομαι .

Ἰδεῖν ἐφιέμενος , ὁ Σός θεράπων τοῦ Σοῦ Υἱοῦ καί Θεοῦ , τήν ἀπόῤῥητον δόξαν ΘΕΟΓΕΝΝΗΤΟΡ , τούτου τόν τίμιον Σταυρόν λαβών ἠκολούθησε , τοῖς ζωηφόροις αὐτοῦ καί θείοις ἴχνεσιν .

Ἴθυνον πρεσβείαις Σου πρός τήν οὐράνιον ἄνοδον , τούς εὐσεβῶς ΚΕΧΑΡΙΤΩΜΕΝΗ , ΘΕΟΤΟΚΟΝ φρονοῦντες Σε .

Ἱλασμός ἡμῖν ΘΕΟΓΕΝΝΗΤΟΡ , διά Σοῦ ἐδόθη · Σύ γάρ Μόνη ἀπέτισας τήν ὀφειλήν , τόν πάντων συλλαβοῦσα Θεόν τε καί Δεσπότην , ἌΧΡΑΝΤΕ ΠΑΡΘΕΝΕ , εἰς πάντων σωτηρία .

Ἵλεων μοι ΠΑΡΘΕΝΕ , τόν Χριστόν ἀπέργασαι ΠΑΝΑΜΩΜΕ , ἐν ἡμέρᾳ τῆς δίκης , φοβερᾶς καταδίκης ἐξαίρουσα .

Ἰσοδύναμον σύνθρονον , τῷ γεγεννηκότι τόν ὑπερούσιον , ἐσωμάτωσας ΠΑΝΑΜΩΜΕ , τοῖς βροτοῖς δι ᾿ οἶκτον ΑΓΝΗ ὁμιλήσαντα .

Κατήργηται θάνατος διά Σοῦ , καί ᾃδου τό κέντρον , ἠφανίσθη Μήτηρ ΑΓΝΗ , Σύ γάρ τόν ἀθάνατον Δεσπότην , θανατωθέντα σαρκί ἀπεκύησας .

Κυρίως ΘΕΟΤΟΚΟΝ Σέ ὁμολογοῦμεν , οἱ διά Σοῦ σεσωσμένοι ΠΑΡΘΕΝΕ ΑΓΝΗ , σύν Ἀσωμάτοις χορείαις Σέ μεγαλύνομεν .

Λυτρωθέντες ΠΑΝΑΜΩΜΕ , διά Σοῦ τῆς ἀρχαίας , τῶν προγόνων ἐκπτώσεως , τό χαῖρε Σοι βοῶμεν , καί πίστει δοξάζομεν , τόν διά Σοῦ ἐκ φθορᾶς , ἡμᾶς ῥυσάμενον .

ΜΑΡΙΑ τό καθαρόν τῆς Παρθενίας κειμήλιον , καθάρισόν μου τόν νοῦν , παθῶν ἀμαυρώσεως , καί πλήρωσον χάριτος , καί δικαιοσύνης , τήν καρδίαν μου ΠΑΝΑΜΩΜΕ .

Μετά πασῶν τῶν οὐρανίων δυνάμεων , μετά πάντων ΑΓΝΗ ΔΕΣΠΟΙΝΑ ΠΑΝΑΜΩΜΕ , τῶν Προφητῶν , καί τῶν Ἀθλητῶν , καί τῶν Ἀποστόλων καί τῶν Ὁσίων , ἱκέτευε τυχεῖν με σωτηρίας , τόν πολλά ἁμαρτόντα καί ῥυσθῆναι μελλούσης κολάσεως .

Μή κενώσας τούς κόλπους τούς πατρικούς ἌΧΡΑΝΤΕ , Λόγος ὁ τό πᾶν οὐσιώσας , Σοῦ τήν ΠΑΝΑΜΩΜΟΝ γαστέρα ᾢκησεν , καί σάρξ ἀτρέπτως ὡράθη , καί βροτούς ἐθεέωσεν ὁ ὑπερούσιος .

Μητέρα καί ΠΑΡΘΕΝΟΝ , εἰδότες Σε ΠΑΝΑΓΙΑ , συμφώνως γεραίρομεν , καί εὐσεβῶς μακαρίζομεν .

Μόνη ΑΓΝΗ , καί μετά τόκον διέμεινας , Σύ γάρ Λόγον Μόνη ἐνυπόστατον ,τόν τῷ Πατρί σύνθρονον , Υἱόν , ἐκ Σοῦ σαρκωθέντα γεγέννηκας ΘΕΟΝΥΜΦΕΥΤΕ · καί φέρεις ἐν ἀγκάλαις , τόν ἀχώρητον πᾶσι , καί τόν πάντων τό κράτος κατέχοντα .

Νεκρόν τῇ ἁμαρτίᾳ , γενόμενον , ζώωσον με , ζωήν ἀναμάρτητον , ΑΓΝΗ ΠΑΡΘΕΝΕ ΔΕΣΠΟΙΝΑ κυήσασα .

