Κανόνες τῆς ΘΕΟΤΟΚΟΥ , έν μνῆμες ἁγίων

 

                                                  ☦

                    ΜΡ                                         ΘΥ

                                          ☦   

 

Εἰς τήν παροῦσαν ἐργασίαν , καταγράφονται , καταχωροῦντι , συγκεντρώνονται , οἱ ἀσματικοί κανόνες τῆς ΘΕΟΤΟΚΟΥ , εἰς τάς ἀσματικάς ἀκολουθίας εἰς μνήμας ἑορταζομένων ἀγίων .

 

   Εἰς μνήμας ἑορταζομένων Ἁγίων , εἰς τήν ακολουθίαν τοῦ ὄρθρου , ψάλλονται οἱ κανόνες, ἤ κανών τῶν Ἀγίων , ἐνῶ προηγεῖται κανών τῆς ΘΕΟΤΟΚΟΥ , καί ψάλλονται συνήθως , ὁ μέν κανών τῆς ΘΕΟΤΟΚΟΥ εἰς Ϛ ΄, ὁ δέ τῶν Ἁγίων είς η ΄.

   

   Ἐνταῦθα λοιπόν , εὑρίσκομεν , ἀπολαμβάνωμεν πευματικῶς , τόν ὄμορφον  ΘΕΟΜΗΤΟΡΙΚΟΝ παράδεισον , μέ γεωργούς τούς λαμπρούς ὑμογράφους, ἀσματογράφους μας .

 

   Δεῦτε ἀπολαύσωμεν , ξενίας ΘΕΟΜΗΤΟΡΙΚΗΣ , καί ἀθανάτου τραπέζης ....

 

 Εὐλόγησον ΔΕΣΠΟΙΝΑ .

 

Εὑρίσκομεν :

α. κανόνα τῆς ΘΕΟΤΟΚΟΥ , ἐν Σεπτ. κϚ   26  Σεπτεμβ.

β. κανόνα τῆς ΘΕΟΤΟΚΟΥ ,  ἐν Νοεμ. λ ΄   30  Νοεμβρ.

γ. κανόνα  τῆς  ΘΕΟΤΟΚΟΥ   ἐν Δεκ.   Ϛ ΄   6  Δεκεμβρ.

δ. κανόνα  τῆς  ΘΕΟΤΟΚΟΥ   ἐν Ἰαν.΄   κζ   27 Ἰανουαρ.

ε. κανόνα  τῆς  ΘΕΟΤΟΚΟΥ   ἐν Ἰαν.     λ ΄ 30  Ἰανουαρ.

Ϛ. κανόνα  τῆς ΘΕΟΤΟΚΟΥ   ἐν Ἰουλ. κζ ΄ 27  Ἰουλίου

                                            ☦

                     Α . Κανών τῆς ΘΕΟΤΟΚΟΥ, 

εἰς τήν ἑορτήν τοῦ Ἁγίου ἐνδόξου , καί πανευφήμου Ἀποτόλου καί Εὐαγγελιστοῦ , ἐπιστηθίου φίλου τοῦ Χριστοῦ , ἠγαπημένου , παρθένου , ἸΩΆΝΝΟΥ ΤΟΥ ΘΕΟΛΟΓΟΥ

 

                                                ☦ 

 Κανών τῆς ΘΕΟΤΟΚΟΥ, ποίημα Θεοφάνους τοῦ Γραπτοῦ.

μέ ἀκροστιχίδα , ἄνευ εἱρμῶν : κατ 'ἀλφάβητον , ἀντιστρόφως .

 

                                ῴδή α ΄     ἦχος β ΄

                                       Ὁ εἱρμός 

 

   Ἐν βυθῷ κατέστρωσε ποτέ , τήν Φραωνίτιδα , πανστρατιάν ἡ ὑπέροπλος δύναμις · σαρκωθείς ὁ Λόγος δέ , τήν παμόχθηρον ἁμαρτίαν ἐξήλειψεν , ὁ δεδοξασμένος Κύριος · ἐνδόξως γάρ δεδόξασται .

                                          Τροπάρια 

   Ὡς ὡραίαν ὡς περικαλλῆ , ὅλην ὡς ἀμώμητον · ἐν γυναιξίν Θεός Σε ἐκλεξάμενος , Σοῦ τήν Μήτραν ᾤκησεν , τήν ἀμώμητον , ὅν δυσώπει ΠΑΝΑΜΩΜΕ , μώμου ἐγκλημάτων , ἅπαντας ῥυσθῆναι τούς  ὑμνοῦντας Σε . 

   Ψαλμικῶς ΑΓΝΗ ἐκ δεξιῶν , οἵαπερ Βασίλισσα , τοῦ ἐκ τῆς Σῆς νηδύος ἀναλάμψαντος , Βασιλέως ἔστηκας · ὅν ἱκέτευε , δεξιόν παραστάτην με , δεῖξαι ἐν ἡμέρᾳ , τῆς ἀνταποδώσεως ΘΕΟΝΥΜΦΕ .

   Χερσωθεῖσαν φύσιν τῶν βροτῶν , πᾶσιν ἀτοπήμασιν , τόν ὑετόν τεκοῦσαν τόν οὐράνιον , ὅλην ἀνεκαίνισας · ἀλλά δέομαι , τῆς ψυχῆς μου τήν αὔλακα , ἀποχερσωθεῖσαν , δεῖξον καποφόρον ΘΕΟΝΥΜΦΕΥΤΕ . 

                                               ☦

                                   ῴδή γ ΄   ὁ εἱρμός 

   Ἐξήνθησεν ἡ ἔργμος , ὡσεί κρίνον Κύριε , ἡ τῶν ἐθνῶν στειρεύουσα , ἐκκλησία τῇ παρουσίᾳ σου ἐν ᾗ ἐστερεώθη ἡ καρδία μου .

                                         Τροπάρια 

   Φορέσας με τόν ἄνθρωπον , ἐκ γαστρός Σου πρόεισιν , ὁ Ποιητής ΠΑΝΑΜΩΜΕ , ἀφθαρσίαν στολήν δωρούμενος , τοῖς πολλοῖς γυμνωθεῖσιν ἀτοπήμασιν . 

   Ὑπέρτιμον ἐκύησας Θεόν Λόγον ΔΕΣΠΟΙΝΑ · ὅν ἐκτενῶς ἱκέτευε , οἰκτειρῆσαι τήν ταπεινήν μου ψυχήν , ἡδονῶν ἀτιμίας σκυθρωπάζουσαν . 

   Τά τραύματα θεράπευσον τῆς ψυχῆς μου ἌΧΡΑΝΤΕ · τήν ταπεινήν καρδίαν μου φαρμαχθεῖσαν ἰῷ  τοῦ ὄφεως ,δραστικῷ Σου φαρμάκῳ περιποίησαι . 

                                                 ☦

                            ῴδή δ ΄  ὁ εἱρμός 

   Ἐλήλυθας ἐκ ΠΑΡΘΕΝΟΥ οὐ πρέσβυς , οὐκ Ἄγγελος · ἀλλ ᾿ αὐτός ὁ Κύριος , σεσαρκωμένος καί ἔσωσας , ὅλον με τόν ἄνθρωπον · διό κραυγάζω Σοι · δόξα τῇ δυνάμει Σου Κύριε , 

                                           Τροπάρια  

    Σταγόνα μοι κατανύξεως ὄμβρησον ΔΕΣΠΟΙΝΑ , ἐξαίρρουσαν ἅπαντα , τόν τῆς καρδίας μου καύσωνα , καί τῆς ἀθυμίας μου , τάς βλαβεράς ἐπικλύσεις ἀναστέλλουσαν .

   Ῥομφαίᾳ με , ἡδονῆς πληγωθέντα καί κείμενον τραυματίαν  ἌΧΡΑΝΤΕ , μή ὑπερίδης , ἀλλά ἴασαι , λόγχῃ καί τῷ Αἵματι , τοῦ Σταυρωθέντος Υἱοῦ Σου καί Θεοῦ ἡμῶν .

   Πλουτήσασα , δεσποτείαν ἁπάσης τῆς κτίσεως , δεινῶς με πτωχεύσαντα , χάριτος θείας ἀξίωσον , ὅπως μεγαλύνω Σε , ὡς ἀγαθήν με προστάτιν ΠΑΝΑΜΩΜΗΤΕ . 

                                            ☦

                                 ῴ δή ε ΄ ὁ εἱρμός 

 

   Μεσίτις Θεοῦ  , καί ἀνθρώπων γέγονας , Χριστέ ὁ Θεός · διά Σοῦ γάρ Δέσποτα , τήν πρός τόν ἀρχίφωτον Πατέρα Σου , ἐκ νυκτός ἀγνωσίας , προσαγωγήν ἐσχήκαμεν .

                                             Τροπάρια 

   Ὁδόν τῆς ζωῆς , ἡ τεκοῦσα ἌΧΡΑΝΝΤΕ , ὁδήγησον , ὁδόν εἰς εὐθεῖαν με , νῦν εἰς ἀνοδίας  τε καί βάραθρα , χαλεπῶν συμπτωμάτων , ἀλόγως κρημνιζόμενον .

   Ξενώσας φρενί , ἑμαυτόν ἀγνώμονι ΠΑΡΘΕΝΕ Θεοῦ , ἀσώτως ἐβίωσα , χώραν εἰς μακράν παθῶν πλανώμενος , ἀλλ ᾿ ἐπίστρεψον σῶσον , ταῖς Σαῖς με παρακλήσεσιν · 

   Ναμάτων τῶν Σῶν ζωηῤῥύτων πότισον τόν δοῦλον σου , φλογμῷ συγκαιόμενον , τῶν ἁμαρτιῶν καί φλογιζόμενον , προσβολαῖς τῶν δαιμόνων , ΠΑΡΘΕΝΟΜΗΤΟΡ ΑΧΡΑΝΤΕ .

                                                 ☦

                                 ῴδή Ϛ ὁ εἱρμός , 

   Ἐν ἀβύσσῳ πταισμάτων κυκλούμενος , τήν ἀνεξιγχνίαν σου , τῆς εὐσπλαγχνίας Σου , ἐπικαλοῦμαι ἄβυσσον , ἐκ φθορᾶς ὀ Θεός με ἀνάγαγε .