Νέκρωσόν μου ΔΕΣΠΟΙΝΑ , τήν ἔτι ζῶσαν ἁμαρτίαν · ζώωσον ψυχῆς τήν νέκρωσιν , ἐνεργείᾳ τῆς ὄντως ζωῆς , τῆς γεγεννημένης ἐκ γαστρός Σου δι ᾿ ἄφατον εὐσπλαγχνίᾳ , τοῖς εὐσεβῶς Σε ΑΓΝΗ μεγαλύνουσιν .

Νεμομένης τό γένος τῶν ἀνθρώπων ΠΑΡΘΕΝΕ , τῆς τοῦ θανάτου φθορᾶς , πηγήν ἀθανασίας καί ζωῆς ἀκηράτου , συλλαβοῦσα κατέπαυσας , τόν τῶν Πατέρων Θεόν , ΑΓΝΗ Εὐλογημένη .

Νέον Παιδίον ὑπέρ λόγον τέτοκας , τόν παλαιόν ἡμερῶν , νέας ἐν γῇ τρίβους , ἀρετῆς δεικνύμενον · οὗ ὁ κλεινός θεράπων Σου , Ἀθανάσιος ΚΟΡΗ , τῷ ἔρῳτι τετρωμένος , τοῦτον Σοι τόν οἶκον ἐδείματο .

Νέος καθάπερ Μωσῆς , ἀναφανείς κατασκευάσας , οἷα περ ἄλλην σκηνήν , μάνδρα Πανσεβάσμιε · ἥν καί ὑπερηύξησας , πόνοις τε καί ἱδρῶσι , καί ἀνέθου , τῇ Μητρί τοῦ Θεοῦ .

Νοήσαντες θεηγόροι Προφῆται , μυστηρίου Σου ΠΑΡΘΕΝΕ τό βάθος , προφητικῶς προκατήγγειλαν , θείῳ καταλαμπόμενοι πόῤῥωθεν Πνεύματι , Μητέρα Σε παναληθῆ , τοῦ Δεσπότου τῶν ὅλων γενήσεσθαι .

Νομοθετῶν εὐσέβειαν , καί διδάσκων μετάνοιαν , ὁ Ἐμμανουήλ ἐκ Σοῦ ἐπέφανεν · ὅν νῦν ἐκδυσώπησον , ΥΠΕΡΑΓΙΑ ΑΓΝΗ ΔΕΣΠΟΙΝΑ , τῆ δικιοσύνης ὑπανοῖξαί μοι πύλας , καί σῶσον με βοῶντα · Σέ ὑπερυψοῦμεν ΥΠΕΡΑΓΙΑ ΘΕΟΤΟΚΕ , εἰς πάντας τούς αἰῶνας .

Νόμοι φύσεως ΠΑΝΑΓΝΕ , ἐν τῇ ὑπέρ φύσιν κυοφορίαν Σου , ἐναλλάττονται · τόν Πλάστην γάρ ὑπέρ νοῦν τε καί λόγον ἀπεκύησας .

Νόμους ΠΑΡΘΕΝΕ ὑπερβᾶσα , τούς τῆς φύσεως , τῇ θείᾳ Σου συλλήψει , ὑπέρ φύσιν Θεόν ἐκύησας , διό βοῶμεν · Εὐλογημένη ἡ σαρκί Θεόν τεκοῦσα .

Νυσταγμῷ ἀμελείας με , ὕπνος ἁμαρτίας ΚΟΡΗ ὑπέλαβε , τῇ ἀγρύπνῳ ἱκεσίᾳ Σου , διανάστησόν με πρός μετάνοιαν .

Λόγον Θεοῦ τόν ἄναρχον, ὑπέρ λόγον γεγέννηκας , ἐπί λογικῆς εὐεργεσίας φύσεως , δι ᾿ οὗ ἐλυτρώθημεν , φθοροποιοῦ νεκρώσεως , καί ζωοποιόν ὑποδεξάμεθα Πνεῦμα · διό Σε ΘΕΟΤΟΚΟΝ , ἀληθῶς καί κυρίως , δοξάζομεν ΠΑΡΘΕΝΕ , εἰς πάντας τούς αἰῶνας.

ΜΑΡΙΑ τό καθαρόν , καί πάνσεπτον ἐνδιαίτημα , τοῦ πάντων δημιουργοῦ , ψυχῆς καθαρτήρια , παράσχου μοι δάκρυα , καί ἐπάκουσόν μου , τῆς δεήσεως ΠΑΝΑΜΩΜΕ .

Μητέρα τοῦ φύσει Δημιουργοῦ , ὑμνοῦμεν Σε ΚΟΡΗ , ἀπαλλάξασαν τῷ Θεῶ , προσκρούσασαν φύσιν τῶν ἀνθρώπων , ΘΕΟΓΕΝΝΗΤΟΡ ΠΑΝΑΜΩΜΕ ΔΕΣΠΟΙΝΑ .