                                      Τροπάρια   

   Μή με δείξης δαιμόνων ἐπίχαρμα , ἐν τῷ κριτηρίῳ τῷ μέλλοντι , ΔΕΣΠΟΙΝΑ , ἀλλ ᾿ εὐμενῶς προσβλέψαι μοι , τό Κριτήν καί Υἱόν Σου δυδὠπησον .

   Λογισμοῖς παροργίζων Σε Κύριε , καί ταῖς πονηραῖς καί ἀθέσμοις μου πράξεσιν , εἰς ἱλασμόν προσάγω σοι , τή Μητέραν σου οἴκειρον καί σῶσον με .

   Κατακρίσεως ῥῦσαῖ με ΔΕΣΠΟΙΝΑ , τόν αὐτοκατάκριτον , ὄντα τοῖς πταίσμασιν , ὡς τόν Κριτήν κυήσασα , καί Θεόν ,τῶν ἁπάντων ΠΑΝΥΜΝΗΤΕ .

                                               ☦

                              ῴδή ζ ΄ὁ εἱρμός .

   Ἀντίθεον πρόσταγμα , παρανομοῦντος τυράννου , μετάρσιον τήν φλόγα , ἀνεῤῥίπισε · Χριστός δέ ἐφήπλωσε , θεοσεβέσι Παισί , , δρόσον τήν τοῦ Πνεύματος , ὁ ὤν εὐλογημένος  , καί ὑπερένδοξος .

                                    Τροπάρια 

   Ἰσχύς μου καί ὕμνησις καί σωτηρία ,  βεβαία ἀντίληψις  καί τεῖχος ἀπροσμάχητον , ὑπάρχουσα ΔΕΣΠΟΙΝΑ , τούς πολεμοῦντας με δαίμονας πολέμησον , ἀεί ἐπιζητοῦντας τοῦ θανατῶσαι με .

   Θεόν σωματώσασα  Παρθενικῶν Σου Αἱμάτων , ἐθέωσας ΠΑΡΘΕΝΕ τό ἀνθρώπινον · διό με τοῖς πάθεσι καταῤῥυπούμενον , καί καταφθειρόμενον ἐχθροῦ ταῖς μεθοδείαις ῥῦσαι ταῖς πρεσβείαις Σου .

  Ἡ κάμινος τήν γέννησιν προδιετύπου  τήν Σήν ΠΑΝΑΜΩΜΗΤΕ · τούς παῖδας γάρ οὐκ ἔφλεξεν , ὡς οὐδέ τήν Μήτραν Σου ,τό πῦρ τό ἄστεκτον · ὅθεν ἱκετεύω Σε , πυρός αἰωνίου ῥῦσαι τόν δοῦλον Σου .

                                                ☦

                            ῴδή η ΄     ὁ εἱρμὀς 

   Κάμινος ποτέ , πυρός ἐν Βαβυλῶνι , τάς ἐνεργείας διεμέριζεν  τῷ θείῳ προστάγματι , τούς Χαλδαίους καταφλέγουσα , τούς δέ πιστούς δροσίζουσα ψάλλοντας · εὐλογεῖτε πάντα τά ἔργα , Κυρίου τόν Κύριον .

                                   Τροπάρια 

   Ζήλου τά καλά, κακῶν μακρυνομένη , δι ᾿ ἐμμελείας θείων πράξεων ψυχή μου , πρεσβεύουσαν ὑπέρ σοῦ , τήν ΘΕΟΜΗΤΟΡΑ , καί πάντων ἀκαταίσχυντον , ἔχουσα προστασίαν , ὡς συμπαθῆ καί φιλάνθρωπον .

   Ἔλυσας  δεσμοῦ , τῆς πάλαι  καταδίκης , ΘΕΟΚΥΗΤΟΡ τό ἀνθρώπινον · ὅθεν ἱκετεύω Σε , διαλῦσαι πάντα σύνδεσμον , κακίας τῆς καρδίας μου ,ἌΧΡΑΝΤΕ , συνδεσμοῦσα  θείᾳ στοργῇ με τοῦ κτίσαντος .

   Δόξης τοῦ Πατρός , απαύγασμα , τεκοῦσα , τήν ἀδοξίᾳ σκυθρωπάζουσαν , πταισμάτων καρδίαν μου  ΘΕΟΤΟΚΕ , καταφαίδρυνον , καί δόξης με ἀνάδειξον , μέτοχον ἀϊδίου , ὅπως ἐν πίστει δοξάζω Σε .

                                              ☦

                                  ῴδή  θ ΄   ὁ εἱρμός 

   Ἀνάρχου Γεννήτορος , Υἱός Θεός καί Κύριος , σαρκωθείς ἐκ ΠΑΡΘΕΝΟΥ ἡμῖν ἐπέφανεν `τά ἐσκοτισμένα φωτίσαι , συναγαγεῖν τά ἐσκορπισμένα, διό τήν ΠΑΝΥΜΝΗΤΟΝ ΘΕΟΤΟΚΟΝ μεγαλύνομεν .

                                   Τροπάρια

   Γευσάμενος βρώσεως , μή προσηκούσης θάνατον , ὀ Ἀδάμ ἐκ τοῦ ξύλου , πικρῶς ἐτρύγησεν · ξύλῳ δέ παγείς ὁ Υἱός Σου , τόν γλυκασμόν τῆς ἀθανασίας , ἐπήγασε ἌΧΡΑΝΤΕ , διά τοῦτο Σε γεραίρομεν . 

    Βασίλισσα πέφυκας , τόν Βασιλέα Κύριον , ὑπέρ λόγον τεκοῦσα τόν διαλύσαντα , ᾃδου τά βασίλεια ΚΟΡΗ ,ὅν ἐκτενῶς δυσώπει τῆς ἄνω βασιλείας ἅπαντας , ἀξιῶσαι τούς τιμῶντάς Σε .

   Ἀγάθυνον ΔΕΣΠΟΙΝΑ , τήν ταπεινήν καρδίαν μου , ἡδονῶν κακωθεῖσαν ταῖς ἐπικλύσεσιν , ὡς τόν ἀγαθόν τετοκυῖαν , καί ἈΓΑΘΗ ὐπάρχουσα ὅλη , καί πρός μετανοίας με ἀγαθάς πύλας εἰσάγαγε .

 

 

 

 

 

 

                                   ☦☦

 

                       Β. Κανών τῆς ΘΕΟΤΟΚΟΥ

Εἰς τήν ἑορτήν , μνήμην , τοῦ Ἁγίου ἐνδόξου καί Πανευφήμου Ἀποστόλου Ἀνδρέου τοῦ Πρωτοκλήτου , ἐν Νοεμ . λ ΄

 

                                            ☦

 Κανών τῆς ΘΕΟΤΟΚΟΥ , ποίημα Ἰωάννου τοῦ Δαμασκηνοῦ

                                              ☦    

                                    Ώδή α ΄   ἦχο ς α ΄ 

                                            εἱρμός 

   ᾩδήν ἐπινίκιον ἄσωμεν πάντες , Θεῷ τῷ ποιήσαντι , θαυμαστά τέρατα, βραχίονι ὑψηλῷ καί σώσαντι τόν Ἰσραήλ , ὅτι δεδόξασται .

                                            Τροπάρια 

   Ὡς Μόνη τόν ἄχρονον , Υἱόν ἐν χρόνῳ τεκοῦσα σαρκί ΑΓΝΗ , ΠΑΝΑΓΙΑ ΑΧΡΑΝΤΕ , πάντα τά χρόνια τῆς παναθλίας μου ψυχῆς , πάθη θεράπευσον .

   Τά τραύματα ἌΧΡΑΝΤΕ τά τῆς ψυχῆς μου , καρδίας τήν πώρωσιν , λογισμοῦ τήν σκότωσιν , καί τοῦ νοός ἐκτροπάς , ἀφάνισον ὡς συμπαθής , ταῖς Σαῖς δεήσεσιν .

   Τό φῶς ἡ κυήσασα τόν Λυτρωτήν μου , τοῦ σκότους με λύτρωσαι , καί βασάνων Ἄχραντε , τῶν αἰωνίων ἐκεῖ , ὅπως σῳζόμενος , ὑμνῶ τά μεγαλεῖα Σου .

   Νοός μου ΠΑΝΑΜΩΜΕ τάς ἀμαυρώσεις , φωτί Σου ἀπέλασον , ἡ τό φῶς κυήσασα ·  καί δώρησαί μοι ΑΓΑΘΗ , προσβλεψαι τό φῶς τό ἐκ Σοῦ , ἐξανατεῖλαν ἡμῖν .

                                                 ☦ 

                                   ῴδή γ  ΄   ὁ εἱρμός .

   Στερεωθήτω ἡ καρδία μου , εἰς τό θέλημα σου Χριστέ ὁ Θεός , ὁ ἐφ ᾿ ὑδάτων οὐρανόν , στερεώσας τόν δεύτερον , καί ἑδράσας ἐν τοῖς ὕδασι , τήν γῆν παντοδύναμε .

                                       Τροπάρια

   Τῆς στειρευούσης διανοίας μου , ἀκαρπίαν πᾶσαν ἀπέλασον , καί καρποφόρον ἀρεταῖς , τήν ψυχήν μου ἀνάδειξον , ΠΑΝΑΓΙΑ ΘΕΟΤΟΚΕ , τῶν πιστῶν ἡ βοήθεια .

   Ῥῦσαί με πάσης κατακρίσεως , καί πολλῶν σκανδάλων τοῦ ὄφεως , τοῦ αἰωνίζοντος πυρός , καί τοῦ σκότους ΠΑΝΑΜΩΜΕ , ἡ τό φῶς ἀποκυήσασα , ἡμῖν τό ἀνέσπερον .

   Τό ἀπαραίτητον κριτήριον , καί τό πῦρ ἐκεῖνο τό ἄσβεστον , καί τήν ἀπόφασιν ΑΓΝΗ , τήν φρικτήν ὅλως δέδοικα · σπεῦσον σῷσον πρό τοῦ τέλους , ΑΓΑΘΗ τόν ἱκέτην Σου .

   Εὐλογημένος τῆς κοιλίας Σου , ὁ καρπός ΠΑΡΘΕΝΕ ΑΓΝΗ ΠΑΝΥΜΝΗΤΕ · τούς γάρ φθαρέντας τῷ καρπῷ , διά ξύλου Σταυροῦ αὐτοῦ , ἀφθαρτίσας κατεστήσατο , κοινωνούς θείας χάριτος . 

                                              ☦  

                             ῴδή δ΄   ὁ εἱρμός .

   Ἐν Πνεύματι προβλέπων , Προφῆτα Ἀββακούμ , τήν τοῦ Λόγου σάρκωσιν , ἐκήρυττες βοῶν · ἐν τῷ ἐγγίζειν τά ἔτη ἐπιγνωσθήσῃ , ἐν τῷ παρεῖναι τόν καιρόν ἀναδειχθήσῃ , δόξα τῇ δυνάμει Σου Κύριε .

                                    Τροπάρια  

   ΠΑΡΘΕΝΕ ΠΑΝΑΓΙΑ , Ἀμόλυντε Σκηνή , μολυθέντα πταίσματι , καθάρισόν με νῦν , τῶν οἰκτιρμῶν Σου ῥανίσι καθαρωτάταις , καί δός μοι χεῖρα βοηθείας , ἵνα κράζω · δόξα Σο ΑΓΝΗ Θεοδόξασται .

   Ναός ἡγιασμένος , ἐδείχθης τοῦ Θεοῦ , τοῦ ἐν Σοί οἰκήσαντος , ΠΑΡΘΕΝΕ ὑπέρ νοῦν · αὐτόν δυσώπει , ἁμαρτιῶν ἡμᾶς ῥύπου , ἀποκαθάραι , ὅπως οἶκος γνωρισθῶμεν , καί κατοικητήριον Πνεύματος .

   Ἐλέησόν με Μόνη ἐλέους τήν πηγήν ΘΕΟΤΟΚΕ τέξασα , καί λῦσον τήν δεινήν , τῆς ψυχῆς μου νόσον , καί πόρωσιν τῆς καρδίας , δακρύων ῥεῖθρα καί κατάνυξιν , πρό τέλους , θείαν δωρουμένη πρεσβείαις Σου .  

   Νοήσας ὁ προφήτης ἐν Πνεύματι Θεοῦ , Ὄρος Σε προέγραψεν κατάσκιον ΑΓΝΗ , τούς γάρ φλογμῷ τῶν ἐγκλημάτων , ἐκτακέντας , ἀποκαθαίρεις μεσιτείαις Σου ΠΑΡΘΕΝΕ , Μόνη τῶν βροτῶν ἡ ἀνόρθωσις . 

                                                 ☦

                                     ῴδή ε ΄  ὁ εἱρμός .

   Τήν σήν εἰρήνην δός ἡμῖν , Υἱέ τοῦ Θεοῦ · ἄλλον γάρ ἐκτός σου , Θεόν οὐ γινώσκομεν , τό ὄνομά σου ὀνομάζομεν , ὅτι Θεός ζώντων καί τῶν νεκρῶν ὑπάρχεις .

                                     Τροπάρια 

    Τάς κόρας τῆς καρδίας μου διάνοιξον ΑΓΝΗ , βλέπειν με τρανῶς , τήν θείαν λαμπρότητα , καί τήν Σήν δόξαν τήν ἀνέκφραστον , ὅπως ἐλέους τύχω  , καί αἰωνίου δόξης . 

   Ἐν δύο ταῖς θελήσεσιν , τόν ἕνα τῆς σεπτῆς , τέτοκας Τριάδος , ΠΑΝΑΧΡΑΝΤΕ , φέροντα μίαν τήν ὐπόστασιν , ὅν ἐκτενῶς δυσώπει , πάντας ἡμᾶς σωθῆναι .

   ΠΑΝΑΧΡΑΝΤΕ , ὡς τέξασα , Σωτῆρα καί Θεόν , πρέσβευε , ἐκ πάσης με θλίψεως , καί νοσημάτων καί κακώσεως , συτηρηθῆναι   σῶον , τόν Σόν ἀχρεῖον δοῦλον .

   Δυσώπησον ὅν ἔτεκες , ΠΑΡΘΕΝΕ ὑπέρ νοῦν , σώζεσθαι τούς πίστει Σοί κράζοντας · χαῖρε ΠΑΡΘΕΝΕ ΠΑΝΑΜΩΜΗΤΕ , Εὐλογημένη , Μόνη τοῦ κόσμου προστασία .

                                                   ☦

                                  ῴδή Ϛ ΄ὁ εἱρμός .

   Τόν Προφήτην Ἰωνᾶν ἐκμιμούμενος βοῶ · τήν ζωήν μου ἀγαθέ ἐλευθέρωσον φθορᾶς , καί σῶσον με Σωτήρ τοῦ κόσμου κράζοντα δόξα σοι .

                                      Τροπάρια . 

   Μολυθέντα με πολλαῖς , ἁμαρτίαις δυσωπῶ , Σέ τήν ὄντως ἀγαθήν , καί ἀμόλυντον Σκηνήν , ἀπόπλυνον , παντοίου ῥύπου , τῇ μεσιτείᾳ Σου .

   Κυβερνήτης μοι γενοῦ , θαλαττεύοντι ἀεί , ἐν πελάγει τῶν δεινῶν , τῶν τοῦ βίου πειρασμῶν , καί σῶσον με , πρός σωτηρίας ὅρμον ἰθύνουσα .

   Τρικυμίαι λογισμῶν , καί παθῶν ἐπαγωγαί , καί βυθός ἁμαρτιῶν , τήν ἀθλίαν μου ψυχήν , χειμάζουσι · βοήθησόν μοι ΑΓΙΑ ΔΕΣΠΟΙΝΑ .

   Μεγαλεῖα Σοι ἀεί , ἐποιήσατο Χριστός , ὅν ἱκέτευε ἀεί , μεγαλῦναι ἐν ἐμοί , τά πλούσια , αὐτοῦ ἐλέη ΘΕΟΧΑΡΙΤΩΤΕ .

                                                  ☦

                                        ῴδή ζ΄   ὁ εἱρμός .

   Τούς ἐν καμίνῳ Παῖδας σου Σωτήρ , οὐχ ἥψατο , οὐ παρηνώχλησε τό πῦρ · τότε οι τρεῖς ὡς ἐξ ᾿ ἑνός στόματος , ὕμνουν καί εὐλόγουν λέγοντες · εὐλογητός ὁ Θεός , ὁ τῶν Πατέρων ἡμῶν .

                                         Τροπάρια 

   Τήν μιανθεῖσαν ἌΧΡΑΝΤΕ ψυχήν , ἁγίασον , πάντοτε τοῦ δούλου Σου ΑΓΝΗ ,  καί τοῦ νοός δεινάς αἰχμαλωσίας , καί καρδίας πώρωσιν , καί τῶν δαιμόνων ὁρμάς , τάχος ἀφάνισον .

   Νενεκρωμένον πάθεσι σαρκός , ΠΑΝΑΜΩΜΕ ζώωσον τόν νοῦν μου , καί Θεῷ  τά ἀρεστά ἐπιτελεῖν , ἐνίσχυσον με · ἵνα μεγαλύνω Σε ἵνα δοξάζω ἀεί τήν ἀγαθότητά Σου .

   Νέκρωσον μου ΔΕΣΠΟΙΝΑ ΑΓΝΗ , τά τῆς σαρκός μου πάθη , καί ψυχῆς μου ταπεινῆς ῥύπον , δεινόν ἐναποσμήχουσα ΣΕΜΝΗ ΠΑΡΘΕΝΕ , καί λογοθεσίου με  , τῶν ἀοράτων ἐχθρῶν , ῥῦσαι καί σῶσον με .

   Σοί ΠΑΝΑΓΙΑ ΑΧΡΑΝΤΕ ΑΓΝΗ , οἱ δοῦλοι Σου πάντοτε ἡμέρας καί νυκτός , προσπίπτομεν συντετριμμένῃ διανοίᾳ , δυσωποῦντες λύτρωσιν , ἁμαρτημάτων  εὑρεῖν , ταῖς ἱκεσίαις ταῖς Σαῖς . 

                                                    ☦

                                         ῴδή  η ΄    ὁ εἱρμός .

    Ὅν φρίττουσιν Ἄγγελοι , καί πᾶσαι στρατιαί , , ὡς Κτίστην καί Κύριον , ὑμνεῖτε ἱερεῖς ,δοξάσατε παῖδες , εὐλογεῖτε λαοί , καί ὑπερυψοῦτε εἰς πάντας τούς αἰῶνας .

                                         Τροπάρια       

   Σαρκοῦται ὁ ἄσαρκος ἐκ Σοῦ θεοπρεπῶς · ὅν αἴτησαι ΠΑΝΑΓΝΕ , τά πάθη τῆς ἐμῆς ψυχῆς θανατῶσαι , καί ζωῶσαι αὐτήν , νεκρωθεῖσαν πάλαι , κακίστῃ ἁμαρτίᾳ .

   Ἰάσω τό σύντριμμα , Ἀδάμ τοῦ χοϊκοῦ , Σωτῆρα κυήσασα , ΠΑΝΑΧΡΑΝΤΕ Θεόν · αὐτόν ἐκδυσώπει , τάς πληγάς τῆς ἐμῆς  ψυχῆς θεραπεῦσαι , ἀνίατα νοσούσης . 

   Ἀνάστησον κείμενον , εἰς βάθη με κακῶν · τούς νῦν πολεμοῦντας πολέμησον ἐχθρούς · τρωθέντα ἀτόποις ἡδοναῖς τήν ψυχήν , ΑΓΝΗ μή παρίδης , ἀλλ ᾿ οἴκτειρον καί σῶσον .

   Ἰἀτρευσον ΑΧΡΑΝΤΕ , τά πάθη τῆς ἐμῆς , καρδίας κυήσασα , τόν πάντων ἰατρόν · καί τῆς τῶν δικαίων δεῖξον μέτοχον , ΑΓΝΗ ΠΑΡΘΕΝΕ μερίδος ,  Χριστόν ἐκδυσωποῦσα .

                                                    ☦

                                      ῴδή θ  ΄   ὁ εἱρμός .

   Τήν φωτοφόρον Νεφέλην , ἐν ᾗ ὁ πάντων Δεσπότης , ὠς ὑετός ἐξ ᾿ οὐρανοῦ , ἐπί πόκον κατῆλθεν , καί ἐσαρκώθη δι ᾿ ἡμᾶς , γενόμενος ἄνθρωπος , ὁ ἄναρχος , μεγαλύνομεν πάντες, ὡς Μητέρα τοῦ Θεοῦ ἡμῶν ΑΓΝΗΝ .