Μητρικήν παῤῥησίαν , τήν πρός τόν Υἱόν Σου κεκτημένη ΠΑΝΑΓΝΕ , συγγενοῦς προνοίας , τῆς ἡμῶν μή παρίδῃς δεόμεθα · ὅτι Σέ καί Μόνην , Χριστιανοί , πρός τόν Δεσπότην , ἱλασμόν εὐμενῆ προβαλλόμεθα .

Ναός ἡγιασμένος χωρητικός , τοῦ ἑνός τῆς Τριάδος ὑπάρχουσα , ναόν ὁ Σός , ΔΕΣΠΟΙΝΑ θεράπων καί εὐαγές , σεμνεῖον Ἀθανάσιος ἤγειρεν εἰς δόξαν Σου καί τιμήν , ἐν ᾧ ἀκαταπαύστως , μή παύσῃ δωρουμένη , τήν συμμαχίαν ταῖς πρεσβείαις Σου .

Νώτοις φρικτῶς χερουβικοῖς ἐποχούμενος , ὁ Δεσπότης Θρόνον ὥσπερ πύρινον , τήν Σήν ΑΓΝΗ , ᾢκησεν νηδύν , καί σαρκός προσλήψει , τήν ἀνθρωπίνην ἐθέωσεν , οὐσίαν ὡς διδάσκει , ὁ κλεινός ἐν Ὁσίοις Ἀθανάσιος , Μόνη ΠΑΝΥΜΝΗΤΕ .

Ὁ Θεοῦ Θεός Λόγος , σάρκα ἀνελάβετο ἔννουν τε καί ἔμψυχον · ἐκ Σοῦ ΠΑΝΑΓΙΑ , καί δι ᾿ οἶκτον ἐγένετο ἄνθρωπος , καί ἐθέωσέ με , τόν παραβάσει ἀπωσσθέντα · ὅν ἱκέτευε , σῶσαι τά σύμπαντα .

Ὁ κλύδων με τῶν ἀμέτρων πταισμάτων , συνταράττει καί βυθῷ παραπέμπει , διηνεκῶς ἀπογνώσεως ΚΟΡΗ · ἀλλά προφθάσασα χεῖρα μου ὄρεξον , καί δίδου μοι πρός γαληνούς , μετανοίας λιμένας ὁρμίζεσθαι .

Ὅν ἀπεκύησας Λόγον ὑπέρ λόγον ΘΕΟΓΕΝΝΗΤΟΡ ΜΑΡΙΑ , ὑπέρ ἡμῶν ἐκδυσώπησον , τῶν πιστῶς Σε ὑμνούντων , καί μακαριζόντων Σε ἌΧΡΑΝΤΕ .

Ὁ πάντων τῶν ὄντων δημιουργός , διά σωτηρίαν τῶν ἀνθρώπων , ἐν Σῇ γαστρί , κατασκηνώσας σαρκοῦται ΘΕΟΚΥΗΤΟΡ , τό καθ ᾿ ἡμᾶς δημιουργούμενος .

Ὁ πρό αἰώνων γεννηθείς , ἐκ τοῦ Πατρός ἀποῤῥήτως , ἐπ ᾿ ἐσχάτων ἐκ γαστρός Σου , προῆλθεν καί ἐθέωσεν ἡμῶν τήν φύσιν ΜΗΤΡΟΠΑΡΘΕΝΕ , τούς τῶν Ὁσίων δήμους , περιφανῶς ἐπαγόμενος .

Ὁ ὑπερούσιος Θεός ΠΑΝΑΜΩΜΕ , ἐκ Σοῦ σεσάρκωται , καί δι ᾿ ἡμᾶς ὤφθη καθ ᾿ ἡμᾶς ὡς ἄνθρωπος · ὅν ἐκτενῶς ἱκέτευε , ὑπέρ πάντας ἀνθρώπους , ἡμαρτηκότα με ΠΑΝΑΓΝΕ , σῶσαι καί κολάσεως λύτρωσαι .

Ὀφρύν καί θράσος ἅμα τῶν δυσμενῶν , ὁ τεχθείς ἐκ ΠΑΡΘΕΝΟΥ κατάβαλε , καί τάς βουλάς, τῶν κακοδοξούντων Δημιουργέ · τῶν δέ πιστῶν τό σύστημα , στήριξον ἀκράδαντον , ὡς Θεός , τό κέρας ἀνυψώσας , καί πίστει κραταιώσας , ἵνα Σε πάντες μεγαλύνομεν .

ΠΑΝΑΓΙΑ ΠΑΡΘΕΝΕ , ἡ Θεόν σαρκοφόρον ἀποκυήσασα , ἐκ πάσης ἁμαρτίας , καί θλίψεως βοῶντα τόν λαόν Σου περίσωζε · χαῖρε ΑΓΝΗ ΠΑΡΘΕΝΕ ΘΕΟΤΟΚΕ .

ΠΑΡΘΕΝΟΝ Σε καί ΑΓΝΗΝ , ΘΕΟΓΕΝΝΤΟΡΑ Ἔνδοξον , ΜΑΡΙΑ , οἱ εὐσεβεῖς , κυρίως κηρύττομεν , ἐμφράτοντες , δύσφημον Νεστορίου στόμα , Διοσκόρου τε κακόνοιαν .