                                           Τροπάρια 

   Φιλαμαρτήμων ὑπάρχων , ἐν ἀμελείᾳ διάγω , καί τό κριτήριον ΑΓΝΗ , τό ἀδέκαστον τρέμω , ἀν ᾧ μέ τήρησον ταῖς Σαῖς Ἀγίαις δεήσεσιν , ΘΕΟΝΥΜΦΕ , ἀκατάκριτον ὅπως , ὡς προστάτιν  , μεγαλύνω Σε ἀεί .

   Φρίττω τό βῆμα ΠΑΡΘΕΝΕ , καί τό ἀλάθητον ὄμμα , τοῦ Σοῦ Υἱοῦ , πράξεις αἰσχράς , ἐπί γῆς ἐκτελέσας · καί διά τοῦτο Σοι βοῶ · Πανεύσπλαγχνε ΔΕΣΠΟΙΝΑ βοήθει μοι , καί τῆς τότε ἀνάγκης , ἐξελοῦμε καί διάσωσον ΑΓΝΗ .

   Ὡς φοβερά ἡ ἡμέρα , τῆς ἐξετάσεως ΚΟΡΗ · ὡς ἡ ἀπόφασις φρικτή , ὡς δεινή ἡ αἰσχύνη , τίς ὑποστήσεται λοιπόν ; ΠΑΝΑΧΡΑΝΤΕ ΔΕΣΠΟΙΝΑ , ἐλέησον , τήν ἀθλίαν μου ψυχήν , καί πρό τέλους δός μοι , ἄφεσιν ΑΓΝΗ .

   Φῶς ἡ τεκοῦσα τό θεῖον , ἐσκοτισμένον με πάσαις , ταῖς προσβολαῖς τοῦ πονηροῦ , καί κακίαις ἁπάσαις , καί παροργίζοντα Θεόν , ΠΑΝΑΜΩΜΕ φώτισον , ὁδηγοῦσα πρός καλάς ἐργασίας , ὡς αἰτία οὖσα πάντων τῶν καλῶν .   

 

                                         ☦☦☦

  Γ. Κανών τῆς ΘΕΟΤΟΚΟΥ , εἰς τήν ἑορτήν -μνήμην τοῦ ἐν Ἁγίοις Πατρός ἡμῶν Νικολάου Ἀρχιεπισκόπου Μύρων τῆς Λυκίας τοῦ θαυματουργοῦ .

                                              ☦

Κανών τῆς ΘΕΟΤΟΚΟΥ , ποίημα Ἁγίου Ἀνδρέου Κρήτης τοῦ Ἱεροσολυμήτου 

                                                    ☦

                                     ἦχος  α ΄  . ἦχος α ΄

                                               ὁ εἱρμός .  

   ´Ωδήν ἐπινίκιον , ἄσωμεν πάντες , Θεῷ τῶ ποιήσαντι , θαυμαστά τέρατα  βραχίονι ὑψηλῶ  καί σώσαντι τόν Ἰσραήλ , ὅτι δεδόξασται.

                                         Τροπάρια 

   Σοφίας τήν ἄβυσσον ἡ τετοκυῖα , σταγόνα σοφίας μοι , Πηγή χαριτόβρυτε , ΣΕΜΝΗ κατάπεμψον , ὑμνολογῆσαι τῶν χαρίτων Σου τό πέλαγος .

  Ὑμνῶ Σε ΠΑΝΥΜΝΗΤΕ , ἥν ἀνυμνοῦσιν , Ἀγγέλων τά τάγματα , ὡς Θεόν κυήσασα , τόν ὑπερύμνητον , ὅν πᾶσα κτίσις ἀνυμνεῖ , ὅτι δεδόξασται . 

                                            ☦

                           ῴδή  γ ΄    ὁ εἱρμός

   Στερεωθήτω ἡ καρδία μου , εἰς τό θέλημα σου Χριστέ ὁ Θεός , ὁ ἐφ ᾿ ὑδάτων οὐρανόν , στερεώσας τόν δεύτερον , καί ἑδράσας ἐν τοῖς ὕδασι , τήν γῆν παντοδύναμε . 

                                       Τροπάρια

   Ὁ οὐρανός ὁ καθαρώτατος , τό τοῦ Βασιλέως  ἀνάκτορον , ὁ χαριτόπνους ἀληθῶς , καί εὐώδης Παράδεισος , ἡ ἐλπίς Χριστιανῶν , ἡ ΘΕΟΤΟΚΟΣ ὐμνείσθω μοι . 

   Λόγῳ τόν Λόγον ἀπεκύησας , τόν τῷ λόγῳ πάντα πρός ὕπαρξιν , παραγαγόντα λογικήν , φύσιν ἅμα καί ἄλογον , ἀλογίας ἐκλυτρούμενον , βροτούς Παντευλόγητε .

                                                    ☦

                                     ῴδή δ ΄   ὁ εἱρμός .

   Ἐν Πνεύματι προβλέπων , Προφῆτα Ἀββακούμ , τήν τοῦ Λόγου σάρκωσιν , ἐκήρυττες βοῶν · ἐν τῷ ἐγγίζειν τά ἔτη ἐπιγνωσθήσῃ , ἐν τῷ παρεῖναι τόν καιρόν ἀναδειχθήσῃ , δόξα τῇ δυνάμει Σου Κύριε .

                                        Τροπάρια 

  Θανάτου μέν αἰτία , ἡ Εὔα τοῖς βροτοῖς , συμβουλίᾳ ὄφεως , γεγένηται ΑΓΝΗ · Σύ δέ ΠΑΡΘΕΝΕ τεκοῦσα λόγῳ τόν Λόγον , ἀθανασίας καί ζωῆς πρόξενος ὤφθης , ὅθεν ἐπαξίως ὐμνοῦμεν Σε .

   Ἐν Πνεύματι προφῆται , προεῖδον Σε ΑΓΝΗ , Ὄρος Πύλην Τράπεζαν , Ἁγίαν Κιβωτόν , Λυχνίαν Θρόνον , ζωῆς , Στάμνον καί Κλήνην , Θεοῦ Μτέρα , ἐν συμβόλοις Σε δηλοῦντες , ὧν ἡμεῖς ὁρῶμεν τήν ἔκβασιν . 

                                                   ☦

                                  ῴδή ε΄   ὁ εἱρμός 

   Τό φαεινόν ἡμῖν ἐξανατειλον φῶς τό ἀπρόσιτον , τοῖς ὀρθρίζουσι ἐπί τά κρίματα , τῶν ἐντολῶν σου Δέσποτα φιλάνθρωπε , Χριστέ ὁ Θεός ἡμῶν .

                                      Τροπάρια 

    Ὡς Κιβωτός ΣΕΜΝΗ Ἁγιάσματος , καί ὡς πυρίμορφος Θρόνος ἅγιος , καί ὡς Παλάτιον ἡγιασμένον ΔΕΣΠΟΙΝΑ , ἐχώρησας , Θεόν Παντοκράτορα .

   Μήτηρ ἀπειράνδρως ἐν παρθένοις Σύ , αὖθις ΠΑΡΘΕΝΟΣ δέ ἐν μητράσι , Μόνη ΠΑΝΑΓΝΕ , ἀῤῥήτως ὤφθης · Θεόν γάρ ἐγέννησας, τόν φύσεις ἀμείβοντα .

                                             ☦ 

                                 ῴδή Ϛ ΄   ὁ εἱρμός .

   Τόν Προφήτην Ἰωνᾶν ἐκμιμούμενος βοῶ · τήν ζωήν μου ἀγαθέ ἐλευθέρωσον φθορᾶς , καί σῶσον με Σωτήρ τοῦ κόσμου κράζοντα δόξα σοι . 

                                         Τροπάρια 

   Προστασία τῶν πιστῶν , ἀθυμούντων χαρμονή , εὐφροσύνης καί χαρᾶς ,ἔμπλησον πνευματικῆς · τούς δούλους Σου , τούς πεποιθότας τῇ προστασία Σου .

   Οὐρανός ὁ λογικός , ὁ Ναός ὁ καθαρός , ἡ Ἁγία Κιβωτός , ὁ τερπνότατος Θεοῦ Παράδεισος , ἐν ᾧ τό ξύλον τῆς ζωῆς , ὑμνείσθῳ μοι .

                                                   ☦ 

                                   ῴδή ζ ΄    ὁ εἱρμός .

   Ἡ κάμινος Σωτήρ ἐδροσίζετο , οἱ Παῖδες δέ χορεύοντες ἔψαλλον · εὐλογητός εἶ , Κύριε ὁ Θεός , ὁ τῶν Πατέρων ἡμῶν 

                                         Τροπάρια 

   Ὅ Ὕψιστος Παράδεισον ἔμψυχον , Παστάδαν τε ΑΓΝΗ  χαριτόπλοκον , χρυσόμορφον πορφύραν , καί οὐρανόν Σε ὀνομάζομεν .

   Στερέωσον τόν νοῦν μου τρεπόμενον , τόν λογισμόν κλονούμενον , ἕδρασον ἐν ἀσαλεύτῳ με πέτρα , τῇ Σῇ Σκέπῃ ΑΓΝΗ ΜΗΤΡΟΠΑΡΘΕΝΕ .

                                             ☦

                                     ῴδή η ΄    ὁ εἱρμός .

   Ὅν φρίττουσιν Ἄγγελοι , καί πᾶσαι στρατιαί , , ὡς Κτίστην καί Κύριον , ὑμνεῖτε ἱερεῖς ,δοξάσατε παῖδες , εὐλογεῖτε λαοί , καί ὑπερυψοῦτε εἰς πάντας τούς αἰῶνας . 

                                         Τροπάρια 

   Ὡς ἔμψυχος θάλαμος , καί ἔμπνους ἁλουρτίς , χλαμύς ἀλουργόχροος , τῷ πάντων Βασιλεῖ , ἐδείχης ΠΑΡΘΕΝΕ , καί πορφύρᾳ ἐξ ᾿ ἧς ἡ σάρξ συνεξυφάνθη , τοῦ Θεανθρώπου Λόγου .

   Συνέλαβες ἌΧΡΑΝΤΕ τόν ἅπασαν δρακί , τήν κτίσιν συνέχοντα · ὡς Κτίστην καί Θεόν , ἀῤῥήτως ἀφράστως , δι ᾿ ἡμᾶς , καθ ᾿ ἡμᾶς βροτόν γενόμενον , καί ὅ ἦν μή ἐκστάντα .