Πρόῤῥίζους τῷ τμητικῷ Σου δρεπάνῳ τῆς πρεσβείας ἐναπόκομψον ΚΟΡΗ , τούς πονηρούς λογισμούς τῆς ψυχῆς μου , καί καρποφόρον ἀνάδειξον δέομαι , ἁπάντων γάρ τόν φυτουργόν , τόν Θεόν καί Σωτῆρα ἐκύησας .

Προφητῶν Σε ὁ ἔνδοξος , πάλαι Ἡσαΐας ῥάβδον ὠνόμασεν , ἄνθος φέρουσαν τόν Κύριον , ΘΕΟΤΟΚΕ ΜΗΤΕΡ ΑΓΝΗ ΑΕΙΠΑΡΘΕΝΕ .

Ῥήμασι Σοῖς ἀκολουθοῦντες , μακαρίζομεν γενεαί πᾶσαι ΚΟΡΗ · μακαρίου Θεοῦ Μητέρα Σε δειχθεῖσαν , τούς εἰς αὐτόν ΑΓΝΗ πιστεύοντας , μακαρίους ἐκτελοῦντα .

Ῥἡτορεῦον οὐ σθένει , στόμα κατ ᾿ ἀξίαν Σε μέλπειν ΑΓΝΗ ΠΑΝΥΜΝΗΤΕ , ἀνωτέραν οὖσαν Χερουβίμ καί ἁπάσης τῆς κτίσεως , διό σύν τῷ θεἰῳ Ἀθανασίῳ τόν Δεσπότην , ὑπέρ πάντων ἡμῶν καθικέτευε .

Ῥυπτομένην ὁρῶντες , τῷ τῆς Παρθενίας Σου τόκῳ ΑΓΝΗ ΠΑΝΑΜΩΜΕ , τῶν βροτῶν τήν φύσιν , τῆς κατάρας τῆς πρώην , δοξάζομεν τόν ἐκ Σοῦ τεχθέντα , Μόνη ΑΓΝΗ δι ᾿ εὐσπλαγχνίαν , ὅν δυσώπει ΠΑΡΘΕΝΕ , σωθῇναι ἡμᾶς .

Ῥῦσαι με ΠΑΝΑΜΩΜΕ , ἁμαρτιῶν δεινοῦ κλύδωνος , καί λογισμῶν , τῶν ἐπεμβαινόντων , ἀφειδῶς τῇ καρδίᾳ μου .

Ῥυσθείημεν πρεσβείαις Σου ΠΑΝΑΓΝΕ , τῶν παγίδων οῦ ἐχθροῦ οἱ σέβοντες , τήν ὑπέρ λόγον Σου γέννησιν .

Ῥωσθέντες τῇ χάριτι , ΘΕΟΤΟΚΟΝ Σε ὁμοφρόνως δοξάζομεν · σάρκα γενόμενον τόν τό εἶναι τοῖς πᾶσι , διδοῦντα γάρ τέτοκας , καί κόσμον ἀνεκαίνισας .

Σάρκα γεγενημένον , ἐκ τῶν Σῶν Αἱμάτων ΠΑΝΑΜΩΜΗΤΕ , τόν αἰώνιον Λόγον , ὑπέρ νοῦν τε καί λόγον ἐκύησας .

Σαρκωθείς ὁ Λόγος , ἐκ τῶν Παναχράντων Σου Αἱμάτων ΚΟΡΗ , πρό προνενευκότας , πρός τά ἀλογώτατα τῆς σαρκός πάθη , ἐπιγνώσει θείᾳ ἐθέωσεν ἌΧΡΑΝΤΕ , διό Σε ὑπερυψοῦμεν , εἰς πάντας τούς αἰῶνας .

Σέ προστασίαν πάντες , καταφυγήν καί βεβαίαν ἀντίληψιν , κεκτημένι ΠΑΡΘΕΝΕ , ῥυσθείημεν διά Σοῦ πάσης θλίψεως .

Σέ τήν ἈΠΕΙΡΟΓΑΜΟΝ Θεοῦ Μητέρα καί ΠΑΡΘΕΝΟΝ , Σέ τήν ὑπέρ νοῦν κυήσασαν , σιά λόγου τόν ὄντως Θεόν , τήν Ὑψηλοτέραν τῶν ἀχράντων δυνάμεων , ἀσιγήτοις δοξολογίαις μεγαλύνωμεν .

Σέ τό τερπνόν Παλάτιον καί φαιδρόν ἐνδιαίτημα , ΑΓΝΗ τοῦ παμβασιλέως , ΠΑΝΑΓΙΑ ΔΕΣΠΟΙΝΑ , ὑμνοῦμεν δεόμενοι · ναούς ἡμᾶς ἀνάδειξον , τοῦ ἐκ Σοῦ τεχθέντος , καθαρεύσαντας πάσης κακίας , ἐναντίας , καί βοῶντας ἀπαύστως · λαοί φυλαί καί γλῶσσαί , ὑμνοῦμεν Σε ΠΑΡΘΕΝΕ .