                                                   ☦ 

                                   ῴ δή  θ ΄   ὁ εἱρμός .

   Τήν Ζωοδόχον Πηγήν τήν ἀέναον , τήν φωτοφόρον Λυχνίαν τήν πάγχρυσον , τόν Ναόν τόν ἔμψυχον , τήν Σκηνήν τήν ἌΧΡΑΝΤΟΝ , τοῦ οὐρανοῦ καί τῆς γῆς τήν πλατυτέραν .τήν ΘΕΟΤΟΚΟΝ , οἱ πιστοί μεγαλύνομεν . 

                                      Τροπάρια 

   Ῥείθρῳ τῆς Σῆς με καταύγασον χάριτος , τῶν συμφορῶν τῷ φλογμῷ φλογιζόμενον , καί δεινῶς τηκόμενον , Πηγή χαριτόβρυτε , τόν ποταμόν ἡ τεκοῦσα τῶν χαρίτων , ἐξ ᾿ οὗ ὁ πίνων , διψήσει οὐδέποτε .

   Ὥς τοῦ Νυμφίου ὡραῖον τε Θάλαμον , ὡς τοῦ Δεσπότου Παλάτιον ἔμψυχον , ὡς Πορφύραν πάγχρυσον , καί τερπνόν ἀνάκτορον , τοῦ Χριστοῦ , ΔΕΣΠΟΙΝΑ πάντων , καθικετεύοντά  Σε σῶσον με . 

 

 

 

                                        ☦☦☦☦

   Δ. Κανών τῆς ΘΕΟΤΟΚΟΥ , εἰς τήν μνήμην , ἑορτήν τοῦ ἐν Ἁγίοις Πατρός ἡμῶν , Ἰωάννου Ἀρχιεπισκόπου Κων/ως τοῦ Χρυσοστόμου .

                                            ☦   

Κανών τῆς ΘΕΟΤΟΚΟΥ ,ποίημα Ἁγ. Ἰωάννου Δαμασκηνοῦ , ἤ Εὔχαΐτων , οὗ ἡ ἀκροστιχίς  : 

Χαίροις χαρᾶς σκήνωμα , τῆς λύπης λύσις , ῴδή Ἰωάννου  

                                             ☦ 

                                   ῴδή α ΄    ἦχος πλ. δ ΄

                                           ὁ εἱρμός .

   Ἁρματηλάτην Φαραώ ἐβύθισε , τερατουργοῦσα ποτέ , Μωασαϊκή ῥάβδος , σταυρωτύπως πλήξασα , καί διελοῦσα θάλασσαν , Ἰσραήλ δέ φυγάδα, πεζόν ὁδίτην διέσωσεν , ᾆσμα τῷ Θεῷ ἀναμέλποντα .

                                        Τροπάρια 

   Χαῖρε κατάρας παλαιᾶς ἡ λύτρωσις , καί εὐλογίας Πηγή , χαῖρε ζωῆς Μήτηρ , ἅδου ἡ καθαίρεσις , θανάτου ἡ ἀναίρεσις · χαῖρε λύσις τῆς λύπης , χαρᾶς δοχεῖον εὑρύχωρον , χαῖρε ΘΕΟΤΟΚΕ ΠΑΝΜΥΜΝΗΤΕ .

   Ἅρμα τοῦ Λόγου λογικόν καί ἔμψυχον , χαῖρε ΠΑΝΑΜΩΜΕ · Δαυιτικόν ἅρμα , χαῖρε πολυώνυμον , ἅρμα μυριοπλάσιον · χαῖρε ἡ ἀσυγκρίτως τῶν Χερουβίμ ὑπερέχουσα , καί τῶν Σεραφίμ ὑπερφέρουσα .

   Ἱερωτέρα νοερῶν Δυνάμεων , χαῖρε ΘΕΟΝΥΜΦΕ · χαῖρε κτιστῆς πάσης ἀνωτέρα φύσεως · χαῖρε Θεοῦ Παλάτιον , χαῖρε πύρινε Θρόνε , χαῖρε Λυχνία πολύφωτε · χαῖρε μυριώνυμε ΔΕΣΠΟΙΝΑ .

   Ῥάβδος ἐκ ῥίζης Ἱεσσαί βλαστήσασα , χαῖρε Ἀμόλυντε · χαῖρε βλαστῷ ῥάβδου , τῆς Ἀαρωνίτιδος , διαγραφεῖσα πρότερον , μυστικῶς καί βαθέως · ὡς γάρ ἐκείνη τά κάρυα , οὕτω τόν Χριστόν Σύ ἐξήνθησας . 

                                                ☦

                                   ῴδή γ ΄     ὁ εἱρμός .

   Οὐρανίας ἀψῖδος ὁροφουργέ Κύριε , καί τῆς Ἐκκλησίας δομήτωρ , σύ με στερέωσον · ἐν τῇ ἀγάπῃ τῇ σῇ  , τῶν ἐφετῶν ἡ ἀκρότης , τῶν πιστῶν τό στήριγμα  μόνε φιλάνθρωπε .

                                        Τροπάρια 

   Ἰσχυρότατον ὅπλον , χαῖρε πιστῶν ΔΕΣΠΙΝΑ , χαῖρε κραταιά προστασία , χαῖρε ἀντίληψις · χαῖρε βοήθεια ἁμαρτωλῶν · χαῖρε τεῖχος , τῶν προσκαλουμένων Σε χαῖρε τοῦ κόσμου χαρά .

   Σωτηρίας ἀνθρώπων , χαῖρε στεῤῥόν ἔρεισμα · χαῖρε τοῦ Ἀδάμ καί τῆς Εὔας ἡ ἐπανάκλησις , δι ᾿ ἧς ἀπέλαβον , τήν παλαιάν εὐκληρίαν , χαῖρε ἡ ἀνοίξασα πάλιν Παραδεισον .

   Χαῖρε ἄφλεκτε Βάτε · χαῖρε φωτός ὄχημα · χαῖρε τοῦ ἡλίου Νεφέλη , χαῖρε περίδοξε , καί περιλάλητε τοῦ Βασιλέως καθέδρα · χαῖρε Πόλις ἔμψυχε , Χριστοῦ τοῦ ζῶντος Θεοῦ .

   ἈΠΕΙΡΟΓΑΜΕ Μῆτερ , χαῖρε ΑΓΝΗ ΔΕΣΠΟΙΝΑ · χαῖρε ἡ ἀνήροτος χώρα καί ἀγεώργητος · ἡ γεωργήσασα τόν γεωργόν τῶν ἁπάντων , χαῖρε γῆ ἀλήθειαν , ἡ ἀνατείλασα . 

                                              ☦

                                    ῴδή δ ΄   ὁ εἱρμός .

   Σύ μου ἰσχύς Κύριε , σύ μου καί δύναμις , σύ μου ἀγαλλίαμα , ὁ Πατρικούς κόλπους μή λιπών , καί τήν ἡμετέραν πτωχείαν ἐπισκεψάμενος , διό σύν τῷ Προφήτῃ Ἀββακούμ σοί κραυγάζω · τῇ δυνάμει σου δόξα φιλάνθρωπε .

                                         Τροπάρια 

   Ἀνατολή , τοῦ Πατρικοῦ ἀπαυγάσματος , καί ἡλίου τοῦ ἐξανατείλαντος , πρό Ἑωσφόρου ἐκ τοῦ Πατρός , χαῖρε ΘΕΟΤΟΚΕ , Νεφέλη κούφη καί ἔμψυχε · ΠΑΡΘΕΝΕ χαῖρε Μήτηρ , χαῖρε εὐλογημένη , χαῖρε δεδοξασμένη ΠΑΝΑΜΩΜΕ .

   Σύ τό χρυσοῦν θμιατήριον ΔΕΣΠΟΙΝΑ , τοῦ ἀστέκτου καί ἀΰλου ἄνθρακος , ἐν ᾦ ἐκαύθη διαῤῥαγέν , τῆς ἀδαμιαίας παρακοῆς τό χειρόγραφον · διό Σοι χαῖρε κράζω , δι ᾿ ἧς πᾶσιν ἐδόθη , ἡ χαρά καί ἡ τρυφή καί ἡ ἀπόλαυσις .

   Σύ τῶν βροτῶν , δόξα καί κλέος καί καύχημα , καί Ἀγγέλων στέφος καί διάδημα · διό ἡ γῆ καί ὁ οὐρανός , μίαν Ἐκκλησίαν συστησάμενοι παναρμόνιον , τό χαῖρε Σοι βοῶμεν · χαῖρε ΔΕΣΠΟΙΝΑ κόσμου ,χαῖρε πάντων ἀνθρώπων βοήθεια .

  Κλίνη σεπτή , ἥν Σολομών προδιέγραψε κυκλουμένην , δυνατοῖς ἑξήκοντα , χαῖρε ΠΑΡΘΕΝΕ , ἡ κεχρυσωμένη , τοῦ νοητοῦ ἁγιάσματος , λαβίς ἡ θεία χαῖρε , χαῖρε βάτε πυρφόρε · χαῖρε , Πύλη καί κλίμαξ καί γέφυρα .

                                             ☦   

                                   ῴδή ε ΄     ὁ εἱρμός 

    Ἵνα τί μέ ἀπώσω , ἀπό τοῦ προσώπου σου τό φῶς τό ἄδυτον , καί ἐκαλυψέ με τό άλλότριον σκότος τόν δείλαιον , ἀλλ ᾿ ἐπίστρεψον με , καί πρός τό φῶς τῶν ἐντολῶν σου , τάς ὁδούς μου κατεύθυνον δέομαι .

                                         Τροπάρια 

    Νοεράν σατραπείαν , καί τυραννικήν ἐναέριον φάλαγγα , παρελθεῖς ἀλύπως , ἐν καιρῷ τῆς ἐξόδου μου πάρεχε , ἵνα Σοι τό χαῖρε , χαρμονικῶς ΔΕΣΠΟΙΝΑ κράζω , χαῖρε πάντων ἐλπίς ἀκαταίσχυντε .

   Ὡς χαράν συλλαβοῦσα, χαῖρε ὙΠΕΡΑΜΩΜΕ · χαῖρε ΥΠΕΡΑΓΝΕ · χαῖρε τῆς Ἁγνείας , πορφυρόφρουν ἄνθος ἡδύπνοον · χαῖρε Παρθενίας , κοκκοβαφές ἐρυθρόν ρόδον , καί Θεοῦ τό εὐῶδες ὀσφράδιον .

   Μυστική μυροθήκη , χαῖρε τό ἡδύπνοον μύρον ἡ βρύουσα · χαῖρε θεία κρήνη , ἡ τό ὕδωρ τό ζῶν ἀναβλύζουσα ·  χαῖρε ὁ τόν βότρυν , τόν τῆς ζωῆς καρποφοροῦσα , ἀγεώργητος ἄμπελος ΔΕΣΠΟΙΝΑ 

   Ἀδιόδευτε Πύλη , χαῖρε ἥν διώδευσεν Χριστός ὁ Κύριος , πύλας   Παραδείσου  ἡ ἀνοίξασα χαῖρε τῷ τόκῳ Σου · χαῖρε , δι  ἧς χαίρει , ὁ οὐρανός καί γῆ χορεύει , καί τά ἄνω τοῖς κάτω συνάπτονται .

                                               ☦

                                    ῴδή Ϛ΄    ὁ εἱρμός .

   Τήν δέησιν , ἐκχεῶ πρός Κύριον καί αὐτῷ ἀπαγγελῶ μου τάς θλίψεις , ὅτι κακῶν ἡ ζωή μου ἐπλήσθη , καί ἡ ψυχή μου τῷ ἅδη προσήγγισε · καί δέομαι ὡς Ἰωνᾶς , ἐκ φθορᾶς ὁ Θεός με ἀναγαγε .

                                           Τροπάρια 

   Ἡ ἔμψυχος , χαῖρε ΔΕΣΠΟΙΝΑ κόχλος · ἡ κογχύλη , Σῶν Ἀχράντων Αἱμάτων πορφυραυγῆ , ἐρυθράν ἁλουργίδα , τῷ τοῦ παντός Βασιλεῖ πορφυρώσασα · καί γύμνωσιν τήν τοῦ Ἀδάμ , ἡ σκεπάσασα χαῖρε ΠΑΝΥΜΝΗΤΕ . 

   Στηρίζει μέν , τάς καρδίας τῶν ἀνθρώπων φυσικῶς ὁ αἰσθητός ἄρτος ΚΟΡΗ · Χριστιανῶν τάς ψυχάς δέ κρατύνει , τό Σόν Ἅγιον  ᾀδόμενον  ὄνομα · ἐντεῦθεν καί χαρμονικῶς , πᾶσα γλῶσσα τό χαῖρε κραυγάζει Σοι .

   Λυχνία ἡ χρυσαυγίζουσα χαῖρε · Κιβωτός ἡ Θεοχώρητος χαῖρε Σκηνή · χαῖρε ἅγιον Ὄρος · χαῖρε Θεοῦ τοῦ ζῶντος Πόλιε ἔμψυχε · Παλάτιον χαῖρε Χριστοῦ · χαῖρε τέμενος , θεῖον πολύφωτον .

 ὙΠΕΡΑΓΝΕ , ΥΠΕΡΑΜΩΜΕ , χαῖρε , τό τῆς φύσεως ἐξαίρετον ἄνθος , χαῖρε κοινή , τῶν ἀνθρώπων τοῦ γένους φιλοτιμία , καί χάρις θεόσδοτος , τήν ἄτιμον φύσιν τῶν βροτῶν , ἡ τιμήσασα χαῖρε τῷ τόκῳ Σου .

                                             ☦ 

                                   ῴδή ζ΄     ὁ εἱρμός 

   Θεοῦ συγκατάβασιν , τό πῦρ ἠδέσθη ἐν Βαβυλῶνι ποτέ · διά τοῦτο οἱ παῖδες , ἐν τῇ καμίνῳ , ἀγαλλομένῳ ποδί , ὡς ἐν λειμῶνι χορεύοντες , ἔψαλλον · εὐλογητός ὁ Θεός , ὁ τῶν Πατέρων ἡμῶν .

                                         Τροπάρια 

   Ἡ Μόνη Ἀπείρανδρος , ἡ Μόνη Ἄφθορος , χαῖρε ΔΕΣΠΟΙΝΑ ἡ ΠΑΡΘΕΝΟΣ καί Μήτηρ , ἡ παιδοτόκος καί ἀπειρόγαμος · τό ξένον χαῖρε καί φρικτόν μυστήριον , χαῖρε Ἀγγέλων τρυφή , χαῖρε ἀνθρώπων χαρά .

   Σιών πόλις ἔμψυχε , τοῦ Βασιλέως τῶν βασιλέων Χριστοῦ , περί ἧς ἐλαλήθη δεδοξασμένα χαῖρε ΘΕΟΝΥΜΦΕ · χαῖρε ἡ κλῖμαξ , δι ᾿ ἧς μεταβαίνομεν πρός οὐρανόν ἀπό τῆς γῆς , καί ἐκ φθορᾶς εἰς ζωήν .

   Λειμών θεοφύτευτος , εὐώδης κῆπος θεοβλαστούργητος , ἀνεδείχθης ΠΑΡΘΕΝΕ , ἀθανασίας ἄνθος ἀνθήσασα · διό συμφώνως τό χαῖρε Σοι κράζομεν · χαῖρε χαρᾶς χορηγέ , χαῖρε πηγή γλυκασμοῦ .

   Ὑπέρτιμε ΔΕΣΠΟΙΝΑ , ἐξ ᾿ ἀτιμίας παθῶν με λύτρωσαι , ἵνα Σοι χαρμοσύνως , τό χαῖρε κράζω · χαῖρε ἁγνείας πηγή · χαῖρε ταμεῖον πάσης καθαρότητος · χαῖρε δοχεῖον Θεοῦ · χαῖρε χωρίον Χριστοῦ .

                                              ☦

                                   ῴδή  η΄   ὁ εἱρμός 

   Εὐλογεῖτε Παῖδες τῆς Τριάδος ἰσάριθμοι , δημιουργόν Πατέρα Θεόν · ὑμνεῖτε τόν συγκαταβάντα Λόγον καί τό πῦρ εἰς δρόσον μεταποιήσαντα · καί ὑπερυψοῦτε , τό πᾶσι ζωήν παρέχον , Πνεῦμα Πανάγιον εἰς τούς αἰῶνας .

                                       Τροπάρια 

   Ἱεσσαί ἐκ ῥίζης, χαῖρε ῥάβδος βλαστήσασα·χαῖρε ἀποτίστως ἀνθηφοροῦσα , ἄνθος τόν Χριστόν ὡραῖον · χαῖρε πῖον ὄρος , χαῖρε κατάσκιον · χαῖρε Θεοῦ ὄρος, ἐν ᾧ κατοικεῖν ὁ Λόγος , πάντων ηὐδόκησεν , πρό τῶν αἰώνων . 

   Σιδηρᾷ Σου ῥάβδῳ , κραταιᾶς ἀντιλήψεως , ὡς ὑλακτοῦντας κύνας , ὡς ὠρυομένους θῆρας , τά περικυκλοῦντα τήν ταπεινή μου ψυχήν , ἀποσόβει πάθη , δεινῶς πολιοροῦντα , ἵνα τό χαῖρε Σοι ΠΑΡΘΕΝΕ κράζω .

   Ὡραιώθης ὅλη , τόν ὡραῖον ἐν κάλλεσιν , ὑπέρ υἱούς ἀνθρώπων , Χριστόν τεκοῦσα , ἡ ἐν γυναιξίν ὡραία · διό Σοι τό χαῖρε, κράζομεν χαίροντες · χαῖρε ΘΕΟΤΟΚΕ · ΑΓΝΗ ΚΕΧΑΡΙΤΩΜΕΝΗ , χαῖρε τῆς κτίσεως ἐνδοξοτέρα .

   Δανιήλ ὅ εἶδεν , ὄρος πρίν ἀλατόμητον , ΘΕΟΓΕΝΝΗΤΟΡ χαῖρε , ἐξ ᾿ οὗ ἐτμήθη λίθος · χαῖρε Θεοδόχε , ἀνθρακοφόρε λαβίς · χαῖρε , τῶν ἀΰλων , Ἀγγέλων Ἁγιωτέρα · χαῖρε τῆς κτίσεως Τιμιωτέρα .

                                             ☦

                                    ῴδή  θ ΄   ὁ εἱρμός .

   Ἔφριξεν πᾶσα ἀκοή , τήν ἀπόῤῥητον Θεοῦ συγκατάβασιν , ὅπως ὁ Ὕψιστος , ἑκών κατῆλθεν μέχρι καί σώματος  · Παρθενικῆς ἀπό γστρός , γενόμενος ἄνθρωπος , διό τήν ἌΧΡΑΝΤΟΝ οἱ πιστοί ΘΕΟΤΟΚΟΝ μεγαλύνομεν .

                                         Τροπάρια 

   Ἰδού Σε πᾶσαι γενεαί , μακαρίζουσιν τήν Ἀειμακάριστον , ὡς προεφήτευσας ΘΕΟΓΕΝΝΗΤΟΡ , ἐκ θείου Πνεύματος · καί ὡς τεκούσῃ τήν χαράν , τό χαῖρε βοῶσι Σοι · χαῖρε ζωῆς θησαυρέ , χαῖρε κρήνη , ψυχικόν μέλι βρύουσα .

   Ὥρθωσας ΔΕΣΠΟΙΝΑ ΑΓΝΗ , τοῦ προπάτορος Ἀδάμ τό ολίσθημα , καί τῆς προμήτορος Εὔας , τήν λύπην εἰς χαράν ἔτρεψας · ὡς οὖν αἰτία τῆς χαρᾶς , τό χαῖρε βοῶμεν Σοι · χαῖρε χαρά τῶν πιστῶν , χαῖρε τῶν χριστιανῶν τό ἀγαλλίαμα .

   Ἄξιον χαῖρε Σοι βοᾶν , ἐν Σοί γάρ οὐσιωδῶς ἡ ἀΐδιος χαρά ἐσκήνωσεν · ΠΑΡΘΕΝΕ ΚΟΡΗ ΘΕΟΓΕΝΝΗΤΡΙΑ · χαῖρε Παράδεισε τρυφῆς · χαῖρε ἡ χρυσόῤῥειθρος ἀθανασίας Πηγή · χαῖρε νέκταρ ἀληθές , ἡ προχέουσα .