Στῆσον μου τόν τάραχον , τῶν λογισμῶν ΑΓΝΗ ΔΕΣΠΟΙΝΑ · παῦσον ψυχῆς μου πᾶσαν ἀθυμίαν , τόν Χριστόν ἡ κυήσασα .

Συνέλαβες Λόγον τόν τοῦ Πατρός , σαρκί ἑνωθέντα , ὑπέρ λόγον Μῆτερ ΑΓΝΗ , ὅν ἐπιποθήσασα Χριστίνα , τοῦ μαρτυρίου τό κλέος ἐκτήσατο .

Σωθείημεν διά Σοῦ , κινδύνων θλίψεων περιστάσεων , ΑΓΝΗ ΘΕΟΓΕΝΝΗΤΟΡ , καί τύχοιμεν ΠΑΝΑΓΝΕ , τῆς θείας ἐλλάμψεως , τοῦ ἐκ Σοῦ ἀφράστως σαρκωθέντος Υἱοῦ τοῦ Θεοῦ .

Σῶσον με Μῆτερ τοῦ Σωτῆρος , συνεχόμενον βυθῷ ΑΓΝΗ ἁμαρτημάτων , καί παντοίας ἐχθροῦ ἐξάρπασον κακίας , ἵνα τήν Σήν σωζόμενος , μεγαλύνω προστασίαν .

Σῶσον με τόν ἐν ζάλῃ πασῶν ἡδονῶν κλυδωνιζόμενον , τόν Σωτῆρα τεκοῦσα , τοῦ παντός τήν γαλήνην ΠΑΝΑΜΩΜΕ .

Τήν τρίβον ὑπέδειξας τῆς ζωῆς , ζωήν οὐσιώδη συλλαοῦσα καί σαρκικῶς , κυήσασα ταύτην ΘΕΟΜΗΤΟΡ , καί τά δεσμά τοῦ θανάτου διέῤῥηξας .

Τόν Ἥλιον τεκοῦσα τῆς χάριτος , ΘΕΟΤΟΚΕ ΠΑΡΘΕΝΕ , τόν ἄδυτον , ἐσκοτισμένον με φώτισον .

Τόν προδηλωθέντα ἐν ὄρει τῷ νομοθέτῃ , ἐν πυρί καί βάτῳ τόκον τόν τῆς ΑΕΙΠΑΡΘΕΝΟΥ , εἰς ἡμῶν τῶν πιστῶν σωτηρίαν , ὕμνοις ἀσιγήτοις μεγαλύνομεν .

Τόπον ἁγιάσματος , καί νοητήν ΑΓΝΗ Τράπεζαν , Ἄρτον Χριστόν , τήν ζωήν τῶν ὅλων , δεξαμένην ὑμνοῦμεν Σε .

Τῶν Χερουβίμ καί Σεραφίμ ἐδείχθης Ὑψηλοτέρα , ΘΕΟΤΟΚΕ · Σύ γάρ Μόνη ἐδέξω , τόν ἀχώρητον Θεόν , ἐν Σῇ γαστρί Ἀμόλυντε · διό πιστοί Σε πάντες , ὕμνοις ΑΓΝΗ μακαρίζομεν .

Ὑμνῶ Σε ΠΑΝΥΜΝΗΤΕ , καί μεγαλύνω ΘΕΟΧΑΡΙΤΩΤΕ , τήν ΑΓΝΗΝ Σου λοχείαν , βοήθησον μοι βίου τοῖς κύμασι , χειμαζομένῳ , καί δίδου κατάνυξιν , τῇ ταπεινῇ μου ψυχῇ , καθαρτικήν μολυσμῶν .

Φεῖσαι Σῶτερ ὁ τεχθείς καί φυλάξας τήν Τεκοῦσαν σε ἄφθορον μετά τήν κύησιν , ὅταν καθίσης κρῖναι τά σύμπαντα , τάς ἀνομίας παρορῶν καί τάς ἁμαρτίας μου , ὡς ἀναμάρτητος , ἐλεήμων ὡς Θεός καί φιλάνθρωπος .

Φέρεις ἐν ἀγκάλαις Θεόν , τόν φέροντα τά πάντα · τρέφεις τόν τροφέα , ἡμῖν ΑΓΝΗ ὁμοιωθέντα · ὅν ἱκέτευε τῷ λαῷ Σου δοθῆναι , πάντων δυσχερῶν τήν ἀπολύτρωσιν .

Φιλάγαθε ΠΑΡΘΕΝΕ , τήν κεκακωμένην , ταῖς ἁματίαις ψυχήν μου ἀγάθυνον , καί αἰωνίου φλογός με , ῥῦσαι πρεσβείαις Σου .