   Νύσσει μου βέλει γλυκερῷ τήν καρδίαν ὁ Σός πόθος ΑΓΝΗ ΠΑΝΥΜΝΗΤΕ · καί ἐκβιάζει με , χαῖρε Σοι κράζειν διά παντός καί βοᾶν · χαῖρε γαλήνιε λιμήν · χαῖρε ἡ ποντίσασα τόν νοητόν Φαραώ , γλυκυτάτη εὐδιάβατος θάλασσα . 

 

 

 

 

                                 ☦☦☦☦☦

 Ε. Κανών τῆς ΘΕΟΤΟΚΟΥ , εἰς τήν μνήμην -ἑορτήν τῶν Ἁγίων Τριῶν Ἱεραρχῶν , ἐν Ἰανουαρίῳ  λ ΄

                                               ☦

Κανών τῆς ΘΕΟΤΟΚΟΥ , ποίημα Ἁγίου Ἰωάννου Εὐχαΐτων  μέ ἀκροστιχίδα :   Τούς προστρέχοντας εἰς Σέ σῷζε ΠΑΡΘΕΝΕ . 

 

                                                ☦

                                   ῴδή α ΄    ἦχος β ΄

                                           ὁ εἱρμός .

   Δεῦτε λαοί , ᾄσωμεν ᾇσμα Χριστῷ τῷ Θεῷ , τῷ διελόντι θάλασσαν , καί ὁδηγήσαντι , τόν λαόν ὅν ἀνῆκε , δουλείας Αἰγυπτίων ὅτι δεδόξασται .

                                        Τροπάρια 

   Τόν εὐσεβῶς , Σέ ΘΕΟΤΟΚΟΝ κυρίως ΑΓΝΗΝ , ὁμολογοῦμεν ἌΧΡΑΝΤΕ , ψυχῆς καί σώματος , χαλεπῶν ἐκ κινδύνων , καί νόσων καί πταισμάτων , Σύ με διάσωσον .

   Ὅλην ἐν Σοί , τῶν χαρισμάτων τήν ἄβυσσον , ἀποκειμένην ἔγνωμεν · διό προσφευγότες , ΘΕΟΤΟΚΕ προθύμως , τῇ Σκέπῃ Σου τῇ θείᾳ διασῳζόμεθα .

   Ὑπέρ ἡμῶν , τῶν Σέ ὑμνούντων δυσώπησον , τόν σαρκωθέντα ΠΑΝΑΓΝΕ , ἐκ τῶν Ἀχράντων Σου , καί Τιμίων Αἱμάτων , ῥυσθῆναι ἐκ πταισμάτων , καί νοσημάτων πικρῶν . 

   Σέ οἱ πιστοί , καύχημα πάντες κεκτήμεθα , καταφυγήν καί στήριγμα , καί ἀγαλλίαμα , καί ψυχῶν σωτηρίαν , ἐλπίδα τε καί τεῖχος ΘΕΟΧΑΡΙΤΩΤΕ . 

                                               ☦

                                     ῴδή γ΄     ὁ εἱρμός .

   Στερέωσον ἡμᾶς ἐν σοί Κύριε , ὁ ξύλῳ νεκρώσας τήν ἁμαρτίαν , καί τόν φόβον σου ἐμφύτευσον , εἰς τάς καρδίας ἡμῶν τῶν ὑμνούντων σε .

                                      Τροπάρια 

   Πρεσβείαις Σου ΑΓΝΗ , Θεόν ὅν ἔτεκες , παράσχου εὐΐλατον Σοῖς  ἱκέταις , τοῖς προστρέχουσιν τῇ Σκέπῃ Σου , καί πιστῶς προσκυνοῦσι Σου τήν κύησιν .

   Ῥημάτων τῆς ἐμῆς ψυχῆς ἐπάκουσον , ΠΑΡΘΕΝΕ δεινῶς ἐκταραττομένης , ἥν εἰρήνευσον ΠΑΝΥΜΝΗΤΕ , ἀεί ταύτην κινδύνων διασῴζουσα .

   Ὅλην μου τήν ζωήν διακυβέρνησον , ΠΑΡΘΕΝΕ ἐλπίς μου και προστασία ,πειρασμῶν καί περιστάσεων , λυτρουμένην , δεινῶν με ΑΕΙΠΑΡΘΕΝΕ . 

   Σοφίαν τοῦ Θεοῦ τήν ἐνυπόστατον , ἀγκάλαις ὡς φέρουσα ΘΕΟΤΟΚΕ , ἐξ ᾿ ἀγνοίας καί πλανήσεως , λυτρωθῆναι τούς ὑμνοῦντας Σε ἱκέτευε .

                                                ☦  

                                   ᾡδή δ ΄    ο εἱρμός .

   Εἰσακήκοα Κύριε , τήν ἀκοήν τῆς Σῆς οἰκονομίας , καί ἐδόξασά σε μόνε φιλάνθρωπε . 

                                      Τροπάρια .

   Τῶν τρυαμάτων μου ΔΕΣΠΟΙΝΑ , τῶν τῆς ψυχῆς , σαρκός τε νοσημάτων , ἡ Θεόν τεκοῦσα , λύσι παράσχου μοι . 

   Ῥιπιζόμενον πάθεσι , καί βίου τρικυμίαις , ἐλπίδι ΠΑΡΘΕΝΕ , καί πίστει βεβαίωσον . 

   Ἐκ περιστάσεως , ῥῦσαι με Μῆτερ Θεοῦ , καί ζάλης καί κινδύνων ταῖς Σαῖς ἱκεσίαις Μόνη ΠΑΝΥΜΝΗΤΕ 

   Χειμαζόμενον κλύδωνι βιωτικῶν , ἐξάρπασον ΠΑΡΘΕΝΕ , πρός τόν Σόν λιμένα καθοδηγοῦσά με .

                                            ☦ 

                                 ᾠδή ε΄      ὁ εἱρμός

   Ὁ τοῦ φωτός χορηγός , καί τῶν αἰώνων ποιητής Κύριος , ἐν τῷ φωτί , τῶν Σῶν προσταγμάτων , ὁδήγησον ἡμᾶς · ἐκτός σου γάρ ἄλλον , Θεόν οὐ γινώσκομεν .

                                      Τροπάρια 

   Ὅπλον ἀήττητον , κατά ποικίλων πειρασμῶν ἔχοντες , τῶν δυσμενῶν , πάσης ἐπηρείας , λυτρούμεθα ἀεί , οἱ Σέ ΑΓΝΗ   ΘΕΟΤΟΚΟΝ , ἐπιστάμεθα .

   Νόμου τό πλήρωμα , ἡ ἀνωτέρα Χερουβίμ τέτοκας , τόν τοῦ Θεοῦ , ἐκ Σοῦ σαρκωθέντα , Υἱόν μονογενῆ · ὅν ὑπέρ τῶν δούλων , τῶν Σῶν ἐξιλέωσαι .

   Τόν τοῦ παντός Ποιητήν , ἐν ταῖς ἀγκάλαις Σου ΑΓΝΗ φέρουσα · τοῦτον ἡμῖν , ταῖς σαῖς ἱκεσίαις εὐΐλατον δίδου , τοῖς νῦν ἐκ καρδίας , πρός Σέ καταφεύγουσιν .

   Ἀπό στενώσεως , τῆς κατωδύνου μου ψυχῆς δέησιν , τῶν οἰκτιρμῶν Μόνη , τῇ τεκούσῃ , τόν αἴτιον Λόγον , προσφέρω ὁ τάλας · οἰκτείρασα σῶσον με .

                                                ☦

                                     ᾠδή Ϛ΄    ὁ εἱρμός 

   Ἐν ἀβύσσῳ πταισμάτων κυκλούμενος , τήν ἀνεξιχνίαστον τῆς εὐσπλαγχνίας Σου ἐπικαλοῦμαι ἄβυσον , ἐκ φθορᾶς ὁ Θεός με ἀνάγαγε .

                                           Τροπάρια 

   Σωτηρίας λιμένα γινώσκων Σε , πλέων πολυφρόντιδος βίου τό πέλαγος , ἐπικαλοῦμαι ΔΕΣΠΟΙΝΑ , κυβερνῆτιν τῆς ψυχῆς μου γενέσθαί Σε .

   Ἐνεδύθην στολήν κακουχούμενος , Μῆτερ ΑΕΙΠΑΡΘΕΝΕ , τῆς ἀφροσύνης μου · ἀλλά ἡ Θεόν κυήσασα , τῆς χαρᾶς τόν χιτῶνα ἀντίδος μοι .

   Ἱερᾶς πολιτείας ἐκπέπτωκα , ῥαθυμῶν ὁ δείλαιος · ἀλλ ᾿ ἐπανάγαγε , Εὐλογημένη ΠΑΝΑΓΝΕ , προσταγαῖς τοῦ Υἱοῦ Σου ῥυθμίζουσα .

   Συμπαθείας με θείας ἀξίωσον , ἡ τόν συμπαθέστατον Λόγον κυήσασα · τόν τῷ ἰδίῳ Αἵματι , ἐκ φθορᾶς τούς ἀνθρώπους ῥυσάμενον . 

                                                ☦

                                    ᾠδή ζ΄  ὁ εἱρμός 

   Εἰκόνος χρυσῆς ἐν πεδίῳ Δεηρᾷ λατρευομένης , οἱ τρεῖς σου Παῖδες  κατεφρόνησαν , ἀθεωτάτου προστάγματος · μέσον δέ πυρός ἐμβληθέντες, δροσιζόμενοι ἔψαλλον · εὐλογητός εἶ ὁ Θεός ὁ τῶν Πατέρων Θεός .

                                      Τροπάρια 

   Σταυρῷ προσπαγείς , ὁ ἐκ Σοῦ σωματωθείς ΘΕΟΓΕΝΝΗΤΡΙΑ , Ἀδάμ διέῤῥηξε τό χειρόγραφον · ὅν νῦν δυσώπει ΠΑΝΑΜΩΜΕ , ἅπαντας κινδύνων ῥυσθῆναι , τούς ἐν πίστει κράζοντας · Εὐλογημένη εἶ Σύ ΑΓΝΗ , τό Θεόν σαρκί κυήσασα .