Φωνάς τῶν ἱκετῶν Σου ὡς Ἀγαθή , μή παρίδῃς ΠΑΝΑΜΩΜΕ ΔΕΣΠΟΙΝΑ · ἀλλ ᾿ ἐκτενῶς , αἴτησαι τόν πάντων δημιουργόν , τῷ βασιλεῖ τά τρόπαια , καί τήν εὐρωστίαν τήν ψυχικήν , δωρήσασθαι ΠΑΡΘΕΝΕ , καί θείας βασιλείς , τήν μετουσίαν καί λαμπρότητα .

Φώτισον Πύλη τοῦ φωτός , τήντυφλώττουσαν ψυχήν μου τοῖς πάθεσιν , καί πονηροῖς λογισμοῖς, ἀμαυρωθεῖσαν καί κινδυνεύουσαν , καί ἐξελοῦ με πειρασμῶν , κινδύνων καί θλίψεων , ἵνα δοξάζω Σε , τήν ἐλπίδα τῶν πιστῶν καί κραταίωμα .

Χερουβικόν ὄχημα Σύ ΘΕΟΜΗΤΟΡ ΑΓΝΗ , Σύ χωρίον , Σύ καί ἐνδιαίτημα , τοῦ Πατρικοῦ Λόγου καί Θεοῦ , τοῦ ἐκ Σῶν Ἀχράντων λαγόνων , σάρκα φορέσαντος · διό διτταῖς οὐσίαις τόν ἐκ Σοῦ σαρκωθέντα , προσκυνοῦντες ἀπαύστως δοξάζομεν .

Ὥριμον δρέπομαι ζωήν , μή βλαπτόμενος τῷ ξύλῳ τῆς γνώσεως , Σύ γάρ ΠΑΝΑΧΡΑΝΤΕ , ζωῆς τό ξύλον Χριστόν ἐβλάστησας · τόν τάς εἰσόδους τῆς ζωῆς , τοῖς πᾶσι γνωρίζοντα , διό Σε ΠΑΝΑΓΝΕ , ΘΕΟΤΟΚΟΝ εὐσεβῶς καταγγέλομεν .

Ὡς Ἡλιοῦ τό πρότερον , τό Καρμήλιον ᾢκησεν , οὕτω καί αὐτός , τῷ Ὄρει τῷ τοῦ Ἄθωνος , σχολάζων ἐπόθησας , καί καθ ᾿ ἑαυτόν συνεῖναι Θεῷ ·καί θεαρχικαῖς καταυγασθείς θεωρίαις θεράπων ἀνεδείχθης , τῆς ΑΓΝΗΣ ΘΕΟΤΟΚΟΥ , ἐκβοών ΑΥΤῌ τό χαῖρε , μετά τοῦ Ἀρχαγγέλου .

Ὡς Μήτηρ τοῦ παθόντος ὑπέρ ἡμῶν , ψυχοφθόρων παθῶν με διάσωσον , ὡς συμπαθής , λῦσον τῶν πταισμάτων μου τάς σειράς , ὡς ἀγαθή ἀγαθυνον , νῦν κεκακωμένην μου τήν ψυχήν , δαιμόνων ἐπηρείαις , ΠΑΡΘΕΝΕ ΘΕΟΤΟΚΕ , ἵνα ὑμνῶ Σε τήν ΠΑΝΑΜΩΜΟΝ .

Ὡς νοητή Κιβωτός , τόν νομοδότην ἐβάστασας , Λυχνία ὡς φωταυγής , τό φῶς ἀπεκύησας , ὡς Ῥίζα ἀπότιστος , τῆς ζωῆς τόν βότρυν , ΘΕΟΤΟΚΕ ἀνεβλάστησας .

Ὡς τοῦ Θεοῦ Μητέραν Σε ὁμοφρόνως δοξάζομεν , καί τῶν ποιημάτων ὑπερτέραν ΠΑΝΑΓΝΕ · ἐν Σοί γάρ κατάκριμα , τό ἐξ ᾿ Ἀδάμ ἠφάνισται · καί ἡ ἀπωσθεῖσα , ᾠκειώθῃ ἀνθρώπων οὐσία μελωδοῦσα · λαοί φυλαί καί γλῶσσαι , τήν ΑΓΝΗΝ ΠΑΝΑΓΙΑΝ ΘΕΟΤΟΚΟΝ ὑμνήσωμεν προσφόρως .

Ὥσπερ Θρόνος πυρίμορφος , φέρεις τόν Δεσπότην , ΑΓΝΗ ΘΕΟΧΑΡΙΤΩΤΕ , ὅν ἱκέτευε σωθῆναι ἡμᾶς , ἁμαρτίας σάλῳ κινδυνεύοντας .

Ὤφθης οὐρανῶν ΑΓΝΗ Ὑψηλοτέρα , καί τῶν Σεραφίμ ἀεί Ἁγιωτέρα , ὡς τῶν ἁπάντων Δεσπότην καί Βασιλέα , ὑπερφυῶς κυοφορήσασα .