   Ἐλπίς ἀγαθή , προσδοκία τε πιστῶν ὑπάρχεις ΔΕΣΠΟΙΝΑ · καί νῦν δεόμεθα δωρήσασθαι , τῆς συμπαθείας τό πέλαγος πᾶσι , τοῖς εἰς σέ πεποιθόσι , καί τῶ Υἱῷ Σου κραυγάζουσιν · εὐλογητός εἶ ὁ Θεός , ὁ τῶν Πατέρων ἡμῶν .

   Σκοτίᾳ δεινῇ , τῇ τοῦ βίου συσχεθείς τόν συλλυπούμενον , καί συναλγοῦντα , οὐ κατέλαβον · τῇ Σῇ ΠΑΡΘΕΝΕ λαμπρότητι , λῦσον τήν ἀχλύν τῶν πταισμάτων , καί καταύγασον ψάλλοντα · Εὐλογημένη ΠΑΝΑΓΝΕ , Σύ ἡ σαρκί τόν Θεόν κυήσασα .

   Ὡραίαν στολήν , σωτηρίων ἐντολῶν διά βαπτίσματος , ἀμφιασάμενος ἀπημαύρωσα ,δι᾿ ἀμελείας ὁ δείλαιος · νῦν δέ Σοί προστρέχω ΠΑΡΘΕΝΕ , τόν χιτῶνα αἰτούμενος , τῆς σωφροσύνης  διά Σοῦ , πάλιν ἐνδύσασθαι .

   Ζωῆς ἐκπεσών , ἀκηράτου  μέν τό πρίν ὁ Ἀδάμ σέσωσται · διά τοῦ τόκου Σου νῦν ΠΑΝΑΓΝΕ , τόν ἀῤῥωστίᾳ κρατούμενον , σῷσον , ἐπιῤῥώσασα ΚΟΡΗ , καί ἀξίωσον ψάλλειν Σοι ΑΓΝΗ  · Εὐλογημένη ἡ Θεόν σαρκί κυήσασα . 

                                           ☦

                                  ᾠδή η ΄    ὁ εἱρμός .

   Τόν ἐν καμίνῳ τοῦ πυρός , τῶν Ἑβραίων τοῖς Παισί συγκαταβάντα , καί τήν φλόγα εἰς δρόσον μεταβαλόντα Θεόν , ὑμνεῖτε τά ἔργα ὡς Κύριον , καί ὑπερυψοῦτε εἰς πάντας τούς αἰῶνας .  

                                       Τροπάρια 

   Ἐξασθενεῖ μου νῦν ὁ νοῦς , εἰς τά βάθη ἐκπεσών τῆς ἀτιμίας , ὡς ἐντεῦθεν ποικίλοις περιπαρῆναι κακοῖς , ἀλλά Σύ με ΠΑΡΘΕΝΕ θεράπευσον , τῷ τῆς ἀπαθείας φωτί περιβαλοῦσα . 

   Πύργον ἰσχύος ἀσφαλῆ , καί κρηπίδα καί δρουράν καί προστασίαν , κεκτημένοι Σε πίστει , διασῳζόμεθα νῦν ὑμνοῦντες τόν Τόκον Σου ΠΑΝΑΓΝΕ , καί ὑπερυψοῦντες , εἰς πάντας τούς αἰῶνας .

   Ἀθανασίας διαυγῇ , ἐπιστάμεθα  Πηγήν Σε ΘΕΟΤΟΚΕ , ὡς τεκοῦσα τόν Λόγον τοῦ ἀθανάτου Πατρός , τόν πάντας θανάτου λυτρούμενον , τούς ὑπερυψοῦντας Σε ΑΓΝΗ εἰς τούς αἰῶνας .

   Ῥεῖθρον ἰάσεων ἡμῖν , ἀενάως τοῖς πιστοῖς ΑΓΝΗ πηγάζεις · οὗ τήν ἄφθονον χάριν , ἀπαρυόμενοι νῦν , ὑμνοῦμεν τόν τόκον Σου ΑΧΡΑΝΤΕ , και Σέ ὑπερυψοῦμεν εἰς πάντας τούς αἰῶνας .

                                            ☦ 

                                 ᾠδή θ ΄    ὁ εἱρμός 

   Τόν ἐκ Θεοῦ Θεό Λόγον , τόν ἀῤῥήτῳ σοφίᾳ , ἥκοντα καινουργῆσαι τόν Ἀδάμ , βρώσει φθορᾷ πεπτωκότα δεινῶς , ἐξ ᾿ Ἁγίας ΠΑΡΘΕΝΟΥ , ἀφράστως σαρκωθέντα δι ᾿ ἡμᾶς , οἱ πιστοί ὁμοφρόνως , ἐν ὕμνοις μεγαλύνομεν .

                                      Τροπάρια 

   ΘΕΟΜΑΚΑΡΙΣΤΕ ΚΟΡΗ , τήν ἐλπίδα μου πᾶσαν , προθύμως ἀνατίθημι ἐν Σοἰ · σῶσον με Μῆτερ τῆς ὄντως ζωῆς · καί τρυφῆς ἀενάου , πλησθῆναι καθικέτευε ΑΓΝΗ , τόν ἐν πίστει καί πόθῳ ,Σέ ὕμνοις μεγαλύνοντα . 

   Ἐπιφανεῖσα ΠΑΡΘΕΝΕ , τῆς ψυχῆς μου τόν ζόφον , φωτός Σου ταῖς ἀΰλοις ἀστραπαῖς , αὔγασον Πύλη τοῦ θείου φωτός , καί πυρός αἰωνίου ῥυσθῆναι καταξίωσον ΑΓΝΗ , τόν ἐν πίστει καί πόθῳ , Σέ ὕμνοις μεγαλύνοντα .

   Νενοσηκότας ὁρῶσα , καί ψυχήν καί τό σῶμα , καί βεβλημένους πάθεσι δεινοῖς , τῇ εὐσπλαγχνίᾳ Σου ΔΕΣΠΟΙΝΑ , θεραπεύσασα λῦσον τῶν νῦν παρενοχλούντων λυπηρῶν , ἵνα πάντες Σε ὕμνοις , ἀπαύστως μεγαλύνωμεν .

   Ἐν τῇ γαστρί Σου σκηνώσας ἐκ γαστρός πρό αἰώνων , Πατήρ ὅνπερ ἐγέννησεν Υἱόν , τέλειος γέγονεν ἄνθρωπος · καί Πηγήν χαρισμάτων , Σέ ΘΕΟΜΗΤΟΡ ἔδειξεν ἡμῖν , τοῖς πιστῶς προσκυνοῦσι τήν ἄφραστον Σου Γέννησιν .

 

 

                               ☦☦☦☦☦☦

Ϛ. Κανών τῆς ΘΕΟΤΟΚΟΥ , ἐν τῇ μνήμῃ τοῦ Ἁγ. Μεγαλομ. καί ἰαματικοῦ Παντελεήμονος , ἐν Ἰουλίῳ κζ ΄, ὅς ἐστίν ὁ αὐτός ὡς καί ἐν Σεπτ. κϚ  , Σεπτ. 26 , ἐντ ῇ μνήμῃ τῦ Ἁηίου Ἀποστόλου καί Εὐαγγελιστοῦ , Ἰωάννου Θεολόγου. , ἤτοι ὁ Α ΄ παρ ᾿ ἡμῖν γραφόμενος , καί ἀαφερόμενος , ἤχου β΄ποίημα Ὁσίου Θεοφάνους :  Ὡς ὡραίαν ὡς περικαλλῆ....

 

                                                 ☦ 

     Οὕτως ὁλοκληρώνεται .ΘΕΟΜΗΤΟΡΙΚῌ εὐλογίᾳ , ἡ καταγραφή , συγκέντρωσις τῶν κανόνων τῆς ΘΕΟΤΟΚΟΥ, ἀναφερόμενοι , ψαλλόμενοι , ἀντί κανόνων τῆς Παρακλτικῆς , ἐν τῆ πανηγυρικῇ μνήμῃ τῶν ἑορταζομένων Ἁγίων ·

 

   Εἰς μίαν ἑτέραν ἑορταστικήν μνήμην , εἰς τήν μνήμην καί ἑορτήν , τοῦ ἐν Ἁγίοις Πατρός ἡμῶν Ἰωάννου Ἀρχιεπισκόπου Κων/λεως τοῦ Χρυσοστόμου , ἐν Νοεμ. ιγ , ψάλλεται κανών τῆς ΘΕΟΤΟΚΟΥ, ὁ μικρός παρακλητικός κανών , μέ προσθήκην τριῶν ΘΕΟΤΟΚίΩΝ , καί ὁ κανών οὗτος παραλλείπεται εἰς τήν παροῦσαν ἐργασίαν , καθώς, σύν τῇ ΘΕΟΜΗΤΟΡΙΚῌ εὐλογία , καταγραφήσονται εἰς ἰδιαιτέραν ἑνότητα, τῶν κανόνων , τά δε πρόσθετα ΘΕΟΤΟΚίΑ , συμπεριλήφθησαν μετά τῶν ΘΕΟΤΟΚίΩΝ , ἐν μηνί Νοεμβρίῳ .

 

Ἐπισφραγίζομεν τήν παροῦσαν ἐργασίαν μέ ἕνα εἰσέτι ΘΕΟΤΟΚίΟ  πλ. δ΄ἤχου, , ψαλλόμενον ὡς :...Ἐξέστη ἐπί τοῦτο ὁ οὐρανός    ....., ἐρρανισμένον , ἐκ τοῦ ΘΕΟΤΟΚΑΡΙΟΥ Τοῦ Ἁγίου Νικοδήμου :....

 

Ἀΰλων ἐκ λειμώνων τῶν τῆς ψυχῆς , τῶν ᾴσμάτων τά ἄνθη δρεψάμενος , καί τῇ ῥοῇ μείξας τῶν δακρύων μου ἐν πυρί , τῷ τῆς καρδίας ἔψησα , ΔΕΣΠΟΙΝΑ καί μύρον ἐσκευακώς , τόν ὕμνον ὡς ἡ πόρνη , τούς Σούς Ἀχράντους πόδας , ἐν τοὐτῳ βρέχω κράζων σῶσον με .  

 

Εν Ἱεραποστολῇ    ,βκ ΄Νοεμβ.  λ ΄       30 Νοεμβ. 2020

   

Ἐπιστροφή στά θεομητορικά