,,,,,,,,,,,,,,,,,,,,,,,,,,,,,,,,,,,,Ἐξαποστειλάρια ,,,,,,,,,,,,,,,,,,,,,,,,,,,,,,,,,,,

ἉΓΙΑ ΔΕΣΠΟΙΝΑ ΑΓΝΗ , Θεόν ὅν ἐσωμάτωσας , ἐκ Παναχράντων Σῶν ΣΕΜΝΗ , καί ΠΑΝΑΓΙΩΝ Αἱμάτων , τοῦτον ἀεί ἐκδυσώπει , τοῦ οἰκτειρῆσαι καί σῶσαι , ἡμᾶς τούς ὑμνοῦντας Σε .

Γεραίρουσι τόν τόκον Σου Ἀσωμάτων αἱ τάξεις , χαρᾶς γάρ τά ἐπίγεια , Σύ πεπλήρωκας Μόνη · διό Σε τήν ΠΑΝΑΜΩΜΟΝ , οἱ πιστοί δοξάζομεν , ἐν ὕμνοις δοξολγοῦντες , φῶς γάρ Σύ τοῖς ἐν σκότει , ἐξανατέλλον ὡς ὄρθρος , ἀνέτειλας τῆς ἡμέρας .

Εἰκόνος ἧς μετέλαβον , θεουργικῶς τῆς κρείττονος , ἐξώσθην , οἴμοι !!! ὁ τάλας , δι ᾿ ἀρκασίας τῆς πάλαι · Σύ δέ Χριστέ ὡς εὐσπλάγχνος , ἀῤῥήτως κοινωνήσας μοι τοῦ χείρονος μετείληφας , καινοποιήσας με Λόγε , σάρκα λαβών ἐξ ᾿ ΑΓΝΗΣ ΠΑΡΘΕΝΟΥ ΘΕΟΜΗΤΟΡΟΣ .

Ἐκύησας ΠΑΝΑΧΡΑΝΤΕ , τόν Θεοῦ Θεόν Λόγον , τῷ κόσμῳ τήν σωτήριον , ἐκτελοῦντα πανσόφως , οἰκονομίαν ἀρίστην · διά τοῦτο Σε πάντες , ὑμνολογοῦμεν ἀξίως , ὡς πρεσβεύουσα τούτῳ , λυτρωθῆναι ἡμᾶς νόσων , καί παντοίων κινδύνων .

Ἐν δύο ταῖς θελήσεσι , καί φύσεσι ΠΑΝΑΜΩΜΕ , μιᾷ δέ τῇ ὑποστάσει , τίκτεις Θεόν ἀποῤῥἡτως , τόν δι 'ἡμᾶς πτωχεύσαντα , μέχρι Σταυροῦ θελήματι , καί ἡμῖν χαρισάμενον , τόν τῆς θεότητος πλοῦτον , τῇ ἐκ νεκρῶν ἀναστάσει .

Ἡ Πλατυτέρα οὐρανῶν , πρός οὐρανόν ἀπάρασα , μή καταλίπῃς ἈΓΑΘΗ , ἡμᾶς τούς κάτω γηγενεῖς , πρός τόν εὔσπλαγχνον Κύριον , χεῖρας εἰς μεσιτείαν , τοῦ κόσμου ἐφάπλωσον .

ΜΑΡΙΑ καθρώτατον , χρυσοῦν θυμιατήριον , τῆς ἀχωρήτου Τριάδος , δοχεῖον γεγενημένη · ἐν ᾧ Πατήρ ηὐδόκησεν , ὁ δέ Υἱός ἐσκήνωσεν , καί Πνεῦμα τό Πανάγιον , ἐπισκιάσαν Σοι ΚΟΡΗ , ἀνέδειξε ΘΕΟΤΟΚΟΝ .

Μαρία Κυριώνυμε , καί τοῦ Χριστοῦ μαθήτρια , σύνταῖς λοιποῖς μυροφόροις , καί τῇ ΠΑΡΘΕΝῼ ΜΑΡΙᾼ , καί Μόνῃ ΑΓΝῌ ΘΕΟΜΗΤΟΡΙ , ἀπαύστως καθικέτευε , τόν σταυρωθέντα Κύριον , ὑπέρ ἡμῶν Μυροφόρε , τῶν σέ τιμώντων ἐκ πόθου .

Ὁ γλυκασμός τῶν Ἀγγέλων , τῶν θλιβομένων ἡ χαρά , χριστιανῶν ἡ προστάτις , ΠΑΡΘΕΝΕ ΜΗΤΗΡ Κυρίου , ἀντιλαβοῦ μου καί ῥῦσαι , τῶν αἰωνίων βασάνων .

Ὁ Θεός ἡμῶν ΑΓΝΗ , καταφυγήν καί δύναμιν , καί βοηθόν Σε παρέσχεν , ἐν ταῖς θλίψεσιν ἡμῶν , καί ἐν ταῖς περιστάσεσιν , πάντας οὖν ἡμᾶς ῥῦσαι , ἐκ τῶν ἀναγκῶν ἡμῶν .

Πανευαγής ΠΑΝΤΑΝΑΣΣΑ ἱκεσίαις , τοῦ Σοῦ τιμιωτάτου Ἀθανασίου ,φύλαττε τήν ποίμνην Σου ἀπρόψυστον , πάσης ἐναντιότητος , διαπαντός Σε ὑμνοῦσαν τήν προστασίαν τοῦ κόσμου

Πάντες πιστοί Σε μεσῖτιν ,πρός τόν Υἱόν καί Θεόν Σου , νῦν προβαλλόμεθα Μόνην , οἱ συσταυρούμενοι τούτῳ · διό μή παύσῃ πρεσβεύειν ΘΕΟΓΕΝΝΗΤΟΡ , ὑπέρ τῶν πίστει σε ἀνυμνούντων .

Σέ προστασίαν πάντες , ἔχομεν οἱ ἁμαρτωλοί , ὦ !!!! ΠΑΝΑΓΙΑ ΠΑΡΘΕΝΕ !!!! Σύ εὐδιάλλακον ἡμῖν , ἀπέργασαι τόν Υἱόν Σου , τῇ Μητρικῇ Σου παρρησίᾳ .

Σοῦ τό πολίτευμα Λόγε , κραταίωσον ἐν πολέμοις , τοῖς βασιλεῦσι τό νῖκος , κατά βαρβάρων παρέχων , τῆς ΘΕΟΤΟΚΟΥ πρεσβείαις , ἥν ἐδωρήσω , Χριστιανοῖς προστασίαν .

Φῶς ἡ τεκοῦσα ΠΑΡΘΕΝΕ , δυσώπησον Σαῖς πρεσβείαις , τόν Σόν Υἱόν ΘΕΟΤΟΚΕ , τοῦ οἰκτιρῆσαι καί σῶσαι , τοῦ αἰωνίου με σκότους , τόν πεποιθότα , τῇ Σῇ σεπτῇ ἀντιλήψει .

Χαῖρε Παλάτιο ντερπνόν · χαῖρε Θρόνε Κυρίου · χαῖρε Σκῆπτρον πανθαύμαστον · χαῖρε , κούφη Νεφέλη · χαῖρε Θυμιατήριον · χαῖρε Μήτηρ ἌΧΡΑΝΤΕ , τοῦ Βασιλέως Καθέδρα · χαῖρε εὔδιε λιμήν , καί προστάτις ἁπάντων , ΘΕΟΚΥΗΤΟΡ ΠΑΡΘΕΝΕ .

Χρεωστικῶς ὑμνήσωμεν , τήν θεόκλητον Ἄνναν · τήν ΑΓΝΗ ΘΕΟΤΟΚΟΝ Αὕτη γάρ, τήν ΠΑΡΘΕΝΟΝ ΜΑΡΙΑΝ , κυήσασα παρ ᾿ ἐλπίδα , ἀγχιστεύς κατά σάρκα , Χρισοῦ τοῦ Λυτρωτοῦ ἡμῶν , ἀνεδείχθη , τοῦ Ταύτην θεοπρεπῶς , προσλαβόντος σήμερον ἐν ὑψίστοις , ὑπέρ ἡμῶν πρεσβεύουσα καί εἰρήνης τοῦ κόσμου .

Χρυσοπλοκώτατε Πύργε , καί δωδεκάτειχε πόλις , ἡλιοστάλακτε Θρόνε , καθέδρα τοῦ Βασιλέως · ἀκατανόητον θαῦμα , πῶς γαλουχεῖς τόν Δεσπότην .

Πρόσδεξαι τοῦτον τόν πόθον μου ,

ἔνθεον ὅν κεκτημένος πρός Σἐ ΑΓΝΗ ,

ἐκ ῥυπαρᾶς καρδίας , ζεούσης δέ ψυχῆς ,

πρός Σέ προθύμῳ λογισμῷ, προσάγω Σοι ΣΕΜΝΗ .

Τά χείλη σιγῶσι μου , καί ἡ καρδία βοᾶ ,

τό ὄμμα πρός σέ ἀτενίζειν τήν Καθαράν ,

πῦρ ἐγκάρδιον ἔνδον βαστάζειν μου θερμῶς ,

ΔΕΣΠΟΙΝΑ ,μεταβαλε τήν φθοράν ·

Τά χείλη δόλια , αἱ πράξεις ῥυπαραί ,

τά ἔργα μου βέβηλα, καί πορεία ἀσταθής ,

ἔγειρον πρός μετάνοιαν , ἁγίων τήν ὁδόν,

ἵνα ὑμνῶ διηνεκῶς , Σέ τήν ΑΓΝΗΝ ὁ ἐναγής .

ἔγγραφον ἐν Ἱεραποστολῇ

,βκ ΄Νοεμ. Ϛ 6. Νοεμ.2020.

Ἐπιστροφή στά θεομητορικά

« Ἀρχιερατικό Ὅραμα… Ὑπόστασις Ἱερᾶς Μονῆς Παναγίας Τριχερούσης Κένυα »

Σελίδες

Κυλιομενο

Σάββατο 17 Απριλίου 2021

ΘΕΟΤΟΚίΑ ἐν μηνί Ἰουλίῳ .

Δεν υπάρχουν σχόλια:

Δημοσίευση σχολίου

Φόρμα επικοινωνίας